OCCITANIA !! Forum


Vous n'êtes pas connecté. Connectez-vous ou enregistrez-vous

Un debat sus la difusion de la musica occitana

Voir le sujet précédent Voir le sujet suivant Aller en bas  Message [Page 1 sur 1]

Aura

avatar
Palhassa
Palhassa
Ai parlat amb de revendaires de discs occitan, e dison que rescontran un vertadièr problèma, que mantuns grops an pas previst de marjas pels revendaires, que d'autres daissan pas d'adreça per comandar los discs... En faire mon site e en me mainar de la musica al CIRDOC, ai vist tanben que son nombroses a pas tròp saupre cossí far de comunicacion. Me soi tanben demandat cossí poiriam far descobrir la musica occitana als non-occitans, qu'es un bon biais de far descobrir nòstra cultura als joves. E se pausa tanben la question de far descobrir la musica de las autras regions occitanas, coma foguèt fait a Marselha per l'Ostal Marselhés, se m'engani pas, que faguèt venir grops de Gasconha.

Aimariái d'organizar una mena de debat per parlar de tot aquò e ensajar de trobar d'idèas per difusar melhor la musica occitana. Ai pensat a Estivada, que tot lo mond i es recampat. N'i a que serián interessats per participar a aquel debat e soscar sus aquelas questions ? La tòca seriá d'abotir sus d'idèas d'accions concretas e de veire qualas associacions se'n pòdon mainar.

http://www.paraulas.net

joan_cavalier

avatar
Trobador !!
Trobador !!
Bona idea, mas dubras la pòrta a una autra question : de qu'es aquò la musica "occitana" e es que seria pas mielh de parlar de còlas de rock, de folk, de reggae.... que de "grops occitans" ?

Aprep en com de vertat que i'a de mancas, sem mantunes espleches d'ensajar d'ajudar mas lo camin es long...

http://www.myspace.com/joan_cavalier

Aura

avatar
Palhassa
Palhassa
Per musica occitana, vòli parlar (sonque per aquel debat, aprèp ai pas la pretencion de definir la musica occitana) de la ont i a de paraulas en occitan, e que permet atal de far coneisser la lenga.

Un debat sus çò qu'es la musica occitana, n'i a ja agut, son de deblateracions sens fin. Ieu, aimariái d'organizar quicòm que desbocariá sus d'accions concretas. Se n'i a que vòlon dobrir de grands debats teorics a costat, o pòdon far, mas pas a aquesta amassada e, sioplet, pas sus aquel topic, vòli que lo mond lo legisca.

http://www.paraulas.net

Sokolovic

avatar
Trobador !!
Trobador !!
Ieu li vòli ben participar a ton debat, coma president de l'Ostau dau Pais Marselhés e / ò Grand Vezir.

Ten mi assabentat

joan_cavalier

avatar
Trobador !!
Trobador !!
Aura,

Ai pas parlat de punchar moscas sus la color del blu del cel, tot simplament parlas comunicacion, la comunicacion comença per un enonçat clar : doncas parlas pas de musica occitana (localisacion geografic que pot en esfach tornar lançar la contesta endronanta de "es que Zebda, I'Am and co son de musica occitana) mas de "musica d'expression occitana" (me desencusaras mas trapi que i'a un contraste)

A comptat d'aquo te torni sus l'autra problematica es que cal trabalhar dins una logica globalisanta (musica cantada en occitan = musica occitana e doncas l'estile nos en batem los alibofis) o dins una logica d'estile (Patric es de musica occitana, Lou Quinse tanben, per contra soi pas segur que coma afica de concert mena mai de gens que "d'occitanistas venguts escotar d'occitan" e doncas porta pas la volontat de dubertura que nos parlas) o es que foncionam dins una logica d'estile que permet una difusion mai coerenta e a mai de palancas en terme de com amb d'autres artistes dins d'autres lengas (al meu sens)

Autra problematica : l'implicacion dels artistes (se ai plan compres l'idea es de fargar un espleche al lor servici, per aquo faire cal coneisser los lors besonhs mas tanben las loras envejas), cal pas desbrembar qu'en Occitania avem pauc d'artistes "profesionaus" (valent a diser d'onte es lo mestier, que comptan sus lor art per s'emplenar lo fregidor), la majoritat tenon un mestier e fan de musica al costat (e an pas totes l'enveja d'arrestar lo lor mestier (força sovent foncionari) per prener la risca de faire mestier de musica).

Te vau pas res aprener tanpauc sus las riscas presas se fasem las causas sense los implicar (cf la tua mesaventura sus paraulas en oc amb Mariliis).

Aqui l'idea era pas se lançar dins contestas inacabadas e inacabablas, l'idea era son que de desbartassar per veire se partetjam lo questionament e se podi participar al teu acamp de Rodes sense vos gastar lo temps, ni gastar lo meu

@mistats

Cedric

http://www.myspace.com/joan_cavalier

Aura

avatar
Palhassa
Palhassa
Se fau un debat coma aquel, plan segur que convidarài d'artistas.

http://www.paraulas.net

bork-oc

avatar
Tusta-Fusta !
Tusta-Fusta !
Que pensi qu'aqueste problèm de diffusion qu'ei generau a la causa occitana. Qu'èm dens un "ghetto" la francofolie/jacbinisme qu'ei ua hòrça pas aisida a combater. Que pensi que cau continuar a crear causas independantas (radio, tv, label etc) e trobar la façon d'atirar lo monde. Dab ua cultura oberta, alternativa e interessanta. Que devèm estar ua vertadièra contra cultura cap a la merda de cada dia dens los medias.
Que pensi que podem cantar en francés e har "occitanisme", enfin aquò quan volèm passar un messagte larga mèsma si cantar en òc qu'ei jà un acte politic.

http://www.libertat.org

Aura

avatar
Palhassa
Palhassa
Fin finala, ai pas agut lo temps d'organizar aquel debat. Mas lo podèm far aquí, sul forum.
Los tèmas n'aurián estats :
- Cossí melhorar la professionalizacion de la musica occitana (mai que mai al nivèl de la comunicacion e de la revenda de disques) ?
- Cossí ajudar la conéissença panoccitana de la musica (per exemple la coneissença de la musica gascona en Provença, me sembla que l'Ostal del País Marselhés a fait quicòm dins aquel sens) ?
- Cossí far descobrir la musica occitana als joves que son pas pertocats per l'occitan (per exemple en anar la presentar dins de licèus) ?

La tòca d'aquel debat seriá estada de joslinhar los problèmas que rescontram per aquelas 3 questions, e de trobar d'exemples d'accions concretas de menar per los resòlvre.

Espèri vòstras idèas.

http://www.paraulas.net

Zengi

avatar
Trobador !!
Trobador !!
Har descubrir la musica gascona aus provençaus ? Praubòts, de que vos an hèit los provençaus ?!

admin

avatar
Trobador !!
Trobador !!
Paures provençaus, son desjà pas ajudats dab los provençalistas, s'en mei d'aquò son forçat d'escotar un Tisnèr legacy... Ironic


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum