OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum

Le Deal du moment : -24%
PC Portable Gaming 15.6″ Medion Erazer Deputy ...
Voir le deal
759.99 €

Vous n'êtes pas connecté. Connectez-vous ou enregistrez-vous

Internet, un ocean d’escasenças

5 participants

Aller en bas  Message [Page 1 sur 1]

1Internet, un ocean d’escasenças  Empty Internet, un ocean d’escasenças Lun 30 Avr 2012 - 13:25

admin

admin
Trobador !!
Trobador !!

L'edito deu Jornalet d'aquesta setmana es interessant.


Un dels problèmas essencials qu'avèm totjorn agut, los occitans, es la granda dificultat de nos connectar entre nosautres. Occitània es un país plan grand, amb una populacion fòrça dispersada e amb pro vilas importantas. Tot aquò a provocat que los occitans ajam pas una concepcion radiala del país nòstre. Occitània s’es vertebrada en malhum amb fòrça centres politics, culturals, economics e administratius que nos an dividit mai. S'a aqueste problèma general i apondèm la division de la lenga en dialèctes e varietats, pot arribar que los occitans ajam pauques ponches de contacte e de connexion. Demoram dins de realitats diferentas, l’esquina virada los unes als autres. “Divide et impera”, çò disián los romans, e avián rason.

Es un isolament de fòrça sègles, e sèm arribats a un tal ponch que i a d'occitans de Niça que pensan que vivon dins un país complètament diferent del país occitan de Pau. E vice versa. La manca de canals estables de comunicacion a tanben destrusit la consciéncia nacionala. Mas aquò pòt cambiar aicí e ara. L'encastre numeric esquiva totes los problèmas perque sus Internet, i a pas de frontièras, pas de divisions, pas de murs, e i s’aplica quitament pas l’article 2 de la Constitucion Francesa.

Es per aquò que lo ponch d'amassada de la comunitat occitana deu èsser l'encastre numeric. Seriá quicòm de bon se los occitans ne prenguèssem consciéncia e conquistèssem aquel espaci infinit que nos es estat dobèrt. Dins aquel sens, cal que los occitanofòns dobriscam de comptes sus Facebook, sus Twitter, fagam de webs en occitan sus las nòstras associacions o grops. L'encastre numeric es benlèu lo solet endrech ont la nòstra lenga a pas de barrièras ni de trucs, e ont pòt s'exprimir e se desvolopar en tota libertat e amb dignitat. Aprofechem-o. Daissar passar aquesta escasença seriá una error imperdonabla.



jornalet.com, 29 d'abriu 2012
Es una question que me pertòca, pr'amor deu forum, e esperi que serà l'escadença de discutir un chic de l'ahar...



Dernière édition par Òmi le Mar 1 Mai 2012 - 21:48, édité 2 fois

http://omidelafotografia.wordpress.com/

jfrieux


Occitan Warrior
Occitan Warrior

Aqui, es pas tròp lo problèm, i a de monde d'en pertot 10 sus 10 !

Harald

Harald
Manja-Patanas
Manja-Patanas

Qu'ei vertat (ua citation). Mes qu'ei lo problèm mèi seriós -- l'estatut marginau de la lenga occitana en la consciéncia sociala actuala (non la lenga, mes lo patoès).

Alh Òli

Alh Òli
Occitan Warrior
Occitan Warrior

Francament es un còp de mai l'escasença per plorar. Justament, sus internet, lei forums, facebook eca, lei gents si pòdon rescontrar (virtualament, certas), mai au mens escambiar, discutir e lo resta

Permete meme a de gents que s'interessan au patois de posquer parlar entre Tolosa e Nairobi

Harald

Harald
Manja-Patanas
Manja-Patanas

Internet raprocha lo mond.

clafotis

clafotis
Occitan Warrior
Occitan Warrior

Dins aquel sens, cal que los occitanofòns dobriscam de comptes sus Facebook, sus Twitter, fagam de webs en occitan sus las nòstras associacions o grops.

E apres ? Fau 'tendre que las vachas se desbannessen dau jug per 'nar laurar la prada totas solas ?

Ubrir un compte per ubrir un compte aquò fai 'vançar res. Sauv de 'trapar daus comentarís daus-de las linguïste-a-s occitan-a-s, e n'i a de la gent.

Pro de publicacions localas demòstran qu'una consciéncia occitana existís dins lo Creissent. Lai trobam d'erudits, de monografias e de sits web qu'insistisson amb una granda fiertat sus lo fait que la Marcha e Borbonés son lo luòc d'encontre de la lenga d'òc e de la lenga d'oïl. Tot lo movement occitanista deu prene consciéncia, donc, que lo Creissent es una part integranta d'Occitània: de fait, sos abitants se mòstran puslèu favorables au principi d’una valorizacion de la cultura occitana, coma dins la rèsta dau país.

Tirat de :
http://opinion.jornalet.com/lenga/blog/25/lo-creissent-es-occitania
Apres 'ver jugar las purosas 'na vetz de mai, surtir la metòda Coué, v-òc-es, perque non. Aquí maitot, fau i creire.

Me songe que l'internet, 'queu forum per pas iò dire, es un bon topin per boirar las eidèias, far frutjar son arma. Apres per la pinturar d'occitanitat, o pas, manca de passar lu domení virtuau per sautar dins la realitat.

Los soùs « occitanofones » qu'encontre de temps en temps son 'quí daus Amics de la linga d'òc-París. Quò que fai que pourrian estre « occitan-a-s » es lu boiradís daus parlars, e aquò, aimam parlar de nos parlars. Quò que fai que lu son pas, be, justament, es que surtit de las chapelas dialectalas, degun sembla voler dins la catedrala, la paur de s'i pardre (ne'n sei, vòle pas trompar mon monde. Ai res de comun d'un punt de vuda culturau mai 'quela gent).
Entau que siàia (= Amen, per estar dins la metafòra)

Per iò dire tot emb-d-una, òc per la linga, non per l'occitanistan. Es un pauc coma quante v'autres fasetz de las charchas sus la linga araba, setz quasiment fòrça d'aver la religion avecque.

http://rapieta.wordpress.com/

Contenu sponsorisé



Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum