OCCITANIA !! Forum


Vous n'êtes pas connecté. Connectez-vous ou enregistrez-vous

Mapuche

Voir le sujet précédent Voir le sujet suivant Aller en bas  Message [Page 1 sur 1]

1 Mapuche le Mer 13 Oct - 20:16

capbreton


Occitan Warrior
Occitan Warrior
Libertat!, movement de l'esquera revolucionària d'Occitania que's solidariza dab los 14 presoèrs politics Mapuches en cauma de la hami despuish lo 12 de julhet passat.

Que brembam qu'au començar 34 presoèrs politics Mapuches que's hiquèn en cauma de la hami entà denonciar los agis deu poder chilian cap au pòble Mapuche atau com la lor situacion personau com presoèrs politics.

Aquestes que son jutjats per poder de la lei antiterrorista e que son acarats ad ua seguida d'irregularitats judiciàrias atau com cap a violacions deus lors drets : arrestacions arbitràrias detencions provisòrias perlongadas, presompcion de culpabilitat, tortura, premudas psicologicas, non comunicacion a la lor defensa de las cargas retengudas au contra d'eths e basadas sus declaracions de "testimònis shens cara”, hurgadas de las cellulas e transferiments a contunhar.

Aqueste divés 2 d'octobre, la magèra partida deus presoèrs Mapuches que deishèn la cauma de la hami pr'amor d'un acòrd, passat dab lo govèrn chilian, on aqueste darrèr que s'engatja a non pas aplicar dens lo lor cas leis normaument aplicadas entà la luta antiterrorista.
Totun, los 14 Mapuches empresoats, tà la magèra partida a Angòl, que considèran qu'aquesta acòrd ne cambiarà pas arren au ponhastrèr judiciari dont son victimas, puish que lo procuraire generau de Chile que estremè l'idea de deishar las cargas que cachan suus nostes camaradas Mapuches.

Tanben, Libertat! que sentencia la manipulacion mediatica mondiau deu govèrn chilian qu'emplega los 33 minaires chilians entad amagar la realitat sociau e politica deu son estat.
Que desiram un còp mei brembar la nosta solidaritat e balhar lo noste supòrt aus 14 Mapuches empresoats atau com au pòble Mapuche sancèr.
Que'ns mobilizaram entà dar a conéisher la lor situacion, e invertir l'imatge deu pòble Mapuche qu'es vehiculada peus mèdias.

Libertat peu pòble Mapuche !
Libertat peus camaradas Mapuches !!

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum