OCCITANIA !! Forum


Vous n'êtes pas connecté. Connectez-vous ou enregistrez-vous

Per lo desvolopament d'una fòrça politica occitanista novèla

Aller à la page : 1, 2  Suivant

Voir le sujet précédent Voir le sujet suivant Aller en bas  Message [Page 1 sur 2]

Tocas-i si gausas


Leberonet
Leberonet

Per lo desvolopament d'una fòrça politica occitanista novèla

Lo movement occitanista a totjorn trantalhat entre çò que definís coma una accion culturala d'un costat e çò que definís coma una accion politica de l'autre.
Sabèm plan que las doas causas son ligadas. L'occitanisme, qu'a per basa primièra la promocion de la lenga e de la cultura occitanas, sap que la question lingüistica es una question fòrça politica, subretot en França.
De personalitats importantas de l'occitanisme, personalitats qu'an trabalhat amb e per la lenga, an sovent dit la necessitat d'aver una influéncia sus la decision politica.
Aquela necessitat faguèt espelir per las annadas 70 e 80 d'organizacions politicas occitanistas a costat del desvolopament d'una movença associativa culturala.
Dempuèi lo temps a passat e l'occitanisme a contunhat de viure entre accion politica e accion culturala quitament se sabiá que, de còps que i aviá, menava d'accions qu'èran una mescla d'accion politica e d'accion culturala. En realitat èran globalament d'accions de femnas e d'òmes engatjats dins la definicion de çò que deu èstre lo monde de doman amb una vision occitana e occitanista.
Aquel movement occitanista cultural o politic, sovent entremesclat, a contunhat de portar per las annadas passadas un messatge cap a la societat e cap a las institucions.
Lo resultat es positiu mas pas satisfasent encara.
Aquel movement a permés de sortir la question de la lenga del silenci politic general. Aquesta lenga, qu'es l'element que fa l'identitat de basa del país d'òc, es en perilh. Mas l'occitanisme dins sa globalitat es arribat a tornar metre en causa l'idèa qu'èra dins la logica, dins lo sens de l'istòria que la lenga anava disparéisser. Aquesta remesa en causa es un eveniment politic creat per un movement associatiu majoritariament qualificat de cultural.

Dempuèi las annadas 80 de progrès es estat fait dins l'estructuracion de l'ensenhament de la lenga, puèi venguèt la professionalizacion d'una partida del movement cultural e un desvolopament fòrça important de la creacion artistica.
Dempuèi 2005, logicament en seguida d'aquelas evolucions, de grandas mobilizacions en favor de la lenga e de sa reconeissença an mostrat que i aviá un movement popular occitan que vòl defendre son identitat culturala e lingüistica. Tot l'occitanisme i a sentit una legitimacion de son accion. Èra lo resultat del trabalh d'una generacion.
Las organizacions politicas occitanistas portèron lor pèira a tot aquò. Observèron, parlèron, prepausèron de causas dins lo domèni politic en trabalhar sus las questions de descentralizacion, en fasent veire qu'èra possible de ligar las questions politicas, socialas e economicas amb las questions culturalas e lingüisticas. Per far viure la lenga e la cultura cal que lo territòri occitan demòre viu amb de femnas e d'òmes per i trabalhar.
Es vertat que d'unes occitanistas compreguèron pas totjorn que d'autres se presentèsson a d'eleccions o dintrèsson dins l'accion politica. Al cap d'un moment los que fasián de politica èran un pauc amars de veire que los « culturals » se volián pas implicar dins çò politic. Pasmens aquel amarum èra pas justificat pr'amor far d'accion culturala es far d'accion politica.
Es vertat qu'arribèt que los occitanistas « culturals » aguèsson un pauc de malfisança cap als occitanistas « politics » per paur benlèu de se comprometre. Aquela dificultat de l'una e l'autra branca de l'occitanisme a se rencontrar se pòt explicar pel fait que sèm tots estats mai o mens formatats a pensar que las solas organizacions politicas que valon son las que son dirigidas dempuèi París e que son organizadas exagonalament. Del costat dels politics una tendéncia a non pas prendre la question lingüistica com un element mobilizator màger pòt explicar tanben aquela dificultat per comunicar.
Devèm ara mesurar los cambiaments que son intervenguts dins nòstra societat pendent lo temps que nòstres movements se metián en plaça. Lo monde tanben a cambiat. Las regions en França an mai d'existéncia que per las annadas 70, l'Euròpa s'es estructurada, las comunicacions an cambiat, sul territòri occitan e sul planeta tot.
L'occitanisme cultural e l'occitanisme politic an fait lo camin d'anar cap a las autras regions e als autres pòbles de l'exagòne. Aquò tanben es nòu.

L'occitanisme deu cambiar ; o sentís, o pressentís mas cèrca de quin biais aquò se farà.
L'occitanisme deu prendre en compte l'ambicion novèla de quauques collectivitats a prendre mai de responsabilitats e a assumir mai de competéncias fàcia a un Estat qu'a la volontat permanenta de tornar centralizar e de tornar prendre las competéncias qu'aviá abandonadas. La reforma qu'es en cors pertocant las collectivitats es una illustracion d'aquò. Es una reforma que fa pesar un perilh mortal sus las timidas politicas lingüisticas entamenadas dins las regions per exemple. Fa pesar tanben un perilh sus la vida de nòstres territòris.
D'unes occitanistas an causit de se presentar sus de listas a las eleccions regionalas. Las condicions politicas èran optimalas per aquò far.
Cinc conselhièrs regionals occitanistas son estats elegits a las eleccions de març de 2010 sus las listas Europe Ecologie. Los cinc son de sòcis del Partit Occitan e donc de la federacion Regions e Pòbles Solidaris. An començat de trabalhar.
Es per aquesta rason que lançam una crida a la refondacion del movement occitanista amb un refortiment de sa capacitat d'intervencion dins lo domeni politic.
Lo biais de far de politica, de s'engatjar dins la vida publica, politica a cambiat e cambiarà encara per las annadas que venon.
Los partits devon prendre en compte aqueles cambiaments. Lo Partit Occitan tanben evidentament. Es çò que vos prepausam.
L'engatjament dels ciutadans se fa ara sus de projèctes. Òm dintra pas mai dins un partit coma dins una glèisa.
L'occitanisme es segurament portaire d'un projècte politic pel sègle que ven de començar. Solide, lo movement ecologista politic exagonal a trabalhat en collaboracion amb los occitanistas. L'un aguèt besonh de l'autre e l'autre aguèt besonh de l'un. Nos sembla pasmens que l'existéncia d'una formacion politica occitanista autonòma e capabla de far d'alianças (electoralas segur, mas mai qu'aquò) es absoludament necessària se volèm que las nòstras idèas sián presas en compte.
Lo movement occitanista es estat plan permeable a las idèias de l'ecologia politica e sovent l'occitanisme foguèt en punta dins los combats qualificats d'ecologistas. Pasmens los que gabidan lo movement ecologista en França an pas encara pro pres en compte la reivindicacion occitanista e segurament an pas pres la mesura de la portada politica de la reivindicacion lingüistica e de la necessitat d'aplicar lo federalisme dins l'encastre de l'Estat francés. D'unes sectors de l'ecologia politica s'afirman federalistas mas son pas majoritaris. Avèm tanben a defendre l'idèa que lo combat que menam es d'une dimension europèa. D'unes aliats nòstres prenon aquò en compte mas pas totjorn. Avèm a far progressar l'idèa que se pòt pas concebre una defensa de la diversitat biologica sens promòure la diversitat lingüistica e culturala.
Donc per far ausir la votz de l'occitanisme cal que i aja una dinamica pròpia qu'aurà la capacitat de portar nòstras reivindicacions.


Cossí serà estructurada aquela dinamica ? Es d'aquò que cal discutir totes amassas.
Vòl dire que devèm poder far una mudason sens renegar nòstra istòria, l'istòria de l'occitanisme, mas sens ne far un objècte sacrat. Devèm tanben comprendre que las estructuras existentas, los noms que pòrtan son estats d'aisinas per nos menar ont sèm ; pr'aquò nos devèm pas daissar enganar per un culte de las estructuras o per un patriotisme associatiu o partidista.

La modernizacion de l'occitanisme es une necessitat absoluda. Una generacion novèla espèra quicòm. Devèm prendre en compte sa cultura politica, son biais de veire e de comprendre l'engatjament e sa faiçon de concebre l'intervencion dels òmes e de las femnas dins l'anar de la societat.


Vos convidam a participar a d'amassadas dubèrtas a totes. Aquelas amassadas se farà en primièr al nivèl de las regions per s'acabar per una amassada panoccitana.

• 8 de junh a 20.30 : Rodès, Salle Montaigne, Parking Foch, Boulevard Gally
• 10 de junh a 20.30 : Pau, Salle 707, Complexe de la republica
• 17 de junh a 20.30 : Besièrs, Sala de la Cimada
• 23 de junh a 20.30 : Vilanova d'Olt
• 23 de junh a 20.30 : Sent Flor - Saint Flour, Sala no.4, Maison des Associations, Place René Amarger
• 5 de noveme tota la diada : pais Tolosan

E tanben podetz assistir a de debat dab los elegits regionals en carga de l'occitan :
• 7 de julhèt : Nimes dens l’encastre de Universitat Occitana d'Estiu
• 27 de julhèt a 11 oras : Rodès dens l’encastre de l’Estivada

Gustave Alirol, Conselhèr Regional Auvernha
Anne-Marie Hautant et Hervé Guerrera, Conselhèr-a-s Regional-a-s Provença
David Grosclaude, Conselhèr Regional Aquitani
Guilhem Latrubesse, Conselhèr Regional Miegjorn-Pirenèus
http://poctolosan.over-blog.fr/article-per-lo-desvolopament-d-una-for-a-politica-occitanista-novela-75636032.html

Lafontan


Occitan Warrior
Occitan Warrior
Far de politica d'un biais occitan deu èsser possible non ?
se n'avètz un sadol dels partits franceses, bolegatz vos es lo moment....Cambiar la societat es cambiar nòstra vida.

Zengi


Trobador !!
Trobador !!
Que son los partits frances qui vos an permetut d'aver elegits. Shens aquò lo Pòc que hasèva 2%. Escopir dens la sopa, va plan ? Cau assumir sa tactica politica.

Si que non, soi anat a l'amassada de Pau, e que'm soi rendut compte qu'en fèit n'èri pas occitanista. Soi pas decebut d'i estar anar, que m'a hèit caminar, personaument.

Danís


Adjudant
Sei 'nat a quela de Rodes, e ai pensat parier coma Mahmut... Meitat Chen Meitat P

admin


Trobador !!
Trobador !!
Oh, son tristonets au Pòc, vènen pas a Bordèu-d'au-ras-de-Garona. Avem pas drèit au spectacle ?


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

occitaneta


Occitan Warrior
Occitan Warrior
Bordèu-au-ras-de-Garona, se'n foten los occitanistas... Mes rai, qu'arridem plan totun de's trufar deu rèste d'Occitània !

occitaneta


Occitan Warrior
Occitan Warrior
E totun, sia dit en tot passar, la Gironda, e donc Bordèu, es en aqueth moment medish, un deus lòcs on's passa lo mei de causas, e on las causas bolegan pas mau... Jo disi aquò, disi pas arren tanpauc, soi plan soleta tanben !

admin


Trobador !!
Trobador !!
occitaneta a écrit:E totun, sia dit en tot passar, la Gironda, e donc Bordèu, es en aqueth moment medish, un deus lòcs on's passa lo mei de causas, e on las causas bolegan pas mau... Jo disi aquò, disi pas arren tanpauc, soi plan soleta tanben !

S'pas faux !


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Lafontan


Occitan Warrior
Occitan Warrior
I. Mahmut a écrit:Que son los partits frances qui vos an permetut d'aver elegits. Shens aquò lo Pòc que hasèva 2%. Escopir dens la sopa, va plan ? Cau assumir sa tactica politica.
Segur que sens aliganças i a pas cap d'elegits e aquò es vertat per cada partit, lo POC a lo meriti d'exisitir d'un biais autonòm e de pausar pauc a pauc un rapport de fòrça es aquò la politica. Mes benlèu que vos geina de veire una expression politica amb d'elegits que son pas religats a un partit francés.

Danís


Adjudant
SON religats a un partit frances, dau mens per lo moment !

Marxelin


Occitan Warrior
Occitan Warrior
Esperar quicòm dels partits franceses es completament nèci : dempuèi totjorn an jamai res fait per Occitània. Alavetz de qué servisson las aliganças amb eles ? Per l'occitanism coma tu Matèu me sentissi pas mai occitanista e per ieu fa de temps, just occitan.

http://www.anaram.org

maime


Lemosin de prumiera !
I. Mahmut a écrit:Si que non, soi anat a l'amassada de Pau, e que'm soi rendut compte qu'en fèit n'èri pas occitanista. Soi pas decebut d'i estar anar, que m'a hèit caminar, personaument.

Danís a écrit:Sei 'nat a quela de Rodes, e ai pensat parier coma Mahmut... Meitat Chen Meitat P

En que era pas occitanista ? An pas parlat d'occitan, d'Occitània, .... ???

http://ieumaitot.nireblog.com/

admin


Trobador !!
Trobador !!
maime a écrit:
I. Mahmut a écrit:Si que non, soi anat a l'amassada de Pau, e que'm soi rendut compte qu'en fèit n'èri pas occitanista. Soi pas decebut d'i estar anar, que m'a hèit caminar, personaument.

Danís a écrit:Sei 'nat a quela de Rodes, e ai pensat parier coma Mahmut...

En que era pas occitanista ? An pas parlat d'occitan, d'Occitània, .... ???

Òc, seretz braves de desvelopar un drin... Avem pas avut d'amassadas a Bordèu o a Limotges !


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Zengi


Trobador !!
Trobador !!
Me la vau pas jogar Big Dreux, soi pas au nivèu, mes sabi pas çò qu'ei d'estar occitanista, soi occitan, e basta.
Soi pas nacionalista per'mor vòli pas l'amassada de totas las classas sociaus per l'espelida du'a nacion.
Bethlèu soi pas occitanista per'mor pensi que n'èi pas arren a foter dab un occitan de dreta, deu centre o de la faussa esquèrra.

En clar, après en aver discutit dab David, n'èi tostemps pas comprés l'obectiu finau d'aqueras amassadas.

Estosse ua volontat deu Pòc de se tornar fondar en amassar mei de monde, qu'ac compreneréi perfèitament, mes me disen qu'ei pas aquò.
Ua platafòrma comuna per a lenga ? Aisit de hiacr en plaça, me disen qu'ei pas aquò.
Un naveth partit politic qui amassa tots los occitans ? Impossible, n'a pas nat sens.

E qu'ac torni diser, desolat d'insistir mes tròbi lo Pòc hèra ingrat dab EELV. Shens eths nat elegit, donc arrestatz de diser qu'ètz pas ligat a un partit francés, perqué non pas assumir dinc au cap ?

Danís


Adjudant
maime a écrit:
En que era pas occitanista ? An pas parlat d'occitan, d'Occitània, .... ???

Si justament, an parlat de quò e nonmas de quò. Remarquei que prononcieren mai lo mot "occitanista" que "occitan". Quo balha una mena de discors que ven d'en naut, e completament copat de la realitat dau territòri. L'occitan sol sufis pas a far un project politic, quo es nonmas un mejan de portar un project mai globau per io.

maime


Lemosin de prumiera !
I. Mahmut a écrit:Un naveth partit politic qui amassa tots los occitans ? Impossible, n'a pas nat sens.
A un sens dins un project nacionalista (emai moderat, eh).

Danís a écrit:
maime a écrit:
En que era pas occitanista ? An pas parlat d'occitan, d'Occitània, .... ???

Si justament, an parlat de quò e nonmas de quò. Remarquei que prononcieren mai lo mot "occitanista" que "occitan". Quo balha una mena de discors que ven d'en naut, e completament copat de la realitat dau territòri. L'occitan sol sufis pas a far un project politic, quo es nonmas un mejan de portar un project mai globau per io.
L'occitanisme es mai que mai copat de la realitat dau terrenh. Me, emb la derota de la mança francesa, esperava qu'un partit coma lo Poc faguessa 'na vertadiera alternativa en gardar son costat occitanista, mai en definir 'na politica de mança (d'alternativa au capitalisme quitament reformista). Veiqui çò que faudria, me sembla : un partit occitan (perque au niveu francés la mança es pas pus capabla de ren) que reünis autorn d'un programa d'alternatiu e occitanista daus militants de mança occitanista o pas (occitabista dins lo sens o lo combat per l'occitan es prumier), emb una plaça per los reformistas coma per los revolucionaris.

A legir lo texte, la proposicion dau Poc me sembla èsser nonmas un biais d'amassar los militants culturaus darrier un project politic, nefin darrier lo Poc.

http://ieumaitot.nireblog.com/

Zengi


Trobador !!
Trobador !!
I. Mahmut a écrit:
Un naveth partit politic qui amassa tots los occitans ? Impossible, n'a pas nat sens.
A un sens dins un project nacionalista
Òc, exactament, qu'ei çò que disevi mei haut. A d'aqueth moment, i a dejà lo PNO,qui recruta a dreta com a esquèrra en pensar que l'occitanisme ei un projècte politic en si medish .. praubòts.

Alh Òli


Occitan Warrior
Occitan Warrior
I. Mahmut a écrit:Que son los partits frances qui vos an permetut d'aver elegits. Shens aquò lo Pòc que hasèva 2%. Escopir dens la sopa, va plan ? Cau assumir sa tactica politica.

Ne dirai pas mai sus lo sujet, mai siáu ben d'acòrdi émé tu. Amendonnat, basta.

Lafontan


Occitan Warrior
Occitan Warrior
Esser autonòm e far d"aliganças son doas causas diferentas e compatiblas, totes los partits o fan perqué lo POC s'empachariá d'aver d'elegits ? Per far plaser a qualques occitanistas que passon lor temps a criticar los que son dins l'accion ? Sabi que foguèt un temps ont èra l'esport nacional mas es ora de passar a quicòm mai !

maime


Lemosin de prumiera !
Fasetz pas d'aliança, setz un movement associat a EELV e alaidonc avetz 'na plaça particulara dins son organizacion. Extrach de l'estatut d'EELV e de l'organizacion e de la primària de l'ecologia.

Europe Ecologie - Les Verts s'inscrit pleinement dans un ensemble plus vaste qui contribue au développement des idées de l'écologie politique. à ce titre, afin de développer et renforcer son Réseau, Europe Ecologie - Les Verts s'autorise à nouer des partenariats durables avec des organisations qui partagent ses valeurs et buts. Ces organisations et leurs membres pourront faire partie du Réseau selon les modalités définies dans une convention de partenariat. Celle-ci aura pour fonction principale de préciser les modalités organisationnelles communes, leur représentation dans les organes respectifs, notamment dans les Agoras territoriales, ainsi que leur participation dans l’élaboration collective d’une réflexion programmatique.
(...)
L’Agora est initialement composée de 300 membres, dont :
• 50 % sont issus du Conseil fédéral ;
• 50 % sont issus des différentes composantes du Réseau coopératif dont les coopérateurs/trices tiré-e-s au sort parmi les volontaires et, dans une limite et selon les modalités fixées au règlement intérieur, des représentant-e-s des éventuels mouvements associés.
(...)
Chaque délégué-e national-e thématique a la charge d'un domaine pour lequel il/elle doit animer la réflexion politique en lien étroit avec les commissions du mouvement, les instances politiques et les organismes associés ou partenaires.
(...)
Tous les membres d’Europe écologie les Verts (adhérents et coopérateurs) et des organisations avec lesquelles existent des conventions de partenariat participent automatiquement à la primaire de l’écologie
(...)

Qu vai mai loenh qu'una simpla aliança electorala coma podetz aver emb lo PS (per exemple au segond torn de las regionalaso de las municipalas).

http://ieumaitot.nireblog.com/

admin


Trobador !!
Trobador !!
Òc, criticam pas, constatam l'incoheréncia deus vòstes perpaus.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

maime


Lemosin de prumiera !
Emai diria que lo Pòc e RPS a lo drech de s'engatjar dins una associacion avançada emb EELV. Qu'es mai qu'una estrategia, 'na chausida politica. Perque pas. Quò marcha per lo moment (per çò qu'es d'aver daus elegits vòle dire). Veiram la resulta per çò qu'es de l'occitan (emai, çò qu'es important per me, las chausidas politicas generalas fachas per los elegits poquistas).

http://ieumaitot.nireblog.com/

Lafontan


Occitan Warrior
Occitan Warrior
maime a écrit:Fasetz pas d'aliança, setz un movement associat a EELV e alaidonc avetz 'na plaça particulara dins son organizacion. Extrach de l'estatut d'EELV e de l'organizacion e de la primària de l'ecologia.

Europe Ecologie - Les Verts s'inscrit pleinement dans un ensemble plus vaste qui contribue au développement des idées de l'écologie politique. à ce titre, afin de développer et renforcer son Réseau, Europe Ecologie - Les Verts s'autorise à nouer des partenariats durables avec des organisations qui partagent ses valeurs et buts. Ces organisations et leurs membres pourront faire partie du Réseau selon les modalités définies dans une convention de partenariat. Celle-ci aura pour fonction principale de préciser les modalités organisationnelles communes, leur représentation dans les organes respectifs, notamment dans les Agoras territoriales, ainsi que leur participation dans l’élaboration collective d’une réflexion programmatique.
(...)
L’Agora est initialement composée de 300 membres, dont :
• 50 % sont issus du Conseil fédéral ;
• 50 % sont issus des différentes composantes du Réseau coopératif dont les coopérateurs/trices tiré-e-s au sort parmi les volontaires et, dans une limite et selon les modalités fixées au règlement intérieur, des représentant-e-s des éventuels mouvements associés.
(...)
Chaque délégué-e national-e thématique a la charge d'un domaine pour lequel il/elle doit animer la réflexion politique en lien étroit avec les commissions du mouvement, les instances politiques et les organismes associés ou partenaires.
(...)
Tous les membres d’Europe écologie les Verts (adhérents et coopérateurs) et des organisations avec lesquelles existent des conventions de partenariat participent automatiquement à la primaire de l’écologie
(...)

Qu vai mai loenh qu'una simpla aliança electorala coma podetz aver emb lo PS (per exemple au segond torn de las regionalaso de las municipalas).

Cal plan legir lo texte s'agis de l'organizacion de la primària de l'ecologia e pas d'un fondament de l'organisacion d'EELV, aquò dit te pòdi dire que la mager part dels militants del POC participaran pas a n'aquelas primarias qu'i vesèm pas lo nòstre projècte politic, sèm plan autonòms amai se EELV es lo movament politic francés qu'es nos es lo plus pròche, vòl pas dire que li sèm ligats d'un biais simplista coma volètz ensajar d'o far creire

maime


Lemosin de prumiera !
La darriera frasa es una dau texte d'explicacion de la primària. Lo demai es un extrach de l'estatut d'EELV. Me sembla que li setz liats pas d'un biais simplicista mas estructurau. Enfin, l'estatut parla d'una "convention de partenariat". Qu'es benleu pas fach.

Emai tròbe colhon totparier de pas participar a la chausida dau candidat qu'anatz sostener per la presidenciala, mai que mai quand ne'n avetz la possibilitat.

http://ieumaitot.nireblog.com/

Lafontan


Occitan Warrior
Occitan Warrior
E ben justament vesètz ben que li sèm pas tant ligats coma o cresètz, que quora nos sentissèm pas concernits avèm una reaccion occitana, çò qu'es normal e la pròva que sèm pas un partit francés.

maime


Lemosin de prumiera !
Ben, esperarem lo comunicat oficiau de sosten dau Pòc au candidat EELV. Emai, ai jamai dich qu'eriatz un partit francés.

http://ieumaitot.nireblog.com/

Sokolovic


Trobador !!
Trobador !!
maime a écrit:Ben, esperarem lo comunicat oficiau de sosten dau Pòc au candidat EELV. Emai, ai jamai dich qu'eriatz un partit francés.

Es un partit francés. Se presenta a d'eleccions dins l'encastre de la Repunlica Francesa. Vieu pas coma si pòu pensar autrament.

Zengi


Trobador !!
Trobador !!
Pensi meilèu que son francés per'mor se senteishen francés. Ei pas ua insulta, sonque repeti çò qu'èi entenut mantun còps a l'amassada de Pau : "Qu'èm francés".

Participar a eleccions municipaus o cantonaus, per jo, ei pas acceptar forçadament lo fonccionar de la Republica francesa. Las municipaus per exemple que pòden estar un bon mejan de har passar un messatge, e de bastir un projècte politic en fasa dab la pensada autogestionària.

S'espiam en çò deus vesins, au PB Sud, la tactica de las comunas qu'a plan fonccionat : uei que s'arretròban au cap de la vila de Donostia ! La situacion ei pas comparabla mes qu'ei interessant totun.

jfrieux


Occitan Warrior
Occitan Warrior
Sokolovic a écrit:
maime a écrit:Ben, esperarem lo comunicat oficiau de sosten dau Pòc au candidat EELV. Emai, ai jamai dich qu'eriatz un partit francés.

Es un partit francés. Se presenta a d'eleccions dins l'encastre de la Repunlica Francesa. Vieu pas coma si pòu pensar autrament.

Emai comparason es pas rason, los eurosceptics mandan de deputats a Estrasborg, lo paradox es pas qu'aparent.

maime


Lemosin de prumiera !
Sokolovic a écrit:Es un partit francés. Se presenta a d'eleccions dins l'encastre de la Repunlica Francesa. Vieu pas coma si pòu pensar autrament.
Bon, es un partit francés, perque es declarat en França, se presenta dins l'encastre francés. Mas, tanben, es pas un partit francés, perque es pas present sus l'ensemble dau territòri. Es un partit regionau, coma lo partit comunista reunionés o lo partit socialista guianés. D'alhors, son pas coma Libertat o los partits catalans e bascs que suerten de França.

http://ieumaitot.nireblog.com/

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 2]

Aller à la page : 1, 2  Suivant

Permission de ce forum:
Vous ne pouvez pas répondre aux sujets dans ce forum