OCCITANIA !! Forum


Vous n'êtes pas connecté. Connectez-vous ou enregistrez-vous

La Talvèra

Voir le sujet précédent Voir le sujet suivant Aller en bas  Message [Page 1 sur 1]

1 La Talvèra le Ven 16 Mar - 13:15

L'Òmi


Invité
Uèi, qu'vs parlarèi de La Talvèra. Mes coma soi un maishant redactor (e tanben un pelièr !), vos vau har un copiar/colar de lor siti officiau, mes pensi que n'aurè pas de chepic dab los drets de diffusion, pr'amor que sera publicitat a gratís !

Creat a la debuta de las annadas 80 per adujar a pagar las recèrcas etnòmusicòlogicas de qualquas personas que volián sauvar e valorisar la musica tradicionala, lo grop La Talvera demorèt plan temps un grop ont totòm podiá venir jogar, plan estacat al repertòri tradicional. Puèi tre las annadas 90 l'orquèstre se professionalisèt, per préne mai o mens sa fòrma d'ara : Daniel Loddo, autor e compausitor, cantaire, crabaire, jogaire de diableton, Céline Ricard al cant, pifre e graile, Fabrice Rougier a las clarigòlas, Serge Cabau o Thierry Rougier a las percussions, Paul Goillot al gimbri e als clavièrs.

D'uèi La Talvera, es un grop, de segur de musica occitana, mas tanben "mirgalhat" : ni ragga, ni "world", ni soncament tradicional, mas ambe un repertòri enriquesit pels encontres ambe los musicians del Massilia Sound System, los repentistas improvisators brasilians. Occitana, mas tanben mediteranenca, tradicionala mas contemporanèa, la musica de La Talvera bastís de plancas, d'un continent a l'autre, d'un temps a un autre...

Poderetz trobar mei de rensenhement suu siti : www.talvera.org
Aqui lo ligam direct per lo atalòg de l'associacion : http://www.talvera.org/oc/catalogue.html

(Les prix des CD sur le site sont bien moins chers que si vous les trouvez chez vos disquaires habituels.)



Dernière édition par le Ven 16 Mar - 13:27, édité 2 fois

2 Re: La Talvèra le Ven 16 Mar - 13:23

L'Òmi


Invité
Per vos balhar l'enveja d'escotar mei enqüèra, vaquí lo tèxt de la cançon Tenguent tenguent, que podetz trobar sus l'album Pòble mon pòble (2003).

TENGUENT TENGUENT
D. Loddo / La Talvèra / Pòble mon pòble.

Tenguent tenguent
Vai tenguent tenguent
Çò que te balha
Tornar mai lo te pren (bis)


Que que fagas que que digas
Que ne ploras o que ne rigas
Dins la vida o sabèm
Es totjorn tenguent tenguent
I a pas cap d’accions gratuitas
Tot se cròmpa, tot s’aquita
Çò que te balhan d’una man
De l’autre lo te tornan panar.

Ieu d’exemples sens messorgas
N’ai un plan ponh dins la cogorda
Se vòls te’n pòdi servir
D’aqui fins a deman matin
En prumièr aquò’s la vida
Que te balhan dins una crida
E quand començas de l’acostumar
D’un còp la te venon desrabar.

Finta cossi fan amb las bèstias
Per lo far endurar lo cabestre
I te balhan un talhon de pan
Mas que se vòlgon daissar dondar.
A l’escòla o dins las familhas
Emplegan aquela pedagogia
Se vòls èsser recompensat
Deves far plèti paure gojat.

E quand siàs dins la vida activa
Es la meteissa filosofia
Se vòls amassar de bons punts
Cal pas jamai faire de fum.
Cal totjorn far alegencia
Totjorn plan estacar la cencha
Cal pas far de reboladis
Se vòls anar al Paradis.

Dins lo mitan de la politica
S’usa tanben aquela pratica
Angues pas veire lo deputat
Se jamai l’ajas pas portat
Sens comptar causa segura
Topins de vin e falsas facturas
Dins los partits o al gobernament
Coneisson plan lo tenguent tenguent.

Los banquièrs an de mèl en boca
Tant qu’òm met d’argent dins la copa
Mas qu’ajas un pichon descobèrt
E te venon plumar coma un vèrm
Quant a l’amor o cal ben dire
Es pas una partida de rire
Se vòls aver de contentament
Cal far tanben a tenguent tenguent.

Qu'esperi los vostes comentaris sus aquèth tèxt.

3 Re: La Talvèra le Ven 16 Mar - 13:30

L'Òmi


Invité
En mei d'aquò, soi amorós de la votz de Celina ...

4 TSSSS... le Mar 20 Mar - 18:43

Danís


Adjudant
Ieu crese que ses pas amorós que de sa votz...

5 Re: La Talvèra le Mer 21 Mar - 2:35

L'Òmi


Invité
Mes ! Que ditz, tu ? N'èra pas a Besièrs la Dauna, donc pòdi pas saver s'es brava !

6 Re: La Talvèra le Ven 6 Avr - 23:12

admin


Trobador !!
Trobador !!
Suu Myspace, que podetz escotar los extracts deu navèth album "Bramadis".

Io, que'n m'agradan pas tròp ... , me cau véder los autes titóls ...

http://omidelafotografia.wordpress.com/

7 Re: La Talvèra le Sam 7 Avr - 1:01

Zengi


Trobador !!
Trobador !!
Cada occitan qu'ei amoros de la talvèra non ? .. Geinat

8 Re: La Talvèra le Sam 7 Avr - 12:33

occitaneta


Occitan Warrior
Occitan Warrior
Cada occitan qu'ei amoros de la talvèra non ? .. Geinat

Ben non ... hihi
a maugrat que'm agrada un chic n'escotarei pas tostemps ... Mes ne soi pas occitan mes occitanA !!!

9 Re: La Talvèra le Sam 7 Avr - 14:47

Danís


Adjudant
L'Òmi, te vòle pas mai parlar :lagrema: ...
M'as deçaugut fòrça, en dire que lo novèu disc de La Talvera era mens bon que los autres d'avant !
Dise pas qu'es mai bon que "Pòble Mon Pòble" sens aver tot auvit, mas per lo moment sei convincut per la quatras cançons en liure-escotar sus lor MySpace.
Té, per te far cagar, te fase lo morre pendent una linha :
:plorant: :lagrema: Non :plorant: :lagrema: Non :plorant: :lagrema: Non :plorant: :lagrema: Non
Veiqui.
Per io la Talvera demòra lo grop Occitan indetronable, representatiu de la mesclanha culturala e musicala (se pòt auvir un aire de fòrro bresilian, per exemple...) que volem per doman...
Prenen lo melhor de la musica occitana (trad, vòle dire), mesclada emb ritmes africans, jazz...
Que far de mai ? Lor sol probleme qu'i podes trobar, Occitaneta, es benlèu que comencem de se far vielhs.
E alara ? A nautres de prener la seguida e de transmeter la flama...

P.S : Espere de veire "Una prada d'OGM a dalhar" en concèrt, quò pòt esser tarrible Exclamacion

10 Re: La Talvèra le Sam 7 Avr - 21:56

occitaneta


Occitan Warrior
Occitan Warrior
Ben que'm desencusi ( mentre que n'aji pas tau har ...) mes qu'es aisit, qu'es ua question de gost ... Si ne l'avevatz pas enquera comprenut que soi un drin mei " Rock and Roll " costat musica ... E quitament que'm arrefusi tad escotar sonque de la oi, deu punk o deu rock o du ska ... ben n'escadi pas ta escotar la Talvèra trop de temps... Ua conçon de quan en quan que va e en concert tanben ... Mès qu'es com aquo ... Pues que'm cau plan tanben assumar la mia arreputacion de caganta, héhé !!! Pesuc Ciblat
Tanben, que'm sembla qu'en Occitania que mancam vertaderament de grops qui bolegan. Pichon mencion especiau entà Lo dalfin, Lo Seriol, Arnapi, Goulamas'k ... Mes segon jo n'es pas enquera pro. E dab lo temps que'm gonfla de mei en mei los "sound system" e los "trad ameliorats..." n'i podi pas arren !!!
Segon jo que'ns caleré mei de grop com pot var sus l'escena catala o vascoata. Deus grops dab musica, ideas, paraulas sonque en occitan com Lod d'Obrint Pas, Betagarri, Inadaptatas e los numeroses autes ...

E qu'ei lo dret de non pas estar com vosautes macareu !! :sorirecunh:

11 Calendrier le Dim 8 Avr - 13:41

Danís


Adjudant
Segur, as lo dret de pas aimar La Talvera, (quitament se pense que las paraulas t'agradarián se las escotavas mai pregondament Cadena Hi-Fi )...
Dise ren, subretot que sei d'acòrdi coma tu per çò qu'es de l'escena occitana.
A despart daus grops de las Valadas Italianas, precursors per çò qu'es dau ròck occitan, nos manca quauqu'un...
En mai, quitament ilhs son plan sus empont, mas sus CD, Lou Dalfin, Lou Seriòl o Lhi Jari fan fòrça trad !
Parièr, los Goulamas'K an lo meriti d'existar, e urosament qu'existan, mas lur manca quauquarren... ( Guitarra )

:idea: = Benlèu que quo es pas dins nòstra cultura Question

La cultura qu'agrada a tot lo monde existará jamai...

12 Re: La Talvèra le Dim 8 Avr - 19:44

Zengi


Trobador !!
Trobador !!
mes la cultura, que bolèga per definicion..

La França es malauda, la cal decentralizar ; Occitània es malauda, la cal descolonizar !
La talvèra !

13 Re: La Talvèra le Dim 8 Avr - 20:31

occitaneta


Occitan Warrior
Occitan Warrior
Bon ben enquera un cop ne soi pas estada clara en parlar.
Qu'aimi las parauLas de la Talvera e que podi idser qu'aimi hort, tot com qu'aimi hort las paraules de Claudi Marti .... Mes aprés musicaument qu'ei deu mau, qu'es tot .... N'escadi pas ta escotar trop de temps qu'es com aquo ....
Que'm caleré deu Goulamas'k dab las paraulas de la Talvèra o de Marti Risolet Progressiu

Apès ne compreni aps en que non es pas la cultura nosta ... Tà jo lo problem n'es pas aciu, de segur que hé part de la cultura nosta tot com d'ua auta ... L'Occitania que's deu tanben estancar de's pensar era tota soleta "vielhota", que'm sembla hort possible ua Occitania dab la soa tradicion mes joena, boleganta e Rock and roll Pirata
Qu'es l'Occitania que defeni !!!
Tanben totjor a perpaus segon jo l'Occitania e donc los occitans e occitanas qu'ac compausan non's balhan los miejans entà escader dens aqueth sens. Per exemple, benleu que'ns caleré estancar de har ua " fixacion" suu tradicionau ( quitament que'ns en cau e qu'arrespecti los grops e la musica trad) e passar a quaqu'arren d'aute...
Fin finau que'm sembla que la musica ocitana qu'es a l'imatge de l'Occitania ... Un drin trop basada suu culturau ...


Occitaneta entà ua Occitania navèra joena qui mescla la modernitat e la tradicion !!!

PS : ne cau pas desbrombar que " Serem ço que bastirem", donc a nosautes de construir e de bastir, en començar dab la musica ( persue pas ...) !!

14 Re: La Talvèra le Lun 9 Avr - 19:53

Danís


Adjudant
Aquèste còp, per io au mens as estada clara Felicitacions

E sei d'acòrdi, io fase la diferencia entre la musica trad e l'autra.
Per çò que pense que la musica trad deu pas segre l'aire de la mòda.

Devem pas far coma los francés e oblidar d'ente venem, e çò que i a agut avant nautres !

Per quò, devem contunhar de far viure la musica trad, la mai anciana de totas nòstras musicas, e crear de l'autre costat la novèla musica occitana.
Un camin en paralèl, qué !

"Que serem çò qui bastirem" bis...

15 Re: La Talvèra le Lun 9 Avr - 21:03

occitaneta


Occitan Warrior
Occitan Warrior
et ben, qu'em d'accordi donc !

16 Re: La Talvèra le Mar 10 Avr - 12:20

Danís


Adjudant
Sem d'acòrdi mas avem botat de temps a l'esser.

"L'incomunicabilitat o la maucomunicacion, simboles dau malaise dins la societat occitana actuala ?"

Avetz quatre oras... Ironic

17 Re: La Talvèra Aujourd'hui à 1:25

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum