OCCITANIA !! Forum


Vous n'êtes pas connecté. Connectez-vous ou enregistrez-vous

Volontariat per l'occitan !

Aller à la page : 1, 2  Suivant

participaretz au volontariat per l'occitan ?

43% 43% [ 3 ]
57% 57% [ 4 ]
Total des votes : 7

Voir le sujet précédent Voir le sujet suivant Aller en bas  Message [Page 1 sur 2]

1 Volontariat per l'occitan ! le Lun 29 Nov - 14:32

arganhol


Toriste
Toriste

S'inscriure coma aprenent
s'inscriure coma volontari .


Volontariat per l’occitan es organizat per l’Institut d’Estudis Occitans.
Coma lo Volontariat per Aranés, a per tòca la mesa en relacion d’un « Volontari » es a dire una persona que mestreja l’occitan correntament,
amb un « Aprenent » es a dire quauqu’un que saup lei basas de l’occitan e que vòu prene d’assegurança.
Sufís d’aver una ora per setmana de liura pendent 10 setmanas.
Per un Aprenent, vos permetrà de vos assegurar dins vòstra practica de l’occitan, d’aquerir un occitan pus corrent e d’alargar vòstrei conoissenças culturalas.
Se siatz « Volontari », vos donarà una escasença de mai de practicar la lenga e de partejar vòstrei conoissenças.
Tot aquò dins un quadre ludic, fòra d’un quadre de cors e dins un luòc agradiu.

Cu pòt participar ?
  • Lei Volontaris son de personas majoras que parlan occitan correntament.
  • Ges de certificacion en lenga es necessària, ren que l’enveja de partejar sa conoissença de la lenga, fòra d’un quadre professorau.
    Leis aprenents son de personas majoras qu’an una conoissença basica de l’occitan
    e qu’an enveja de ganhar mai d’assegurança, mai de fluiditat e de ne’n faire una lenga pus presenta dins sa vida de cada jorn.


Cada inscrich s’engatja a respectar lo còde de bònei practicas

detalhs practics
Aprenents e Volontaris se retròban en binòmi 1 h per setmana dins un endrech que chausisson, pendent 10 setmanas adarrè :
de la setmana dau 3 de genier de 2011 fins a la setmana dau 13 de març de 2011.
A partir de l’inscripcion de cadun, l’IEO forma lei « pareus linguistics » que se retrobaràn puei per charrar, en foncion dei disponibilitats balhadas e deis afinitats.
L’inscripcion per participar es gratuita.
Un còp inscrich vos comunicarem lei coordenadas de vòstre binòmi; serà a vos de lo contactar per veire amb eu lo premier rendètz-vos.
Ont se passa ?
Cada participant es liure de se retrobar ont vòu.
Au moment de l’inscripcion, vos cau precisar un luòc de rescòntre.
Per aquò de luòcs son partenaris de l’operacion. Son d’endrechs dubèrts au public ont vos podètz retrobar :
bars, bibliotècas, salas associativas, etc. qu’an una activitat de sostèn de la lenga occitana.
La lista d’aquelei luòcs es mesa a jorn sus www.volontariatoccitan.com amb leis adreiças e leis oraris de dubertura.
Se pòt tanben faire per telefòn se lei personas son luenh o isoladas, mai notatz qu’es pus dificil per un aprenent de menar una convèrsa au telefòn.

De qué parlar ?
De tot çò que vos agrada : espòrt, literatura, cultura generala, actualitat, filmes, viatges, cosina, vida familiala,
vòstrei projèctes, lo temps passat, lo temps futur, vòstre mestier, coma anatz, ont vivètz, etc.
Suggerissèm ai volontaris de privilegiar la fluiditat de la lenga a la correccion : interrompetz pas l’Aprenent.
Assajatz de li far comprene son error en tornant formular çò que ditz per lo biais d’una question.
podètz tanben

• Anar visitar un luòc ensems.
• Parlar a l’entorn d’un supòrt (jornau, site internet, tèxte…)
• Anar faire lei magazins ensems.
• Practicar una activitat (esportiva o ludica)

Per s'inscriure :
Emplenatz lo formulari que se tròba aquí per leis aprenents e aquí per lei volontaris . Es emplenable e modificable en linha (a condicion de plan pensar a l'enregistrar !). Tornatz-lo mandar per mail (volontariat@ieo-oc.org)
Prenètz ça que la lo temps de legir lo Còde de Bonas practicas -> Clicatz sus aquel ligam per lo legir.

Leis informacions que donatz au moment de l’inscripcion son tractadas informaticament. Nº˚ de declaracion CNIL : 1452940. Segon la lei Informatica e libertats deu 6 de genièr 1978, avètz la possibilitat de modificar o suprimir leis entresenhas ligadas a aquela inscripcion. Aqueleis informacions son confidencialas e l’Institut d’Estudis Occitans s’engatja a las protegir. Per accedir ai donadas que vos concernisson, las modificar o las suprimir, contactatz nos : Institut d’Estudis Occitans, 11 carrièra Malcosinat, 31000 Tolosa volontariat@ieo-oc.org • 05 34 44 97 11.

Volontariat per l’occitan es una iniciativa de l’Institut d’Estudis Occitans. S’inspira dirèctament dau programa Volontariat per Aranés menat per lo Conselh Generau d’Aran.
Es realizat amb lo sosten dei Conselhs Regionals Provença-Aups-Còsta d’Azur e Ròse-Aups e dau Ministèri de la Cultura e de la Comunicacion. Concepcion grafica : www.mtracedesign.net - http://volontariatoccitan.com

2 Re: Volontariat per l'occitan ! le Lun 29 Nov - 19:59

zo

avatar
Occitan Warrior
Occitan Warrior
Ten, una bona iniciativa occitanista!? De qué passa?!

3 Re: Volontariat per l'occitan ! le Lun 29 Nov - 21:05

Sokolovic

avatar
Trobador !!
Trobador !!
Bòna iniciativa... :/

A cadun son biais de veire lei causas.

4 Re: Volontariat per l'occitan ! le Lun 29 Nov - 21:13

Zengi

avatar
Trobador !!
Trobador !!
M'estimaré mei de véder l'IEO multiplicar los cors d'occitan, ne'n manca drin pertot. E puish quan vèdi causas atau, com batalèras, me disi que l'occitan ei vertaderament mort, se i a besonh de har campanhas oficiaus tà organizar discutidas en òc ..

Aquò dit, pensi que i a pas de maishanta volontat aquiu dehens.

5 Re: Volontariat per l'occitan ! le Lun 29 Nov - 22:06

Sokolovic

avatar
Trobador !!
Trobador !!
I. Mahmud a écrit:M'estimaré mei de véder l'IEO multiplicar los cors d'occitan, ne'n manca drin pertot. E puish quan vèdi causas atau, com batalèras, me disi que l'occitan ei vertaderament mort, se i a besonh de har campanhas oficiaus tà organizar discutidas en òc ..

Aquò dit, pensi que i a pas de maishanta volontat aquiu dehens.

Encara uros que l'ague pas de marrida volontat.

Pasmens fau pas sortir soventei fes d'encò sieu per "organizar" de rescòntres de discutida entre dòs personas.

Coma s'aviam besonh d'un organisme coma l'IEO per anar discutir entre nautres... :/

Ai l'impression qu'aquelei gents son completament en fòra de la vida vidanta.

E lo melhor : "l'inscripcion es a gratis" !

Coma se quauqun lei devia pagar per aguer inventar lo concèpte de charradissa !

E d'efiech, a levat de mostrar que l'occitan es una lenga mòrta, a tot lo mens socialament, vieu pas tròp l'interés d'aquò.



Dernière édition par Matieu C. le Lun 29 Nov - 22:31, édité 2 fois

6 Re: Volontariat per l'occitan ! le Lun 29 Nov - 22:23

admin

avatar
Trobador !!
Trobador !!
I a pausa qu'èi pensat crear un Meetic occitan, mes me soi dit que lo mitan era tròp petit.
Masò


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

7 Re: Volontariat per l'occitan ! le Mar 30 Nov - 12:52

maime

avatar
Lemosin de prumiera !
Me, tròbe qu'es una iniciativa de las bonas. Perque es pas aisat de trobar quauqu'un per parlar quand tu començas l'occitan. Perque los locutors parlen pas la lenga quitament los occitanistas. Dins lo bus per la manif de Besiers, deguei me faschar per que lo monde me parlan en oc. Ai 'na crenta a perpaus de quela iniciativa : que tròben fòrça apreneires e p'un volontari. Sabe pas ente vos vivetz per dire qu'es aisat d'aver de las discussions en occitan.

http://ieumaitot.nireblog.com/

8 Re: Volontariat per l'occitan ! le Mar 30 Nov - 14:35

Zengi

avatar
Trobador !!
Trobador !!
en Biarn ..

9 Re: Volontariat per l'occitan ! le Mar 30 Nov - 15:17

maime

avatar
Lemosin de prumiera !
Matieu C. a écrit:E d'efiech, a levat de mostrar que l'occitan es una lenga mòrta, a tot lo mens socialament, vieu pas tròp l'interés d'aquò.

Perque es pas lo cas ? Lo "off" de l'IEO en Lemosin es de dire que quò serv de ren de la parlar coma degun la vòu parlar (d'alhors coneisse pas beucòp d'occitanistas que transmeten la lenga a lors dròlles en Lemosin).

Alaidonc, 'n'iniciativa que mòstra aus occitanistas que n'ia dau monde qu'an envia d'aprener la lenga e que siria bien de la lor parlar, qu'es una bona iniciativa.

I. Mahmud a écrit:en Biarn ..
Eh ben qu'es bien si los occitanistas biarnes se parlen en oc entre ilhs.

http://ieumaitot.nireblog.com/

10 Re: Volontariat per l'occitan ! le Mar 30 Nov - 16:21

Zengi

avatar
Trobador !!
Trobador !!
Urosament que parlan en òc enter d'eths ! Praube Lemosin Triste

11 Re: Volontariat per l'occitan ! le Mar 30 Nov - 16:23

Sokolovic

avatar
Trobador !!
Trobador !!
maime a écrit:
Matieu C. a écrit:E d'efiech, a levat de mostrar que l'occitan es una lenga mòrta, a tot lo mens socialament, vieu pas tròp l'interés d'aquò.

Perque es pas lo cas ? Lo "off" de l'IEO en Lemosin es de dire que quò serv de ren de la parlar coma degun la vòu parlar (d'alhors coneisse pas beucòp d'occitanistas que transmeten la lenga a lors dròlles en Lemosin).

Alaidonc, 'n'iniciativa que mòstra aus occitanistas que n'ia dau monde qu'an envia d'aprener la lenga e que siria bien de la lor parlar, qu'es una bona iniciativa.


Ben... En generau, quora passi de temps ambé de gents per charrar, lo fau perqué son de gents ambé lei quaus ai enveja de passar de temps.

E que siegue en occitan tan coma en francés ò dins una autra lenga, la finalitat es pas EN QUE parlam mai DE QUE parlam.

Onestament, mi vieu pas far de rendut còmpte a l'IEO sus la natura de mei charadissas amb un desconoissut tot bèu just per de qué si seriam parlat en occitan un còp per setmana.

Mi diràs que li còsta pas grand causas a n'elei de prepausar ai gents de far çò que normalament si deuria pagar, coma tot cors de lenga.

Coma de costuma, apelam a la benvoléncia deis locutors. Mouaif... Ai pron donat d'aqueu costat sensa pas grand causa en retorn per pas aguer enveja de contunhar.

Atròvi lo biais de far un pauc "cavalier"... : /

12 Re: Volontariat per l'occitan ! le Mar 30 Nov - 16:42

Gavach

avatar
Occitan Warrior
Occitan Warrior
Tròbi las criticas plan duras...
Dins una societat ideala, OK, me semblariá un pauc colhon de "s'inscriure" per parlar (en òc o pas...). Mas cal plan veire que "parlar a son vesin", "galejar amb la fornièra" o "beure un còp amb los collègas" son de causas que fan pas pus part de la vida de cada jorn per d'unas gent. Dins una societat ultrà-compartimentada ont tot çò que fa de ligam social desapareis, es benlèu pas tan aisit d'anar cap a l'autre sens l'endescusa d'una campanha IEO.
Per contra, compreni pas que degun aja criticat los òrres personatges, que a çò que ai compres, nos representan nosautres, locutors de l'occitan.

http://conselhamistos.blogspot.com/

13 Re: Volontariat per l'occitan ! le Mar 30 Nov - 16:45

maime

avatar
Lemosin de prumiera !
Bah... t'as pas a far de rendut-compte a l'IEO !?!!? Los participants parlen de çò que volen sens rendre de compte... 'Na p'ita question : lo monde que prenen daus cors a l'ostau dau pais marselhes, an l'ocasion de practicar en defòra de las seradas que l'ostau organize ? Te pòde dire que me, avia pas talament l'ocasion en defòra daus cors de parlar en oc. Ai pas totjorn la possibilitat de veire los amics que parlen la lenga nimai lo coratge de lor dire de pas parlar francés. Me, parle pas una ora per setmana en occitan. Enfin, compte pas quand parle emb mon filh, eh, a nonmas 3 mes Ironic
Que quò te fai chiar d'aidar d'apreneires, comprene. Mas, vud la benvolencia daus locutors, los apreneires an mestier d'aquò, me sembla.

http://ieumaitot.nireblog.com/

14 Re: Volontariat per l'occitan ! le Mar 30 Nov - 16:59

admin

avatar
Trobador !!
Trobador !!
Pensi que l'idèia es pas maishanta, mes compreni pas perque se hè au nivèth nacionau. Perque dens cada cors, i auré pas un pairin e un hilhòu, o quauque ren atau ?


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

15 Re: Volontariat per l'occitan ! le Mar 30 Nov - 17:05

Gavach

avatar
Occitan Warrior
Occitan Warrior

http://conselhamistos.blogspot.com/

16 Re: Volontariat per l'occitan ! le Mar 30 Nov - 17:06

balara


Leberonet
Leberonet
ieu trobi qu'es una plan bona iniciativa
ai entendut a dire que pel moment, i avia mai de volontaris que d'apreneires marcats
ieu auriai enveja de me marcar dels dos costat
perque d'un costat charri en occitan dins mon quotidian, doncas, soi pron a mon aise per parlar e podi benlèu convenir a un apreneire
mas d'un autre latz, mon occitan demora una lenga apresa, me manca encara la musica, l'espontaneïtat, la fonetica, las expressions idiomaticas d'un "locutor natiu" ... alavetz se n'i a entre los volontaris, ieu voli plan anar charrar amb eles

17 Re: Volontariat per l'occitan ! le Mar 30 Nov - 18:49

Sokolovic

avatar
Trobador !!
Trobador !!
Bof... Contunhi d'atrovar lo concèpte estranh...
Bessai que tot lo monde a de temps de donar a gratis dins lo mitan occitan, ieu es pas mon cas. Demandar en de benvolents de far lo trabalh per lo quau elei son pagats, hum... es estonant, per pas dire mai.

D'alhors, ne'n dieu pas mai, que riscariau d'èstre porcassier, subretot quora pensi ai pòstes de CAPES que son pres puei dins l'oreta mes en disponibilitat.

Encara que dobti pas la bòna volontat deis organizaires, es bessai just qu'aqueu concèpte mi sembla en fòra de la vida vidanta.

Francament, vieu pas l'interés de reviscolar una lenga se per fin que si parle entre particuliers fau que l'ague un organisme que n'assegura la gestion dei charradissas.


lo monde que prenen daus cors a l'ostau dau pais marselhes, an l'ocasion de practicar en defòra de las seradas que l'ostau organize ? Te pòde dire que me, avia pas talament l'ocasion en defòra daus cors de parlar en oc.

Ti pòdi pas dire... Quora parli en de gents, pensi pas d'en promier a la lenga que li parli. Mi ven naturalament. Aquò depend belèu dau nivèu d'empegadura. Après, es a n'elei de si trovar de gents per parlar. Ieu aguèri pas besonh d'un tutor per apréner l'occitan. Ja donavi de cors a gratis, dòs oras per setmanas, vau pas en mai li teni la lenga per parlar, una autra ora en cadun per setmana.

E es puei pas perqué de gents venon préner de cors que siam oblijats de passar la nuech ensems.

Anfin, lo mai va, lo mens lo parli, mai cresi que ven puslèu d'una perda de motivacion ò d'interés per l'occitan que d'autra causa. De tot biais ai quitat de donar de cors per manca de temps.

En cas de non respècte d’aqueu còde de
bònei practicas, l’IEO se resèrva lo drech
d’escartar lei personas concernidas

OK, m'agradaria de conoisser lei critèris. S'un afogat de l'OM s'atròva en binòma amb un afogat dei Girondins, si pòu anar planher ?

A la fin del programa de las 10 setmanas de convèrsa, de recampaments dels participants son organizats dins diferents endrets, lo dissabte 26 de mars. Vos comunicarem mai de detalhs suls recampaments mai pròches d’en çò vòstre.

Youpi !

A n'aqueu nivèu, vòli pas far mon Gascon / Poey de, mai bòn, sentis pas gaire bòn per l'occitan e sa subrevida. Dona un pauc l'èr de mantenir vague que vague la lenga sota perfusion, d'un biais completament artificiau.

EDIT : Siau negatiu hè ??? Escacalassant

18 Re: Volontariat per l'occitan ! le Ven 3 Déc - 18:34

zo

avatar
Occitan Warrior
Occitan Warrior
Personalament, me soi propausat per aquò en me disent que ça-que-la, l'interés del monde per l'occitan estant çò qu'es aviái pas grand risgue d'èstre desrengat dins ma rotina rotinièira!

Entendi plan çò que vòls dire rapòrt al trabalh dins l'occitan Matieu, mas se cal pas mentir, quitament en Biarn la lenga d'òc es mòrta o a man de morir. Demòri dins Avairon e te pòdi dire que degun la parla pas pus o alavetz excepcionalament per d'unes vielhasses.

Per çò qu'es de la lenga jos perfusion, ieu te tròbi puslèu positiu. Per ieu la l'occitan es una lenga que se morís e qu'a quitament pas drech a la perfusion per durar un pauqueton mai longtemps...

19 Re: Volontariat per l'occitan ! le Ven 3 Déc - 22:53

Arf

avatar
Occitan Warrior
Occitan Warrior
zo a écrit: l'interés del monde per l'occitan estant çò qu'es aviái pas grand risgue d'èstre desrengat dins ma rotina rotinièira!

Que dises aquo ta non pas passar per un sentimentau qui pensa denguera qu'eth combat n'ei pas perdut Clucant
I en feit eth combat n'ei pas perdut. Don't give up the fight ! Cool

zo a écrit: Entendi plan çò que vòls dire rapòrt al trabalh dins l'occitan Matieu, mas se cal pas mentir, quitament en Biarn la lenga d'òc es mòrta o a man de morir. Demòri dins Avairon e te pòdi dire que degun la parla pas pus o alavetz excepcionalament per d'unes vielhasses.


En Biarn, ara campanha ath mensh, era luenga n'ei pas morta. Mes qu'ei vertat que son sustot eths vielhs qui la parlan. Apres que i a vielhs i vielhs. Monde de 50/60 ans qui parlan, que n'i a denguera. Que m'estona d'aulhors de descobrir adara denguera locutors naveths. Mes ta'us encontrar que cau estar introdusit per quauqu'un. Un cop qui es presentat, acceptat, que podes parlar en occitan. Un horavienut n'avere pas vist o entenut arren.
Qu'ei important tanben de mesurar er'evolucion deras mentalitats i eth camin heit desempuish un detzenat o un quinzenat d'annadas. Eth monde que començan de s'avisar que vam perder quauquarren d'important. Que i a de mes en mes de calandretas i de classas bilinguas. Que n'em ath niveu deth Bascoat vint ans a. Averam pro de temps ta har com eths ? Que vederam.

20 Re: Volontariat per l'occitan ! le Ven 10 Déc - 9:19

Alh Òli

avatar
Occitan Warrior
Occitan Warrior
Gavach a écrit:


Doei cavas: lei crobards son effectivament òrres, e puèi... Perqué encara si segar sus lei catars?

21 Re: Volontariat per l'occitan ! le Ven 10 Déc - 9:36

maime

avatar
Lemosin de prumiera !
Alh Òli a écrit:Doei cavas: lei crobards son effectivament òrres, e puèi... Perqué encara si segar sus lei catars?
Perque es un dessenh de Gavach, qu'es de l'umor, qu'es pas la reclama oficiala... Redola-Uèlhs (te ses desja segat sus los catars ? son pas bandants pertant ... Escacalassant )

http://ieumaitot.nireblog.com/

22 Re: Volontariat per l'occitan ! le Ven 10 Déc - 9:52

Alh Òli

avatar
Occitan Warrior
Occitan Warrior
maime a écrit:
Alh Òli a écrit:Doei cavas: lei crobards son effectivament òrres, e puèi... Perqué encara si segar sus lei catars?
Perque es un dessenh de Gavach, qu'es de l'umor, qu'es pas la reclama oficiala... Redola-Uèlhs (te ses desja segat sus los catars ? son pas bandants pertant ... Escacalassant )


Vò, va sabiáu, solide Cool

(lei cataras son subre-bònas, mon fantasme ultime es la frema vegetariana sota-alimentada e paranoiaca, ti l'aviáu jamai dich?)

23 Re: Volontariat per l'occitan ! le Ven 10 Déc - 10:21

maime

avatar
Lemosin de prumiera !
Alh Òli a écrit:(lei cataras son subre-bònas, mon fantasme ultime es la frema vegetariana sota-alimentada e paranoiaca, ti l'aviáu jamai dich?)
Pertant, si ai plan compres, 'las biquen pas, non ? Se pòt pas far fisança a quauqu'un que bica pas... Ironic

http://ieumaitot.nireblog.com/

24 Re: Volontariat per l'occitan ! le Ven 10 Déc - 12:15

Alh Òli

avatar
Occitan Warrior
Occitan Warrior
Es per aquò que son restadas un fantasme Triste

Dins lo genre inbicable l'an tanben lei feministas, mai elei mi dián ren...

25 Re: Volontariat per l'occitan ! le Ven 10 Déc - 12:43

maime

avatar
Lemosin de prumiera !
Alh Òli a écrit:Dins lo genre inbicable l'an tanben lei feministas, mai elei mi dián ren...
Es que lor sabes pas parlar. Tu ses pas b'assetz anticapitalista !

http://ieumaitot.nireblog.com/

26 Re: Volontariat per l'occitan ! le Ven 10 Déc - 15:22

Alh Òli

avatar
Occitan Warrior
Occitan Warrior
maime a écrit:
Alh Òli a écrit:Dins lo genre inbicable l'an tanben lei feministas, mai elei mi dián ren...
Es que lor sabes pas parlar. Tu ses pas b'assetz anticapitalista !

Una feminista es pas necitament anticapitalista, fau pas confondre em'una altermondialista primaria. Téma Simone Weil

27 Re: Volontariat per l'occitan ! le Ven 10 Déc - 15:41

maime

avatar
Lemosin de prumiera !
Alh Òli a écrit: Téma Simone Weil
Mo-es... Dire que Simone Veil es feminista es coma dire que Simone Weil (es pas la mesma) es occitanista perque escriguet "Le génie d'Oc". Mas reconeisse tot-parier son ròtle essenciau dins la lucha de las femnas per dispausar de lors còrs.

Alh Òli a écrit:fau pas confondre em'una altermondialista primaria
Los altermondialistas son pas tots anticapitalistas... antiliberaus au mens, mas qu'es pas parier...

http://ieumaitot.nireblog.com/

28 Re: Volontariat per l'occitan ! le Ven 10 Déc - 17:35

Cerièra de Mai


Trobador !!
Trobador !!
Antiliberal vòl pas res dire… precisa « anti-liberalisme-economic » o « anti-deregulacion-dels-mercats ».

Senon, manca la responsa «benlèu » al sondatge ! :ironic:
Spoiler:

(enfin, coma mièg-vegetariana paranoiaca, partissi lèu-lèu abans que l'Alhòli me tombèsse dessús !)

:pauruc:

29 Re: Volontariat per l'occitan ! le Ven 10 Déc - 18:43

maime

avatar
Lemosin de prumiera !
Cerièra de Mai a écrit:
Spoiler:

(enfin, coma mièg-vegetariana paranoiaca, partissi lèu-lèu abans que l'Alhòli me tombèsse dessús !)

Spoiler:
Tu ses 'na catara feminista, crenhas pas ren Benaise

http://ieumaitot.nireblog.com/

30 Re: Volontariat per l'occitan ! le Ven 10 Déc - 21:29

Alh Òli

avatar
Occitan Warrior
Occitan Warrior
maime a écrit:
Alh Òli a écrit: Téma Simone Weil
Mo-es... Dire que Simone Veil es feminista es coma dire que Simone Weil (es pas la mesma) es occitanista perque escriguet "Le génie d'Oc". Mas reconeisse tot-parier son ròtle essenciau dins la lucha de las femnas per dispausar de lors còrs.

Quna es la pofiassa que legalizèt l'avortament?

Alh Òli a écrit:fau pas confondre em'una altermondialista primaria
Los altermondialistas son pas tots anticapitalistas... antiliberaus au mens, mas qu'es pas parier... [/quote]

Lo liberalisme e lo capitalisme son pas tant alunhats, lo premier es la consequencia de l'autro, s'ai ben tot suivit

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 2]

Aller à la page : 1, 2  Suivant

Permission de ce forum:
Vous ne pouvez pas répondre aux sujets dans ce forum