OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum

Le Deal du moment : -50%
-50% Baskets Nike Air Huarache
Voir le deal
64.99 €

Vous n'êtes pas connecté. Connectez-vous ou enregistrez-vous

Maurici Andrieu es partit

4 participants

Aller en bas  Message [Page 1 sur 1]

1Triste Maurici Andrieu es partit Mar 15 Nov 2011 - 20:59

admin

admin
Trobador !!
Trobador !!

L'Occitània es en dòl. Maurici Andrieu es partit.
Per jo, Maurici Andrieu es l'autor de dus-tres libes suu teatre qu'èi huelhetat en catalogar la bibliotèca de l'IEO33, e quauques vielhas emissions Viure al País estudiadas en cors de lenga au licèu, mes sabi que per hòrt de monde es hòrt mei, donc m'estanqui aquí, dab una pensada per eths.

http://omidelafotografia.wordpress.com/

2Triste Re: Maurici Andrieu es partit Mar 15 Nov 2011 - 21:09

Danís

Danís
Adjudant

Era lo prumier (?) presentator de Viure Al Pais, sa votz e son intonacion tipicas dau teatre (ne faguet, en occitan e en frances, daus grands classics coma Shakespeare o Molière) son plan conegudas dins lo grand centre de l'Occitania.

A reussit a far çò que pauc pòden far : petar las distancias que i avia entre las generacions de locutors, era capable de parlar aus vielhs coma aus jòunes, e de transmetre en tota modestia de bocins entiers de cultura occitana (disia dau Godolin coma pas dos per exemple).

En mai d'aquò, era quauqu'un de fòrça simpatic, qu'aimava parlar coma tot lo monde.

R.I.P

3Triste Re: Maurici Andrieu es partit Mar 15 Nov 2011 - 23:02

Marxelin

Marxelin
Occitan Warrior
Occitan Warrior

Uèi soi triste, èra qualqu'un que marquèt mon joinessa d'occitanista : Viure al Païs, França Blava, sos poèmas. Era una persona simpatica, generosa e totjorn a l'escota. Licean, lo venguèri veire a França Blava ont aviá una emission e me daissèt assistir sens problèma a l'emission e prenèt de temps per parlar amb ieu. Faguèt tant per la lenga e la cultura nòstra, èra coma un prèire (se me pòdi permetre) al servici tot de l'occitan. Es una pèrda granda. Ne parlèron sus França 3 Miegjorn Pirenèus atsèr mas ai res vist sus las vidèos sul sit. Repausatz en patz sénher Andrieu.

Triste

http://www.anaram.org

4Triste Re: Maurici Andrieu es partit Mar 15 Nov 2011 - 23:07

Marxelin

Marxelin
Occitan Warrior
Occitan Warrior

http://www.anaram.org

5Triste Re: Maurici Andrieu es partit Mer 16 Nov 2011 - 0:25

Danís

Danís
Adjudant

Aqui un omenatge fach per David Grosclaude, elegit au Conselh Regionau d'Aquitània, mas tanben ancian colèga de Maurici, deu temps que Grosclaude debutava coma jornalista :

Adiu Maurici

Maurici Andriu èra, per jo, prumèr ua votz. Aquesta votz que s'ei carada uei e qu'èm nombrós a estar tristes. Qu'ei la votz qui escotavi per las annadas 70 a la ràdio lo dimenge. Èra l'epòca quan non i avèva pas gaire de plaça per la lenga occitana sus las ondas. Segur n'i a pas enqüèra pro mes a aquera epòca la votz de Maurici dens « l'òra occitana » èra un simbèu. Que i avèva la votz mes la diccion teatrau de Maurici. Lo son biais de har retrenir la lenga, que l'avem tots en memòria. Qu'èra unic.
Dab eth qu'èi partatjat las prumèras annadas de la television en occitan. Autanlèu 1982 que soi anat tribalhar com pigista dens l'emission « Viure al país ».Maurici que'n portava la responsabilitat, que n'estó l'incarnacion. Que i passèi quasi vint ans en la soa companhia.
Lo tribalh realizat pendent totas aqueras annadas qu'ei immense. Que son centenats de milierats d'occitans qui espiavan l'emission qui presentava Maurici. Qu'èra conegut e reconegut dens una gran partida deu territòri occitan coma l'òmi qui pareishèva cada dimenge per « l'emission en occitan de la television ». La soa popularitat qu'èra vertadèra, pregondament enrasigada, dens tots los mitans sociaus.
Qu'a hèit conéisher escrivans, artistas, militants, musicians, cantaires, comedians. E puish que i avèva la lenga populara qui s'exprimiva dens las emissions. Qu'èra l'endret on hasèvan parlar los qui n'avèvan pas imaginat que l'occitan avosse ua plaça en aquera television, enqüèra considerada com sacrada. Maurici qu'èra aquò tau gran public. E se tot lo monde n'avèvan pas la diccion de Maurici, se semblava estranha a las aurelhas de tau o tau, qu'èran unanimes a díser que l'òmi « parlava plan » e que dava dignitat a la lenga.
Que soi triste, com ne son tots los qui an tribalhat dab eth e tots los qui l'an seguit a la ràdio e a la television.
Que i avèva enfin la soa passion : lo teatre. Los qui l'an vist sus un empont qu'ac saben, qu'èra aquò la soa passion prumèra.
Alavetz militant Maurici Andriu ? Segur mes discret dens lo son militantisme. Qu'a consacrat la soa vita a la lenga occitana e qu'a sabut transméter lo gost de combàter entà la soa dignitat a milierats e milierats de personas.
Adiu l'amic, adiu collèga. Urós e fièr d'aver podut har un tròç de camin dab tu !

David Grosclaude

6Triste Re: Maurici Andrieu es partit Jeu 17 Nov 2011 - 14:16

joan_cavalier

joan_cavalier
Trobador !!
Trobador !!

E per los qu'i volon diser un darrier adieu, un messatge de B. Ros lo seu filh espirituau via Convergencia Occitana
Adissiatz :

De la part de Benoît Roux, Convergéncia Occitana s'aderís a aqueste omenatge a l'amic Maurici Andrieu, lo merceja et convida los seus amics a venir per testimoniar lor estima o lor afeccion aqueste divendres 18 de novembre a 10 oras del matin a Tolosa, a la glèisa de l'Immaculada Concepcion. - Barri Bonafé

Convergéncia Occitana


Adiu,

Fòrça pena, fòrça recòrds e una immensa pèrda.

Avèm acabat la cronica especiala que passarà aqueste miègjorn al jornal regional... (Clamenç Alet). Lo jornal occitan de França 3 del dissabte venent, a 19h15, serà totalament dedicat al Maurici. Viure al País li farà un omenatge lo dimenge 11 de decembre (la velha del seu anniversari), a 11h28.

Qu'Eric Fraj n'aja pas, doncas, de pensaments.

Quant a la ceremònia, soi a i trabalhar amb la familha. La ceremònia se debanarà lo divendres 18 de novembre de matin a 10h, a la glèisa de l'Imaculada Concepcion del Faubourg Bonnefoy ( a Tolosa).

L'enterrament a Brandonet (prèp de Vilafranca de Roèrgue, Avairon), lo divendres de tantòst, a 15h30.

Mercés plan de difusir aquestas informacions a totas las personas que pensatz que i pòdon èsser interessadas.

Amb la pena, mas amb lo desir de far un fum de causas per omenatjar aqueste personatge atipic.


Benoît Roux.

http://www.myspace.com/joan_cavalier

7Triste Re: Maurici Andrieu es partit Jeu 17 Nov 2011 - 14:19

joan_cavalier

joan_cavalier
Trobador !!
Trobador !!

E per los que l'an pas vist l'omenatje fach per lo Clamenç Alet (al qual teni de tirar un bèl còp de capel, per m'esser pegat mantunes còps a d'aquel exercici, quora òm far lo jornalista es pas jamai aisit de faire lo quasernet negre de qualqu'un qu'òm a connegut, costetjat e amb lo qual òm a agut d'escambis, e trapi qu'aici lo Clamenç fasguet un trabalh de trilha, un gran òsca a el)

http://midi-pyrenees.france3.fr/info/maurice-andrieu-est-decede-71277850.html?onglet=videos&id-video

http://www.myspace.com/joan_cavalier

Contenu sponsorisé



Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum