Vergonha

Òu, m'interessariá fòrça de conéisser tot çò que sabètz subre la vergonha, qu'es cossí li dison a l'ensem de las umiliacions pichonas o bèlas, explicidas o mai sornarudas, infligidas a nòstres aujòls per l'ignorància de l'abat Grégoire e lo zèl republican de Jules Ferry. Segur, es quicòm que s'estúdia pas a la Sorbona mas totes aicí n'avèm ausit parlar e d'unes ne foguèron benlèu los testimònis, ja que n'i a de traças endacòm mai, coma en Bretanha, tanben. Lo famós "Il est interdit de parler patois et de cracher par terre" n'es un exemple plan clar, pels qu'an pas encara comprés...

que n'i a un article sus Wikipèdia, mes en anglès http://en.wikipedia.org/wiki/Vergonha

que'm demandi si ne't coneishi pas !! n'es pas tu qu'a hèit aqueste article au mensh ?

Si, soi ieu, Sòfia, a las doas questions!

A, quin pecat qu'aqueste fòrom siá mièg mòrt, que i a tant de causas de dire sus l'Occitània e lo biais que ne contunhan de tractar sa lenga! I a pas qu'a far de cèrcas sus internet per veire que nos an amagat plan tròp de vertats a l'escòla e dins los mediàs parisencs. Soi pas d'aqueles que s'acantonan en esperar qu'òm lor diga qué soscar. Aquí perqué ai apondut una mapa inedita e mai un paragraf a mon article sus la vergonha, que Sòfia n'a ja balhada l'adreça. ;-)