OCCITANIA !! Forum


Vous n'êtes pas connecté. Connectez-vous ou enregistrez-vous

Pèr un ensenhament obligatòri

Voir le sujet précédent Voir le sujet suivant Aller en bas  Message [Page 1 sur 1]

1 Pèr un ensenhament obligatòri le Sam 26 Fév - 11:28

AlexderFrannke


Manja-Patanas
Manja-Patanas
Cars Occitans,

cò que cau vertadièrament es l'ensenhament obligatòri a l'escòla en Occitania pèr que totei recebon un tal ensenhament. O trobèri pas encara coma postulacion. Aquò ajudariá tornar portar la lenga dins la conscéncia societala.
Proposariái l'ensenhament obligatòri pèr l'escòla elementària e lo collègi. Leis escolans que venon mai tard d'autras regions, caudriá de reglements speciaus. Proposariái de corses ajudaris pèr aquestei escolans. Leis quaus que venon cap a la fin d'escòla elementària o aprèp, l'ensenhament obligatòri vaudriá tambèn pèr lo licèu.
Quand agachi l'ofre de l'Occitan dins lo màger part dau Sud d'Occitania, pènsi que l'ofre i es pas atau mau. Dins lo Nòrd de l'Occitania, es autra caausa. L'escolans devrián se fòrca servejar de l'ofre qu'existòs. Agachant leis chifra d'escolans parcenejant, me sembla que plan d'elei parcenejan pas a l'ofre existent. Vergonha a elei! De mai, quitament dins lo Nòrd, i a quauquei corses ofers pèr l'I.E.O e d'autras asociacions.

Alex

2 Re: Pèr un ensenhament obligatòri le Dim 27 Fév - 2:46

admin

avatar
Trobador !!
Trobador !!
A títol personau, soi d'acòrdi dab tu. Totun, diplomaticament, pensi pas que sii tant aisit. Mei d'un còp, èi entenut monde díser "Ei pas nat problema dab l'occitan, tant qu'es pas obligatóri..." Es lo sèrp que se mòrd la coeta...


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

3 Re: Pèr un ensenhament obligatòri le Dim 27 Fév - 16:23

AlexderFrannke


Manja-Patanas
Manja-Patanas
Pènsi que leis mai pichòtas mainatges son de fàcil coratjar se lo content es presentat en un biais que corresponden a l'edat. Contunhariái pas l'ensenhament obligatòri quand leis escolans auràn un edat qu'elei desvolopan lor pròpre vejaire sus d'afars de la vida. A aquest edat, l'ensenhament obligatòri poiriá resultar dins un asiranca dau costat d'aquestei escolans que consideran leis corses d'Occitan d'èstre sensa rason. Aquò's probablament l'edat aprèp finir lo collègi. Mas pèr leis quaus que venon pas avant que pendent la scolarisacion segondària, l'ensenhament obligatòri deis lengas regionalas seriá necessari per èstre eficac.
Cau portar l'idèia dins leis consèus regionaus d'educacion.
Legiguèri quauque tèmps passat un commentari jacobin que se planhèt d'un ensenhament quasi-obligatòri dins un certana region Occitana.
Alex

4 Re: Pèr un ensenhament obligatòri le Lun 28 Fév - 3:33

admin

avatar
Trobador !!
Trobador !!
Son pas los escolans que pausan chepic, son los pairs.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

5 Re: Pèr un ensenhament obligatòri le Lun 28 Fév - 10:30

gat-esquiro@orange.fr


Pintaire
Pintaire
Òmi a écrit:Son pas los escolans que pausan chepic, son los pairs.

E tanben eths ensenhaires... Augan que'ns a calut batalhar dab eth naveth regent per mieja ora de gascon per setmana. Per un cop qu'esto sostengut per ua petita majoritat deths parents.
Donc que cau gardar-se drin d'esper !

http://gat-esquiro.blogspot.com

6 Re: Pèr un ensenhament obligatòri le Lun 28 Fév - 11:41

AlexderFrannke


Manja-Patanas
Manja-Patanas
Leis experiencias de l´Irlanda mòstran que leis escolans mai edats elei-meitéissei desvolopan de còps l´amòr o l´aissosetat revèrs la lenga minorizada.
I a já uèi l´obligacion de lèi pèr l´ensenhament de la lenga regionala s´ un certanh nombre de parents lo demandan. Mas es melhor de lo far obligatòri en generau pèr qué leis mainatges i dependon pas de seis parents s´auràn lo benastre d´aprene la lenga regionala.
A prepaus dau regent, n´i aurà pas que de doas causidas: El-metéis balha aquest ensenhament se lo pòt o un´autra pèrsona ven en co d´escòla.
En Còrsica, l´ensenhament dau lenga regionala gaireben pèr totei leis escolans já es realizat.

AlexderFrannke


Manja-Patanas
Manja-Patanas
Me ven un pènsament de mai.
Cau pas doblidar qu´en cas de l´ensenhament obligatòri, leis parents jacobins despairadors pòdon pas empachar leis mainatges et joves d´estudiar la lenga.
Entremièg leis comentaris sus un article sus l´ensenhament dau Maori en Nòva-Zilanda, legiguèri un commentar com´aquò: Mon mainatge perdrà pas de tèmps ambé de corses de Maori...
Cresi que i a de parents individuaus com´aquò en Occitania tambèn.

8 Re: Pèr un ensenhament obligatòri le Lun 28 Mar - 22:22

AlexderFrannke


Manja-Patanas
Manja-Patanas
Ara, ai agachat un article sus l´ensenhament dau Tahitian a Tahiti. L´ensenhament obligatòri dau Tahitian pendent un pauc d´annadas de scolarisacion, n´i a ailà!
Es aquò que cresi que leis autoritats territorialas en Franca metropolitana pòscan tambèn enzangar un ensenament obligatòri de la lenga regionala pèr la far definir coma socle comun d´ensenhament.

Avètz pas mai de dire sus aquò?

Esbotzegat

avatar
Pinta-Beroi
Pinta-Beroi
Aquò de l'ensenhament obligatòri de l'occitan, sabi pas se seriá bon... D'unes o avètz ja mai o mens dit. Vos contarai un pauc la situacion del catalan, pensi que pòt èstre un pauc un miralh de çò que se poiriá passar.

En Catalonha e Malhòrca, l'ensenhament es mai que mai tot en catalan (valent a dire, las classas normalament se fan totas en catalan, non solament la classe de lenga catalana). Tanben la lenga es fòrça viva a la carrièra. S'ausís sovent. Doncas lo monde que parlan pas catalan comprenon que l'ensenhament del catalan se deu far, i trapan pas de problèmas: es la lenga d'aicí, doncas es besonh de l'estudiar.

Mas al País Valencian aquò càmbia. Soi estat en Alacant, la vila del sud. Ailà lo catalan s'es perdut del tot. Per la carrièra s'ausís pas brica, s'i pòdon pas trapar de tèxtes escrits en catalan nimai de panèls d'informacion. Pas res.
Mas a l'escòla i a ensenhament obligatòri del catalan.
De qué se passa, donc? Dintrèri en un bar, e i aviá una dròlla joveneta que de segur aviá estudiat lo catalan en classa, li demandèri "un cafè amb llet, per favor" (pas "un café con leche, por favor") e me comprenguèt pas. Soi segur qu'una persona qu'a estudiat lo catalan o pòt comprene. O li tornèri dire. Me comprenguèt pas... Un còp de mai, e pas. Faguèri de simbòls amb las mans; tanpauc. Per ieu foguèt plan estonant e me calguèt comprene que me poiriá aver comprés, de segur! Mas o volguèt pas. Es aquò: non o volguèt pas. Aquò es general.

Parlèri sus l'ensenhament del catalan a l'escòla amb de monde d'ailà (d'amics i demòran) e agachèri per forums d'internet, e bon, vesi que çò que se passa es que lo monde se sentisson embestiats pel catalan: "benlèu lo catalan es la lenga que se parlava aicí i a d'ans, mas los tempses càmbian, a jorn de uèi se parla pas, n'es pas pus la nòstra lenga, alara la volèm pas estudiar! Vòli pas estudiar las lengas que servisson pas a res", aquò dison.

En Catalonha e Malhòrca la lenga es mai que mai viva, i demòra encara. La diferéncia es qu'en Alacant s'i fa pas qu'una classa en catalan e las autras son en castelhan, e lo catalan ailà es mòrt (tuat).

Donc vaicí la tòca de la question. Conessi aquesta situacion, es trista, pòdi pas comprene per de qué lo monde pensan aquò, mas es aital. Alacant es pas luènh d'Occitània e amb l'occitan se poiriá passar quicòm parièr.
D'un costat, aquò anariá plan per que lo monde que voldriá aprene l'occitan (que n'i auriá fòrça, de segur) lo poguèsse aprene.
Mas tanben de monde aurián pas que mesprètz per l'occitan coma s'es passat en Alacant. Es pas de bon comprene, mas es aital.

Nos cal pensar... Una causa compensariá l'autra? Seriá bon aquò per la nòstra lenga? Volèm ganhar d'amics e tanben un fum d'enemics?

Soi pas nascut en Occitània, çaquelà me sentissi occitan, e vòli pas que degun se sentisca embestiat per aquesta lenga.

Pel moment, malurosament, pensi se pòt pas far d'ensenhament obligatòri d'occitan. Es mon opinion, m'estimariái mai qu'aquò foguèsse mai aisit, mas se pòt pas far a la lèsta perque seriá marrit per la lenga.
D'en primièr cal far tornar l'occitan quicòm polit per totes. Seriá bon de prepausar de jòcs als mainatges en occitan, cançons infantilas... Seriá amusant per eles! Mas, n'i a de professors qu'o voldrián far?
Doncas a mon vejaire, caldriá trapar un biais per raprochar l'occitan gratis per totòm qu'o voldriá. Quand lo monde pòt causir çò que vòl, tot vira redond. Quand es impausat, agrada pas. Las escòlas poirián faire classas optativas d'occitan, pas als pus pichons, mas als joves, quand aurián ja coneissuda l'istòria d'Occitània, en classa. Aquestes joves benlèu l'aprendrián e voldrián dintrar dins aquesta cultura, que seriá la seuna! Seriá pas obligat, seriá optatiu, e d'aqueste biais degun se sentiriá pas embestiat.

E òc, aquò deuriá èstre aital dins TOTAS las escòlas d'Occitània, sens de problèmas per degun.

Quan d'unes estudiaràn l'occitan, benlèu los autres s'i mainaràn mai e començaràn s'i interessar. Cal trabalhar al pichòt pas mas sens relambi.

Pensi que ser pòt far.

Ai! Veni d'escriure un comentari longanàs O_o

http://www.amiboshi.net

10 Re: Pèr un ensenhament obligatòri le Ven 1 Avr - 18:02

AlexderFrannke


Manja-Patanas
Manja-Patanas
Pènsi a un ensenhament elementari solide deis lengas regionalas pèr totei coma d'autrei conneissencas elementàrias entremièg leis qualas son escriure, legir, comptar. Dempuèi lo collègi, ofririái una opcion aditiva, pèr eissèmple literatura e folclora Occitanas pèr leis escolans qu'an un interés especiau pèr la lenga.

Pèr aquestei escolans que seguissián tot l'ensenhament scolari dins la meteissa region linguistica, finiriái l'ensenhament obligatòri aprèp lo collègi. Aquò's l'edat que quauquei escolans se tòrnan pèr còntra la lenga regionala, que lo pròpri vejaire se rèsfòrcarà.

Dins la Comunautat Autonòma de Catalònha, lo Catalan es la lenga de cada dia de gairebèn cadun qu'es nascut ailà. Es aquò que se tòca envèrs la normalizacion e l'acculturacion de totei leis estrangièrs. L'ensenhament generau en Catalan correspond bèn a la situacion linguistica ailà.

Es clar que la lenga es pas tan fòrta dins lo pais Valèncian coma en Catalònha ela-meteissa. Es aquò que plan d'imigrants non-Catalans se senton pas obligats d'aprene lo Catalan. Es bèn possible que la joveneta es d'origina estrangièra perqué n'i a fòrca de torisme a Alacant. Quitament a Malhòrca, pas cadun daus imigrants novèus e daus emplegats temporaus sabon lo Catalan. Mas ailà, gairebèn totei leis quaus qu'i demòran de longtèmps l'aprenguèron.

L'ensenhament obligatòri, es pèr dire una placa entremièg leis coneissencas elementàrias, pòt pas èstre de missant far s'es debanat d'un biais efectiu e agradiu.

Alexx

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum