OCCITANIA !! Forum


Vous n'êtes pas connecté. Connectez-vous ou enregistrez-vous

Elena Gracia

Voir le sujet précédent Voir le sujet suivant Aller en bas  Message [Page 1 sur 1]

1 Elena Gracia le Ven 26 Nov - 17:20

Marxelin


Occitan Warrior
Occitan Warrior
La FELCO avèm aprés amb emocion e tristessa la
despartida d'Elèna Gracia-Cabanas a l'edat de 91 ans.
Desapareis amb ela un tròç de l'istòria de la
lucha longa per l'occitan dins l'Educacion
Nacionala. Mestressa d'escòla tre las annadas 40,
jà engatjada dins la practica de la pedagogia
inventada per Celestin Freinet, es lèu conscienta
de l'importància de la presa en compte de la lenga
dels mainatges, l'occitan dins sa region.
A la sortida de la guèrra, amb lo grop Antonin
Perbosc, fòrma primièra de çò que serà puèi lo
sector pedagogic de l'IEO, entrinca la mesa en
plaça d'un malhum d'ensenhaires que sens esperar
la timida lei Deixonne prova lo moviment en
caminant, en despassant las empachas materialas
(abséncia a la debuta de manuals adaptats per
exemple) e mentalas, en un temps ont per fòrça
mond en dedins e en defòra de l'institucion, lo
"patois" aviá pas sa plaça a l'escòla de la Republica.
Militanta occitanista, militanta de la pedagogia,
militanta sindicala tanben, Elena Gracia aviá pas
abandonat lo combat après sa retirada. Sèm
quauques uns qu'avèm agut lo privilègi de la
conéisser e de reculhir sos sovenirs.
Precària que precària, la situacion de
l'ensenhament de l'occitan uèi es sens comparason
amb çò qu'èra quand Elena Gracia s'i engatjèt : a
agut al fial de sa vida la satisfaccion de veire
que son accion èra pas sens resulta, e per
nosautres fa partida dels pionièrs que sens eles
seriam pas ont sèm.
Saludam sa memòria, e la doblidarem pas. Semondèm
nòstras condoleàncias a sos pròches.
Lo burèu de la FELCO.

Drapèl

http://www.anaram.org

2 Re: Elena Gracia le Ven 26 Nov - 19:00

belveser


Gacha Empega !
Gacha Empega !
Es la dòna Gracia qu'era d'Agde??

3 Re: Elena Gracia le Ven 26 Nov - 22:34

Marxelin


Occitan Warrior
Occitan Warrior
òc es ela. Una dòna granda.

http://www.anaram.org

4 Re: Elena Gracia Aujourd'hui à 1:54

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum