OCCITANIA !! Forum


Vous n'êtes pas connecté. Connectez-vous ou enregistrez-vous

Anem Òc 2012 : corrièr de David Grosclaude

Aller à la page : 1, 2  Suivant

Voir le sujet précédent Voir le sujet suivant Aller en bas  Message [Page 1 sur 2]

admin


Trobador !!
Trobador !!
Recebut dens la setmana, avèvi pas lo temps d'ic botar suu forum mei lèu. Esperam las vòstas reaccions !

…Otros esperan que resistas
que les ayude tu alegría
tu canción entre sus canciones.

José Agustín Goytisolo


Anem Òc ! 2012
La lenga occitana pòt pas èstre absenta del debat public



La tenguda d'una granda manifestacion en favor de la lenga occitana en 2012, abans l'eleccion presidenciala, es una promessa faita publicament al mes d'octobre de 2009. A l'epòca aviái la responsabilitat d'una de las composantas de Anem Òc ! e pas de las mendras : l'IEO. Pòdi dire sens mentir que l'IEO foguèt a l'origina d'aquela idèa o al mens pòdi afirmar qu'es l'IEO que formulèt la proposicion d'una granda manifestacion en favor de la lenga occitana. Segur, èra una idèa qu'èra nascuda dins lo cap de maitas personas. Las idèas son lo produit de tantes factors qu'es pas totjorn de bon dire d'ont venon. Se l'IEO èra pas lo brèç de l'idèa ne foguèt al mens lo formulator, lo que cambièt una idèa encara fosca en projècte concret.
Me sentissi donc una responsabilitat dins la seguida quitament se soi pas mai en carga de l'IEO e se participi pas mai als acamps d'Anem Òc ! dempuèi qu'èi pres d'autras responsabilitats, mas totjorn al servici de la lenga occitana.
En 2009 me soi engatjat devant milierats de personas a contunhar. Una promessa aquò compta.
Per aquesta rason soi convençut que devem seguir sul camin de la reivindicacion publica en favor de la lenga. Devèm mai que jamai portar lo messatge qu'es lo de Caracassona 2005, puèi de Besièrs 2007 e de Carcassona, encara un còp, en 2009.

L'occitanisme recampat

Un primièr còp, en 2005, faguèrem la pròva que l'occitanisme recampat a l'entorn de quauques elements simples de reivindicacion èra capable de far quicòm de grand, d'estrambordant, portaire d'energia pels que començavan d'èstre cansats de trabalhar sols dins lor canton.
En 2007 faguèrem la pròva que podiam far mai grand e qu'èra possible d'aculhir d'autres defenseires de la lenga malgrat nòstras diferéncias. Espèri atal d'aver participat a far dintrar oficialament lo Felibrige dins la granda familha d'Anem Òc ! Disi oficialament pr'amor ja en 2005 de felibres nos avián acompanhats dins la primièra manifestacion.
Totes sentissiam qu'èra lo moment de o far e pensi pas que digun o posca regretar ; ni las associacions occitanistas ni lo Felibrige.
En 2012 se jogarà un moment de vida politica important. Quala que siá nòstre punt de vista sus la question, l'eleccion a la presidéncia de la Republica es un moment fòrt de mobilizacion politica e d'atencion dels responsables politics a çò que se ditz dins la societat.
L'occitanisme e tots los que demandan justícia e reconeissença per la lenga occitana fan partida de la societat. Donc se devon far ausir.

Es urgent d'organizar aquela manifestacion. Lo temps es comptat. Es complicat d'organizar un tal eveniment. Es urgent tanben de trobar un lòc per aquò far.
Las edicions precedentas foguèron de moments importants de mediatizacion quitament se d'unes tròban que o foguèron pas pro. Pasmens, jamai dins l'istòria de nòstra lenga avèm agut tant espaci mediatic. Avèm ganhat una plaça dins los mèdias qu'abans nos èra pas jamai donada, que se parlava totjorn de las autras lengas e nosautres èrem dins los ....punts de suspension.
I sèm pas mai.
Los promotors de las autras lengas ara nos espèran. Espèran qu'ausiràn lèu aquel Anem Òc ! que lor permetèt tanben a eles de se reconéisser. L'espelida d'una reivindicacion fòrta, populara e audibla en favor de la lenga « regionala » mai parlada en França foguèt per eles una fòrça bona novèla. De basques e de bretons m'an demandat recentament çò que se passarà en cò nòstre e quand. Vòlon saber çò que farem per organizar quicòm lo meteis jorn. Cossí respondre que nosautres farem pas res. Ieu pòdi pas.

Ont e per demandar qué ?

Sabi los debats a l'entorn del lòc futur de la manifestacion. Dirai que de tota faiçon i a urgéncia ara per prendre una decision e de la prendre en foncion dels interèsses de la lenga.
La vila de Tolosa es la possibilitat que me sembla mai bona qual que siá lo punt de vista. Es una de las vilas màgers del país d'òc. Es una vila granda que comença de far quicòm per la lenga ; e malurosament son pas encara pro atal.
Es una vila ont se tròban TOTES los mèdias exagonals (ràdios, televisions, correspondents de fòrça quotidians etc...) e es una vila que, en periòde electoral, es possible de i venir en una ora d'avion, de faiçon fòrça regulara.
Es una vila ont i a de militants que son lèstes per participar a l'organizacion. Es una vila accessibla. Segur es pas tan centrala coma Carcassona mas a pas res a veire ; amb Tolosa passam a un autre nivèl.

Es subretot la vila de totes los que parlan la lenga. I nasquèron d'associacions occitanistas coma i nasquèron d'autras associacions qu'an una autra sensibilitat.
Disi tanben que l'argument segon lo qual cal far la manifestacion dins un endret ont n'an de besonh val pas. Avèm fait doas manifestacions a Carcassona e vesèm çò qu'a donat. La vila a pas sabut tirar profieit d'aquel present que li faguèrem. Es dins d'autres parçans que las causas an avançat. E las manifestacions i son per quicòm.
Las doas autras vilas grandas, de la talha de Tolosa, serián encara mai descentradas (Marselha, Bordèu).

Volèm la lei !

Podèm far de Anem Òc 2012 ! un grand eveniment qu'aurà una portada per nòstra lenga mas tanben per totas las lengas ditas regionalas en demanda d'una legislacion e d'una reconeissença.
Totes, tantes que sèm, qual que sián nòstras opinions politicas, nòstra color de pèl o nòstras conviccions podèm metre en plaça lo recampament qu'espèran fòrça monde. Serà la seguida de Carcassona 2009 mas serà un pas de mai dins la forma e sul fons.
Sabèm que totas las lengas son en espèra d'una lei. Sabèm que i a una proposicion qu'es estada depausada e qu'es estada discutida entre de parlamentaris e de promotors de nòstras lengas. Per Anem Òc ! 2012 pòt èstre una reivindicacion comuna
Lo comitat d'organizacion d'Anem Òc ! a trabalhat fòrça dempuèi 2005. Los que son estacats a la lenga occitana li devon portar lor sosten. Las associacions que compausan Anem Òc ! pòdon pas portar aquel projècte sens ajuda materiala e financièra.
Apèli donc a far nàisser un movement de sosten a Anem Òc ! que permetrà d'organizar un eveniment reivindicatiu e popular que poirà gardar son independéncia, sa neutralitat fàcia al monde politic.
De segur la neutralitat vòl pas dire que lo monde politic deu demorar indiferent, es tot lo contra. A Tolosa en 2012 devèm arribar a far nàisser una convergéncia de responsables politics, de partits diferents (los que son portaires de valors democraticas e umanistas segur) que seràn en capacitat d'escotar las reivindicacions puèi de las portar cadun dins sa collectivitat, son maine d'accion e de decision.
E de tota faiçon es evident, o sabi e totes o sabèm : res poirà pas remplaçar la mobilizacion associativa, ciutadana, lo don de se, l'acte gratuit per una causa que passa los nòstres interèsses particulars, las nòstras ambicions individualas.
Lo benefici serà per la lenga e sonque, al delà de las capèlas associativas e politicas ; lo benefici serà pel joves que prenguèron lo cap de la manifestacion de Carcassona en 2009. Aquestes e plan d'autres espèran de nosautres quicòm mai que de discussions d'una autra epòca. Eles pensan d'un autre biais, bastisson lo monde a lor biais. Nos espian, espèran còps que i a una iniciativa nòstra. A nosautres de los desesperar pas ! Son las femnas e los òmes d'òc de deman.
Podetz far circular aquela letra, la signar, me mandar vòstre punt de vista.

Amistats occitanas.
David Grosclaude
Lo 5 d'abriu de 2011
grosclaude.david@orange.fr
06 83 01 19 37


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

joan_cavalier


Trobador !!
Trobador !!
PEr n'en saber mai, 20 minutas d'etv de David Grosclaude d'escotar leu (soi en plan montatge sus ROC) e tanben sus Pais (de veire amb l mahmut quora)

http://www.myspace.com/joan_cavalier

Zengi


Trobador !!
Trobador !!
Te deishi la prioritat sus aqueth ahar Risolet
Espèri tanben un pauc abans de me lançar dens aqueth debat e de balhar mon avis sus lo lengadò-centrisme (d'acòrd, aquò ei jà un punt de vista Content)

joan_cavalier


Trobador !!
Trobador !!
Ben escota sera difusit en 2 troçes de doas minutas dins lo jornal de la redaccion dijous e divendres ( a 1ora 15 del vespre redifusion a 6oras 15) e esperarai tanben ta balhar lo meu vejaire sus l'utilitat (o non) d'Anem Veau (a merda aquo tanben es un vejaire lol)

http://www.myspace.com/joan_cavalier

Sokolovic


Trobador !!
Trobador !!
Tolosa es una bòna idèia. En tot lo cas, estent que occitan = lengadocian, es la causida la mens ninòia.
De tot biais, sierve de ren de ne'n discutir, coma de costuma.
Pamens siau en ren segur que Marselha siegue mai decentrada que Tolosa per la part màger d'Occitania. Subretot que de TGV a Tolosa, n'i a gaire.

Au passatge, m'avisi que leis argumentas qu'aviam dichas aperavans ara son valablas, coma la question de la preséncia dei media exagonau. An esperat 2 annadas per si ne'n avisar...

sebastian


Gacha Empega !
Gacha Empega !
Fau organizar aquò a Marselha ! perque ? Vaqui :
Provençaus de bona volontat, unissetz-vos

Letra duberta de la FELCO - Legir la letra dins lo document PDF associat

Remarca : a la demanda d'unei de nòstrei, precisam que cada element sotalinhat dins lo tèxt que seguís es "clicable" e remanda a de documents complementari



Dempuèi d’annadas, dins l’encastre dau comitat “Anem, òc”, plaidejam, la FELCO, per una accion publica en Provença, recampaira de totei lei sensibilitats, per mostrar sus lo terren que lei vièlhei garrolhas de grafia o de capèlas se devon taisar davans lei dangièrs portats per lo Couleitieu Prouvènço.
Fins ara, siam estats ausits ren que parcialament : d’unei pensavan – e avèm agut pensat tanben – que la bona tactica èra de faire coma se lo dich couleitieu existissiá pas. Aquela tactica a benlèu pagat en defòra de Provença. Mas fau ben constatar qu’amb aquò avèm laissat lo terrenh e l’expression publica a aquelei que van bramant contra “l’occitanizacion de Provença”, que cobrisson d’escòrnas la direccion dau Felibritge, que preferisson la mòrt de la lenga puslèu que d’acceptar son unitat dins la diversitat (d’exemples de son accion en fin d’aqueste comunicat).
Es per aquò que sonam d’un biais solemne nòstrei collègas ensenhaires e mai largament, aquelei que vòlon faire viure nòstra lenga en Provença de s’organizar per una accion publica, espectaculara, recampaira, sus la basa de la crida “Anem, òc !”.
Una accion ansin es possibla, la pròva :
- de corrièrs foguèron mandats au president de Region per li demandar audiéncia au nom de leis associacions que compausan « Anem, òc »

•- nòstreis associacions sòcias, l’AELOC dins l’acadèmia d’Ais, e l’APLR dins aquela de Niça, trabalhan dempuèi d’annadas dins lo respècte dei doas grafias en usatge en Provença ; sei publicacions ne pòrtan testimòni
•- de jornaus coma Aquò d’aquí , Prouvènço aro an sonat cotria ai manifestacions de Besièrs e Carcassona. Fan plaça, dins sei colonas, a l’activitat deis occitanistas coma dei mistralencs. E mai un jornau coma Li Nouvello de Prouvènço, dempuèi d’annadas, a seguit una evolucion que lo mena ara a rendre compte de bona part deis activitats occitanistas (publicacions e collòquis).
•- l’emission Vaquí fai una plaça a totas las sensibilitats en Provença. Recentament faguèron una emission sus lo trabalh de l’associacion “provençau lengo vivo”
•- dempuèi 2005, lo Felibritge a rejonch lo collectieu « Anem, òc” e sa venguda a portat per carrièras a Besièrs e a Carcassona de centenats de manifestants suplementaris
•- a la manifestacion del 12 de decembre 2010, per la senhaletica bilingua a Villanòva de Magalona, Occitanistas e Felibres (d'unesi venguts de luenh) se retrobèron amassa, amb de plancardas dins lei doas grafias...
•- una « Plate forme pour la culture et la langue d'oc en Provence Alpes Côte d'Azur » es en linha que son preambul ditz clarament « La langue d’oc, dans toute la diversité de ses parlers (provençal rhodanien et maritime, alpin, niçois…) est la langue originelle de notre région, ainsi que de toutes les régions occitanes du Sud de la France, sur 32 départements de notre pays » e es signada tant per de responsables occitanistas coma per de majoraus dau Felibritge
De qué se passa dau temps que la majoritat dau mond de bona volontat se trufan dei garrolhas dau temps de l'an pebre, e que, emai foguèsson mai estacats a una grafia qu’a una autra, an subretot enveja de contunhar de parlar e d’ensenhar sa lenga ?

•• Lei deputats, leis elegits e au primièr reng, lo president de la Region son secutats per lo famós “Couleitieu Prouvènço”, que se fai passar coma lo pòrta-paraula dau “pòple de Prouvènço”. Simplificacions, messorgas, atacas ad hominem, tot i passa. L’occitanisme seriá tot entièr portat per una volontat uniformizatritz e mai separatritz. Seriá un dangièr non solament per Provença e per sa lenga, mai per la Republica.
•• I a agut d'avançadas despuèi la creacion dau CAPES occitan-lenga d'òc (trabalh sus una lèi lengas regionalas amb l’intergrop parlamentari, creacion dau Diplòm de competéncia en lenga occitan e breton per parlar que dei mai recentas) e pasmens lei deputats son secutats de questions escrichas li demandant ren aure que de considerar lo provençau coma lenga a despart, e presentant aqueleis aquesits coma autant d'atacas anti-provençau... Tot aquò en “oblidant” que lo dich CAPES d’occitan-lenga d’òc permet ara a de professors (que d’unei son membres dau famós couleitieu), de se dire « professors de provençau » sens que degun li cerque garrolha...
•E malurosament, aquò fonciona. De deputats, e mai d’unei en defòra de Provença, escrivon al Ministèri per demandar la reconeissença dau prouvençau coma lenga a despart. Trobaretz tot aquò sul sit de la FELCO e mai la letra qu’escriguèrem als diches deputats.
•S'avètz de dobtes, es aisit de verificar lo biais de faire d’aqueu couleitieu : comparatz lei sits internet. Costat FELCO, coma AELOC, de renduts-comptes d’activitats, de publicacions, d’accions, d’informacions. Costat couleitieu : la polemica e sempre la polemica.
Exemples :

•• Pour le Ministre de l’Education Nationale n’y a-t-il que deux langues régionales : le breton et l’occitan ? . De saber qu’un recors es estat depausat contra la creacion del Diplòma de competéncia en Lenga, conquistat de nauta lucha…
•• Une proposition de loi sur les Langues Régionales annonce-t-elle la fin de la langue provençale ?
•• Legissètz lo blòg http://daudau.blog.fr/ que se vòl pròche deau couleitieu... Un productor de film fai l’escomesa de doblar dins mantuna lenga regionala un film grand public. Per aquò demanda de doblaires qu’empleguèsson de varietat diferentas de la lenga d’òc, per donar idèa de la mirgalhadura de nòstra lenga. Luòga de saludar l’iniciativa, lo blòg sona a de manifestacions de protèsta contra los patrons de cinemà que projectaràn lo film.
Remarcaretz tanben que, contra la dubertura actuala qu’admet doas grafias, lo couleitieu, au mespretz de bona part de çò que s’es escrich ò que s’escriu en provençau (Robert Lafont, Sergi Bec, Joan Ives Roièr, per parlar que dei mai grands...) demanda una grafia unenca per Provença : « Le vecteur essentiel de l’enseignement du provençal doit être l’école de la République. L’orthographe utilisée pour l’enseignement de la langue sera la graphie moderne dite mistralienne ou provençale codifiée par Frédéric Mistral dans le respect des variétés dialectales. »

E tot dau meme ton, ambé la risca de donar a pensar au mond curiós de la lenga de Provença que s'agís aquí d'un subjecte tilhós, per pas dire d'un baston brenós. A la risca donc de veire aqueu mond prendre sei distàncias, e laissar tombar tot interès per la lenga. Es aquò lo tipe de resulta que pòdon ganhar lo mond dau Couleitiéu, que lo vòugan o non - li laissam encara lo benefici dau dobte.

Es inutile d'assajar de discutar amb aqueu mond (e podètz creire qu'avèm onestament assajat).

Es au contra indispensable de pas lei laissar apareisse solets dins lo debat public en Provènça.

Es temps que se recampen toteis aquelei que refusan l'embarrament dins de debats esterles e paranoiaques, e que vòlon que la causa de la lenga siague primiera servida, que que siague lo biais que l'escrivon.

Es temps qu'aquelei, toteis aquelei, se manifesten, pas solament a Besiers ò Carcassona, e fagan enfin saber en Provènça au mond de Provènça que i a pas de salut per sa lenga en defòra d'una accion concertada entre totei lei regions ont se parla una dei variantas de la lenga d'òc, aquela « rebello lengo d'o » que ne parlava Mistral.

Es just e just perque siam persuadats, la FELCO, que se laissam capitar la desmarcha separatista d'aqueu mond e sa negacion de l'existéncia d'UNA lenga d'òc sus lei trenta despartiments dau Miegjorn, es l'ensems de la revendicacion per la lenga d'òc pertot que se trobarà fragilizada.

Car leis enemics d'aquela revendicacion mancaràn pas de s'apielar sus aqueu tipe de manòbras de division per refusar tota avançada. Sufís de se sovenir dau biais que lo senator Charasse combatèt tota presa en compte dei lengas regionalas au moment dau debat sus la Constitucion, en fasent mina de se pausar en defensèire de l'auvernhàs... Çò que se passa, ò se passa pas en Provença, concernís tot lo mond.

Provençaus de bona volontat, unissetz-vos.
E per pietat, despachatz-vos !

http://enprovence.forumactif.org/index.htm

Sokolovic


Trobador !!
Trobador !!
Bouahahaha !

Aquest letra mi fa ben rire, aurian pougut l'i pensar avans. Compti pas lo nombre de còps que leis aguèris per mail ò per telefòne per li explicar la situacion en Provença. Ara que s'avisan que lei falabracs de l'Unioun Prouvençalo començan de venir sagatar son trabalh a n'elei e pas solament a nosautres, venon rampelar son monde.

Es estonant de veire coma lei criticas qu'avian fachas a l'epòca ara son represas per lei memes que nos prenian per d'arlèris incompetents quora assajaviam de donar nòstre avejaire.

sebastian


Gacha Empega !
Gacha Empega !
Segur, sieu d'accordi amé tu. Mai es lo moment de faire ausir leis movements e autres associaciens occitans de Provença, en Provença. Lo temps es comptat aqui.

http://enprovence.forumactif.org/index.htm

Sokolovic


Trobador !!
Trobador !!
Siam ben d'acòrdi.

Mai sabi pas perqué mai aquesta mena de letra donairitz de leiçon que nos ven explicar la nòstra situacion e coma far per si ne'n despatolhar (coma se coneissaviam pas çò que si passa au nòstre...) mi dona puslèu l'enveja de lo far a l'encontrari e de lei mandar lei v'uns ambé leis autres cadun de son costat, occitanistas coma provençalistas.

Enfin, s'adreiça pas a ieu de tot biais, puei que si parla ai "provençaus de bona volontat", çò qu'es pas mon cas.

LaurençD


Occitan Warrior
Occitan Warrior
Sembla que la question de la causida de la vila tòrne sus la taula. Benlèu que se son empegats dins lo comitat secret d'Anèm Òc, alara la letra seria lo signe qu'aqueles que vòlon sortir de l'anar-e-tornar Besièr/Carcasona (coma Grosclaude, çò sembla) an pas ganhat.
Ieu siai puslèu d'acordi per i anar a Tolosa de Lengadòc, aquò me farà una passejada agradiva e puèi anarai faire un poton a la tatà. Mas abans que de signar, m'agradaria de saupre los detalhons...


_________________
http://lacabraelolop.canalblog.com/

Alh Òli


Occitan Warrior
Occitan Warrior
Tolosa de Lengadòc

Bouarf

jfrieux


Occitan Warrior
Occitan Warrior
Soi segur que sois pas jamai anat al pelegrimatge de Nòstra Dòna de Marceilla . :-)



Dernière édition par jfrieux le Mer 13 Avr - 11:34, édité 1 fois

admin


Trobador !!
Trobador !!
Tolosa es una causida mensh pèga que Carcassona o la banlèga sud-est de Narbona. Quitament se demoran en Lengadòc, ...


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Sokolovic


Trobador !!
Trobador !!
Tolosa me sembla una idèia melhora que Tolosa de Lengadòc bòrd qu'existe pas aquesta ciutat d'aqui.

Mai seriosament, es una causida evidenta, per de rasons politicas e marketing. Es la ciutat que faguèt lo mai, me sembla, per la cultura e la lenga d'òc. E puei l'a escasença de far quacaren de bèu amb sa populacion grossassa, que siau segur que vendràn de gents que serian pas estats a Carcassona, Besiers ò dins una autra vilòta.

Veirem ben coma tot aquò se debana.

Zengi


Trobador !!
Trobador !!
E que pensatz dau fach qu'aquò se debanarià un mes abans las presidencialas, per fotre la 'pression' aus candidats ?

Alh Òli


Occitan Warrior
Occitan Warrior
LaurençD a écrit:Sembla que la question de la causida de la vila tòrne sus la taula. Benlèu que se son empegats dins lo comitat secret d'Anèm Òc, alara la letra seria lo signe qu'aqueles que vòlon sortir de l'anar-e-tornar Besièr/Carcasona (coma Grosclaude, çò sembla) an pas ganhat.
Ieu siai puslèu d'acordi per i anar a Tolosa de Lengadòc, aquò me farà una passejada agradiva e puèi anarai faire un poton a la tatà. Mas abans que de signar, m'agradaria de saupre los detalhons...

Carcassona d'Auda e Besiers de Lengadòc vòs dire

Siguem seriós, tant vau d'anar manifestar a Paris de regien parisenca.


Sokolovic a écrit:Tolosa me sembla una idèia melhora que Tolosa de Lengadòc bòrd qu'existe pas aquesta ciutat d'aqui.

Mai seriosament, es una causida evidenta, per de rasons politicas e marketing. Es la ciutat que faguèt lo mai, me sembla, per la cultura e la lenga d'òc. E puei l'a escasença de far quacaren de bèu amb sa populacion grossassa, que siau segur que vendràn de gents que serian pas estats a Carcassona, Besiers ò dins una autra vilòta.

Veirem ben coma tot aquò se debana.




Siáu pluslèu d'acòrdi émé tu. E comprèni pas ben perqué l'an pas pensat en 2009.


Mahmut: es a doble tranchant, non? Tant si lei candidats ne van interessar, tant si ne van brandar e si concentrar sus lei problemes vertadièrs de la societat francésa: l'immigracien, la burqa e la delinquancia deis immigrats en burqa.

LaurençD


Occitan Warrior
Occitan Warrior
Alh Òli a écrit:
LaurençD a écrit:Sembla que la question de la causida de la vila tòrne sus la taula. Benlèu que se son empegats dins lo comitat secret d'Anèm Òc, alara la letra seria lo signe qu'aqueles que vòlon sortir de l'anar-e-tornar Besièr/Carcasona (coma Grosclaude, çò sembla) an pas ganhat.
Ieu siai puslèu d'acordi per i anar a Tolosa de Lengadòc, aquò me farà una passejada agradiva e puèi anarai faire un poton a la tatà. Mas abans que de signar, m'agradaria de saupre los detalhons...

Carcassona d'Auda e Besiers de Lengadòc vòs dire

Siguem seriós, tant vau d'anar manifestar a Paris de regien parisenca.


As rason, cal estre precis : voliai dire Tolosa-de-Lengadòc-Naut et Besièrs-de-Lengadòc-Bas.
Mèfi, n'i a encara que van dire que valdria melhor anar a Marselha-de-Pacà.
De tot biais, ieu çò que m'agradaria es d'anar passar carrièra a Monistròl-de-Velai-a-pas-que-vingt-minutas-en-veitura-de-Sant-Esteve.


_________________
http://lacabraelolop.canalblog.com/

maime


Lemosin de prumiera !
Se ditz Tolosa d'Airbus... Uèlhs al Cèl

http://ieumaitot.nireblog.com/

Alh Òli


Occitan Warrior
Occitan Warrior
LaurençD a écrit:
Alh Òli a écrit:
LaurençD a écrit:Sembla que la question de la causida de la vila tòrne sus la taula. Benlèu que se son empegats dins lo comitat secret d'Anèm Òc, alara la letra seria lo signe qu'aqueles que vòlon sortir de l'anar-e-tornar Besièr/Carcasona (coma Grosclaude, çò sembla) an pas ganhat.
Ieu siai puslèu d'acordi per i anar a Tolosa de Lengadòc, aquò me farà una passejada agradiva e puèi anarai faire un poton a la tatà. Mas abans que de signar, m'agradaria de saupre los detalhons...

Carcassona d'Auda e Besiers de Lengadòc vòs dire

Siguem seriós, tant vau d'anar manifestar a Paris de regien parisenca.


As rason, cal estre precis : voliai dire Tolosa-de-Lengadòc-Naut et Besièrs-de-Lengadòc-Bas.
Mèfi, n'i a encara que van dire que valdria melhor anar a Marselha-de-Pacà.
De tot biais, ieu çò que m'agradaria es d'anar passar carrièra a Monistròl-de-Velai-a-pas-que-vingt-minutas-en-veitura-de-Sant-Esteve.

Voilà. Fau estre precis amendonat

copek


Casahèita
Casahèita
Tolosa, Bordèu Seta o Oarzazata me desagradariá pas de ié anar mai sariá juste per se passejar per carrièra beuire un còp e dançar borèia (que m'agrada d'entretener los estereotipas...)
lo govern e l'opinion publica se trufa de tres colhons (e mai siaguessan mai de 20000) que fan un passa carrièra dins sa villa de provincia...
Grosclaude ditz que ten contactes amb bascos breton... e que li metan la pression per organizar una jornada comuna (mai cadun dins son terrador )

Los promotors de las autras lengas ara nos espèran. Espèran qu'ausiràn lèu aquel Anem Òc ! que lor permetèt tanben a eles de se reconéisser. L'espelida d'una reivindicacion fòrta, populara e audibla en favor de la lenga « regionala » mai parlada en França foguèt per eles una fòrça bona novèla. De basques e de bretons m'an demandat recentament çò que se passarà en cò nòstre e quand. Vòlon saber çò que farem per organizar quicòm lo meteis jorn. Cossí respondre que nosautres farem pas res. Ieu pòdi pas.

ai l'impression d'estre tengut en ostage aquí. Nos ditz que pòt pas respondre. Mai lo fa....

Siam d'un estat centralizat una republica "une et indivisible". Volèm una lei per las lengas regionala o pas [prendrai pas posicion sus aquel ponch) de França. Pense que nos cau manifestar amb totes "Los promotors de las autras lengas" a "Paris de regien parisenca"


http://chichoaenbaraqueta.blogspot.com/

zo


Occitan Warrior
Occitan Warrior
copek a écrit:Tolosa, Bordèu Seta o Oarzazata me desagradariá pas de ié anar mai sariá juste per se passejar per carrièra beuire un còp e dançar borèia (que m'agrada d'entretener los estereotipas...)
lo govern e l'opinion publica se trufa de tres colhons (e mai siaguessan mai de 20000) que fan un passa carrièra dins sa villa de provincia...
Grosclaude ditz que ten contactes amb bascos breton... e que li metan la pression per organizar una jornada comuna (mai cadun dins son terrador )

Los promotors de las autras lengas ara nos espèran. Espèran qu'ausiràn lèu aquel Anem Òc ! que lor permetèt tanben a eles de se reconéisser. L'espelida d'una reivindicacion fòrta, populara e audibla en favor de la lenga « regionala » mai parlada en França foguèt per eles una fòrça bona novèla. De basques e de bretons m'an demandat recentament çò que se passarà en cò nòstre e quand. Vòlon saber çò que farem per organizar quicòm lo meteis jorn. Cossí respondre que nosautres farem pas res. Ieu pòdi pas.

ai l'impression d'estre tengut en ostage aquí. Nos ditz que pòt pas respondre. Mai lo fa....

Siam d'un estat centralizat una republica "une et indivisible". Volèm una lei per las lengas regionala o pas [prendrai pas posicion sus aquel ponch) de França. Pense que nos cau manifestar amb totes "Los promotors de las autras lengas" a "Paris de regien parisenca"



10 sus 10 !

Mas fau passar aqui la responsa de groc , perdon Grosclaude a una letra del guigui:

Bonjorn David,

Nos coneissem pas mas èi fòrça respecte pel tiu trabalh en favor de la lenga nòstra.

Estant qu'as tot un fum d'informacions sul sicut, de qu'as pogut ausir sur l'idèia d'una manifestacion comuna (vòli dire, amb las autras minoritats linguisticas) a Paris?

Belèu qu'aquò pòt far paur a d'occitanistas allergicas al jacobinisme (un pleonasme, çaquelà), mas èi puslèu l'impression que les poders mediatics son mai concentrats sus Paris que non pas sus Tolosa (o alara m'aurian mentit).
Quora 200 medecins possan un bramadis davant l'Assamblèia se'n parla mai qu'un passa-carriera de 20000 personas a Carcassona o quitament a Tolosa!
E puèi totas las lengas a Paris, quitament se 10% dels militants fan le desplaçament, te faria de milierats de personas de desfilar, aval.

Sabi plan qu'aquò demandaria una organisacion de las bravas, sustot en esser tan pròchis de la presidenciala, mas de mon vejaire auria fòrça mai resson dins la França tota.

Amistosament,

Guilhem Hoareau

P.S. Soi un tolosenc emigrat a Besançon alara Paris me faria mens de transport...


L'ideèa d'una manif a Paris fa pas l'unanimitat en Occitània mas tanpauc en Bretanha e tanpauc en PBasc.
Donc riscam de pas i arribar
Tanben fòrça monde vendràn pas a París (familhas amb de mainatges pr'amor fa mai d'una jornada per d'unes.
per çò qu'es dels mèdias es benlèu vertat encara que sèm pas segurs d'aver quicòm mai. mas s'as I mn 30 a TF1 o France 2 es lèu doblidada e nòstres elegits eles an pas vist res.
E çò que nos a ajudat dempuèi 2005 son los elegits d'en cò nòstre dins lors collectivitats o quand son de parlamentaris.
E te o torni dire, n'avem parlat amb los bretons, los basques, los catalans, eles son paus cauds tanproauc per anar a Paris e pensan que i seriam pas mai nombroses qu'a Tolosa en rason de la deperdicion.
Amistats

David



Seriosament, de qu'an fach los elegits locals???

Zengi


Trobador !!
Trobador !!
Soi pro sceptic sus la tienguda d'ua navèra manif a Tolosa, per contra soi convençut per l'argumentari de Grosclaude sus ua eventuau manif a Paris. Aquò fonccionarà pas, e per rasons de simpla fiertat, arrefusi d'anar m'abaishar en manifestar a Paris.

zo


Occitan Warrior
Occitan Warrior
I. Mahmut a écrit:Soi pro sceptic sus la tienguda d'ua navèra manif a Tolosa, per contra soi convençut per l'argumentari de Grosclaude sus ua eventuau manif a Paris. Aquò fonccionarà pas, e per rasons de simpla fiertat, arrefusi d'anar m'abaishar en manifestar a Paris.

Fièr coma un gal francés! Diable Content

Einucent


Occitan Warrior
Occitan Warrior
Reçaubèi quèu sondatge queste ser. Lo vese circular sus Facebook, sabetz quin es darrièr ?
Quò fai un pitit bocin de temps que suèi pas vengut batalhar quí, seguisse pas los darrièrs pausicionaments de chasc'un. Voldriá espausar quauques punts d'òrgue.
Fasèm coma si erem quilhs de deciden (e sabem qu'es pas lo cas !)

M'interessaria que nos clinèssem sus lo contengut. Quò sira un còp de mai un eveniment eucumenic consensuau, organisat per «las associacions culturalas». Los partits politics son gentament convidats a furnir daus manifestants, sens èsser anonçats demest los organisaires. Quò vai a tot lo monde ?

Revindicam per… una lei, bon. Au punt de tornar damandar un 'dobament de la constitucion ? …de contestar la refòrma teritoriala en cors ? D'obtenèr de las institucion federativas coma dins los autres Estats Membres de l'Union Europenca ? Quò comença de far complicat, nos ne'n tendram a daus pòstes de profs.

L'anonça de la protesta se fai dins lo mai grand rambalh, relaiada de 50 biais desparrièr sus daus raseus de persona e sens visibilitat ordenada. Lo marketing qu'es bon per los autres, n'autres occitans sem «pas parrièrs» e nos podem passar d'identitat visuala, de campanha sus los raseus sociaus de site veirina e de juèc de document estampats visualament omogenes. Bastarà de lançar un concors per l'aficha e rai.

Sabe pas d'ente surtissès «un mes davant» la presidenciala, Mamuth (sabe pus los pseudos dau monde, ieu, se quò se tròba nos coneissèm) mas efectivament la capacitat dau mitan occitan es ren-mas 'quela : ensajar de far parlar de se dins un debat que se permetria cepte de la squeezar. Laidonc qu'es davant ò ren. La sola alternativa qu'es de bastir la presa de consciença de la problematica occitana (dins la testa de las gents, la premsa, tras la presença a las eleccions…) e dempuèi 40 ans lo cantonier que chava las fondacions es quilhat sus lo manlhe de sa padela.

Ente ? ah ente ? Me dobte que nos vam tornar legir las garrolhas de 2005, sus lo ton «fau far coma dise, ieu per qu'ai rason» Quò me sadola d'avança.
En 2005, qu'era un risc tròp grand d'anonçar la manif dins 'na capitala de region, que lo flop seria estat contra productiu. Auram avèm de bilhas per comptar sus 15-20 000 personas. A comptar de quo perqué pas Tolosa, en dejós qu'es daus suicide mediatic. Me damande bien per contra quin vai se mainar d'organisar la chausa. L'eveniment occitan de la vila qu'es lo festenal Occtianiââââ, un catalògui daus bals trad de la davalada, a grands còps de monuda publica per emplenir pas las salas… Pas de qué metre dau monde per charrièra, mai lo pretendèsse
Marselha ? Bordeu ? En 2009 i avia 'na còla Marselhesa que se prepausava, es quò lo cas uèi ? Auviguèi pas de bordalès dire "Yes we can". Davant vòle saber quin pòt organisar un fotralh parrièr davant de lor metre lo nenon dins los braces. De las vilas candidatas, es quò tròp impensable ?
Paris ? amb tots los autres pòbles minorisats de l'exagòne totas las autras «lengas de França» en se balhar 2 ans per l'oganisar allèra. Lo temptar en tot coneissèr nòstre niveu de banturladissa qu'es completament irealiste.

Grosclaude tempta de fissonar los autres en metre se prumier la question sus la taula… la question de far 'na nuvela manif. E marchem pas corrisèm. Tot lo mond i va de son comentari per dire coma la faudria far quela de quí. Tant vau de dire que lo principi de ne'n far una es adoptat tacitament sens degun conultacion, coma de costuma.

http://einucent.wordpress.com

Zengi


Trobador !!
Trobador !!
Tant vau de dire que lo principi de ne'n far una es adoptat tacitament sens degun conultacion, coma de costuma.
Soi d'acòrd, qu'ei justament aquò que hiqui en causa. D'alhors se me bremi plan, Anèm Òc digó a Carcassona qu'èra la tresau e la darrèra .. e que passarém a d'autas mejans de protestacion.

Einucent


Occitan Warrior
Occitan Warrior
Fau bien que l'i aja quauqua-ren que se passa. E l'originalitat es pas la caracteristica prumiera dins lo mitan allèra, tots los ans, lo monde se tòrna trobar a l'Estivada, e daus-uns còps fasèm un eveniment un briu revindicatiu davant de tornar chasc'un a sos afars. La profesionalisacion dau mitan (associatiu en generau) de l'annadas 90 portèt tòrt a l'inventivitat de quilhs qu'an 'mas lo viech e lo coteu. Sens comptar que fau bien dau monde per tot far.
Onestament, pense que ne'n fau una, que lo pitit pauc de bruch que faguèrem es jà dobledat. Quela estrategia de se japir sus lo calendier exagonau de las presidencialas/legislativas m'emmerda un pauc mas coma dise dins lo long post sus naut avem ren bastit que permetria de se ne'n passar.
Pense que ne fau una, tamben per lo monde qu'an realisat en 2005 qu'eran pas tots sol. Per un còp qu'avem un mejan de jugar pas los darrièrs daus Moícans lo podriam entretenèr. Mèfi, eh, dise quò dau principi, quò vòu pas necessariament dire que lo costat grossa 'massada d'enfants de còr (amb una risona nècia e a chantar «Jésus revient»…) m'estambordèsse.

Ò pren pas grand risc lo típe, en dire
De basques e de bretons m'an demandat recentament çò que se passarà en cò nòstre e quand. Vòlon saber çò que farem per organizar quicòm lo meteis jorn. Cossí respondre que nosautres farem pas res. Ieu pòdi pas.
Sem nombroses, crese, de se dire que fau far quauqua-ren. Ò pren de vitessa l'estructura colectiva que ne'n podria decidir e qu'es pas gaire reglo. Totun, los coneis los bogres, e sap que lo còp de fisson au cuòu fai mestièr.

Dins la practica (qu'es un pauc perso coma preocupacion) quò m'emmerda de badar davant la campanha Yes we can d'Obama ò la dau referendi poupulars en Catalonha, sens veire la mesma cura de com' de qualitat au demest dau mitan que vira a l'entorn de quò que m'interessa.
L'autra question que me pause, qu'es lo potenciau militant dins la vila qu'acculhiria la manif. Quò s'organisa pas coma un colòqui ò n'expo. Per me qu'es l'element essenciau per chausir ente (se manif i a)

http://einucent.wordpress.com

Alh Òli


Occitan Warrior
Occitan Warrior
I. Mahmut a écrit:Soi pro sceptic sus la tienguda d'ua navèra manif a Tolosa, per contra soi convençut per l'argumentari de Grosclaude sus ua eventuau manif a Paris. Aquò fonccionarà pas, e per rasons de simpla fiertat, arrefusi d'anar m'abaishar en manifestar a Paris.

Es primari, coma pausicien younoouataimine.

Einucent


Occitan Warrior
Occitan Warrior
Temptèi de ò far mainar a tots quilhs que lançan de las eideias au vent (pièger que n'autres Neutre ) sus los comentaris daus sondatges.
Paris qu'es non, mas quitament pas per 'na rason de principi, perqué fau meitat dotzenat de personas, a temps plen, pendent los 2 darrièrs mès davant la manif, (e sus plaça naturalament) L'aviam a l'Unef, jamai los militants occitanistes parisencs an pogut aver qqr entau.
Puèi me lordan los neuneu, que se pensan uncortègi parisenc dau mesme biais que la permenada de santat que fuguèt Carcassona. De las manifs a 20 000 ne'n vesen totas las dimenjadas se fau, e per lor parlar de qué ? «Ah du patois, mais peurquoi v'faites des manifs pouur ça, y'a pas aut'chôs-z-à s'occuper, sérieux» Faudra bien un jorn èsser en capacitat de lo dire Mèrda en fàcia, mas qu'es pas en 6 meses que ne'n pausarèm las condicions.

http://einucent.wordpress.com

Lafontan


Occitan Warrior
Occitan Warrior
Sembla que i aje un consensus per una jornada "nacionala" amb los autres pòbles de França, es una bona causa, per Occitània Tolosa recamparà al segur lo maximum de monde mas res empacha de far tanben amb la diasporà un eveniment simbolic sus Paris, que i a pas forçadament besonh de plan de monde per aquò.

zo


Occitan Warrior
Occitan Warrior
Lafontan a écrit:Sembla que i aje un consensus per una jornada "nacionala" amb los autres pòbles de França, es una bona causa, per Occitània Tolosa recamparà al segur lo maximum de monde mas res empacha de far tanben amb la diasporà un eveniment simbolic sus Paris, que i a pas forçadament besonh de plan de monde per aquò.

+1 Poce Levat

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 2]

Aller à la page : 1, 2  Suivant

Permission de ce forum:
Vous ne pouvez pas répondre aux sujets dans ce forum