OCCITANIA !! Forum


Vous n'êtes pas connecté. Connectez-vous ou enregistrez-vous

Hestiv'òc

Voir le sujet précédent Voir le sujet suivant Aller en bas  Message [Page 1 sur 1]

1 Hestiv'òc le Mar 21 Aoû - 19:40

posoèra


Occitan Warrior
Occitan Warrior
E i a gent que son anat au Hestiv'òc a Pau ? E qu'an pensat d'aquera hèsta ?
Jo qui soi anat, sonque un dia, mes que soi estada hèra decebuda, pensava qu'èra ua hèsta de la cultura occitana, mes n'èi pas vist arren ( o dilhèu n'èi pas sabut vede'u ).....qu'èi vist viòca, òc açò qui avèva, mes tà jo la cultura n'èi pas sonque la viòca ...
bon tà la musica, qu'avèvan programat a Lou Dalfin... mes après qu'èi vist grops sus la plaça que parlavan pas briga occitan, e que tocavan arren que's pareish a musica occitana...

2 Re: Hestiv'òc le Mer 22 Aoû - 16:40

Bairbizie


Gacha Empega !
Gacha Empega !
Soi anat a Pau per doas causas : veire dels amics e per l'Hestiv'òc. Pensi pas que seriài anat ailà solament per aquò !

Es vertat que dins l'Hestiv'òc, i aviài sonque lo concèrt de " Lou Dalfin " que m'agradavi e i aviài pas fòrça d'occitan dins lo festenal e pas fòrça de grops que cantan dins la lenga ! Fòrça de causas a manjar mas pas gaire de cultura occitana ...

I soi anat per aqueste concèrt lo dissabte de sera ! Èra fòrça ben : èri pas decebut !



Dernière édition par le Mer 22 Aoû - 17:06, édité 1 fois

3 Re: Hestiv'òc le Mer 22 Aoû - 16:53

posoèra


Occitan Warrior
Occitan Warrior
Lacuzon a écrit:I soi anat per aqueste concèrt lo disabte de sera ! Èra fòrça ben : èri pas decebut !
Qu'i soi anat lo dissabte, mes que soi partida a 22 òras pr'amor que tribalhavi l'endoman Triste

4 Re: Hestiv'òc le Mer 22 Aoû - 17:45

Zengi


Trobador !!
Trobador !!
Sòfia, se's partida abans Diu .. perdon lo Dalfin, compreni plan qu'es estada decebuda.
Qu'ei plan ua hesteja occitana, mes dab grops occitans, qu'ei miélher.. La Varda, Fils de Teuhpu, Si señor etc.. vedi pas briga ço que foten aquiu, soi desolat mes quan n'es pas capable de sortir un mot d'occitan o per l'occitan a ua hestejada occitana, qu'ei ua vergonha. que's cau ubrir aus autes lan segur, mes se los grops occitans ne jogan pas aciu, on van jogar ?..

Compreni pas tanpòc perqué i avè drapèus bascos pertot, vedetz drapèus occitans pertot a EHZ vosautes ?..

Enfin compreni pas quin ei possible de comandar bevudas pendent tres dias e de non pas jamèi cader sus un benevòle qui compren la lenga..

Que i a causas a diser mes n'ei pas lo temps, bethleu !

5 Re: Hestiv'òc le Mer 22 Aoû - 19:11

posoèra


Occitan Warrior
Occitan Warrior
Occitan Libertari a écrit:Enfin compreni pas quin ei possible de comandar bevudas pendent tres dias e de non pas jamèi cader sus un benevòle qui compren la lenga..
on èi minjat, a "los d'ací" pensi, que i avèva ua hemna qu'a dit au servidor " vous parlez occitan " e alavetz eth que l'a respondut "non madame on parle béarnais ici !! " ....e puish lo hestenau que s'apèra Hestiv'òc .. n'enteni pas perqué !!!

6 Re: Hestiv'òc le Mer 22 Aoû - 23:50

Zengi


Trobador !!
Trobador !!
Que i a cons pertot.. en efèit que n'i a atau a 'los d'aci' .. Uèlhs al Cèl

7 Re: Hestiv'òc le Jeu 23 Aoû - 16:04

posoèra


Occitan Warrior
Occitan Warrior
mes, eras associacions occitanas paulinas an avut problèmas dab la mairia de Pau ? Pr'amor n'èi pas vist arren, ni de calendreta ni d'autes causas .. Uèlhs al Cèl

8 Re: Hestiv'òc le Jeu 23 Aoû - 19:24

Zengi


Trobador !!
Trobador !!
Avisa-te, la hestejada n'ei pas organizada per la mairia, mes per ua associacion.
Aquò n'explica pas perqué n'an pas podut véder: Calandreta, Radio Pais .. e n'explica pas tanpòc perqué l'organizator que sajè (en balhar informacions maishantas) de har petar l'accion d'hartera, la qui fin finala esto plan discreta..

Vau pas criticar com un pèc per'mor n'i a pas sonque un hestenau occitan a Pau, mes los drapèus bascos, los grops que n'an pas arren tà véder dab l'occitan, l'abséncia de las associacions occitana pendent l'annada sancèra, e la paur d'ua organizacion de joens occitans, que hè tròp ..

Manca qu'avem vist diu sus l'empont Reverar Reverar Reverar

9 Re: Hestiv'òc le Jeu 23 Aoû - 19:35

Arf


Occitan Warrior
Occitan Warrior
Qu'ei endenut a diser qu'eth pretz deths taulers era pro haut, ço qui he que certas associacions ne son pas podutas estar presentas. Mes que m'estona un drin. Que calere qu'estosse confirmat per ua auta hont.
Que pensi que i aveva tanben un problema de disponibilitat deths benevoles occitanistas, com d'eths professionaus d'alhors, pendent eras vacanças. Eths der Ostau Biarnes per exemple n'eston presents qu'eth dissabte, e dinguèra, pas tot eth dia, mentre qu'eth tauler era liure.
Apres, que i avere hera de causas a diser sus Hestiv'oc, e que de vertat qu'a jo tanben que m'a leishat un sentiment partatjat. Meitat Chen Meitat P
Mes que pensi que ne cau pas estar trop severe ni trop exigent. N'era pas qu'era tresau annada, e puish ne de pas un hestenau het per occitanistas. Eths organizators que son, e'm pensi, sensibilizats ara luenga e sustot estacats ara cultura, mes que son shens nada formacion "politica" ena mestior. "Mes perque, perque, m'an pas dit a l'escola..."
Sus era question dera presencia o dera non presencia dera luenga ar entorn dera manifestacion, que tien ath flaquer deth son usatge sociau en generau. Shens parlar, Sofia, d'eth problema deth nom dera luenga, hera acut en Bearn. De segur si comparam dab ço qui hen eths vesins bascos, a EHZ per exemple, qu'avem hera de retard. Mes que i arribaram.
Solide, que s'i pot pensar que Hestiv'oc n'a pas pro justificat eth son "oc", mes totun, d'endener eth Sergio n'aperar ara nacion occitana ath beth miei d'ua vila borgesa e conformista com Pau qu'era genhau ! E quan digo que's sentiva aci com a casa per'mor que s'i parlava occitan qu'esto hera esmavent. Que soi segur qu'eth messatge avera trobat eth son camin : ço de semiat que fenira per lhevar. Er interes d'aqueth hestenau que de que toca monde qui ne coneishen pas eth combat noste e qui aprenen chic a chic, d'annada en annada.
Aquo dit, si Lavarda e de un bon grop, ne'm podoi pas tiener de sendir un chac en veder-los tocar era sonsaina, instrument qui dinc adara era per jo er atribut deths grops de noste. De mes, d'acapar dab un grop franchimand qu'era un drin triste... Apres eth passatge d'eth Dalfin que deveren cremar er empont !! Diable Content

10 Re: Hestiv'òc le Jeu 23 Aoû - 19:45

Zengi


Trobador !!
Trobador !!
Qu'ei endenut a diser qu'eth pretz deths taulers era pro haut, ço qui he que certas associacions ne son pas podutas estar presentas. Mes que m'estona un drin. Que calere qu'estosse confirmat per ua auta hont.
Ne m'estona pas. Que m'an dit que l'organizator non vòu pas pagar arren, i a grops qu'an jogat a gratis !

11 Re: Hestiv'òc le Jeu 23 Aoû - 20:05

Arf


Occitan Warrior
Occitan Warrior
i a grops qu'an jogat a gratis !

Bah ?! Trucat

Aganiter o estauvi prudent ? Dilheu ne volen sustot pas har com eth famos FIPAU qui esto un fracas er an passat ?
Que m'an dit tanben (aqueste topic que's sembla de mes en mes ath corner deras comairs... Ironic ) que si era pista de dança era tant petita qu'era per'mor qu'era mairia ne'n voleva pas balhar ua mes grana, o alavetz que caleva pagar. Ne sei pas trop qui cau arcastar alavetz : eths organizators o era mairia ?

12 Re: Hestiv'òc le Jeu 23 Aoû - 20:35

posoèra


Occitan Warrior
Occitan Warrior
sèi pas qui ei lo responsable mes en tot cas qu'ei vertat qu'èra tròp petita la pista de dança, que m'an esglachat los pès un detzenat de còp Meitat Chen Meitat P

13 Re: Hestiv'òc le Jeu 23 Aoû - 23:17

joan_cavalier


Trobador !!
Trobador !!
Sòfia a écrit:sèi pas qui ei lo responsable mes en tot cas qu'ei vertat qu'èra tròp petita la pista de dança, que m'an esglachat los pès un detzenat de còp Meitat Chen Meitat P

Per un còp (pareis q'un còp far pas puta) me farai l'avocat del Drac sus dos punts :
<ul>
<li> Lo fach d'escupir es aisit, çaquelà (desencusa me Sofia, te coneissi pas per poder diser se l'as ja fach) l'art d'organisar quicòm, es quicòm mai.
<Li> question de mai, qual es qu'i prepause de l'ajudar a l'òme qu'adobet aquò.

Per l'aver encontrat coma Radio Occitania, traperi qu'aquel òme ten de coratge e soi preste de l'ajudar l'anada que ven personalament

Amistats


Cedric

http://www.myspace.com/joan_cavalier

14 Re: Hestiv'òc Aujourd'hui à 4:51

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum