OCCITANIA !! Forum


Vous n'êtes pas connecté. Connectez-vous ou enregistrez-vous

Letra publica de l'IEO Tarn a perpaus d'IDECO

Voir le sujet précédent Voir le sujet suivant Aller en bas  Message [Page 1 sur 1]

admin


Trobador !!
Trobador !!
Joan THOMAS
President de l'IEO de Tarn lo 2 de junh de 2012


Cars amics,

Aprenem amb dòl la decision qu'es estada presa pel CA de l'IEO nacional de licenciar la persona encargada de l'edicion a IDECO. Aquò vòl dire que dins qualques temps, IDECO, sector Edicion e Difusion de l'IEO serà tampat. Solide, que se pòdon comprene de rasons economicas que fan la resulta d'una decision tan brutala. Ça que la, i a benlèu de rasons que fan la decision presa a la lèsta. Uèi, l'IEO de Tarn, vos demanda de soscar a las consequéncias d'aquela decision, de ne parlar entre vosaus, de plaidejar al prèp del president Brechet per que se salve aquel formidable aplech, aquela entrepresa que permet a la lenga de viure.

I a una crisi del libre, de l'edicion, mas qu'es generala e benlèu per las literaturas o l'edicion en general en lenga minorisada pus fòrta, encara plan pus fòrta que per de lengas coma lo francés o l'anglés. Ça que la, cada jorn, formam mai de lectors, cada jorn i a de libres que se vendon, que s'escrivon tamben, pròva d'un dinamisme evident de l'edicion en occitan. Alara, aquela crisi, la cal benlèu gerir, engolir, suportar, amb los mejans adaptats e subretot amb lo recuol necessari.

Soi susprés que sul plan economic se siá pensat, en primièr, a suprimir lo pòste de l'edicion es a dire de la creacion. D'un autre latz, ai de mal a comprene que l'IEO se pòsque aital copar la branca ont es assetat dempuèi mai de 65 ans ! Cossí explicar que se publicarà pas pus als legeires que son de milierats, als difuseires de la literatura nòstra, als correctors que trabalhan dins l'ombra d'Ideco, a las bibliotècas, als corses publics per adultes, a las escòlas primàrias, collègis, licèus, universitats, e als escrivans qu'an tant donat, a tant de monde qu'espèran justament d'Ideco mai d'ample per trabalhar e per serguir una linha editoriala qu'es a se bastir cada jorn. Que lor anam dire ? L'entrepresa es pas rentabla ? Jamai l'occitanisme, jamai l'edicion occitana, an pas viscut dins una ideologia comptabla de rentabilitat. Caldriá ésser pèc per o creire !

Mas ara, ara, que la valentisa e la competéncia de l'Ideco, lo nòstre sector d'edicion e de difusion, montat longament, pacientament, es a mand de desaparéisser per çò que se fan a l'Ieo de causidas economicas salvatjas, ara, cossí se transmetrà e la lenga e la cultura e la nòrma ? Cossí los autres arganhòls de tota mena, tan de Provença que de Gasconha o Lemosin auràn de plaça per saquejar encara melhor la lenga nòstra e per impausar de règlas novèlas e inconscientas, descabestradas, que son pas las nòstras, ni mai las bonas — o sabètz plan— mas que menaràn en un res de temps al caòs, òc tot simplament al caòs ! Alara en un res de temps, tornarem véser florir las vièlhas garrolhas, d'aquelas garrolhas que d'unes espèran per nos fotre encara a còps de pals. E ne serem totes responsables !

Uèi, e deman encara mai, los joves, los pichons e los vièlhs, e tamben totas las institucions politicas an besonh de nosaus, an besonh d'un IEO drech amb son sector d'Edicion e de Difusion. E o sabètz plan, i a dins l'occitanisme, dins l'IEO, un fum de monde que pòdon trabalhar per IDECO . Es a dire per definir una rega editoriala que siá la bona, amb de causidas demest las lecturas dels manuscriches, de refleccions al nivèl de las dralhas de lançar, una refleccion suls publics e lor demanda, lors espers ; una equipa faita pels correctors que legisson tot çò que se publica, e çò qu'es per publicar, qu'an de critèris de seleccion e un sens critic que tot se pòt pas publicar. Cal comprene enfin que lo trabalh d'edicion es un trabalh d'artesan, un trabalh d'art e qu'es pas compatible amb que que siá. Aquò demanda una cèrta autonomia.
Alara, per las rasons economicas demandi a saber perque s'es pas pensat pus lèu a demandar de subvencions consequentas a totas las regions d'Occitania e als CRL ? Cossí aver pas pro d'èime per respectar e ensajar de manténer l'aplech d'occitanizacion que los autres an montat amb tan de trabalh e de pena ?


De còr

Joan THOMÀS
President de l'IEO de Tarn

MOCION VOTADA A L'AG DE L'IEO DE TARN
DISSABTE 2 DE JUNH DE 2012

Acampat en AG l'IEO de Tarn demanda al CA de l'IEO nacional de tornar sus sa decision de licénciar la persona encargada de l'edicion a IDECO çò que met imediatament en perilh l'edicion occitana. Sem contra la liquidacion del Sector que lo libre enrasiga la lenga e protegís la nòrma. Demandam que lo CA mete en plaça un comitat de lectura e una direccion literària per sosténer los professionals.

(Votat lo 2/6/12 Per:160, abstencion1)


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Zengi


Trobador !!
Trobador !!
Complicat de créder que l'IEO pòt aver pb de moneda au putn de licenciar quauqu'un.

Qqn a una idea deu totau de las subvencions que tòca l'IEO ? M'interesseré

admin


Trobador !!
Trobador !!
Aquò sabi pas. Soi pas jamei anat a una AG de l'asso federau (òc, adara se dit federau e pas nacionau), mes sabi pas se los comptes son accessibles per cada membre.
Après lo chepic es a IDECO, dab una gestion incertana despuish quauques temps.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Zengi


Trobador !!
Trobador !!
Van remplaçar lo tipe o van suprimir lo pòste ?

Qualqu'un mai


Guelha de bonda
Guelha de bonda
Zengi a écrit:Complicat de créder que l'IEO pòt aver pb de moneda au putn de licenciar quauqu'un.

Qqn a una idea deu totau de las subvencions que tòca l'IEO ? M'interesseré

950 000 € cada sièis meses !!!! Son claufits de moneda a l'IEO !

Zengi


Trobador !!
Trobador !!
2 milions per an ???!!!!!

admin


Trobador !!
Trobador !!
D'on sortisses aquèth chiffre ?


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum