Partit occitan

Aquesta rubrica per far coneisser l'actualitat d'aquel partit;
Per començar los ligams principals:
http://www.r-p-s.info/
http://partitoccitan.free.fr/
http://provenca.partitoccitan.org/
http://www.partitoccitantarn.eu/
http://poc.cantal.neuf.fr/
http://poctolosan.over-blog.fr/
http://partit.occitan.erau.over-blog.com/
http://nhaclemosin.wordpress.com/

Vaqui unas videòs de la participacion del POC a Carcassona:
Lo cortègi del POC: http://poctolosan.over-blog.fr/article-carcassona-video-de-la-protesta-38375558.html
e per veire totes los discorses sus POC TV:
http://partitoccitan.org/

Pron bon, amb un bon expausat del vòstre programa, la bandièra d'Europe Ecologie plan vistabla. Aquò que m'agrada.

Per persegre lo vam de Carcassona, se cal engatjar politicament

Lo 24 d'octobre, èrem gaireben 25000 a Carcassona, per manifestar nòstra volontat de far viure la lenga occitane. Pel tresen còp, lo colectiu "Anem Òc per la lenga occitana" mostrèt sa capacitat de ramosar. De Confolent a la Val Varaita (estat italian), e de Vièlha (Val d'Aran – estat espanhòl) a Mont Luçon, Occitània tota èra presenta.

A despièch de l'ample de la dinamica populària, nimai l'Estat, nimai los partits al poder meton pas en plaça las politicas lenguïsticas e culturalas a la nautor de l'enjòc : tirar l'occitan de las lengas amenaçadas de mòrt, e atal, tornar dinamisar lo territòri del punt de vista cultural, social, economic e democratic. Las reivindicacions d'Anem Òc se devon adobar dins un projecte politic per Occitània.

Lo Partit Occitan es prèst a ramosar totes los que volon bastir aquel projecte d'avenidor. Es pas la pena de comptar sus una conversion somiada dels partits existants. Atal los autres pòples en Euròpa que sapièron bastir lor autonomia, los Occitans podon causir lo biais democratic per pausar la question de la subrevida de nòstra identitat.

Aprèp aquelas manifestacions qu'amassèron Occitània, cal pas mai mendicar mas fargar per nòstre lendeman. Fasem o ensems, rejonhètz lo Partit Occitan !

http://partitoccitan.org/ - partitoccitan@free.fr

Se sètz a Tolosa divendres, venètz nos rescontrar:

Regionalas es partit,
La joventud del Poc es en bona plaça:
https://www.dailymotion.com/video/xbrijl_animateurs9-latrubesse_news

Lo pichon se petassa de mielh en mielh, ja a capitat rapòrt als vielhs de tirar "regionalistes" del seu vocabulari ço qu'es pas una maissanta causa.

Apre, a titol personau ço que traparai interessant per aquelas regionalas seria que lo Guilhem parla tot simplament d'ecologia punt e que la problematica de las lengas siaguesson menadas per Europa Ecologia e pas pel POC, trapi qu'auria mai de fòrça e monstraria que lo maridatge es plan consomat e un maridatge d'amor vertadier, pas d'amor de las votzes o del poder

Lo pichon se petassa de mielh en mielh, ja a capitat rapòrt als vielhs
de tirar "regionalistes" del seu vocabulari ço qu'es pas una maissanta
causa.

Lo Latrubessa aguèt totjorn la classa, amb sa cara de gendre ideal. S'aviái una carta d'elector benlèu qu'auriái votat...

Apre, a titol personau ço que traparai interessant per aquelas
regionalas seria que lo Guilhem parla tot simplament d'ecologia punt e
que la problematica de las lengas siaguesson menadas per Europa
Ecologia e pas pel POC, trapi qu'auria mai de fòrça e monstraria que lo
maridatge es plan consomat e un maridatge d'amor vertadier, pas d'amor
de las votzes o del poder

Pas fals.

Sabètz que soi lo grand marrit de servici quand se parla del POC e de las eleccions mas desiri bon astre al POC e a sos amics per aquelas eleccions. Sustot en Lengadòc Rosselhon, los aimariái veire prene la region per escampar aqueles dos que son Frêche e Couderc.
E soi content de veire Latrubesse quand passa dins los mèdias. La paraula als joves.
Enfin aurai una pensada per eles los jorns de las eleccions a la pèsca e levarai mon gòt de vin... just abans d'anar pissar.

Aprep disem los joves, pensi que lo Guilhem "gendre ideal" Latrubesse, comença tant coma un fum de nosautres (Gavachas, Marxelin, Einucent, ieu....) de pas esser mai comptabilisable dins los "joves"

Los jounes son pas los qu'an mens de 35 ans ????

Atencion a vos en parlant de vièlhs e de joves. Soi encara jove (sustot dins lo cap) mai se mon paure Maime ai passat los 35.
Dins 10 ans serem totes papàs, president d'un club de chifras e letras, de longa en costum cravata e sòcis de l'UMP.

Seguida lo 12 de febrier a miègjorn a Tolosa Compans cafarelli davant lo sieti de RFF

Marxelin a écrit:Dins 10 ans serem totes papàs, president d'un club de chifras e letras, de longa en costum cravata e sòcis de l'UMP.

Papà, perque pas... President d'un club de chifras e letras... euh... non !! E sòci de l'UMP en costume cravata, prefere me pendre (emb la cravata, ten !!).

maime a écrit:Los jounes son pas los qu'an mens de 35 ans ????

per lu colectiu Arri!, òc-plan, mas per lu reste de la societat, pas precisament...

Candidats P.Oc sus las listas Euròpa Ecología (21 candidaturas, 9 femnas e 12
òmes):

06 -Aups-Maritims		Peire Costa (13), Sylviane Franzetti (18)
13 - B.-de Ròse		Arvei Guerrera (6), Pascale Tourrenc (40)
83 - Var		Gerard Tautil (9)
84 - Vauclusa		Ana-Maria Hautant (2), Marie-Christine Hamelin (12)

09 - Arièja		Jacme Pince (5)
12 - Avairon	10	Josiana Daunis-Marti (3), Francis Lavergne (8 )
31 - Garona Nauta		Laurenç Gosset (13), Antonia Segura (26)

65 - Pirenèus Nauts		Guilhèm Latrubesse (2)
81 - Tarn		Benedicte Portal (4), Daniel Rifa (9)

30 - Gard

Claudine Paul (5)

47 - Òlt e Garona		Ives Boissiere (5)
64 - Pirenèus Atla.		David Grosclaude (1)

87 - Nauta-Viana

Estela Parot-Urroz (5)

15 - Cantal		Raimond Squizzato (7)
43 - Nauta-Lèira		Gustau Alirol (3)

I a pas dengun dins Ròse-Aups ?

question de las bonas, Laurenç

E dins Aude, i a Pascal Frissant, de País Nòstre, qu'es cap de lista. D'acòrdi, es pas lo PÒC, mas aquò es la meteissa lista, non?

E per estar mei cagant enqüèra: pòdes precisar las plaças de caun, o diser los qui pòden estar elegit (manca Grosclaude segur) ?

Es precisat me sembla, non ?

Dins Ròse-Alps, quina es la plaça daissada al MRS (moviment per una region savoie), qu'es sòci de RPS, dins EE ? Se EE daissa una plaça al MRS, alara devon tamben dire que cal far petar la region. M'estonariai pro que los verds lioneses o acceptessen... La sopa es tròp bona !
Aici anem lèu veire se l'aligança RPS-EE es una aligança vertadièra o un agantacolhon.

Soi fatigat, perdon.

Matieu, benlèu sois cansat, mai as pausat la question de las bonas: l'eligibilitat. Pòts fotre lo monde que vòls dins las darrièras plaças, cambia pas grand causa.

A Laurenç, i avia Patrice Abeille, fa un moment. Mai, es acabat, tot aquò, non?

Ben, lo nombre entre parentèsis es la plaça sus la lista, non ? Donc quan vedes la plaça de Pascale Tourrenc (40), te pòs díser que serà pas elegida...

La question de l'elegibilitat es mai 'na question de segond torn que non pas de prumier. En Lemosin, lo PS a dich que i aurà 'mas 6 plaças sus sa lista au segond per las doas autras listas de gauca : la d'EE e la lista "Lemosin Tèrra de Gaucha" (PCF, PdG, NPA, GAEL). Sabe pas si i aurà de la plaça per los dos occitanistas (Estela en 5 sus EE, e Cyril Cogneras en 7 sus l'autra). Quo dependrà de las resultas dau prumier torn mai de la negociacion.

oc tot que va se jogar enter lo purmeir e lo second torn dens las negociacions de fusion.

E aquiu, vam arrider, dab los socialistas qui vòlen pas enténer a parlar deus occitanistas ..

Per Cyril, veirem ben coma quo se passarà (coma es desja elegit...) mas per Estela, malurosament, pense que los Verds locaus la van pas defendre si n'i a dau monde de plaçar.

Per lo moment, vole pas ren dire, emai coma tot es pas definitiu, mas crese qu'auram 'na surpresa sus las 'fichas de campanha en Lemosin...

jfrieux a écrit: A Laurenç, i avia Patrice Abeille, fa un moment. Mai, es acabat, tot aquò, non?

Non, aqueles son los "savoisiens", un partit nacionalista que guinha Soissia. Ieu parli del MRS que son de regionalistas.

Las plaças son efectivament entre parentèsis apuèi lo nom, los elegibles son 4 o 5 (en Provença, Auvèrnha, Miègjorn-Pirenèus e Aquitània amb en mai un País Nòstre en Lengadoc) mas dependrà plan segur del % d'Euròpa Ecología, amb totes aqueles occitanistas que van a la pesca veirem ben....