Le Bistro du coin

Una rumor (mai qu'una rumor en fach) vòu que i aja un film en preparacion en Dordonha, emb l'ajuda dau Conselh Generau. Sembla esser en granda partida en occitan e per distribucion nacionala...
La sola chausa qu'ai pògut trobar sus internet quo es l'anoncia dau casting, per çò que quo es secret, disen...

http://cinema.cg24.fr/index.php/2010/08/doublage-dun-film-en-langue-occitane/

Es per doblar Shrek en patois?

Non pas, serà un vertadier film, emb "tots los dialectes representats" çò disen...

Lo vielh fantasme enfin si realiza: un flim porno en occitan multidialectau! Hosanah!

Sens desconar, siáu curiós de veire ce qu'es

Coma Alh òli s'es pas un film pornografic en lenga nòstra es pas interessant.

+1

Si se trapa sus la Tela, sera la POP que mandara los mels d'amenaça?

Que n'ei entenut a parlar...
En feit qu'ei ua dadaptacion de MEI BERA LA VITA, qui passa sus frança3!!!

qu'es vertat??!

Héhéhé ! Pensi pas ! Totun, pensi qu'es se cau preparar ad aquesta idèia. Se volem una television generalista occitana, caurà ben trobar un programa "gran public". Los reportatges sus Ramon 7 o la tuada deu pòrc en Vath Vielha son pas un biais d'obrir la nòsta cultura a tota la populacion occitana...

Qu'em vau perpausar.

E una sex-tape entre e seriá una idèa de las bonas de difusir sul forum o endacòm mai.

HAHAHA qu'èra ua trufandisa! Que vederas non cau pas créder tot çò que disi!

Me disiài plan que benlèu èra una trufandisa, mai es totjorn possible.. I agut lo "Zizi sexuel" doblat en occitan, diffusit aprèp VAP, fa gaire.

Si que non, per los tèmas, i a de gaitar del costat de Catalonha, coma exemple, se limitan pas a l'istòria de Jaume primièr, o a la carn d'olla i escudella..

Ne voletz mai ?

Lo film s'apelava "Bouts de ficelle" jusinca i a pas gaire, aura pareis que la comedia s'apelaria "le Bar d'à côté". Quo es un film frances (ai auvit parlar de Kad Merad, Eddy Mitchell, Bruno Solo) que vai surtir en febrier e qu'an vòugut doblar en breton, basque, occitan mai d'autres.

Grosclaude auria fach pression per que quò se faja alara qu'avem pas dau tot de professionaus dau doblatge en occitan, contrarament aus bretons.

Quo sent l'embrolha e las subvencions plan tombadas, quel afar...

M'estimeré mei de har esfòrçs per apitar de realizacions en occitan, e de doblar filmes INTERESSANTS ...

Danís a écrit:Ne voletz mai ?

Lo film s'apelava "Bouts de ficelle" jusinca i a pas gaire, aura pareis que la comedia s'apelaria "le Bar d'à côté". Quo es un film frances (ai auvit parlar de Kad Merad, Eddy Mitchell, Bruno Solo) que vai surtir en febrier e qu'an vòugut doblar en breton, basque, occitan mai d'autres.

Grosclaude auria fach pression per que quò se faja alara qu'avem pas dau tot de professionaus dau doblatge en occitan, contrarament aus bretons.

Quo sent l'embrolha e las subvencions plan tombadas, quel afar...

Quio, que'm sembla que ta que sia plan heit n'ei pas un mestier qui s'improvisa, tant ta ço qui ei de tradusir eths dialogues com de dise'us. Qu'ei vertat qu'em en retard sus eths Bascos o eths Bretons per exemple. Que sera donc interessant de veder eth resultat. Mes per definicion un professionau deth doblatge ne pot existir que si practica : si esperam d'aver professionaus deths doblatges ta doblar, e ben... ne doblaram pas james arren Donc que compreni hera plan era demarcha volontarista de Grosclaude. I si i a subvencions a gahar, que sere de dou har de las leishar passar. Autant que'ns servescan justament ta ns'amassar experiencia.

I. Mahmut a écrit: M'estimeré mei de har esfòrçs per apitar de realizacions en occitan,

Oc, mes que pensi sustot qu'eth bon parat qu'a heit har eth hap : er'aucasion que s'ei presentata, i que l'an gahata.

I. Mahmut a écrit: e de doblar filmes INTERESSANTS ...

Ba, ne sabem pas. Dilheu que sera un filme deths bons. I puish "interessant" qu'ei hera subjectiu i depen deth public.

Qu'avom deja aquesta discussion a perpaus deras traduccions de libes : a despart deth cop de publicitat, jo que trobi sustot que n'i a pas guaire d'interes a doblar ua obra originau en frances puish que ath mensh 95% deths occitanofones son tanben francofones (eths audes que son eths Aranes o eths deras Valadas). Tant qu'a har, autant vau doblar un filme o un seria estrangers.

De tot biais, se cau plan har la man sus un filme d'arren ! Imaginatz lo darrèr Batman o un Walt Disney que tot lo monde espera doblat coma una merda : grana decepcion, pas mei d'enveja. Lo chepic aquí es que quitament s'es un filme d'arren, s'es dab Kad e Bruno Solo, aurà un pubilic numerós...

(filme d'arren : un navet, segon lo Per Noste)

jo que trobi sustot que n'i a pas guaire d'interes a doblar ua obra originau en frances puish que ath mensh 95% deths occitanofones son tanben francofones

Òc qu'as rason, en fèit en diser "interessant", qu'ei çò que voli diser : pas doblar de filmes francés. Nat interés per jo. Mes cau plan començar ..

Bruno Solo es biarnés malgrat sa naissença a París. Son nom d'ostal vertadièr es Lassale (coma lo deputat).

Enfin ! l'avem trobat lo bearnés celèbre !

Òmi a écrit:Enfin ! l'avem trobat lo bearnés celèbre !

Ei celèbre aqueth ?
Non coneishi pas sonque eth yan Solo de stars wars. Non soi pas segur que sia biarnes...javascript:emoticonp('')

Filme d'arren es flame, Òmi, assajarai de l'oblidar pas, e lo daissarai en gascon per ti rendre omenagi

Perqué pas doblar en patois un film ciblat grand public (ren que lo casting sente a film grand public)? Es cool, au mens ne fa parlar, e puèi nos chanja de la misera mostrada dins Malaterra e consòrts... 'Ment donat, faire un film tot en òc, per dire qué? Un manifeste politico-linguistic? Un film triste sus la paurilha de Petaouchnok sus Ubaia au sègle XVI? Padena en film au país dei prout-prout?

Gran public, segur ne'n cau, mes ei mei pertinent de causir filmes estrangèrs,e pas francés.

'Ment donat, faire un film tot en òc, per dire qué? Un manifeste politico-linguistic? Un film triste sus la paurilha de Petaouchnok sus Ubaia au sègle XVI? Padena en film au país dei prout-prout?

Christian Laborde sort de ce corps.

I. Mahmut a écrit:Gran public, segur ne'n cau, mes ei mei pertinent de causir filmes estrangèrs,e pas francés.

'Ment donat, faire un film tot en òc, per dire qué? Un manifeste politico-linguistic? Un film triste sus la paurilha de Petaouchnok sus Ubaia au sègle XVI? Padena en film au país dei prout-prout?

Christian Laborde sort de ce corps.

Tu m'as bien eu

Pasmens ai pas dich "nique", "ce serait super méga-cool" etc...
Mai en meme temps, si pòu pas dire que Malaterra dòna enveja d'occitan, qunei que pòsquessen estre lei qualitats intrinsecas daudich film

Avetz pas l'impression que quo es un mejan per la prod' de tirar daus sòus a las regions aisadament ?

lo scenario sembla pas aver de rapòrts emb las culturas regionalas, e pertant an pres la decision de lo tradusir dins las lengas regionalas. E per çò que n'en sabe, la Region Aquitània paia per aquò...sus lo budget de l'occitan !

E aqui i a lo probleme de fons : doblar daus films en patois (dedicaça a nòstre amic Junt Jaune), dise de òc, evidentament. Mas a quau pretz ?

Venen, tanben emb los sòus de la Region, de dubrir un estudiò per doblar los filmes en occitan, en Bearn me pense. Laurent Labadia es de la partida, e ditz se-mesme que quitament s'es un (bon) actor, es pas abituat a far dau doblatge. Faudrà dau temps avant que sian rodats, lur fau far lurs pròvas sus daus dessenhs animats, començar leugier avant d'aver pro de professionalisme per s'atacar a daus gròs afars.

An demandat au delegat per l'occitan, Grosclaude, d'esperar 6 mes per ensaiar de far quauquarren de plan, per çò que aqui, dins la panica (lo film deu esser chabat per febrier), risquen de far quauquarren de completament catastrofic. Grosclaude auria refusat, per pas mancar quela ocasion. Quo se compren tanben.

Dau monde interessats per far dau doblatge en occitan, aparentament n'i a : quela anoncia per queu film, facha dins l'urgencia, a fach surtir 73 personas diferentas dau bòsc. Quo es pas ren !

73 personas, mai un estudiò, mai 6 mes de formacion emb un professionau per encadrar, i a de las possibilitats.

Doas setmanas sens director artistic, completament laissats dins la natura e sens formacion, quitament se i a daus sòus, quò pòt pas far quauquarren de credible.

Avetz pas l'impression que quo es un mejan per la prod' de tirar daus sòus a las regions aisadament ?

Deformacion occitanista

Booo, aquò's pas brave ! Aqueles occitanistas que prenon la moneda... La moneda, la cal pas prenne, aquò non. L'occitanisme se dèu pas porquejar, devèm demorar candes e liures nosautres. Que la Region se la garde sa subvencion (raubada al pòble), ne'n volèm pas brica.

Los occitanistas an ben lo dret de prendre de la moneda, quo es de l'argent public, lur aparten tanben. Mas aqui lo distributor que deu esser eu que s'ocupa dau doblatge es en ren occitanista. Quo es EuropaCorp ! (Luc Besson Enterprise, autrament dich)

Prener sus lo budget occitan per prometre lo doblatge d'un film a grand succes potenciau dins sa lenga, tròbe que quo fai desvirament de moneda. Quo es lo mejan de prener tot plen d'argent en mandar de la pòuvera dins los uelhs daus elegit, mas en en utilisar qu'una pita partida per far lo doblatge efectiu.

Pause la question d'un autre biais : aimatz mielhs que quel argent sia despensat :

-dins lo doblatge fumos de Bienvenue chez les Chtis 2 e sens lendeman ?

-dins la mesa en plaça d'una entrepresa de doblatge en occitan de qualitat, emb daus professionaus e sus dau long termi ?

Io ai chausit, e en mai lo second empescha pas lo prumier de se far tanben, alara que lo prumier fai nonmas que retardar lo second que auria pògut far lo prumier s'un li avia laissat mai de temps...avetz seguit ?

Ben de tot biais, la Region Aquitània vòu aviar la web tele, donc l'i cau de que difusir.

Sinon, per la moneda raubada em acostumats : France 3 Aquitaine (television publica pagada per nosautes) tòca moneda de la Region per l'emission Punt de Vista. Son pagats dus còps.