OCCITANIA !! Forum


Vous n'êtes pas connecté. Connectez-vous ou enregistrez-vous

Que faire per lo Forum Occitània ?

Que faire per sauvar lo fòrum Occitània ?

10% 10% [ 3 ]
38% 38% [ 11 ]
3% 3% [ 1 ]
3% 3% [ 1 ]
14% 14% [ 4 ]
31% 31% [ 9 ]
Total des votes : 29

Voir le sujet précédent Voir le sujet suivant Aller en bas  Message [Page 1 sur 1]

Zengi

avatar
Trobador !!
Trobador !!
Per desvelhar un pauc lo monde ..

admin

avatar
Trobador !!
Trobador !!
Héhé, mercés, èri a escríver un petit tèxte per aquò, mes un bon sondatge es melhor qu'un long discors !


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

admin

avatar
Trobador !!
Trobador !!
Balanci entre las 4, 5 e 6 (e un chic la 3 mes sonque per Facebook).


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Einucent

avatar
Occitan Warrior
Occitan Warrior
Facebook m'a tuaR…

Perticipèi quora demorave a Còrdas, e que lo monde que parlave occitan coma ilhs eran luenh. Dempuèi que suèi tornat a TLS, ne'n sentisse mens lo besunh. Amai trape sus Fbk, lo monde qu'encontrèi sus lo forum.

I vese un interèst per las questions «internas» coma la gran messa Anémauque ò la prog de l'Estivada. Mas quò supausaria que sem tots daus militants de 'na mesma organisacion, e qu'es pas lo cas.

Aprèp, los nuveus que venen «per parlar occitan» si ai pas ren de lor dire…

http://einucent.wordpress.com

Danís

avatar
Adjudant
Ben io sei pas d'acòrd per dire que Facebook o que que sia de mai an tuat lo forum. L'utilitat es pas la mesma, e me sembla que i a de la plaça per chascun sus lo malhum. Io pense que lo principau enemic dau forum...quo es lo forum.

I a una chausa que fau plan veire e sufis de veire las estatisticas : quo es totjorn estat una minoritat que lançava dau subjects, e lo monde respondian (o pas). Quela minoritat ven totjorn, mas lança pas mai de subject (io lo prumier), forçadament, lo demai seguissen pas mai.

Donc de dire que lo forum es mòrt, òc-es, enfin se voletz, mas quo es totjorn aisat de zo dire, coma quo es aisat de criticar un pauc tot e n'impòrta que, sens ensaiar de perpausar que que sia. Mas bon, pareis que quò es l'espòrt nacionau...

Io vene tant sovent sus lo forum qu'avant (benleu m'i sentisse oblijat coma sei administrator), mas participe mens, per çò que tròbe sa fòrma vielhida, tròp secha, pas pro intuitiva, interactiva.

Mas sentisse pas 'quò coma una fin en se : ripolinar un còp lo forum, quò se fai. En mai chas forumactif i a de las mesas a jorn sovent, mas onestament quò fai talament longtemps qu'ai pas 'visat dins la machina... Geinat

Mas vòle bien ensaiar de lo tornar novelar, sei segur que i a de las possibilitats, e de las ideias que podem aver aqui e que seran pas las de Facebook, Twitter, Jornalet etc...

Enfin, quand aurai lo temps...

Serà ben totjorn temps, APRES aver au mens ensaiat de lo sauvar, de dire que lo forum es mòrt e de veire de quau biais volem que chabe sa vita.

Zengi

avatar
Trobador !!
Trobador !!
Se vòs Danis, disi que lo fòrum ei genièc e que me regali a cada còp qu'i vau.
La vertat ei qu'ei completament mort, qu'ei tot. Còps que i a pas un messatge pendent mei d'ua setmana, pas arren lo lendedia de l'eleccion presidenciau, etc.

Donc se prenes aquò per ua critica aisida, tant pis per tu, lo cèop qui vien disi pas arren e deishi lo fòrum ua setmana mei shens nada intervencion.

Danís

avatar
Adjudant
Ai pas dich que lo forum era pas mòrt, e ai pas dich que quo era una critica, quo es un constat que io fau tanben. Mas i tòrne, dire "Lo forum es mòrt", quo es aisat, e diferent de venir en portar las ideias, las envejas personalas per chamnhar quela situacion.

Lo forum aparten a sos forumaires, e es, me sembla, dau mens dins una certa mesura, lo miralh de la situacion occitana.
En partit d'aqui, dau mesme biais que los que passen lur temps a repapiar "la lenga creba" e los que n'en pensen pas mens mas qu'ensaien de despassar quela situacion, i a dos biais de far. Parier per lo forum.

Io perpause de far de la modificacions de fòrma, per començar. E vòle convidar lo monde a venir portar las ideias o balhar lur avis, avançar de las perspectivas per melhorar la chausa.

Zengi

avatar
Trobador !!
Trobador !!
Òc bona idea, lo pb uèi ei pas que lo monde disen que lo fòrum ei mort, mes meilèu que se pausan mèma pas la question de saber s'existeish tostemps.

Danís

avatar
Adjudant
Io pense que se sap que lo forum exista. Dau monde pas connectats (mai sovent pas inscrichs) l'i passen enquera.

Benleu que lo probleme es que l'afar es vielh E conegut, donc un pauc "institucionalizat" anem dire.

Pense totjorn qu'emb una refonta pregonda, per crear un ambient que convida mai lo monde a participar (pense per exemple a de las gestions de mini-blògs personaus), quò se pòt reglar.

admin

avatar
Trobador !!
Trobador !!
Lo forum es a tot lo monde ! (Dens la limita de la lei, vòli pas anar en preson per los mòts deus autes !), podetz har çò que voletz !!! Es çò que me truca despuish la debuta. I avut tròp pauc d'iniciativas deus membres ! Prenetz la plaça ! Danís e jo, avem pas lo monopòli !


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Harald

avatar
Manja-Patanas
Manja-Patanas
Que faire per sauvar lo fòrum Occitània ?

Per exemple, organizar las accions collectivas, los rendètz-vos de membres de fòrum, las partidas et cetera, et cetera. Cada aqueste accion qu'iniciarà l'andada de las discussions (davant e apuèi de l'accion) e qu'atirarà los membres naus.

Lafontan

avatar
Occitan Warrior
Occitan Warrior

Lafontan

avatar
Occitan Warrior
Occitan Warrior
O lo mudar sus FB ?

clafotis

avatar
Occitan Warrior
Occitan Warrior
M'es 'vís que son mants forums realisats entau son sos perfusi's militantas. Fòra quauquas bonas volontats, ne'n defòra d'un noveu eisit, d'una novela convertida per pausar una, doas questions, la vita es gaira desparrièra qu'aquí.

La fauta aus FB, Touit, blògs... ne'n sabe grán res. Per ma perra, sei pas sus FB, sus Touit nimai, e vòle pas i 'nar.
Per los blogs, es parrier, 'na vetz que v'autres atz purar los catars, parlar de la triftonga uïau vocalisida òu* dins lu renver de la chauna de Lascaus a l'atge pre-istoric, be, fau i balhar minjar au cibercaier, e, mai d'una vetz, per res (Dise aquò aquí sus l'òc, mas es parrier per los minja-raiças, passar la 15 receptas, lu filmonet sus Charal=scandale... e viguí la mesma causa per daus gais, daus istorians, daus passionats d'art...). Apres s'estra fach lusir l'embonilh, un joèb, aquò resta paubre d'un punt de vuda de l'interactivat.

Coma far un quauquares mai viu ? òc per las encontras, òc per los mini-blògs, òc per las bonas volontats (apres mas vacanças e la fin de mon « private challenge », jurat, tòrne 'quí un còp la setmana tapuscrire un bilhet (o b'etot tornar prener 'quilhs daus defís).

Vene de consurtar las stats de mon quasern, aüei, una cima de 15 visitas (p'un piau de comentarís mas aquò, l'encausa ne'n es l'escritura ne'n lemosin sòrne) ne'n 10 minutas, v-òc-es, dins lu chapeu, i a d'escrit « patois ».
Coma iò diguet l'òmi sus lu seu de ciberquasernet, 200000 comentarís sus un bilhet a perpaus de la linga, res sus 'queu daus salariats de Tolosa-Marselha-Lemòtges.
Lu quite JPC iò diguet s'etot, un bilhet ne'n occitan, 2~10 comentarís per 100 visitas, un bilhet « en français », 150 per 1000.

Lu probleme es queraque pas dins lu forum.


*òu-òu mesma, òu-òu ente setz vos.

http://rapieta.wordpress.com/

maime

avatar
Lemosin de prumiera !
Lo mai important es pas que lo monde que son sol fàcia lor lenga pueschan trobar dau monde per "parlar" quitament si es virtuau ? Que sia sus lo forum, FB o twitter ?

http://ieumaitot.nireblog.com/

joan_cavalier

avatar
Trobador !!
Trobador !!
Se voletz podem tornar lançar una polemica de las bonas amb Yellow coma lo sabem faire per tornar menar de chuc e de muc ^^

Mai seriosament, se voletz podem ensajar de calcular una mena d'interactivitat forum/medias (alavetz lançi aquo a la buta-buta se vos pareis interessanta la podram melhorar totes amassa). Se s'i fotem mentre medias de la FIMOC (pel moment Radio Pais, Radio Lengad'oc Narbona, La Setmana e Radio Occitania, lo Jornalet es a man de nos rejunher) podem d'eisemple lançar una contesta (ritme de definir, format, contengut...) en diguant a las gens podetz participar via lo forum

De que n'en pensatz ?

http://www.myspace.com/joan_cavalier

Danís

avatar
Adjudant
Perque pas, faudria tot parier adaptar la fòrma. Una mena de "Coverit" (coma fan los mediàs en linha emb Twitter) quò deu esser bossible sus una partida dau forum, emb daus messatges mai cortets, de la mena micrò-blogging

Gavach

avatar
Occitan Warrior
Occitan Warrior
Torni sul forum per balhar mon avis sul sicut:

Quand Danis ditz que FB a pas tuat lo forum, soi pas d'acòrdi per contra quand ditz qu'a pas la meteissa foncion lo rejunhi. L'internet es totjorn anat cap a de rets mai largs e de messatges mai corts. De las listas de difusions ont recebias tos mèls e ont avias lo temps de te poder brandar en tota tranquilitat suls subjèctes qu'interressan VERTADIERAMENT (la linguïstica en general) lo mond occitanista cap als forums, dels forums cap a FB, de FB cap a twitter...

A cada etapa los messatges son mai corts e al nivèl de FB la polemica desapareis al profièch del TOTIS-AMICS. Mas de qu'es una bona discutida entre amics sens una bona polemica?
Quand Cedric ditz que calria tornar lançar de bonas polemicas, e ben soi d'acòrdi amb el. Puslèu que d'anar poirir los sitis d'informacions e degostar la gent, utilizam lo forum per parlar de las causas que fachan! E l'idèa dels jòcs es pas marida tanpauc: veni de tornar legir lo jòc sus panoccitan: un regal. E las devinhòlas sus las fotografias ont calia devinhar ont foguèt presa? Aimable, inteligent, un jòc de gentleman que.

Alara benlèu que calria trobar un mejan per que lo forum sia utilizat del bon biais:
  • Pas per comentar l'actualitat recenta: setmana e jornalet son a posita

  • Pas per comentar la nostra darrièra bandadura: FB es fach per aquò


Mas se s'agis de lançar un vertadièr subjècte coma "Los Provençals vòlon pas èsser occitans, mas nosautres occitan avèm vertadierament enveja que o sian?" lo forum es fach per aquò!

Un forum es adaptat als messatges miègs longs e longs amb pro d'interactivitat per que se pòsca seguir la discutida sens tròps d'esfòrçes. Aqui sa fòrça, aqui son posicionament marketing.

http://conselhamistos.blogspot.com/

Zengi

avatar
Trobador !!
Trobador !!
Obiwan Kenobi a egalitat dab "lançar jòcs e debats", LOL !!

zo

avatar
Occitan Warrior
Occitan Warrior
Quant a ieu, fau un analisi totalament diferent de çò qu'ai pogut legir mai naut. aqueste forum, taplan coma maitas produccions occitanas, es fòrt politisat. D'un forum en occitan es vengut un forum occitanista. E los occitanistas, sabi pas s'avètz remarcat, mas agradan pas a grand monde.
Qualqu'un que vòl far progressar lo sieu nivèl de lenga, o simplament parlar de causas autras que la luta de las classas o d'occitanisme trobarà pas d'interés aqui.
Doncas, per parlar de la vida vidanta, benlèu que facebook es mai adaptat.
Ca-que-la, lo format forum es interessant per fargar de jòcs de lengas, centralisar de videos, o perqué pas en complement de facebook, far de comptes renduts complets d'encontres en occitan etc...

Pelharòt

avatar
Rata-Pinhata
Rata-Pinhata

lo beuge


Palhassa
Palhassa
compreni pas parque sarie mort lo forum. A bessai que devi esser un pau con, bessai, non sàbi. per-amor la de tièras de temps onte la degun per escrure ? Mai aquo es normau, siam toèi din la vida vidanta, ambe toti nostrei magànhas, e si podem pas esser a cent per cent negats din tot aco, mai li siàm... O alora que sièu vertadierament nèçi, digàtz me...
Amistats a toti

joan_cavalier

avatar
Trobador !!
Trobador !!
Adieussiatz,

Soi d'acòrdi amb la debuta de l'intervencion de Zo sul costat "benleu lo que volon sonque practicar s'i trapon benleu pas totjorn) aquò dit la segonda part me geina, ten un costat "pravda" veire "fanzine" que me geina (la Setmana a capitada de se tirar d'aquò a mon sens dempuei lo seu cambiament me semblaria dommatge que lo forum cabusset aqui dadins).
Podi entendre que los que volon sonque parlar se trapesson pas dins discutidas politicas (encara que me semblan sortir un boçin (fora de d'unas participacions) de l'occitano-occitanisme (la politica es tanben un subjecte de la vida videnta que podem abordar) tant soi pas segur que se traparan mielh dins lo rendut compte de l'AG de va sabi pas qu'una seccion de l'IEO dins Losera (sense escorniflar l'IEO Losera)

http://www.myspace.com/joan_cavalier

Sokolovic

avatar
Trobador !!
Trobador !!
Bah... Bessai que l'a tot simplament pas pron de gents que s'interessan au biais de foncionar d'un forum e que son au còp occitan(istas !).

Personalament, es puslèu qu'aguèri un auvari de PC que faguèt que demesiguèri ma participacion. Pasmens, mi sembla totjorn de bòn emplegar aqueu forum, ja que tot lo monde a pas forçadament facebook ò twitter.

En de mai, vieu pas la contradiccion ambé lo jornalet ò la setmana. Tot aquelei mèdias son complementaris... Diriau que lo forum permete de dicutir a n'un nivèu intermediari entre Facebook e lei sits mai serios d'informacion...

Una prepausicion pasmens... Bessai faudria assajar de simplificar lo nombre de categorias, qu'es pas totjorn aisit de si retrobar. Pensi que tres ò quatres partidas bastarian ( Aperitiu / Actualitat / Lenga / Anoncias, ò coma volètz)

Zengi

avatar
Trobador !!
Trobador !!

Soi d'acòrd, cau redusir lo nb de categorias a tot hòrt !

joan_cavalier

avatar
Trobador !!
Trobador !!
Seguida de la discussion sus l'Estivada e de la prepausicion meuna, vos prepausi quicòm (me caldra veire amb Radio Pais e Sem e Serem se l'idea los interessa) teni 4 troçes de "Ok Brigada Internacionala ", 2 en catala ("Al Vent" e "La Grip") e doas en occitans "L'Immortèla" e "Joan Petit") las fotem en difusion regulara sus RP e ROC e prepausem a las gens de balhar lo lor vejaire sus aquela nòva creacion sul forum (podem quitament faire un "teaser" coma se dit en occitan bloç sus tot aquo). Sem de veire la possibilitat de cubrir l'eveniment e d'organisar una contesta a la radio, se podriam tanben apiegjar sus aquò (en tot citant los contributors del forum) podem quitament veire se la chat box exista totjorn de balhar rendetz-vos lo temps del directe e de faire reagir los foromaires en direct (l'idea se agrada a Danis e a l'Omi se podria benleu tornar faire lo temps dels directes que fara la FIMOC a l'Estivada)

http://www.myspace.com/joan_cavalier

admin

avatar
Trobador !!
Trobador !!
Bon donc per sintetizar, fau :

  • cambiar la fòrma (vestissatge, nombre de categòrias...) ;
  • interagir dab la FIMOC (o aute, s'avetz perpausicions...) ;
  • Obiwan Kenobi (que s'amerita una plaça dens aquesta sintesa pr'amor deu nombre de vòte qu'a obtienut).
Concretament, com har ? quauqu'un seré motivat per hargar un navèth CSS ? quaus categòrias amassar ?


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Danís

avatar
Adjudant
Io avia l'ideia dempuei un moment de m'ocupar dau CSS. Quand lo forum a dubert sabia pas far, ai apres dempuei.

Per contra daus CSS n'en fau un pauc de tròp en queu moment, donc se quo es io, quò esperarà la fin de l'estiu, au mens.

Se quauqu'un s'en vòu ocupar avant, o mielhs, a veire. Se quò nos pòt permetre de recrutar un noveu administrator, quo seria pas tròp mau tanpauc, non ? Pense que tu coma io avem un pauc mens lo temps qu'a la creacion...

Se lo vestissatge seguis pas, mauaisat de far çò que perpausa joan_cavalier avant 'questa Estivada. La chatbox patis directament daus problemes de CSS, e a las darrieras novelas fonccionava pas tròp. Mas ajustar de las chausas perifericas au forum, quò es possible tanben (parier, a la debuta sabiam aps far, aqui avem mai de competencias).

Per las categorias, fau perpausar. De tot biais, a v'autres de contunhar a perpausar las melhoracions.

E ObiWan Kenobi de tot biais creba coma un colhon d'un solet còp de talha de Dark Vador dins l'episòde IV. Probleme reglat.

admin

avatar
Trobador !!
Trobador !!
Obiwan Kenobi creba d'un solet còp pr'amor Alec Guiness avèva pas la fe dens la saga Star Wars !


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum