Manifèste occitanista
l'occitanisme prepausa de s'acampar a l'entorn d'un tèxte federator per portar las nostas reivindicacions socialas, ecologicas e culturalas
Amassada a Tolosa 25 de heurèr 15 òras
l'occitanisme prepausa de s'acampar a l'entorn d'un tèxte federator per portar las nostas reivindicacions socialas, ecologicas e culturalas
Amassada a Tolosa 25 de heurèr 15 òras
Car-a-s amigas e amics,
Qu’avançam dens lo noste projècte d’amassar l’occitanisme a l’entorn deu Manifèste Occitanista qui estó difusat a la fin de l’annada 2011 e qui estó debatut a Barbasta lo 10 de deceme.
L’iniciativa qu’interessa de mei en mei de monde qui son en cèrcas d’ua via d’accion entà ahortir lo ròtle sociau e politic de l’occitanisme, o se voletz la soa capacitat d’intervencion dens la vita publica.
Ua amassada que’s debanarà a Tolosa aqueste dissabte 25 de heurèr entà arcuélher personas navèras qui n’an pas enqüèra avut tota l’informacion o qui non podón pas estar presentas a Barbasta au mes de deceme.
L’objectiu qu’ei adara d’amassar lo monde a l’entorn de reivindicacions claras. Que vedem plan l’urgencia de’s mobilizar adara, se volem desvelopar l’ensenhament, los medias, la cultura occitana dens un contexte de restriccion budgetària e de crisi sociau. Que devem har còrda entà pesar suus elegits, suus candidats e sus las eleccions a viéner.
Tot aquò entà díser que volem har conéisher lo tèxte deu manifèste enta méter en plaça un programa d’accion qui nos deveré portar dinc a las eleccions localas de 2014.
Que seram urós de’vs arcuélher lo dissabte 25 de heurèr a Tolosa a la sala deu Pont de las Domaiselas - 7, av. Antoni de Sent Exupèri a Tolosa a 15 h. (Mairie annexe du Pont des Demoiselles, 3ème étage - 7 av St Exupéry (entrée parking Casino)
Après l'amassada, que poderam continuar de discutir a l'entorn d'un veire a l'Estanquet de la Portièra (42 carrièra dels blanquièrs) a 18h30, e la serada sera perlongada dab un concert de la novela cançon occitana, Primael, cap a 21h.
Que trobaratz en pèça junta lo Manifèste Occitanista e tanben lo rendut compte de l’amassada de Barbasta.
S’avem lançat aqueth procèssus de manifèste occitanista, qu’ei après d’aver constatat qu’èm sovent plan sols a portar l’interregionalitat dens las nostes institucions e que’ns cau batalhar cada dia se non volem pas arrecular. Aquò que vòu díser que shens l’ajuda de totas e de tots, non pesaram pas pro. Que’vs convidam totas e tots a vos amassar a l’entorn de la taula entà traçar lo camin qui prenerà l’occitanisme per las annadas qui vienen.
En vos pregar de créder a la nosta determinacion e de las nostas conviccions occitanistas
David Grosclaude - Guilhèm Latrubesse
http://poctolosan.over-blog.fr/article-25-de-febrier-occitanisme-politic-a-tolosa-99195321.html
Dernière édition par Tocas-i si gausas le Ven 17 Fév 2012 - 22:22, édité 1 fois