OCCITANIA !! Forum


Vous n'êtes pas connecté. Connectez-vous ou enregistrez-vous

Quin aviéner tà Occitània ?

Occitània doman, qu'ei

20% 20% [ 3 ]
20% 20% [ 3 ]
20% 20% [ 3 ]
27% 27% [ 4 ]
13% 13% [ 2 ]
Total des votes : 15

Voir le sujet précédent Voir le sujet suivant Aller en bas  Message [Page 1 sur 1]

1 Quin aviéner tà Occitània ? le Dim 2 Sep - 21:01

Zengi

avatar
Trobador !!
Trobador !!
De que s'estripar un moment.. (o pas..)

2 Re: Quin aviéner tà Occitània ? le Dim 2 Sep - 21:24

posoèra

avatar
Occitan Warrior
Occitan Warrior
ben tà jo qu'ei lo quatau ... mes bon, qu'ei sonque çò que voi, pensi pas que sera l'aviéner !!!!

3 Re: Quin aviéner tà Occitània ? le Dim 2 Sep - 21:31

Zengi

avatar
Trobador !!
Trobador !!
Mes qu'es tu que hès l'aviéner, cara Sòfia !

4 Re: Quin aviéner tà Occitània ? le Dim 2 Sep - 21:45

posoèra

avatar
Occitan Warrior
Occitan Warrior
solide, "que seram çò qui bastiram" !! Mes bon a còps qu'em sembla mauaisit !!! La gent ne vòu pas bolegar-se tà l'Occitània, mes pas tanpòc tà ua societat democratica !!!

5 Re: Quin aviéner tà Occitània ? le Lun 3 Sep - 18:01

occitaneta

avatar
Occitan Warrior
Occitan Warrior
Ben jo qu'aimarei plan que sia un estat independant (pas forçament un estat-nacion... e sustot pas dab las conotacions negativas qu'aquó implica). Mes si que cau passar per ua autonomia avans non soi pas au contra!

6 Re: Quin aviéner tà Occitània ? le Mar 4 Sep - 13:23

joan_cavalier

avatar
Trobador !!
Trobador !!
Matieu a écrit:De que s'estripar un moment.. (o pas..)

Adieu,

Encara un sondatge dins lo cal podi pas respondre, lo rebat de ma pensada es "Una nacion autogerida sense estat"

Amistats

Cedric

http://www.myspace.com/joan_cavalier

7 Re: Quin aviéner tà Occitània ? le Mar 4 Sep - 16:37

Zengi

avatar
Trobador !!
Trobador !!
Encara un sondatge dins lo cal podi pas respondre, lo rebat de ma pensada es "Una nacion autogerida sense estat
Mossur lo cagant, te vau aperar Ironic

Totun ta remarca ei interessanta, aimerei plan que precisas ton punt de vista: ço qu'ei ua nacion autogerida concretament ? Se i a pas d'estat, quin ei organizada la societat ? Dab quina realitat sociau tà la nacion occitana ?

8 Re: Quin aviéner tà Occitània ? le Mar 4 Sep - 20:00

ceba e roi

avatar
Guelha de bonda
Guelha de bonda
Matieu ! a jo be'm sembra estranh que trobes cagant quauqu'un qui parle d'autogestion, dab lo drapèth qu'afichas devath deu ton chafre...

après, la "nacion autogerida shens d'estat" non s'apròcharé pas de la perpausicion "federacion de comunas libras" ??
au mon vejaire au mensh, vaquí ua vertadèra definicion de l'autogestion : gobernament au pòble, e aquò peu biais d'un poder principaument assumit au grad lo mei baish qu'i aja (lo vilatge, lo barri, l'enterpresa). au nivèth nacionau (e internacionau solide!) amassada de tots aqueths gobernaments dens ua federacion encargada d'adobar e sincronisar tot aquò... evidentament, libertat d'associacion totau enter cada unitat de poder, revocabilitat deus elegits dens las amassadas, dret d'eleccion tà cadun (e pas nomes taus occitans, si non tanben tà tota persona qui vivia suu territòri pertocat)

que'm sembra totun pro perilhós de's masturbar l'esperit sus un aviéner tan esluenhat, quan n'èm pas fotut tau moment d'amiar quauqu'un d'aute au poder que la familha sarkozy e tota la soa banda... lavetz l'autogestion evidentament qu'i credi m'enfin, soi pas segur que de'n saunejar e de jà bastir plans sus la cometa sia hèra eficaç...


_________________
La ceba fai bèure e manten la sed

9 Re: Quin aviéner tà Occitània ? le Mar 4 Sep - 20:59

Zengi

avatar
Trobador !!
Trobador !!
Matieu ! a jo be'm sembra estranh que trobes cagant quauqu'un qui parle d'autogestion, dab lo drapèth qu'afichas devath deu ton chafre.
N'ei pas sonque ua blaga, disi aquò per'mor lo cedric pòt pas jamèi responer aus questionnaris, lo disi per'mor sabi que serà pas vexat Pirata

au mon vejaire au mensh, vaquí ua vertadèra definicion de l'autogestion : gobernament au pòble, e aquò peu biais d'un poder principaument assumit au grad lo mei baish qu'i aja (lo vilatge, lo barri, l'enterpresa). au nivèth nacionau (e internacionau solide!) amassada de tots aqueths gobernaments dens ua federacion encargada d'adobar e sincronisar tot aquò... evidentament, libertat d'associacion totau enter cada unitat de poder, revocabilitat deus elegits dens las amassadas, dret d'eleccion tà cadun (e pas nomes taus occitans, si non tanben tà tota persona qui vivia suu territòri pertocat)
Completament d'accòrd dab la toa definicion.

que'm sembra totun pro perilhós de's masturbar l'esperit sus un aviéner tan esluenhat, quan n'èm pas fotut tau moment d'amiar quauqu'un d'aute au poder que la familha sarkozy e tota la soa banda... lavetz l'autogestion evidentament qu'i credi m'enfin, soi pas segur que de'n saunejar e de jà bastir plans sus la cometa sia hèra eficaç...
Que sia lo Sarkozy o la Segolena au poder, tà jo cambia pas arren.

Disi aquò dilhèu permor me foti completament d'un estat occitan, mes me sembla que l'elaboracion d'un estat occitan ei mensh [ VOLEVI DISER MEI.. ] utopica (s'ac podem diser atau) per rappòrt a ua logica autogestionnari qui demanda un tribalh a la basa tà cada comuna, ua luta per la basa e tà la basa.
Disi pas qu'ei aisit, mes me sembla mei logic de préner la situacion d'aqueth biais, e tanben en adequacion dab la specificitat occitana.



Dernière édition par le Mar 4 Sep - 21:42, édité 1 fois

10 Re: Quin aviéner tà Occitània ? le Mar 4 Sep - 21:37

ceba e roi

avatar
Guelha de bonda
Guelha de bonda
be completament d'acòrdi dab çò que dises, manca suu punt de sarkozy e royal.. segur que la lor accion non seré pas hòrt dispariera, e que sociau-democracia o neo-liberalisme atlantiste non s'esluenhan gaire. que pensi totun que la victòria deu sarkozy muisha ben la maishanta pausicion de l'esquerra au nivèth electorau ;

sabi pas si m'expliqui ben, lavetz torni intentar... que segolena o sarkozy sia president jo me'n foti, e pensi pas que cambie quauquarren au niveth politic, mès si segolena avèva guanhat, que'ns auré au mensh amuishat que benlèu existiva enqüèra ua consciéncia d'esquerra dens lo nòste bèth pais (pr'amor l'electorat d'esquerra e los caps de partits de pseudo-esquerra non son pas los medishs).

la victòria deus populars, e victòria large susquetot dens mantuns parçans d'occitània (espiatz los arresults de l'UMP en provença, qu'ei de dòu suportar... vertat que'n occitània occidentau n'ei pas la medisha cançon), que muisha plan la volontat deu pòble de l'estat francés, volontat pas gaire progressiva peu moment, en tot cas pas pro entad esperar que la situacion (economica, sociau, culturau, nacionau !) e's milhore lèu


_________________
La ceba fai bèure e manten la sed

11 Re: Quin aviéner tà Occitània ? le Mar 4 Sep - 21:55

Danís

avatar
Adjudant
Io ai pas respondut a queu sondatge, perque mon ideia i es pas representada, desjá (n'en dirai pas mai) e puei me damande...me damande se quo es pas botar la chareta avans los buòus que de parlar d'un estatut per una nacion qu'exista pas, per la majoritat dau monde, e una bona part daus occitanistes...

Après, quò es una question de definicion, e aqui, ai cherchat, occitania es una nacion per çò que reïvindica una cultura, una istòria...

Mas pense vertadierament que quo es pas a nautres de pensar a un estatut, quo será lo trabalh de la generacion seguenta (se n'i a una). En esperar, fau concientisar lo monde a l'occitan en generau, en ben lur montrar quala diferencia i a entre Paris e la "Province" (mai que mai dempuei las eleccions, io vese clarament la França trencada en dos...). Far de politica, mas indirecta, se pode 'pelar 'quò entau...

Après, aus que me van respondre qu'un pòt far a l'encòp de la politica e dau culturau, informacion e tot 'quò, respondrai que io personalament, i aribe pas.
Se tots los que demoren en Occitania son concientisats, alara la question pausada aqui mai naut tornará sus lo davant de la scena, e lo pòple chausirá... per lo melhor o per lo pièger...

12 Re: Quin aviéner tà Occitània ? le Mar 4 Sep - 21:57

Zengi

avatar
Trobador !!
Trobador !!
mès si segolena avèva guanhat, que'ns auré au mensh amuishat que benlèu existiva enqüèra ua consciéncia d'esquerra dens lo nòste bèth pais
Que sia clar, disi pas que esquèrra e dreta son la medisha causa, quitament se votarèi jamèi per lo P.S.F. Que prefèri véder ua gasconha 'ròsa' que non pas ua provença 'blua'.

Totun (e òc, que i a un totun Content ), tà jo n'ei pas ua consciéncia d'esquèrra qui vota tà d'ua candidata que hè campanha sus lo drapèu blu-blanc-roi, que hè tòca tòca dab la dreta crestiana de Vairon, qui n'a pas tot simplament un programa d'esquèrra (shens anar cercar la vertadèra definicion deu mot socialisme, aquesta l'an deishat desempuish 1921..).

13 Re: Quin aviéner tà Occitània ? le Mar 4 Sep - 22:15

ceba e roi

avatar
Guelha de bonda
Guelha de bonda
dànis, jo pensi qu'uèi lo dia s'i a ua diferencia enter occitània e frança (parli pas tà las autas nacions, enqüèra que'u bascoat e catalonha au mensh amassen las medishas condicions haut o baish), ne's troba pas mei au nivèth de la lenga : casi tot lo món parla francès avant de la soa lenga istorica, e quitament shens accent adara. s'existeishen enqüèra las nacions nòstes(d'un punt de vista objectiu, shens de parlar de la conscientisacion escassa deus pòbles), pensi que's troba au grad de la dominacion politica e economica que pateishem : regions dedicadas sancerament au torisme de massa e shens que sian consultadas las populacions, pauc o pas de poder politic tà las colectivitats teritoriaus (los quites representants originaris de las nòstes regions que's vàden parisencs puslèu qu' auta causa tantlèu arribat au poder), adobament deu territòri segon los interes deu nòrt (espiatz las òbras de la SNCF : linhas grana velocitat pertot, e desapareishuda deus trens regionaus), foncion publica centrada a paris.... la lenga e la cultura occitana qui desapareishen, segur qu'ei un problem, mès au mon vejaire pas lo principau problema de l'occitània uèi lo dia, au mensh pas l'unic !

matièu, soi pas segur que'u món eligia vertadèrament après d'aver legit un programa, en tot pas la màger part deu món. au mon vejaire, que votan per acostuma, com reaccion a uas socialisacions (socialisacions qui rebatan plan sovint l'existència de las classas sociaus, a maugrat de çò que martelejan los nòstes arrepresentants). des·heni pas lo PSF, mès des·heni lo lor electorat o au mensh ua part d'aqueth electorat; segur, seràn pas eth qui impulsaràn la revolucion sociau, mès son totun, sovint, món conscientisat (pas a las questions nacionaus, d'acòrdi, m'enfin qui ei conscientisat a las questions nacionaus en frança uèi lo dia ?), pas los fachas d'en fàcia...
après un còp de mei, disi aquò shens de des·héner lo PSF > pas jamei votèi tad aqueths, esperi que pas jamei ac haréi ; m'enfin l'electorat soc-dem n'ei pas l'electorat de l'UMP, aquò que volèvi insistir dessus.


_________________
La ceba fai bèure e manten la sed

14 Re: Quin aviéner tà Occitània ? le Mar 4 Sep - 22:45

Zengi

avatar
Trobador !!
Trobador !!
Io ai pas respondut a queu sondatge, perque mon ideia i es pas representada, desjá (n'en dirai pas mai)
Qu'ei de dòu har, se m'explicas pòdi l'adobar a la lista non exaustiva.

me damande se quo es pas botar la chareta avans los buòus que de parlar d'un estatut per una nacion qu'exista pas, per la majoritat dau monde, e una bona part daus occitanistes...
Qu'em d'accòrd, n'ei pas tà doman mes empacha pas de reflechir sus ço que volem tau futur. Ua idea, abans que s'acaba lo camin, cau plan la har vader.

m'enfin l'electorat soc-dem n'ei pas l'electorat de l'UMP, aquò que volèvi insistir dessus.
Qu'em d'accòrd, se pòt trobar monde d'interessant en lo mitan socialiste, totun la societat que defenen, e qui volen, ei tot simplament pas la mea.

15 Re: Quin aviéner tà Occitània ? le Mar 4 Sep - 22:52

ceba e roi

avatar
Guelha de bonda
Guelha de bonda
Matieu a écrit:Qu'em d'accòrd, se pòt trobar monde d'interessant en lo mitan socialiste, totun la societat que defenen, e qui volen, ei tot simplament pas la mea.

be, n'ei pas la mia tanpauc... m'enfin çò que volevi díser a la debuta, b'èra que lo vòte sarkozi rebatava ben l'estat de las consciéncias en frança, e las possibilitats de miar ua luta de classa a grana escala uèi lo dia... e non comptavi pas dens aqueth constat pessimiste los reformistes-sociau-traidors deu PSF ;
tot aquò tà brembar qu'ei ben interessant de charrar de l'aviéner d'occitània e deu sistemi politic qui convendré mielhs au pòble nòste, mès qu'avant de tot aquò, i avèva tot un pòble de conscientisar, e pas nomes suus punts culturaus.... tornar balhar a las lutas d'esquerra un pes e ua legitimitat pro estalabornits aqueths dias !


_________________
La ceba fai bèure e manten la sed

16 Re: Quin aviéner tà Occitània ? le Mar 4 Sep - 23:08

Zengi

avatar
Trobador !!
Trobador !!
çò que volevi díser a la debuta, b'èra que lo vòte sarkozi rebatava ben l'estat de las consciéncias en frança, e las possibilitats de miar ua luta de classa a grana escala uèi lo dia
Pensi que los qui votan Sarkozy son per la magèr part monde qui son completament apolitisats, qui coneishen arren a la situacion e l istòria sociau-eco-culturau deu lor pais e qui créden lo tipe qui parla lo mei plan.

Que serén estasunidenc (sei pas mei quin cau diser), que votarén Bush tot simplament.

mès qu'avant de tot aquò, i avèva tot un pòble de conscientisar, e pas nomes suus punts culturaus
Exactament.

17 Re: Quin aviéner tà Occitània ? le Mar 4 Sep - 23:16

Danís

avatar
Adjudant
ceba e roi a écrit:
tot aquò tà brembar qu'ei ben interessant de charrar de l'aviéner d'occitània e deu sistemi politic qui convendré mielhs au pòble nòste, mès qu'avant de tot aquò, i avèva tot un pòble de conscientisar, e pas nomes suus punts culturaus.... tornar balhar a las lutas d'esquerra un pes e ua legitimitat pro estalabornits aqueths dias !

Completament d'acòrd, qu'es çò qu'ai dich mai naut, çò qu'ai apelat la "politica indirecta", per opausicion a la politica directa actuala, la sola que
compta, e que consista en botar un papier dins la boitia...
Mas per io, quo fai partida de la cultura, puei que la cultura, quo es tot, e quo es sens ela que comencem de ribar a daus afars coma l'eleccion de Courtaud Maltese !


Io ai pas respondut a queu sondatge, perque mon ideia i es pas representada, desjá (n'en dirai pas mai)

Qu'ei de dòu har, se m'explicas pòdi l'adobar a la lista non exaustiva.

Per io : pas d'estat, mas pas mai per Occitania que per França, pas de president, pas de politica, pas de vilas, e subretot pas de cònòs... Qué misantròpe ???

Per resumir ma pensada en partir dau sondatge :

lo sistemi actuau melhorat, dab presa en compta de las particularitats culturaus (lo sistemi actuau foncciona pas, donc non...)
Ua autonomia dens l'encastre de l'Estat francès (e aquò te balha una legitimitat ? En mai, chascun sap que quo es pas possible, sem pas en Espanha !)
Un estat-nacion independent (independent per rapòrt a qué ? Quò vòu dire un noveu pais, emb un sieti a l'ONU, emb un president, una armada, la bomba nucleara, un taus de chaumatge, una borsa e tot e tot ? Non, merces, quò vai...)
Ua federacion de comunas occitanas libras (aquò m'agrada mai mas vese pas tròp l'interes, quo es completament se copar dau monde)
Arren, Occitània existeish pas, qu'ei França (io dirai : Ren, Occitania exista pas, pas mai que França, Estats-Units, China...)

18 Re: Quin aviéner tà Occitània ? le Mar 4 Sep - 23:32

ceba e roi

avatar
Guelha de bonda
Guelha de bonda
Danís a écrit:Per io : pas d'estat, mas pas mai per Occitania que per França, pas de president, pas de politica, pas de vilas, e subretot pas de cònòs... Qué misantròpe ???

Quina perpausicion !! Reverar !!!!! Sonque'ns explicaràs la toa metòdi d'ac aténher ??


_________________
La ceba fai bèure e manten la sed

19 Re: Quin aviéner tà Occitània ? le Mer 5 Sep - 7:32

Danís

avatar
Adjudant
Lo mai simplament dau monde : ren far ! Lo sistemi 'chabará per morir !

20 Re: Quin aviéner tà Occitània ? le Mer 5 Sep - 9:37

Zengi

avatar
Trobador !!
Trobador !!
De costuma, quan lo sistemi que creva e qaue i a pas arren, qu'ei lo fascisme qui arriba.. Epaurugat

21 Re: Quin aviéner tà Occitània ? le Mer 5 Sep - 12:23

Danís

avatar
Adjudant
Aquò depen dau contexte, mas io dise se fasem tot crebar, lo fascisme podrá pas mai existir, pas mai que los autres sistemis politics...
Bon, e se voletz 'nar mai leu, pausatz de bombas...

22 Re: Quin aviéner tà Occitània ? le Mer 5 Sep - 13:28

Zengi

avatar
Trobador !!
Trobador !!
Las bombas son pas la solucion, en tot cas pas adara tà Occitània, mes ua societat shens sistèmi, qu'ei la lei deu mei hòrt, e aquò qu'ei la debuta deu capitalisme..

23 Re: Quin aviéner tà Occitània ? le Mer 5 Sep - 14:28

occitaneta

avatar
Occitan Warrior
Occitan Warrior
Ne compreni pas perque lo mot "frança" que torna tostemps... Ne pensi pas qu'Occitania sia francesa mès que pareish en estar autrament entà vosaltres au vista deu vostre centralisme parisenc sus la question ... que i a hort ironia dens la mia parladura... que precisi aquo avans de'm har tuar suu pic ...)

24 Re: Quin aviéner tà Occitània ? le Ven 7 Sep - 10:08

ceba e roi

avatar
Guelha de bonda
Guelha de bonda
Danís a écrit:Lo mai simplament dau monde : ren far ! Lo sistemi 'chabará per morir !

Uèlhs al Cèl

ua bera analisi... o com traçar un tret sus segles e segles de militantisme politic...
èm plan partits dab ideias atau !


_________________
La ceba fai bèure e manten la sed

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum