OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum

Le Deal du moment : -24%
PC Portable Gaming 15.6″ Medion Erazer Deputy ...
Voir le deal
759.99 €

Vous n'êtes pas connecté. Connectez-vous ou enregistrez-vous

Refleicien

+7
admin
Zengi
EUP
joan_cavalier
maime
Danís
Yellow
11 participants

Aller à la page : 1, 2, 3  Suivant

Aller en bas  Message [Page 1 sur 3]

1Refleicien Empty Refleicien Mer 10 Oct 2007 - 23:10

Yellow

Yellow
En Preson !

L' occitan si pou-ti mesclar au capitalisme, vo tot d'au mens l'utilisar, vo es-ti condemnat per totjorn a l'amateurisme associatiu. Parli d'opiniens personalas, pas de faches. Desenvoloparai mon opinien a una autra ora, que siéu mort... Dormida

http://myspace.com/yellowspliff

2Refleicien Empty Re: Refleicien Jeu 11 Oct 2007 - 0:23

Danís

Danís
Adjudant

Io sei mòrt tanben, donc tornarai dins quauquas oras z'explicar melhor, mas per lo moment dise : ni l'un ni l'autre. Punt.

3Refleicien Empty Re: Refleicien Jeu 11 Oct 2007 - 10:03

maime

maime
Lemosin de prumiera !

Vòle far 'na pita responsa. Desja crese que parlas de l'occitanisme e pas de l'occitan. L'occitanisme se pòt boirar emb lo capistalisme de sgur. Lo problema d'Occitània es qu'avem pas 'gut coma los basques o los catalans un capitalisme autonomista a la debuta dau segle XX. Los capitalistes occitans participeren au poder frances e parisenc. Aura, avem que trabalhar per convencer los capistalistes que l'occitan a un interes comerciau. L'identitat pòt esser un element marketing important. E l'usatge marketing de l'occitan pòt esser un median per qu'òm ves mai d'occitan. Per contra, comprene pas perque opausas las associacions e lo capistalisme. L'usatge marketing de l'occitan passara per de las associacions.


Apres, la question per ieu es : volem 'na societat capistalista o pas ?
Per ieu es non. 'Laidonc, ieu, sei condemnat a l'amateurisme associatiu per tot çò que fase. Perque vòle pas de l'efficency dau professionau dau profit.
Balhe 'n autre nom a l'amateurisme associatiu : l'autogestion. Sei segur que nos podrem esser efficent. Pense que nos damandara de mai calcular nòstres mòdes e medians d'accions. Parle d'una maniera generala, parle d'un projecte revolucionari. Per que la defensa de l'occitan a pas d'avenidor en defòra d'un projecte revolucionari anticapitalista. Bon, qu'es nonmas mon opinion...

http://ieumaitot.nireblog.com/

4Refleicien Empty Re: Refleicien Jeu 11 Oct 2007 - 14:20

joan_cavalier

joan_cavalier
Trobador !!
Trobador !!

maime a écrit:Vòle far 'na pita responsa. Desja crese que parlas de l'occitanisme e pas de l'occitan

Oc Yellow, Maime ten rason se parla pas d'occitanISME i'a pas la rima amb amateurISME.

Pel de mai, pensi que totun coneis ma pausicion sus aquò o desenvelopi?

Amistats

Cedric

http://www.myspace.com/joan_cavalier

5Refleicien Empty Re: Refleicien Ven 12 Oct 2007 - 12:31

maime

maime
Lemosin de prumiera !

joan_cavalier a écrit:
Pel de mai, pensi que totun coneis ma pausicion sus aquò o desenvelopi?
Ieu, ne'n sabe pas ren !!!! Benleu ses tu un anarquista occitanocapitalista... Quò m'estonaria pas de te... Content Content Content

http://ieumaitot.nireblog.com/

6Refleicien Empty Re: Refleicien Ven 12 Oct 2007 - 21:27

EUP

EUP
Platussaire
Platussaire

<imng>

aquò's belèu una respònsa... Risolet oblidètz pas queson arribats et son fòrça polits!

http://www.esperaunpauc.eu

7Refleicien Empty Re: Refleicien Ven 12 Oct 2007 - 21:29

EUP

EUP
Platussaire
Platussaire

Refleicien Propa

http://www.esperaunpauc.eu

8Refleicien Empty Re: Refleicien Ven 12 Oct 2007 - 22:36

Yellow

Yellow
En Preson !

EUP a écrit:Refleicien Propa


Es a gents coma tu vò Danis Cantournet que pensi quora pausi aquesta questien... As-ti pas vergonha de far dardènas emé la lenga nòstra?


Mi pòudrias donar conselhs per montar ma boita en occitan?
Clucant

http://myspace.com/yellowspliff

9Refleicien Empty Re: Refleicien Ven 12 Oct 2007 - 23:35

Zengi

Zengi
Trobador !!
Trobador !!

L' occitan si pou-ti mesclar au capitalisme, vo tot d'au mens l'utilisar, vo es-ti condemnat per totjorn a l'amateurisme associatiu
Perqué i a pas qu'aquèra causida ? Estar anticapitaliste, qu'ei estar dens l' 'amateurisme' ? Mes l' 'amateurisme' de qué ?

10Refleicien Empty Re: Refleicien Sam 13 Oct 2007 - 0:53

admin

admin
Trobador !!
Trobador !!

Un jorn, qu'ei encontrat un òmi que disèva " Jo, que'n tribalharèi jamei dens lo mitan occitan (coma regent, o editor, o sabi pas que), pr'amor non pòt pas nhacar la man que't balha de minjadura." Vertat, coma contestar un mitan quan es actor d'aqueth mitan, e quan lo ton argent ven d'aqueth mitan ?

D'un aute costat, quan cerqui suu oèb "occitania", que m'arriva de tombar suu siti d'un gran centre comerciau que s'apèra "OccitaniA" (www.occitania.com). Coneishi pas aqueth lòc, que'm sembla que's troba a l'entorn de Tolosa, mes s'es coma lo Rive d'Arcin que's troba dens la Comunautat urbana de Bordèu, vesi pas tròp ont es la cultura occitana aquí. Donc, avant que d'autes prenen los nostes simbèus, la nosta cultura, sonque tà har de moneda, seré benlèu melhor que sia nosautes qu'ac hasèvan, dens lo respect de la cultura ...

http://omidelafotografia.wordpress.com/

11Refleicien Empty Re: Refleicien Sam 13 Oct 2007 - 8:36

EUP

EUP
Platussaire
Platussaire

pensi que l'a de tot biais un problèma emé l'argent en França, es subretot aquò lo problèma. Perque se ton rapòrt a l'argent es san, e sensa culpabilitat nimai de vergonha, l'a ges de pb per ieu...Preni mon eisemple, dins lo còr de la plana, canti en occitan e es coma aquò que ganhi ma vida, dins espèra un pauc es encara d'occitan e ganhi tamben de sòus em'aquò. L'a t'i quauqu'un aqui que mi poriá dire qu'es mau? M'agrada mai de crear una mena d'economia vertadiera autorn de la cultura occitana que de trabalhar dins leis òbras vò a carrefour coma l'ai fach avans, e de cercar après la jornada au trabalh un pauc de tèmps per far viure la cultura. Lo profesionalisme mèna l'argent que mena segon ieu una resposabilitat de far de cauvas de qualitat encara mai que se fas lei cauvas d'un biais "amateur" (sabi pas coma si ditz en occitan). Perqué soventei fès, se fas una remarca sus lo trabalh, la qualitat, l'artistic vò sabi pas qué, lo fach d'estre amateur es l'eiscusa n°1. Aquò vòu pas dire que siáu d'acordi em'aquèla eiscusa. Mai fau saupre tamben qu'au niveu european tant coma au niveu regionau, per leis instituciens, lo fach que l'aguesse de professionau dins un mitan es un argument per li parlar seriosament.
Occitania, quant de professionaus dins lo mitan? Ieu pensi qu'au mai l'en aurà au mielhs sarà. Perqué es com'aquò qu'un grope culturau pòu devenir una societat. Per lo moment la societat es aquela de l'estat. Dins Bavièra, en Alemanha, l'a de cantons monte an tornat utilisar una moneda locala, ara, en mai de l'euro..fau pensar en tot aquò..

http://www.esperaunpauc.eu

12Refleicien Empty Re: Refleicien Sam 13 Oct 2007 - 9:40

Tiston

Tiston
Occitan Warrior
Occitan Warrior

L'Òmi a écrit:
D'un aute costat, quan cerqui suu oèb "occitania", que m'arriva de tombar suu siti d'un gran centre comerciau que s'apèra "OccitaniA" (www.occitania.com). Coneishi pas aqueth lòc, que'm sembla que's troba a l'entorn de Tolosa, mes s'es coma lo Rive d'Arcin que's troba dens la Comunautat urbana de Bordèu, vesi pas tròp ont es la cultura occitana aquí. Donc, avant que d'autes prenen los nostes simbèus, la nosta cultura, sonque tà har de moneda, seré benlèu melhor que sia nosautes qu'ac hasèvan, dens lo respect de la cultura ...
au nord d'a Limotges i'a 'na comunautat de comunas que se 'pela "Porte d'Occitanie",
qu'a 'n'aira d'implantacion industriala o d'activitat que se 'pela "Occitania"...
http://www.cc87portedoc.com/ , qu'es a costat de l'autorota que se 'pela "L'occitane", l'A20, que fai Vierzon-Limotges-Briva-Montalban...
I'a tanben la famosa marca de produchs cosmetics "L'Occitane en Provence"...
La caissa regionala Miegjorn-Pireneus d'una granda banqua francesa se 'pela "Banque populaire occitane"
Qu'es nonmas dau "marqueting..."

13Refleicien Empty Re: Refleicien Sam 13 Oct 2007 - 9:44

joan_cavalier

joan_cavalier
Trobador !!
Trobador !!

Adieussiatz,

Coma Maime me demandet desenvolopar mon vejaire e auei que teni un drin leser.

Aquela contesta, m'en bremba una autra que se trapa dins lo mitan rock (e se deu trapar dins d'autres mitans musicals per pas diser dins tots) lo dels grops commercials o non.

Ai l'impression per moment, que i'a monde per paur de venir capitalistes an un paur vetadiera de la moneda, partisson doncas del principi qu'un grop que ven produches e disc es comercial (la pieger amb la qual discuteri en arrivet a la conclusion que per qu'un grop sia pas commercial i calia s'amagar dins una balma al fond del trauc del cuòl del monde, e jogar pas que per elis meteis).

Sense cabussar dins l'exces a la Kiss (Cresi que fòra de la bandiera occitana e de dos o tres dacòses lo produches derivats que tenon pas lo sagel de la còla son pas legions), pensi (e i'a un fum de musician aici que mi pensi diran pas l'encontrari) que tot musician soma un jorn de poder viure de la seuna musica.

Oc sem d'unes qu'esperem nos ganhar la vida (ai pas dit faire moneda aquò es diferent) d'un costat la rason blosament umana : ieu d'eisemple teni 30 ans, sosci un d'aquel jorn de m'instalar amb la clinòta e per que pas de faire gojat, me vesi marridament faire present a Nadal al gojat des discs o de libres qu'ai reçaubut a gratis en servici premsa o alara lor diser "Dròtles, aquel mes minjaretz pas qu'un crostet de pan cada jorn çaquelà podretz sentir papa a la radio".
I'a tanben una nocion d'eficaçitat, passeri un an de continuar de faire radio tot en obrant per una centrala de crompadissa de la distribucion brava, e ben, bravei gens, vos prometti que fau mai de trabalh cada jorn en fasent pas que de radio que non pas de me levar a 5o15 del matin (quitament lo dissabte) per anar dins un fregidor gigant fins a 2 oras30 del vespre (at minima) e aprep encadenar la meuna jornada de radio.

Vos dirai que pel moment soi d'ensajar de me perenisar un pòste a la radio (la tòca meuna es pas de me pagar una Harley Davidson o un ostalas amb terrenh de gòlf mercés a Radio Occitania) e tre qu'i serai capitat, ensajarai d'en montar un autre, per qualqu'un mai

Un autre dacòs rapòrt a tot aquò aquel istòra de valor e de benevòlat, coneissi cant d'Occitania onte l'I.E.O s'en veu de las peiras per faire pagar al monde 60€ per an en escotisson per faire corses e pagar un professor, per de que lo monde an la costuma d'aver professors retirats benevòls que prenon pas res coma moneda e doncas lor pareis pas NORMAL de pagar per aprener l'occitan (seria d'ingles o d'allemand se pausarian pas la question) e òc bravei gens aquò far part del sentis uman, se deman vos trapet dins un subremercat e que vesetz una empolha de vin a 1 € e una a 3€, anetz prener la a 3 (o mai cara) per de que vos diretz " Se costa un euro, aquel vin val pas res"

Es atal tanben qu'associacions occitanISTES (e per un còp dirai qu'es una veiròla mai associatISTE qu'occitanISTE) a refuson de pagar còlas musicalas lo pretz que valon e ploran miseria en diguant que tenon pas moneda e que las còlas per "militantisme" venon a gratis o per un repais e lo desfragament (teni un fùm d'eisemples sus aquò m'en vau pas desenvolopar aici, dirai pas que per ieu lo que trapet la solucion amb aquò es Padena).

Darrier punt (o melhor abans darrier), totun dit que se cal brembar de l'istòria d'Occitania, anem ensajar de faire aquò clas (paraulas tirat de l'Alibert per diser "a l'unisson" e que m'estimi fòrça) es que seria pas sus aquela mena de probleme que dins las anadas 70, Joan Pau Verdier foguet vist coma un traidor per de que aviai cometut lo pecat 'aver Phillips coma ostal de disc, se las associacions s'eran pas petassat per crompar en massa disc a ventadorn o Revolum per lo svendre mens cars al seus sòçis (e al monde qu'en volian cal espandir la cultura occitana) ço que far que la FNAC capitavia pas de n'en vendre e doncas arefusavia d'en tornar crompar als artiste e als ostals de discs sos lo preteste que se ven pas.
Pensi que sem pas mai mainatges, sabem totes que malastrosament que nos agradesse o non sem dins un monde capitaliste, e malastrosament se lo volem cambia, lo podrem pas faire que de l'endadins alara òc ganhi de que emplener (e encara tot just) lo fregidor cada mes mercés a l'occitan, mas las oras que passi darrier un micro o d'adobar causas (anoncia d'un projecte brave sus Tolosa leu leu)que menon monde de s'interessar a l'occitan doncas raubi pas lo moneda, la ganhi es different, ço meteis per una còla de musica, un artiste, un patron d'estanquet occitan, moneda permet de viure mas plan usitada permet de faire viure monde.

Un darrier punt (çaquelà m'anetz trapar mesquin)
L'Òmi a écrit:Vertat, coma contestar un mitan quan es actor d'aqueth mitan, e quan lo ton argent ven d'aqueth mitan ?
.

Es qu'aquò pòt esplicar per de que l'occitan es dins aquela situacion al vist dels nombres de professors qu'avem dadins (que doncas son pagats per l'educacion nacionala, doncas l'estat frances e van pas nhacar la man que lor mena mangiscla).

Amistats

Cedric

E.A: Me bota vergonha d'aver ja escrich lo meu còp de morra per Yellow d'aquesta setmana (e soi segur qu'escotatz totes Yellow del diluns al divendres de 6 oras a 7 orras sus www.radiolengadoc.com) benleu aquel afar de moneda sera la tòca d'una de las meunas cronicas venenta (es benleu ço que volias Yellow Diable Content

http://www.myspace.com/joan_cavalier

14Refleicien Empty Re: Refleicien Sam 13 Oct 2007 - 10:34

Gavach

Gavach
Occitan Warrior
Occitan Warrior

Benlèu qu'avètz rason mas macarel es de mèrda.

Es ma participacion a la discutida.

PS: Trabalhi dins l'EN e soi pas dins lo confort de los que trabalhan dins lo mond somiat d'una radio o d'una associacion. Vèsi Occitània (o al mens sos dròlles) tal coma es vertadierament e pas pel prisme d'un mitan tampat sus el meteis. E macarel es de mèrda.

http://conselhamistos.blogspot.com/

15Refleicien Empty Re: Refleicien Sam 13 Oct 2007 - 10:51

Zengi

Zengi
Trobador !!
Trobador !!

Benlèu qu'avètz rason mas macarel es de mèrda
Macarèl es de mèrda non pas per'mor ganha moneda dab occitan, qu'ei de mèrda per'mor lo tipe te ditz: "jo, soi aqui per véner Occitania". Se un dia lo drapèu franchimand au ras de l'occitan serà a la mòda, i en aurà tota ua cagada suus taulèrs de Macarèl ..

Aquò dit, pensi pas qu i aurà quauqu'un aquiu per criticar monde que ganhan moneda mercés a l'occitan. Que siam anticapitalistas o non, que vivem au bèthmiei d'ua societat capitalista, e qu'avem de ganhar moneda per viver com cau. S'ac podem ganhar en ajudar tanben la lenga, tant de bon !

16Refleicien Empty Re: Refleicien Sam 13 Oct 2007 - 11:12

joan_cavalier

joan_cavalier
Trobador !!
Trobador !!

Gavach a écrit: PS: Trabalhi dins l'EN e soi pas dins lo confort de los que trabalhan dins lo mond somiat d'una radio o d'una associacion. Vèsi Occitània (o al mens sos dròlles) tal coma es vertadierament e pas pel prisme d'un mitan tampat sus el meteis. E macarel es de mèrda.

Se seria vexat aquel tesson de la stepa,

Gavach far pas ton remes....ton nas de pòrc e me la joga pas nas de pòrc te pregui, pas a ieu te coneissi tròp per te creire tròp colha per pas entendre ço que te disi: disi pas que lo monde de l'E.N rodon sus l'aure (non Aura ai pas aprlat de tu), sabes ben que coneissi plan la problematica E.N merces a mon anciana amiga, disi simplament que tu as mens de questions de te pausar sus ço que faras l'an que ven (per assabers lo gvern cambiet la lei suls emplecs ajudats, auei lo dia tot emplec ajudat qu'es estat sinhat amb mens de dos ans d'ancianetat a l'ANPE se va faire molzer, lo seu contracte pòt pas esser novelat, doncas vos en faguet pas va i'aver leu de recatatge dins lo mitan associatiu en general (e doncas dins lo quite occitan) e veiretz l'esfach de pas foncionar qu'amb profesionnaus "benevòls".

Per contra, Gavach assegura te, al vist dels projectes de Sarko, pensi que las nòstras situacions se deurian aprochar, malastrosament pas dins la bona dralha tan per ieu que per tu

Potons

Cedric.

E.A: Mèfisa te, ausigueri diser que dins lo teu rodol i'a una epidemia de nenets, mèfi de pas trapar aquela mena de malautia (doncas fas un poton de la meuna part a la teuna gavachette (Simone, lachez la gavachette IOI) mas pas qu'un poton Pesuc

http://www.myspace.com/joan_cavalier

17Refleicien Empty Re: Refleicien Sam 13 Oct 2007 - 12:54

admin

admin
Trobador !!
Trobador !!

Personaument, dinc a ma dintrada en Fac, non sabevi pas çò que volèva har. N'iavèva pas arren que m'agradava. Qu'ei un amic que ara realisa lo son raives : estar vulcanològ ! Aquera ideia, que l'avèva dejà a l'escóla primaria. Jo, qu'ei vertadèrament descubert quauquarren que m'agradava quan ei descubert la cultura occitana. Donc, ara qu'ei trobat, vesi pas perque serèi sonque un "amator" occitan, quan ei la possibilitat de har çò que que'm balha vertadèrament de plaser. Apres, l'EN, quan vesi mon professor d'occitan deu licèu, qu'a ua classa que'n hé occitan sonque tà aver mei de punt au bac, n'ei pas tant de motivacion qu'aquò.
Quan veden lo cas de Rodin, poden veder que poden har avançar la cacunha shens estar professor. Bon, vertat, tot lo monde ne son pas lo Còr de la Plana, e tot lo monde saben pas har de grafisme, mes la cultura occitana es un maine que balha mei d'ua possibilitat. Quan disi que soi estudiant en occitan, lo monde disen "Tu veux etre prof d'occitanT ?" "Non" "Et tu vas faire quoi alors ? C'est un peu bouché comme voie !" "Ben je vais inventer un nouveau métier !".
Tà jo, qu'es aquò l'occitan : credar.

http://omidelafotografia.wordpress.com/

18Refleicien Empty Re: Refleicien Sam 13 Oct 2007 - 13:43

Tiston

Tiston
Occitan Warrior
Occitan Warrior

L'Òmi a écrit:"Ben je vais inventer un nouveau métier !".
Tà jo, qu'es aquò l'occitan : credar.
'qu'es plan, vesem l'influençia daus Fabulous...ben quand t'auras trobat nos ne'n tornaras parlar Content

19Refleicien Empty Re: Refleicien Sam 13 Oct 2007 - 14:07

joan_cavalier

joan_cavalier
Trobador !!
Trobador !!

Tiston a écrit:'qu'es plan, vesem l'influençia daus Fabulous...

E es plan d'aver una influencia dels fabulous Ironic

http://www.myspace.com/joan_cavalier

20Refleicien Empty Re: Refleicien Sam 13 Oct 2007 - 18:39

EUP

EUP
Platussaire
Platussaire

L'Òmi a écrit:
Tà jo, qu'es aquò l'occitan : credar.
De tot biais era una bòna questien, e pensi que fau sortir dau mecanisme de pensada monte l'occitan es morrent e nautrei lo gardem un pauc mai en vida. Aquò si passa sovent, mai pensi que deuriam puslèu pensar qu'avem tot de far, tot d'inventar. L'occitania es pas aièr, es deman.

http://www.esperaunpauc.eu

21Refleicien Empty Re: Refleicien Sam 13 Oct 2007 - 19:14

joan_cavalier

joan_cavalier
Trobador !!
Trobador !!

[quote="EUP"i pensi que deuriam puslèu pensar qu'avem tot de far, tot d'inventar. L'occitania es pas aièr, es deman.[/quote]

A 100 % d'acòrdi....coma le diria lo filosòfe de Caraglio "encara de rota, n'avem encara, e aprep encara mai, es nòstra rota aqueste e nos pia".

Cedric

http://www.myspace.com/joan_cavalier

22Refleicien Empty Re: Refleicien Dim 14 Oct 2007 - 21:22

Yellow

Yellow
En Preson !

Mi pausavi la questien, que constatèri quauquei temps fa que lo cosme èra totjorn tremolat per d'istòrias coma ce que Marti disia dins son autobiografia (l'affaire Jean Paul Verdier), tanbèn aprèp aguèr auvit criticas contra Macarèl man (viéu que l'a gents que l'aiman pas personalament, diéu rèn, que mi dona lo pauc d'argent que ganhi en disent de conarias dins lo pòste, mai pòdi pas daissar dire qu'esto òme faria de bandièiras francésas si n'èra la mòda, ai ben parlat em'èu, t'asseguri que fara ges de concessiens a l'estat vò a la nacien francésa). Criticas doncas contre èu, de la part dei "Mossus" dau mitan occitanista, e de quauqueis autrei joinei qu'envisajan pas de SA per vendre lenga e cultura (avec un grand CUL)... Elei demòran persuadats que l'occitan si dèu acontentar d'una logica anti capitalista. E ièu mi demandi si tot saria pas possible. Lo tèrme d'argent es pas un gròs mòt, e mi pensi que lei que travalhan a RLO, Pais vò Occitània aimarian si ganhar un salàri equivalent a lo de M. Matinalas de France Inter (diéu rèn sus leis intermitents vò lei pròfes d'occitan, son de nantits Escacalassant ).

A ièu m agradaria deman de mi dire, 'vau viure decentament, vau ganhar plen de dardènas emé mon travalh que si fa a radio lenga mòrta', mai uèi es pas la vertat. E s'un jorn ai l'oportunetat de ganhar correctament ma vida alhors, laissarai l'occitanisme de caire sensa regrèts...

Ai pas tròp desenvolopat perdon, mai mi senti pas la fòrça d'argumentar mon prepaus e de m'embrolhar emé quauquei gents... Dormida

http://myspace.com/yellowspliff

23Refleicien Empty Re: Refleicien Dim 14 Oct 2007 - 22:06

joan_cavalier

joan_cavalier
Trobador !!
Trobador !!

Yellow a écrit:Mi pausavi la questien, que constatèri quauquei temps fa que lo cosme èra [...]
Ai pas tròp desenvolopat perdon, mai mi senti pas la fòrça d'argumentar mon prepaus e de m'embrolhar emé quauquei gents... Dormida

Ai trencat per pas faire lo forward complecte

Aquò espanta qualqu'un se disi que soi gaireben a 99% d'acordi amb Yellow:nòta:

http://www.myspace.com/joan_cavalier

24Refleicien Empty Re: Refleicien Dim 14 Oct 2007 - 23:33

EUP

EUP
Platussaire
Platussaire

soventei fès, lei gens penson que sonque l'a una fòrma d'espressien, quau que siegue, en occitan, es un monde a part. Per eisemple: un cd, s'es en occitan, van ti dire que 15 € es tròp car, se metes un còrs de frema sus una imatge es un escandale, se fas de tee shirts, faudriá lei pagar mens de 10 € etc..Mai lei garris, es coma aquò que nautrei fem morir un pauc mai cada jorn la lenga, de considerar que fa pas partida de la vida, que deuriá estre le pais de lala e tinki winki monte tot es a gratis e l'a ren que tusta, que de potonors d'empertot..Per ieu es coma de pensar qu'es una lenga que si deuriá parlar passat 60 ans, a la campanha, dins un mitan rurau. Es parrier. Es metre la lenga entre de parèts. Dins la vida normala, a Bruxelles, Londres, Berlin, l'a de gens qu'an un trabalh, l'a de restaurants italians a Londres, tenguts per d'italians, la de botigas de libres françès a Berlin, de club de Karaté Shotokan a Bruxelles tenguts per de japonés..Onte es lo fotut problèma??Vaqui de gens que vivon de sa cultura, que fan son argent sus sa lenga e sei costumas, ti siás jà dich, dintrant dins un restaurant libanés "ah aqueu capitaliste! fai d'argent emé sa cultura! qué marriàs!" ??? Avant de dire "volem l'occitan aqui, volen l'occitan ailà" belèu que sariá ben de si levar lo det dau cuòu e de començar de far de cavas concrètas. Ieu li eri a Beziers, era ma promièra manif occitana, e m'a agradat de veire tot aqueu monde, lei colègas..mai qué fem??demandam de cavas que podem aguer sensa demandar..coma? emé d'argent..perqué lei catalans e leis alsacians an mens de problèma que nautrei? perqué an lei dardenas..l'argent es lo nervi de guerra, basta qu'aqui l'a ges de guerra segond ieu, siam pas nautrei que si trobam dins de charter, botats fòra dins un pais qu'avem jamai coneigut..a ieu m'agrada pas de far la victima. Siáú pas un d'aquelei conàs que porton de tee shirt de Montsegur e que frapon lei fremas dins de manifs, nimai sempre a plorar que fai 800 ans que lei francès manjon la terra emai la lenga. Segur que tot aquò mi fai pena, mi fa venir lo vòmi quand li pensi. Mai a l'ora d'ara cu's que t'empacha de parlar occitan? cu's que t'empacha de ne'n viure senon quauqueis occitans elei meme que van ti dire de conariás belèu? Segur qu'es pas reconeigut a l'escòla etc. Segur que passa pas tròp a la tv. Mai segond ieu, es pas de demandar a l'estat que va cambiar lei cavas..L'estat francés es clar non? dempuei la revolucien es clar: le français est la langue de l'état, et la seule langue de France. E va pas anar mielhs emé lei projèctes de lei sus lo bilinguisme. Donca qué? esperam encara de l'estat en fent lei victimas? vò ben fem de cavas??Perqué l'estat t'ajudariá mai de durbir una empresa en occitan qu'una empresa en francés per eisemple? Encara un còp, l'occitania segond ieu es deman. E siáú pas un independentista, aquò's un autra questien. Ieu vòli lo respect e la libertat de paraula e de lenga. Fau pas oblidar que siam una minoritat sus lo territòrì occitan de parlar sa lenga (1% o 2% en paca) donca la questien dau pais sarà per un autre temps. Mai per ieu l'indipendéncia, es pas una questien de bastir un pais emé sei frontièras, seis espitaus, sa policia, son armada, son sisteme sociau etc. L'INDIPENDÉNCIA si demanda pas, si pren! FEM LEI CAUVAS.

http://www.esperaunpauc.eu

25Refleicien Empty Re: Refleicien Lun 15 Oct 2007 - 10:36

Yellow

Yellow
En Preson !

EUP a écrit:soventei fès, lei gens penson que sonque l'a una fòrma d'espressien, quau que siegue, en occitan, es un monde a part. Per eisemple: un cd, s'es en occitan, van ti dire que 15 € es tròp car, se metes un còrs de frema sus una imatge es un escandale, se fas de tee shirts, faudriá lei pagar mens de 10 € etc..Mai lei garris, es coma aquò que nautrei fem morir un pauc mai cada jorn la lenga, de considerar que fa pas partida de la vida, que deuriá estre le pais de lala e tinki winki monte tot es a gratis e l'a ren que tusta, que de potonors d'empertot..Per ieu es coma de pensar qu'es una lenga que si deuriá parlar passat 60 ans, a la campanha, dins un mitan rurau. Es parrier. Es metre la lenga entre de parèts. Dins la vida normala, a Bruxelles, Londres, Berlin, l'a de gens qu'an un trabalh, l'a de restaurants italians a Londres, tenguts per d'italians, la de botigas de libres françès a Berlin, de club de Karaté Shotokan a Bruxelles tenguts per de japonés..Onte es lo fotut problèma??Vaqui de gens que vivon de sa cultura, que fan son argent sus sa lenga e sei costumas, ti siás jà dich, dintrant dins un restaurant libanés "ah aqueu capitaliste! fai d'argent emé sa cultura! qué marriàs!" ??? Avant de dire "volem l'occitan aqui, volen l'occitan ailà" belèu que sariá ben de si levar lo det dau cuòu e de començar de far de cavas concrètas. Ieu li eri a Beziers, era ma promièra manif occitana, e m'a agradat de veire tot aqueu monde, lei colègas..mai qué fem??demandam de cavas que podem aguer sensa demandar..coma? emé d'argent..perqué lei catalans e leis alsacians an mens de problèma que nautrei? perqué an lei dardenas..l'argent es lo nervi de guerra, basta qu'aqui l'a ges de guerra segond ieu, siam pas nautrei que si trobam dins de charter, botats fòra dins un pais qu'avem jamai coneigut..a ieu m'agrada pas de far la victima. Siáú pas un d'aquelei conàs que porton de tee shirt de Montsegur e que frapon lei fremas dins de manifs, nimai sempre a plorar que fai 800 ans que lei francès manjon la terra emai la lenga. Segur que tot aquò mi fai pena, mi fa venir lo vòmi quand li pensi. Mai a l'ora d'ara cu's que t'empacha de parlar occitan? cu's que t'empacha de ne'n viure senon quauqueis occitans elei meme que van ti dire de conariás belèu? Segur qu'es pas reconeigut a l'escòla etc. Segur que passa pas tròp a la tv. Mai segond ieu, es pas de demandar a l'estat que va cambiar lei cavas..L'estat francés es clar non? dempuei la revolucien es clar: le français est la langue de l'état, et la seule langue de France. E va pas anar mielhs emé lei projèctes de lei sus lo bilinguisme. Donca qué? esperam encara de l'estat en fent lei victimas? vò ben fem de cavas??Perqué l'estat t'ajudariá mai de durbir una empresa en occitan qu'una empresa en francés per eisemple? Encara un còp, l'occitania segond ieu es deman. E siáú pas un independentista, aquò's un autra questien. Ieu vòli lo respect e la libertat de paraula e de lenga. Fau pas oblidar que siam una minoritat sus lo territòrì occitan de parlar sa lenga (1% o 2% en paca) donca la questien dau pais sarà per un autre temps. Mai per ieu l'indipendéncia, es pas una questien de bastir un pais emé sei frontièras, seis espitaus, sa policia, son armada, son sisteme sociau etc. L'INDIPENDÉNCIA si demanda pas, si pren! FEM LEI CAUVAS.

As dich de grossieretats, as dich 'argent'... Siéu completament d'acòrdi emé tu. En generau quand si fa cavas en òccitan, lei gents dau mitan an l'imprecien qu'es aïoli bolegant à la bonne franquette...

Un eisemple, sara pas Cedric que mi dira lo contràri: lo vilatgi occitan de la feria de besièrs. Aquest'an, l'i avèm agut de grops amators qu'an fach venir per copinagi, per que costava pas tròp, plus quauquei tèstas d'aficha coma Goulams'k, qu'èra aisit, qu'èran dau canton. An pas vòugut, an agut paur d' utilisar tròp d'argent per pagar de bòns gropes, qu'aurian, de sa notorietat fach venir de gents, qu'aurian consomats, qu'aurian fach venir d'argent au vilatgi occitan, au bar vò ai pichòts restaurants tenguts per lei Calandrètas (no comment, elei si fan son argent ansin, mai es d'argent associatiu e occitan, a despart que vendian de coca cola. Haro!)... Prefèran, pluslèu que d'ensajar de seduire la massa, de parlar a son pichòt ghetto occitanista d'acostumats, entre gents que sabon, entre cultureux mesme pron sovent. Parlan de cultura populària a longor de temps mai son elei dins un deliri elitisti rapòrt a n'aquesta cultura populària, ne fan una cava elitista...

Ièu siéu content de vèire gents coma Macarèl vò Adishatz que fan cavas per lo populò, de ràdios que mètan la lenga (e pas forçadament la cultura em un grand CUL) a la portada de tot lo monde. Alara que leis occitanistas normaus, lei que ne fan en defòra de sei cors (que son totstemps de pròfes), vendan de libres literàris, de cavas intelectualas per intellectueux...

L'occitan deu ausar estre populista, a mon avejaire. Es pas un mònde a despart, es pas una alternativa maravilhosa a la crudèutat dau monde. Deu ausar parlar argent, profièch, capitau, entreprèsa. Es pas condemnat a l'alternativa gauchisto-utopica-revolucionàri-d'amphi-mes-couilles...



Dernière édition par le Lun 15 Oct 2007 - 11:21, édité 1 fois

http://myspace.com/yellowspliff

26Refleicien Empty Re: Refleicien Lun 15 Oct 2007 - 11:11

joan_cavalier

joan_cavalier
Trobador !!
Trobador !!

EUP a écrit:soventei fès, lei gens penson que sonque l'a una fòrma d'espressien, quau que siegue, en occitan, es un monde a part. Per eisemple: un cd, s'es en occitan, van ti dire que 15 € es tròp car, se metes un còrs de frema sus una imatge es un escandale, se fas de tee shirts, faudriá lei pagar mens de 10 € etc..

Yellow a écrit:As dich de grossieretats, as dich 'argent'... Siéu completament d'acòrdi emé tu. En generau quand si fa cavas en òccitan, lei gents dau mitan an l'imprecien qu'es aïoli bolegant.

rooh avetz res compres gojats, setz marrits occitanISTES, la moneda per adobar las causas deu esser publica.Ironic
per de que s'anar faire cagar de faire cavas per se ganhar l'argnet pr'amor que basta pas d'anar faire mandigòt e plorar la pietat a la region, al despartament...(senher consol matge, fintats consi los nòstres emplegats son magres, tenon pas que la pèl suls osses, nos cal moneda per lor pagar de pan). Mai greu, ieu tremoli quora ausissi occitanISTES demandar dins certs ciutat (coma es lo cas a Tolosa) dralhas butgetaris especificas ta l'occitan (ço que voldria diser que totes los sectors (creacions artisticas, edicion, ensenhament...) serian dins lo meteis budgecte e que nos manjarem la moneda l'un l'autre.

Sus l'istòria dels pretz completament d'acòrdi amb EUP, vesi pas per de que un camisòt occitan costaria mens car que lo meteis en frances o en ingles: estraçar la cultura val a diser qu'òm considera se meteis que ten pas de valor.

Alprep, mi pensi que i'a tanben un probleme de pegatge amb la realitat: prendrai per eisemples los meus amics de MXL87 que cora sortigueron lo desvirament de "Coca Cola" en "Coma Cal" s fagueron tombar dessus coma que era un escandale que fasian de reclama per Coca Cola (qu'a plan mestier del mitan occitan es plan connegut).

Cresi que i'a un moment ont aquel mitan manca de recul (benleu segon una de las meunas teorias per de que i'a un fùm de monde qu'an causit de prener lo militantisme occitan coma leser per de que lo cors de macramé de lo lor barri era confla.

Amistats

Cedric

http://www.myspace.com/joan_cavalier

27Refleicien Empty Re: Refleicien Lun 15 Oct 2007 - 11:20

Yellow

Yellow
En Preson !

EUP a écrit:soventei fès, lei gens penson que sonque l'a una fòrma d'espressien, quau que siegue, en occitan, es un monde a part. Per eisemple: un cd, s'es en occitan, van ti dire que 15 € es tròp car

M'en foti l'ai reçauput agratis a la ràdiò.

Escacalassant

http://myspace.com/yellowspliff

28Refleicien Empty Re: Refleicien Lun 15 Oct 2007 - 11:28

joan_cavalier

joan_cavalier
Trobador !!
Trobador !!

Yellow a écrit:
EUP a écrit:soventei fès, lei gens penson que sonque l'a una fòrma d'espressien, quau que siegue, en occitan, es un monde a part. Per eisemple: un cd, s'es en occitan, van ti dire que 15 € es tròp car

M'en foti l'ai reçauput agratis a la ràdiò.

Escacalassant

Ieu tanben l'ai reçaubut gratis a la radio e coma soi un bon militant per l'espandiment de l'occitan se lo vòls EUP, te lo fau a 10€ en gravat Escacalassant

http://www.myspace.com/joan_cavalier

29Refleicien Empty Re: Refleicien Lun 15 Oct 2007 - 11:54

EUP

EUP
Platussaire
Platussaire

colhons! Escacalassant vos pòdì mandar de pega solets fotocopiats em'un pauc de pèga e un pincèu... Felicitacions

http://www.esperaunpauc.eu

30Refleicien Empty Re: Refleicien Lun 15 Oct 2007 - 12:09

joan_cavalier

joan_cavalier
Trobador !!
Trobador !!

EUP a écrit:colhons! Escacalassant vos pòdì mandar de pega solets fotocopiats em'un pauc de pèga e un pincèu... Felicitacions

Non manda nos melhor gredons de color e paper blanc, un modele, de pega, un pincel (per contra mèfi se sinhem EUP)

Te i pensi (istòria de menar de misteri sus aquèl forum) Yellow, pensas que podriem mesclar EUP al projecte de reclama "Donut"

Amistats

Cedric

http://www.myspace.com/joan_cavalier

Contenu sponsorisé



Revenir en haut  Message [Page 1 sur 3]

Aller à la page : 1, 2, 3  Suivant

Permission de ce forum:
Vous ne pouvez pas répondre aux sujets dans ce forum