OCCITANIA !! Forum


Vous n'êtes pas connecté. Connectez-vous ou enregistrez-vous

Aviada oficiau deu Congres permanent de la lenga occitana

Voir le sujet précédent Voir le sujet suivant Aller en bas  Message [Page 1 sur 1]

admin


Trobador !!
Trobador !!
http://aporloc.free.fr/?article27/aviada-oficiau-deu-congres-permanent-de-la-lenga-occitana


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Sokolovic


Trobador !!
Trobador !!
E ben ! Comença ben aqueu congrés, que lo liame marcha pas !

admin


Trobador !!
Trobador !!
Es hòu aquò ! Marchava plan com fau i a 1h ! Es l'afluéncia deus forumaires ! Meilèu deus twitos deu Jornalet...
Fau insistir.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Danís


Adjudant
I era, per un còp una amassada de linguistas me faguet rire (mencion especiala a Gilbert Mercadier en president surtit de la retirada un pauc tròp viste).

Parten sus de las bonas basas, notadament quauquas unas que nos tochen de pres en tant qu'internautas occitans :

-La construccion e la mesa en linha d'un diccionari de referencia pan-occitan. Enfin podrem esvitar las trapelas de Panoccitan.org.

-La publicacion de queu diccionari. Un noveu "Tresaur dou Felibrige", version actualizada e normalizada sembla aura possibla, vist que lo conselh scientific ven de pertot en Occitània e es dubert a d'autras candidaturas.

-La centralizacion de totas las questions de lenga es fòrça utile per tot lo domeni de la creacion en occitan, o lo CPLO (espere que van chamnhar lo sigle) aurà un ròtle consultatiu. Tots los que fan daus films, daus libres, daus sites en occitan podràn damandar l'ajuda dau Conselh.

-Una granda dubertura. A l'encòp exteriora, vist que l'estudi de prefiguracion a estudiat las autras "academias" qu'existaven per las lengas minoritarias (quo es per quò que lo tipe daus bascos era aqui) e lor ajuda serà sollicitada. E interiora, en daissar una plaça a l'escritura mistralenca, per la quala lo Conselh podrà esser consultat tanben, en aver daus especialistas d'aquela grafia au dintre.

Sokolovic


Trobador !!
Trobador !!
Dàvid Grosclaude, conselhèr regionau d'Aquitània encargat de las lengas occitana e basca

E ben, de qu'es devengut lo Jeremias O. ?

Se que non... Tant mièlhs, perqué pas. La possibilitat de clarificar d'unei ponchs farà pas de mau. E puei simplifacrà lo trablh sus la wiki òc per exemple e lo fach que siegon plusiors empacha un ò dos pelucres de s'auto proclamar autoritat lingüistica ès Occitània.

Pasmens mi demandi una causa : Leis aranés van ti cambiar son biais catalan d'escriure lei pluraus feminins ? Saria bessai pas la mai marrida dei decisions que prendrian...

Danís


Adjudant
Sabe pas sus queu punt precis, mas los Verges (Frederic e Maria), que son aranes, son dins lo Conselh. Quò fai pas de dobte que debatràn que quilhs problemes d'unificacion de grafia.

Marxelin


Occitan Warrior
Occitan Warrior
Vau passar encara pel con de servici mas aquel organism servirà concretament a qué ?
La lenga occitana es a crebar, podèm pas dire lo contrari, los locutors naturals son a desapareisser e los neo locutors los remplaçan pas. De regions entièras son voidadas de lenga occitana. Segur avèm besonh de règlas linguisticas, d'una lenga estandard mas los occitanistas que son a se recampar per soscar a tant de causas, deurián trobar solucions a-n aquela mòrt anonciada e cossí reoccitanizar lo nòstre païs ? Benlèu d'unes son mai ocupats a se noirir de las subsidas de las collectivitats localas ? Soi benlèu pessimista o piòt mas me pensi realista e n'ai un sadol de veire la situacion de ma lenga e de ma cultura. Desolat se truqui mond.
Tanben dins aquel conselh linguistic i a de noms que vesi pas e que me semblan fòrça competents per la lenga : Xavièr Lamuelà, Domergue Sumien e autres.

http://www.anaram.org

admin


Trobador !!
Trobador !!
Dans ce cas, on fait plus rien... (private joke)
A un moment, se fau estancar. Hèm çò que podem dab çò qu'am devath la man. Vedi pas lo pair Chapduelh o Maurici Romiu o Joan Rós animar la seccion redinamisacion populara de l'IEO, totun, poden èster utils dens un organisme atau.
Tu qu'es lo bèth purmèr a pissar sus PanOccitan, te deuré agradar e véder qu'enfin vam aver un contre-poder.
Quan s'estancaram de se tocar lo pipi dab la lingustica, haram un organisme de redinamizacion.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Marxelin


Occitan Warrior
Occitan Warrior
Pensi qu'al luòc de mobilizar 20 000 personas per una manifestacion cada 2 ans e faire pas grand causa entre, los occitanistas de primièr plan (non donarai pas de noms mas ne reconeissètz d'unes) deurián decidir de causas concretas e importantas. I a militants los cal mobilizar per causas que fan avançar e pas que lo cortègi. Bolegatz los politics e esitar pas de los trucar, d'anar contra al luòc de lor lecar las bòtas. Comenci de n'aver un sadol de fòrça causas.

http://www.anaram.org

admin


Trobador !!
Trobador !!
Òc, ben aquí es pas un cortegi de 20000 personas, es un congrès d'un vintenat de linguistas......


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Zengi


Trobador !!
Trobador !!
Que hè 80 ans que los Frisons l'an hicat en plaça hilh de puta ! Pensi qu'aquiu, ne hèm pas que botar en plaça quauquarren qui deveré existir despuish la Liberacion.
Soi d'acòrd, i a monde competents, tant qu'a har que sian utilizats per un utis qui esvitarà lhèu quauquas pelelhas nècias.

E per acabar, nòti malurosament que i a monde qui an pas arren a foter dens la lor vita per pausar lo nom d' "academia occitana" e empachar autau lo "Congrés" de s'aperar atau. Qu'ei patetic e ridicule.

Sokolovic


Trobador !!
Trobador !!
Cu's que pausèt "academia occitana" ?

Vòli de noms !

Zengi


Trobador !!
Trobador !!
Te lo balharèi en privat se vòs , si que non demanda a Danis, que sap tot deu mitan occitan ! Content

Danís


Adjudant
Academia occitana ? Non, vese pas... Dobtós

Sokolovic


Trobador !!
Trobador !!
Perdequé s'a de far passar en privat ?... Mai manda manda !! que vòli saupre.!

Qualqu'un mai


Guelha de bonda
Guelha de bonda
http://www.academiaoccitana.eu/

Sokolovic


Trobador !!
Trobador !!
"L’Acadèmia occitana recampa a l’ora d’ara quatòrze femnas e òmes liures. Dins l’òrdre de lor intrada son : Joan Penent ; Joan Salas-Lostau ; Joan-Francés Laffont (membres fondators) ; Florian Vernet ; Nicolau Morvillièrs ; Joan-Jacme Cubainas ; Andrieu Lagarda ; Felip Carbona ; Rodgièr Lassaca ; Franc Bardou ; Jusèp Loís Sans Socasau ; Murièl Batbie ; Delfina Castaing ; Jòrdi Bosque.

President : Joan Penent ; Secretari : Joan-Jacme Cubainas ; Clavaire : Nicolau Morvillièrs.

Membre d’onor : Andrieu Lagarda."

Bah... Vieu pas de que l'a de renar... Auriau esperat ben pus requist. Mi pensavi que l'avian pausat lo nom lei gens de l'IBG, lo collectiu provençau ò panoccitan.

Tè, una causa que m'agrada, dins la partida "lenga de comunicacion" :

http://www.academiaoccitana.eu/?q=node/28

En gròs cada còp dien causir la "fòrma majoritària". çò que ti dien pas, es que fau subretot qu'aquesta fòrma majoritària siegue la fòrma lengadociana.

Perdequé emplegarian pas la fòrma vocalisada OSTAU, ANIMAU, qu'es la fòrma majoritària en occitan ?

Aimariau ben que m'expliquèsson aquò aquelei saberuts.

Danís


Adjudant
I a mai que mai daus lengadocians dins quel'Academia, çò qu'es pas lo cas dau Congrès.

E tanben, lo Congrès es pas en trin de discutir de la possibilitat d'elaboracion d'un occitan unificat, que per io, demòra e demorarà una conaria sens nom, i a d'avenidor per l'occitan nonmas plurau, si que non tant vau parlar frances, aqui auretz la lenga plan unificada.

Tanben, en veire un pauc lo contengut dau site, los tròbe mai portats sus la literatura que sus la lenga, es donc possible que i aja pas de doble emplec emb lo Congrès.

Per contra, an un avantatge sus lo Congrès : i a mai de femnas. Que per la paritat, comptatz pas sus la linguistica occitana...

Sokolovic


Trobador !!
Trobador !!
Bah, çò que mi fa rire es l'excusa emplegada de la "fòrma majoritària" per sei causidas graficas.

Es evident qu'es pas lo cas puei que per un trach fòrça caracterictiu de l'occitan, aquela règla s'aplica pas mai.

An que de dire que prenon la fòrma lengadociana basica ò la fòrma mai pròchi dau catalan puslèu que se'n anar cercar de faussas justificacions.

En de mai :
bèlament, fòrtament, darrièrament

L'a pas quaucaren d'estranh aqui ?
Belament, fortament, darrierament mi semblan mai corrèctes, logics linguisticament et subretot, mai aisits de prononciar.

D'alhors cresi pas que pòu exisir de -ò- e de -è- en defòra de posicion tonica en occitan.

Ne'n siau meme segur.

Danís


Adjudant
Òc-es, me sembla estranh tanben.

Damanda au Congrès se l'Academia es justa ! Risolet Progressiu

Marxelin


Occitan Warrior
Occitan Warrior
Per çò qu'es de la lenga, per ieu los sols capables de parlar e de decidir son los qu'an una formacion universitària nauta en linguistica. Aquí vòu donar qualques noms : Patric Sauzet, Jacme Taupiac, Domergue Sumien, Francés Xavièr Lamuela, Alan Viaut, Maurici Romieu, Joan Sibille, etc...
Los autres ensatjan de se donar una legitimitat mas an pas las "armas" per parlar seriosament de linguistica. De mond autre pòdon aver coneissenças mas cal èsser format scientificament per s'ocupar seriosament de l'estandardizacion de l'occitan si que non nos dona d'occitanismes dins la la lenga qu'an pas de sens coma lo famós "planvengut" (al luòc de benvengut) o pastenaga (al luòc de caròta), circèl (al luòc de cercle), televista (al luòc de television), soscadissa (al luòc de reflexion), palma / pauma (al luòc de balon), vira l'ase (al luòc de giratòri) etc... Aquí son pas que de bestiesas lexicalas passi sus las asenadas gramaticalas e autras.
Coma diguèt Josiana Ubaud dins un article : "solets los incompetents se creson en subre la critica e demandan de "drechs de responsa".

http://www.anaram.org

Sokolovic


Trobador !!
Trobador !!
E per d'autres son aquelei que parlon la lenga naturalament...

Siam mal encaminats pecaire.

Se lei sabents devian tot regentar, qunta paura vida qu'auriam !

Mai m'imagini que per tu l'Acadèmia Francesa a tota legitimitat a t'impausar ton biais de parlar hè ?

Barbet


Occitan Warrior
Occitan Warrior
Cadun es liure de si faire seis expressions d'un biais argotic, dau moment que rèsta una fantasiá personala non enauçada au reng de nòrma. Cen qu'es extraordinari encuei dins l'occitan dei militants es que li a quasi tant de nòrmas novèlas que d'occitanistas ! Avans de far un weeling en moto s'apren a passar lei vitessas...maniera de ren passar per un nèci Clucant

Sus aquò, bònei Calenas en totei Risolet
P.S : aqueu "planvengut", coma "a planlèu" s'ause d'en pertot ara emoquò a la TV lengadociana, de Montpelhièr fins qu'a Albi jamai ai ausit aquò mi semblava ben una ipercorreccion e mi fa gaug qu'un lengadocian o digue !

Marxelin


Occitan Warrior
Occitan Warrior
Just per una precision sus planvengut, los locutors naturals dison en Lengadòc coneisson pas lo planvengut. Benvengut existís en occitan e dins las autras lengas romanicas doncas vesi pas perqué inventar quicòm mai. Patric Sauzet ne parlèt en qualificant aquò d'asenada tanben.
Sus aquò bon Nadal a totes !

http://www.anaram.org

Zengi


Trobador !!
Trobador !!
Per parlar de Josiana Ubaud, espèri que juntarà lèu lèu la còla deu Congrés. Sa competéncia e sa personalitat poderàn pas qu'estar positius per aquera estructura.

Marxelin


Occitan Warrior
Occitan Warrior
Espèri tanben es una persona fòrça competenta e simpatica. Segur ditz las causas coma cal, me rapèli d'un article sus la lenga a Calandreta, èra pas brava mas objectiva e aquò fòrça mond an de mal d'aceptar las causas que nafran.

http://www.anaram.org

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum