OCCITANIA !! Forum


Vous n'êtes pas connecté. Connectez-vous ou enregistrez-vous

Critica-Lou Dalfin-I Virasolelhs

Voir le sujet précédent Voir le sujet suivant Aller en bas  Message [Page 1 sur 1]

1 Critica-Lou Dalfin-I Virasolelhs le Dim 29 Juil - 14:25

Danís

avatar
Adjudant
Ai calculat, e, se me trompe pas, quò fai 25 ans que la banda a Sergio existen... E an plan chanhat pendent to queu temps...

Los vau pas presentar, a pauc près tot lo monde aqui sap de qui parle. Per los autres, que devián esser sus una isla deserta (occitana) pendent 25 ans, mas emb tot parier l'ADSL per venir sus queu fòrum (Dobtós), bòte quauques liams :

http://www.loudalfin.it/

http://www.myspace.com/loudalfin

Bon, si que non, venen de surtir un album, I Virasolelhs.
I tornem trobar totjorn lo costat Rock-Trad, emb quauquas duberturas dau costat dau jazz, dau funk, de l'electrò, dau rap...
Totjorn lo costat festiu, totjorn lo maridatge entre la vièla e la guitarra electrica.

En fach, qu'es totjorn parier...

Vòle dire que los qu'aimen desjá van pas esser deçauguts, los qu'aimen pas van passar lur chamin, e los que coneisen pas (n'i a enquera ?) pòden començar per queu-qui, qu'es un daus bons (melhor que lo d'avant, que pertant m'agradava plan...).

Enfin, sei un pauc de meschanta fe, i a tot parier de las noveutats.
Aqui totas las chançons son de creacions, o casi, çò qu'era pas forçadament lo cas avant, e las danças son entre lo faus trad (la melodia es nuòva mas la dança es vièlha) e lo moderne.
Las paraulas son siá engatjadas, siá poeticas (totjorn plan escrichas) e quò, ajustat a las "digressions musicalas" balha un ensemble variat, e sentem pas tròp la pita ora, que dura lo disc, passar.
A notar au passatge la presencia de "Guests" coma Papet J de Massilia e los tipes de L'Escabòt (se quauqu'un los coneis, sei preste a escotar, io coneisse pas...Geinat ).

Mon avis : Crotz Occitana Crotz Occitana Crotz Occitana Crotz Occitana e un Picon-Bièra per la longevitat dau grope...

N.B : M'agrada l'estil BD de la pòcha de l'album, qu'era desjá present sus L'Òste Del Diau... Veiqui, qu'es tot...

2 Re: Critica-Lou Dalfin-I Virasolelhs le Dim 29 Juil - 19:38

maime

avatar
Lemosin de prumiera !
Danís a écrit: e los tipes de L'Escabòt (se quauqu'un los coneis, sei preste a escotar, io coneisse pas...Geinat ).

Qu'es un grope de las valadas. Lor site web : http://www.escabot.com/

http://ieumaitot.nireblog.com/

3 Re: Critica-Lou Dalfin-I Virasolelhs le Lun 30 Juil - 10:24

Danís

avatar
Adjudant
A, d'acòrd, qu'es juste una corala... Io esperava un segond Lou Dalfin... Mas bon, tant piei, me demòra Lou Seriòl, Lhi Jari, Gai Saber... Ironic
Perque i a tant de gropes occitans dins Las Valadas sus un tant pitit terrenh ? Tots los occitans d'alai son dins un grop o qué ???

4 Re: Critica-Lou Dalfin-I Virasolelhs le Lun 30 Juil - 10:45

Zengi

avatar
Trobador !!
Trobador !!
Que son totun 200.000. Mes que pensi qu'ei subertot mercés au Dalfin.
Lo darrèr album qu'ei genièc, e de mei que seràn a Pau lo 18 d'agost !!

5 Re: Critica-Lou Dalfin-I Virasolelhs le Lun 30 Juil - 12:22

joan_cavalier

avatar
Trobador !!
Trobador !!
Danís a écrit:A, d'acòrd, qu'es juste una corala... Io esperava un segond Lou Dalfin... Mas bon, tant piei, me demòra Lou Seriòl, Lhi Jari, Gai Saber... Ironic
Perque i a tant de gropes occitans dins Las Valadas sus un tant pitit terrenh ? Tots los occitans d'alai son dins un grop o qué ???

Adieussiatz,

I'a d'Istorians especialistes dels trobadors, coma cufelaire especialisat en Lou Dalfin, meni aici lo meu vejaire e qualques assabers.

En ço que concernis l'escabot, es estat fargat per Fabrizio Simondi (soçi fondator del Dalfin amb *Sergio, Dino (Diableton e Semiton) e Ricky (trucaire), es tanbèn qualqu'un qu'òbra fòrça per l'occitan e per las còlas d'I Valadas (òm trapa sa votz sus mantunes disc del Dalfin, atal que sus disques del Seriol (eisemple sus l'Ase d'Alegre dins lo darrier disc de la còla d'Aison (onte òm pòt trapar tanbèn Sergio a la viola). Es l'autor (un jorn dins un bus per anar a un concert a Roma) de la frasa qu'apondon Lou Dalfin e Lou Seriol dins "La dançarem pus" (nos caldria chatar na bela chamisòla, per faire bèla figura a la television) darrier destalh, sus lo darrier disc de l'Escabòt, faguet una revirada en occitan del "Desertor" (de B. Vian) qu'es una pichona maravilha... l'escabòt es una còla de faire coneisser (amai se setz adobaires de concerts, son pas pron pron car e son simpatics, teni contactes se vos pòt ajudar) perr contra mèfi, quitament se Fabrizio canta de tradicional, pòt venir tan car per un estanquet que Sergio o ieu.

En ço que concernis I Virasolelh (avia fach una critica dels primiers troçes que se podian ausi sus la ret sus mon my space), cresi qu'aprep ja lo bond d'en d'abanç de l'Oste del Diau (per l'istòria, las pochetas dels dos discs son estat fargadas pel meteis dessinator, que contactet Lou Dalfin per lor demandar la permission de le fotre dins una banda dessenhada que farguet, la còa a la vista del seu trabalh i diguet "òc mas a la condicion que nos fasguet las pochetas del disc venents" (confessarai que ieu m'estimi fòrça la de l'òste del diau que ten un fùm de clin d'uelhs e de causas amagadas (del Taure del Torino fins al pittbull de Sergio)).

Lo grop i faguet un trabalh de las bravas tan al nivel del son (tan en compausicion qu'en pòst producion, merces a Blondie (Marco dins lo civil, ingeniara del son de la còla, mas tanben fargaire del material de la còla).
A mai, trapi que lo son de Daniele (bassiste que tornet dins la còla e ingeniare del son del primier disc de Lhi Jari) en plaça de Gianluca Dho (ancian Seriol) mena mai de simpliçitat que lo de còps pron cargat e pesuc de Gianluca.

Tre Occitania e Basta, òm pòt tanbèn s'aperçaubre que Enrique Gossmar a un juòc de guitara mai ric que ço que podria faire pensar lo seu jòc d'empont (un boçin tròp heavy metal guitar hero de mon vejaire) e que capita sense nat probleme de fargar del jazz caracon).

Trapi tanbèn qu'al nivel dels testes aquel disc es enorma, òm i pòt trapar totas mena de son e d'esmoguda, e Sergio dit las causas sense concessions e sense lenga de fusta (mencion especiala a "La Maire", troç qu'es lo rebat perfach de ma vista del mitan occitanISTE e de sas pècas) amb umor (dins turbin, òm se demandar a qu'una còla far referencia còra dit "Ils trosaires sonavian la valsa banda-mòl", abans d'espetar de riser sus lo segond coplet cora comença de diser "propre mi qu'ai jamai suportat Lou Dalfin" (aaaa l'autotrufaria que manca tant a Occitania)

Mencion especiala tanbèn a "A la Broa", vertadier aka occitan, jogat en l'onor de l'US Pedona (còla de rugbi de Borgo San Dalmazzo, que jogan de percussions sus barricas sul troç), destalh risolhier sus aquel troç, l'instrument qu'ausiguet e dont joga Sergio es una flauta eslovene (un dacòs tarrible que sembla a un didjeridoo e que ten un son vertadierament tribal ) es un present que qualqu'un faguet a Sergio far d'anadas e que tornet trapar l'ivern passat en faguent de recatatge en ço del, coma tombavia a un moment ont Sergio sera fach pescat pels carabinieris amb pas tan de sang que caldria dins lo seu alcool, se faguet tirar dos meses lo permes de menar, e aprofiechet d'aqueles dos meses per aprener de n'en jogar (coma que los carabinieris podon far mestier a quicòm de còps que i'a), a d'aquel nivel soi de fargar un projecte de las bravas que mesclaria rugbi e occitan per la debuta de l'estiu de 2008, vos en tornarai parlar tre que sara adobat).

Francament un disc maravilhos, amb de vàm d'esmoguda e dins lo càl òm pòt sentir la simpliçitat e las qualitats de còr de la còla (per l'anecdota, demanderi un jorn a Sergio, "Totun dins valadas te cita coma referencia en terme de musica tradicionala occitana, sias lo diu de las valadas o que", espetet de riser e me respondet "aquò lo daissi diser al monde, ieu ço que m'estimi es faire musica faire fèsta lo de mai m'en bati).

Dos o tres assabers de mai (sabi soi ja pro long e per tant vos aprometi que me fau violença per esser cortet).

Lou Dalfin, sera doncas en concert lo 18 d'agost a l'H'estiv'òc a Pau, seran tanbèn lo 8 de setembre a Tolosa per l'inauguracion de l'Ostal d'Occitania en primiera part de Claudi Marti (un buòu sus "I conscrit de Lengad'òc, aquò que seriai polit, sabem pas jamai, d'aiçi que qualqu'un que coneiss plan Dalfin, s'anguesse prepausar aquò a Sergio Idèa ).

I Virasolelh, per sa part, tornara sortir en Decembre de 2007 (Inch Allah, coma dison en Gasconha IOI) dins una revirada remixada per famoses Dj d'Euròpa tota (Inglaterra, Belgica...)

Aqui, esperi que soi pas estat pron cagant, e merceji los que saran capitats de me legir d'entier.

Contra totes los patrons e il faissista Berlusco, W Lou Dalfin

Cedric

http://www.myspace.com/joan_cavalier

Arf

avatar
Occitan Warrior
Occitan Warrior
Adishatz,
E sabetz on se pot crombar I virasolelhs ? Per'mor en cercant sus internet ne l'ei pas trobat ni ara FNAC ni sus Amazon, sonque sus un siti, italian, mes eras costas de port que doblan eth pretz deth CD !

joan_cavalier

avatar
Trobador !!
Trobador !!
Arf a écrit:Adishatz,
E sabetz on se pot crombar I virasolelhs ? Per'mor en cercant sus internet ne l'ei pas trobat ni ara FNAC ni sus Amazon, sonque sus un siti, italian, mes eras costas de port que doblan eth pretz deth CD !

Adieu,

A l'encontrari de "l'Oste del Diau" (teni plan una esplica, çaquelà m'en vau pas desenvolopar) "I Virasolelh" es pas distribuit dins l'estat frances, se pòt benleu crompar al Mostier o dins d'unes estand de l'I.E.O....o si de non, dins los concert de Lou Dalfin (se tot va plan, lo venent sera a Tolosa a la debuta de febrier, al nou bikini)

Si de non pòt ensajar de junher le manager a remo@loudalfin.it (lo podes quitament acontactar de la meuna part)

Amistats

Cedric

http://www.myspace.com/joan_cavalier

Arf

avatar
Occitan Warrior
Occitan Warrior
Merces hera dera responsa. Be'm disevi que sere estat mei simple de'us crombar eth CD directament quan passen a Hestiv'oc, mes que m'avevi desbrombat eths sous !

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum