OCCITANIA !! Forum


Vous n'êtes pas connecté. Connectez-vous ou enregistrez-vous

Cronica de l'albom 'Oai e libertat' de Massilia Sound System

Voir le sujet précédent Voir le sujet suivant Aller en bas  Message [Page 1 sur 1]

Yellow

avatar
En Preson !
Lo Massilia revèn. 4 ans aprèp 'Occitanista' e la nominacien ai victoires de la musique, lo posse decidèt de si tornar acampar per fin de liurar lei 12 titres de 'Oai e libertat'.

4 longas annadas que siguèran pas esterilas per lei 7 membres dau grop, au vist dei projièts menats entre 2003 e vuèi: 2 discos per Tatou e Blu, Mademoiselle Mareseille e Forever Polida, 1 per Jali e son Soleil FX, e 2,5 per Lux B e Gari, Oaistar, Va à Lourdes, entrecopats de Oaistar in vivo vol. 1.

12 titres doncas. Un albom cort, mens de 50 minutas, mai complèt. Ce que fèt per lo passat lei grands alboms es aqui acampat, lirics afutats, riddims efficaças, e un ton generau entre lo constat sociau e la revendicacien festiva.

Marsilha es aqui mèsa a l'onor dins de troces coma 'Rendez-vous à Marseille' vo au marché du soleil, alara que la ciutat avia estada mèsa de caire dins lei doeis alboms precedents, 3968CR13 e Occitanista, realizats dins la vila de la Ciéutat. Lo disoc commènça emé lo deliri electro hip hop Massilia fai avans, d'un prepaus que sembla dire 'hé, siam nautrei, siam de retorn, nos volian veire eclatats, dissous, mai n'es ren!', portat per una produccien efficaça dei Spliff Brothers, l'escai sota que si dissimulan Gari Grèu e DJ Kayalik. Pauc de convidats per leis enstruments, tot es estat fach a l'ostau darrièr lo samplaire, e solas lei guitaras de Blu e lei percussiens d'Al Bator de Oaistar vènan apondre quauqua musicalitat ai sons digitaus de l'equipa. Aici siam luènh dei recèrcas deis alboms d'avant, que convivian seccien ritmica, enstruments tradicionaus occitans e brasilians.

Podrèm auvir aqui, fora de l'audacios Massilia fai avans, reggae qu'agachan mai vers lo rub a dub old school que non pas vers lo roots, tant coma d'adaptaciens dei riddims a la moda dau costat de Jamaïca. Tatou enterprèta un troç que s'auria pogut trobar dins seis alboms solos, tras que langoros, e subretot tras que mento, 'ton balanlè'.

Si pou arremarcar tanbèn la plaça prèsa per Gari Grèu au micro, que s'avèra liricista carrat e doat, qu'apporta vertadièrament quauqua rèn au duo Tatou/ Jali.

Brut dins lo son, mai tanbèn brut dins lo prepaus. Cop de cor dau vostre servitor au promièr agach de la tracklist, un A l'agonie part.2, reprèsa/ adaptacien? D'un troç present sus la segonda cassèta dau grop, Vive le PIIM, pareissuda en 1990: lo tèxte commènça coma l'originau, la finalitat n'es la mesma, tot en estent mens esplicita e temporala: si povia pas evocar la guèrra frèja en 2007, saria estat ancronic. Lo troç Toujours (... et toujours), segond solo de Jali, es pas sens faire pensarau 'It was a good day' de Ice Cube, un troç datat de la debuta deis annadas 90:



Tatou, alias Mossu T enterprèta èu lo mossèu eponim, Oai e libertat, sota titrat Tati n'inja reviendra, un dei raras titres en francés dau mossu. Resistència si fara pas sensa fèsta, fa 24 ans que lo grop va repeta, s'arrestara pas aqui, dins un troç que celebra lo reseu iniciat per lo grop en 91, la Chourmo, tant coma la memoria d'Hélène André alias Tati n'inja, fondatritz de l'associacien le tipi per l'ajuda ai personas seropositivas e toxicomanas, desapareissuda en 2004:


L'emprecien prencipala es que lei resultas deis elecciens presidencialas an marcada fortament lo grop, e si troba aqui lei mesmeis urgència e envièja de denonciar que dins leis alboms Commando Fada de 1995 e Aïollywood, realisat en 1998 aprèp l'espulsien dau grop de Vitollas per sa comuna FN. Es, a n'aquesto titre pas un asard si la transa finala, Laissa nos passar, s'acaba per Embarca gents de marca, l'entroduccien de l'albom Commando fada.

La revendicacien linguistica a desempuèi longtemps quitat lo domèni de l'explicit, es aqui noirida per l'usatgi normau dau patois sensa justificacien ni esplicacien, e l'aura son que quauquei jornalistas parisencs de la concurrència per dire que 'Massilia c'est sympa, mais on comprend pas les paroles, mais c'est aïoli'. Jogan emé la sintaxi, lei mots, lei rimas, per donar a la lenga son sens normau. Si notara egalament la reprèsa d'un tèxte de Victor Gelu, lo cançonièr marsilhés dau sègle XIX, lo tramblament, tèxte ja cantat per lo grop a l'escasènça de l'edicien per l'Ostau dau pais Marsilhés d'un recuèlh de tèxtes dau poèta e d'un disco d'enterpretaciens de sei cançons.

Au finau, Oai e Libertat si pou resumir en doei mots: Fresc e poletic.

Aprèp 24 ans de micro, lei papets son, coma Soma Riba, totjorn pas fatigats e totjorn en avança sus la scèna reggae francésa, lèstes per bramar e nos emportar dins sa dança...

http://myspace.com/yellowspliff

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum