municipalas 2008

Pensi qu'es ora de pensar a las municipalas de l'an que ven. Som curios de saber ço que van faire los PNO e Partit occitan dins las granas ciutats.
Per exemple a Tolosa ont lo Conse Mager Moudenc a fait força causas per nosauts amai siague de l'UMP.

Qu'es vrai, qu'aqui seriá con de se presentar contra eu, vau mielhs gardar sas fòrças per un autre endrech (tota faiçon, pas un partit politic pòt se presentar pertot...).
Parier per Rodes, ente lo Censi faguet dau bon trabalh per l'Estivada. Mas pareis que se tronará pas presentar...
Io vòle ben quauqu'un a Bordeu...

sanmarti a écrit:Pensi qu'es ora de pensar a las municipalas de l'an que ven. Som curios de saber ço que van faire los PNO e Partit occitan dins las granas ciutats.
Per exemple a Tolosa ont lo Conse Mager Moudenc a fait força causas per nosauts amai siague de l'UMP.

Aquo me bremba una contesta qu'agueri abans la presidenciala : un pèc me contet que Sarkojoui era per l'occitan e per legalisar la Maria, coma i digueri personalament, quitament se Occitan e Maria son fòrabandits, m'empacha pas de parlar occitan e de fumar Maria.

Aquò dit, la logica es la meteissa per la comuna Moudenc sembla (e te podi diser es pas lo primier atal) fòrça pro occitan, mas de que pensetz, es l'eime occitana o las cartas d'electors occitanas que lo boton atal ? La ciutat mondina conneguet ja aquò amb Baudis (los occitanISTES mondins te diran que Baudis s'interessavia a l'occitan, per de que escriguet libres sus los comtes Raimon (sabetz, los qu'eran capitols-matger de Tolosa de paire en filh)

Amistats

Cedric

Co que es segur es que lo futur consol de mon vilatge seria occitanista.

Pensi qu'es ora de pensar a las municipalas de l'an que ven. Som curios de saber ço que van faire los PNO e Partit occitan dins las granas ciutats.

Me demandi perqué es curios, n'as pas vist las resultas de las legislatius ?..

Ieu vesi las causas de luenh: som pas a Tolosa, mes me sembla qu' el a fait de causas concretas qu'avian pas fait los autres non? L'Ostal d'Occitania, la novela Calandreta,... Segur que las cartas d'electors i son per quicom, mes es naturau, es un ome politic....
Lo Baudis pot escriure de libres suls Comtes de Tolosa, aquo fa pas trop avançar la causa occitana!

Per repondre al Matieu, legislativas e municipalas son causas totalament diferentas. A las legislativas se trata d'elegir 1 deputat que va passar son temps a l'Assemblada Nationala per discutir de leis, alara qu'a las municipalas s' elegis una cola encargada de menar una comuna al quotidian.

A las legislativas se trata d'elegir 1 deputat que va passar son temps a l'Assemblada Nationala per discutir de leis, alara qu'a las municipalas s' elegis una cola encargada de menar una comuna al quotidian.

Completament d'accòrd sus aqueth punt, mes se lo PÒC hè a push près 0.2% tà las legislativas, pensi pas que va har mei d'1% a las municipaus ..

sanmarti a écrit:Ieu vesi las causas de luenh: som pas a Tolosa, mes me sembla qu' el a fait de causas concretas qu'avian pas fait los autres non?.

Pron, finaiset causas d'aici de diser que las a impulsada es quicòm mai...

Dos polits luòcs de vida, que deurian faire viure un 50nat de degun e que n'en fa par viure que 8 de tot petar..per ieu es mai una vergonha (quitament se aimi fòrça lo monde qu'i travalhan) que non pas na capitada, aprep cadun troba sa rota...


Cedric

per un punt Martin perdec son ase!

Dins una eleccion 1% pot cambiar força causas...

Dins una eleccion 1% pot cambiar força causas...

joan_cavalier a écrit:50nat de degun

[Fòra Subjècte]
Aquela emplec dau mòt "degun" es sempre un plaser ! Çò que m'agrada lo mai son lei derivats : degunalitat, degunatge, etc...
Vòli pas endralhar la convèrsa sus d'un autre subjècte mai bòn, siáu passat sus lo siti de Tvist'1 e mi siáu apercebut que compreniáu solament un terç dei mòts emp(l)egats per aquela lenga farlabicada de sabi pas m'onte. E pasmens, ai ges de problèmas per comprene lo gascon, lo lengadocian ò lo limosin. Aqueu "panoccitan" ajuda subretot lei gents un pauc ninòis que vorrián emprendre l'occitan de pas si comprendre ambé lei gents que parlan occitan. Franc d'èstre lingüiste, impossible d'encapar qué que siegue a n'aquesto lengatge esoteric. Lo contrari de sa tòca promiera qué ! Qué pecat de veire tot aquela energia gastada dins un tau projècte volapukesc...
Après que de gents empleguesson de fòrmas arcaïcas o conservatritz de la lenga, mi geina pas, mai de fòrmas alambicadas (es lo mòt just aquita) coma aqueu "degun" substantivat !
Alala Cedric, sabi qu'as la costuma de mesclar un pauc de totei lei dialectes. Tant que s'agís de dialectes occitans passa ben. S'agís fin finala de mòts occitans. Mi geina pas nimai s'emplegues de "paraulas" catalanisantas o ispanisantas, estent que la basa es la mesma que l'occitan e que tot mòt emplegat dins son contèxte pòu èstre de bòn entendre per quaucun acostumat ai lengas latinas. Mai anar pescar un advèrbe coma degun e n'en fabregar un substantiu, es anar un pauc luench dins l'abstraccion. Tè, a Marselha, "degun" es encara fòrça emplegat dins lo lengagi de cada jorn. Pasmens ai jamai ausit degun (!) l'emplegar coma substantiu. Se seriá tan logica aquesta fòrma, vieu pas perqué degun (re!) l'emplegariá jamai encò nòstre.
[/fòra subjècte]

Per quant ai municipalas, serà bessai per ieu lo promier còp qu'anarai votar de ma vida...Gaudin vs Guerini a Marselha, aquò's una batèsta d'elefantàs que la vòli pas mancar !

Aquela emplec dau mòt "degun" es sempre un plaser ! Çò que m'agrada lo mai son lei derivats : degunalitat, degunatge, etc...

Quin s'apèra dejà lo fadat qu'a inventat aquò ?
Completament d'accòrd da ço que dises.

Tà tornar au subjècte, n'èi tostemps pas comprès ço que cambia lo 1 per cent deu partit occitan !!
Lo resultat ridicule deu candidat a las presidenciau Héraut o sei pas qué dens las annadas setantas, ua periòda totun pro positiva tà l'emergéncia de la "politica politiciana" occitana, que deveré empachar lo monde de s'i tornar !

Plan segur, n'èra pas sonque un candidat federaliste, mes las alianças dab un partit socialiste francés qui, dens la realitat militanta tot com dens lo discors, se fot completament de l'occitan e enqüèra mei d'Occitania, aquò n'ei pas de créder (parli quitament pas deu punt sociau-democrat).

Matieu a écrit:

Aquela emplec dau mòt "degun" es sempre un plaser ! Çò que m'agrada lo mai son lei derivats : degunalitat, degunatge, etc...

Quin s'apèra dejà lo fadat qu'a inventat aquò ?

S'apela Arve (Hervé) Cassinhac. Quo es un falord de prumiera, au mens linguisticament (pas umanament, lo coneisse pas personalament).
Mas d'un certe costat, qu'es plan risolier (au segond gras) sas conerias. L'i podem quitament veire una mena de..poesia.
Domatge que tombem sus sos sites a eu quand cherchem daus cors d'occitan sus lo net.