OCCITANIA !! Forum


Vous n'êtes pas connecté. Connectez-vous ou enregistrez-vous

Adieu!

Voir le sujet précédent Voir le sujet suivant Aller en bas  Message [Page 1 sur 1]

11032011

Content Adieu!

Esbotzegat


Pinta-Beroi
Pinta-Beroi
Adieu-siatz a totes!!

Me soni Jòrdi e demòri en Barcelona. Ai 23 ans (ne farai lèu 24 Uèlhs al Cèl ) e trabalhi en fasent de sostítols per la television (en catalan). E, coma veiretz per mon imatge, soi una granhòta ( Interrogacion )

Ai començat d'estudiar l'occitan despuèi aqueste octòbre. Vos demandaretz, per de qué? O sabi pas! Per ieu es una lenga plan polida. La coneguèri en ausissent de cançons, après poèmas e qualques tèxtes, e fin finala aguèri besonh de l'aprene. De còps que i a pensi qu'es quicòm que mancava dins ieu e donc me caliá l'aprene parlar.

Bon, soi aicí amb enveja de trapar de monde occitan per parlar e per aprene de la vòstra lenga e cultura!

Desencusatz-me se fau de dècas! Fa pas gaire temps que parli occitan, alara i pòt aver de causas que las saurai pas dire coma cal e me comprendretz pas. Desiri que ne seràn pas gaires! Sonque vos cal me o dire, e ensajarai de vos o dire amb d'autres mòts. Per ieu aquò serà tanben un biais d'aprene la lenga.

Serai plan urós de vos conéisser! Felicitacions

http://www.amiboshi.net
Partager cet article sur : Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

Message le Ven 11 Mar - 23:22 par Marxelin

Adieu e plan vengut sul forum amic catalan !

Message le Ven 11 Mar - 23:24 par admin

Planvengut Jòrdi, e bona passejada suu forum !

Message le Sam 12 Mar - 17:07 par zo

La benvenguda a tu! Per çò que ne vesi, coma totes les catalans, patiràs pas tròp per parlar occitan, ja que ton nivèl a l'escrit es plan bon! Mas an pas tan de meriti les catalans ça-que-la, fan pas que passar d'un dialecte de la lenga d'òc (le catalan) a un demai (le lengadocian)... Benaise

Message le Sam 12 Mar - 18:12 par belveser

Adieu Jòrdi planvengut sul forum , se sabes pas per qué volgueras aprener l'occitan te podi balhar una responsa; i agèt sempre e encara de contactes e d'escambis entre occitans e catalans, ne soi un exemple vivent.Mos aujòls venon d'un recanton d'un païs catalan ont lo mond dempuèi de sègles eron acostumats d'anar e venir de Lengadòc bais , te dirai en mai qu'aquel ròdol aculhèt a la debuta del sègle XIV lo darnier avesque càtar.
Te laissi endevinar ont se trapa aquel endrech.

Message le Sam 12 Mar - 19:34 par Cerièra de Mai

Planvengut Jòrdi ! As ja un bon nivèl d'occitan, òsca : ont aprenes ?

Message le Mar 15 Mar - 1:34 par Esbotzegat

Plan mercés a totes! ^o^

E òc, tanben pensi qu'es fòrça mai aisit per un catalan d'aprener occitan que per degun mai, aquò de segur Clucant L'occitan l'apreni al CAOC, s'i fan classas un còp per setmana. Mas tanben agachi sovent l'"Infòc" e "Viure al país", per m'acostumar mai a la fonetica occitana e aprene mai d'un biais de parlar occitan, e non quitament lo mai "general", e tanben legissi tot çò que trapi per internet e los libres que se trapan per Barcelona. Aquesta setmana soi estat amb de monde occitan que es estat vengut en Barcelona, que, ben, m'an ensenhats qualques mòts e benlèu ai aprés d'expressions mai correntas; una bona escasença per ieu de practicar tanben l'occitan parlat!

Belvessier, sabi pas de qual endrech me parlas Triste Soi pas qu'un pichon abitant del mond e me mancan encara un fum de causas per conéisser. Soi a estudiar l'occitan, e me caldriá benlèu començar dintrar dins la cultura e l'istòria. Benlèu o deuriái conéisser, pr'amor que s'agís tanben de l'istòria de Catalonha... Mas non... Bon, se o voldràs contar, t'escotarai plan Clucant Se que non, o cercarai, de segur!

** Demandas!!
Al primièr paragraf, ai emplegat aquestas formas coma cal?
-"non quitament": sabi pas s'aquò a de significat en occitan...
-"es estat vengut": mòri cada còp qu'ensagi d'emplegar los tempses subrecompausats! aquò fonciona aital?
-"m'an ensenhats": deuriá èstre "me son ensenhats"?

Message le Mar 15 Mar - 7:53 par maime

monde occitan que es estat vengut en Barcelona -> d'en prumier,, dins "lo monde" n' ia a mai d'una persona, alaidonc fau utilizar lo plural (de monde occitan son estats venguts). Puei, quò vòu dire queu monde occitan son venguts n'i a longtemps, benleu, sabem pus tròp... Los temps subrecompausats son 'na mena d'enventuau dins lo passat.

Bon, sei pas prof d'occitan alaidonc, si ne'n i a qu'an de las explicacions melhor Plan Urós

Message le Mar 15 Mar - 21:24 par Esbotzegat

D'acòrdi, va plan! Mercés! Clucant

Message le Sam 19 Mar - 10:53 par zo

-"Non quitament": deviás voler dire:pas sonque.
-"Aquesta setmana soi estat amb de monde occitan que es estat vengut en Barcelona":
Ieu auriái dit:"Aquesta setmana èri amb de monde occitan qu' èron venguts a Barcelona". Pas de temps subrecompausat nimai de preterit quitament aqui.
-"m'an ensenhats":Òc-ben o m'ensenhèron, coma vòls.

Message le Dim 20 Mar - 15:20 par belveser

Adieu,Esbotzegat!

Quant a tas demandas vaici çò qu'auria escrich:
non pas solament "non quitament"
eron venguts "es estat vengut" se son estats a barcelona per qualques jorns
m'an ensenhats o m'ensenhèron.

Per çò que te contèri , siás jove e as lo temps de descubrir los ligams estreches qu'unisson las nòstras culturas , te cal saupre pasmens que quand traparàs una expression catalana de las mai autenticas ; sovent n'auràs lo pendent confòrme en occitan, exemple : "a boca de nuèit" oc," a boca o boqueta de nit"cat que vòlon dire crepuscle.

Message le Lun 28 Mar - 18:39 par Esbotzegat

Mercés per las vòstras correccions! Clucant

Òc, coneissiái aquesta expression de "a boca de nit" en catalan, mas s'emplega pas gaire sovent. Ieu l'emplegui pas que per escriure d'un biais pus poëtic. Es correnta en occitan?

Message Aujourd'hui à 9:36 par Contenu sponsorisé

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum