OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum

Le Deal du moment : -50%
-50% Baskets Nike Dunk Low
Voir le deal
64.99 €

Vous n'êtes pas connecté. Connectez-vous ou enregistrez-vous

Lo Brossin

Aller en bas  Message [Page 1 sur 1]

1Lo Brossin Empty Lo Brossin Lun 6 Aoû 2007 - 16:56

Barbet

Barbet
Occitan Warrior
Occitan Warrior

Per aquelei que serián ren afogat dau babybel e que crentan ren lei bònei cauvas, vaquí quauqua ren dau mieu dins Var, que si fa tanben en Provença tota, lo brossin: (texte d'Andriu Abbe)


Dau mes de decembre au mes de març, es lo temps de si congostar emb lo delici dei delicis: lo famós brossin dei paisans de Var. Es fach de fromai de cabra emb, eventualament, quauquei retalhons de vièlh fromai e un iogort per que siegue mai onchós.
Dins lo topin, es necite d'apondre quauquei culhiers d'aigardent (un pareu per cent gramas de fromai) e de mesclar tot aquò. Fau laissar aqueu mesclum un bòn mes dins lo fresc de la cròta. Quora lo brossin es fach, es puèi possible d'apondre de morselons de fromai à l'azard dei subres dei repàs familhaus. Dona un pauc de diversitat.
Mi siáu avisat en parlant emb diferents afogats d'aquelei fromais fermentats un pauc balés qu'aqueu brossin semblava fòrça au "topinat" dei gents dau relarg gapian e briançonés. Dins aqueu topinat, n'i a que meton un pauc de vin blanc. La "cachat" ò "cacalha" deis amics dei Basseis-Aups (ara Aups de Provença-Auta) sembla en aquò, mai n'i a que li apondon d'alhet ò de ceba.
Fin finala, semblariá que li aguèsse ges de separacion franca entre brossin, cachat, cacalha, topinat, estent que la fantasiá de cadun dei preparators intra largament en linha de còmpte. La granda diferéncia vèn de la natura dau fromai, de feda ò de cabra, rarament de vaca, e de la longor de la fermentacion. N'i a que prefèron lei fermentacions cortas. N'i a d'autres que prefèron lei fermentacions lòngas que dònon de fromais "que aluman". Siáu dins lo grope deis "alumats", mai devi confessar que seguissi pas leis ultràs dau brossin que consideran que li a pas de bòn brossin sensa lei pichons vèrmes nomenats "quiquets" que petejan en espetant, quora metèm pròche labras la lesca de brossin!

Andrieu ABBE

Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum