OCCITANIA !! Forum


Vous n'êtes pas connecté. Connectez-vous ou enregistrez-vous

Jo ?

Voir le sujet précédent Voir le sujet suivant Aller en bas  Message [Page 1 sur 1]

21072010

Triste Jo ?

Lo Clapadèir

avatar
Pinta-Beroi
Pinta-Beroi
Adishatz, monde !
Me demandi encara perqu’èi esperat tant pausa abans de véner sus aqueste forom. De vrai, es lo que falèva a Occitania. Reverar
Sui pas qu’un simple gardolèir, que vivi, respiri la lenga cada jorn, assajant tanben de la viure e hèser viure au parçan. La lenga, la cerqui cada jorn. L’èi cercada dens los cèus de Gironda, dens los pins, dens l’aiga de Dordonha, las bricas de Tolosa, los Pirenèus abans l’auratge… E qu’èra totjamèi aquí, totjamèi viva e bèra. Totjamèi la lenga nòsta. Crotz Occitana Triste
Sabi pas se pòdi díder que l’ensenhi. Sagi d’ec hèr passar meilèu.
Seré gloriós, benlèu que dishussessi que mestregi. Disen que bretonegi quauques parlars de Gasconha, quauques parlars de Lengadòc, dus mòts de provençau e encara mens de lemosin…
Compti plan sus la passejada aquesta, dens aqueste país meravilhós qu’en poiré anonçar un aute Interrogacion , per aprénder !
A lèu, donc, a tots.
Lo Clapadèir.

Partager cet article sur : Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

avatar

Message le Jeu 22 Juil - 8:23 par joan_cavalier

La planvenguda a tu

avatar

Message le Jeu 22 Juil - 13:49 par Lo Clapadèir

Granmercés, l'òme !

avatar

Message le Jeu 22 Juil - 14:12 par maime

E bonjorn, l'amic !

e encara mens de lemosin…

N'i a tot plen de Lemosins de per aici ! Vas aprener...

avatar

Message le Jeu 22 Juil - 17:56 par Lo Clapadèir

Adiu !
Mercés. Esperi plan sui vengut tanben pr'aquesta rason.
E i a monde d'Auvèrnha tanben ? M'interessaré d'aprénder tanben los parlars de Limanha, que'm semblan dehet particulars e interessants.

avatar

Message le Jeu 22 Juil - 18:25 par maime

Ben, n'i a pas d'auvernhats de marcats sus lo forum. Quò manca de segur.

avatar

Message le Jeu 22 Juil - 18:38 par Lo Clapadèir

Aquò vengrà ! Auvèrnha es un parçan que's sembla desvelhar a la lenga.

avatar

Message le Jeu 22 Juil - 18:44 par maime

La partida d'Auvernha la mai duberta a la lenga es lo Cantau, qu'es finalament de parlar lengadocian...

avatar

Message le Jeu 22 Juil - 19:52 par Lo Clapadèir

Segur.
I a en Cantau - çò que manca a l'Auvèrnha limanhòla - una hòrta cultura literària felibrenca, damb figuras coma Arsèni Vermenósa, Blancharèl o Justin Besson, que manejèren tà qu'aqueste parçan vengèsse un centre de produccion literària e poetica occitana. Mes de vrai, Vermenósa e los autes s'illustrèren dens una lenga qu'es la varianta septentrionau dau lengadocian. Desempuish los hrairs Laborieux, au sègle XVII, n'i a pas mei augut de vertadèira produccion de qualitat en auvernhàs au sens estrict dau tèrme. Non
Fau çà que là citar, praus qu'ec interessaré, qu'un siti occitan, que lo ligami es aciu : http://www.recits-occitan.com/ permét d'ausir tèxtes dishuts en parlars de Clarmont, de Tièrs, mes tanben d'Auvèrnha dau mieijorn. Una descoberta, per jo, de l'originalitat d'aquestes parlar que s'entenden pas jamèi !
I a tanben aquò : http://www.marraire.com/ per los que voirén enténder la lenga de Velai e Vivarés.

avatar

Message le Jeu 22 Juil - 20:42 par joan_cavalier

M'en vau pas me faire d'amics (teni la costuma) mas me balha l'impression d'esser pausat amb los reuniones de la radio e de los ausir parlar creole

avatar

Message le Jeu 22 Juil - 21:01 par Lo Clapadèir

Parlas daus enregistraments ?

avatar

Message le Jeu 22 Juil - 22:19 par joan_cavalier

Vo

avatar

Message le Ven 23 Juil - 8:04 par maime

Pertant tu ses acostumat d'auvir daus lemosins e daus valdencs, non ? Qu'es pas talament diferent. Vaque far un estagi de lenga dins las brumas de l'Occitània dau Nòrd, entre clafotis e trufada, citre lemosin e genciana auvhernata !!

Ten, me rapele de çò qu'avia dich lo Tiston en auvir los enregistraments de marraire.com : "Setz segurs qu'es pas daus vielhs corresians que parlen ???"

avatar

Message le Ven 23 Juil - 8:16 par Lo Clapadèir

Vesi pas dee curiositats das grandas ad aquestes parlars. Benlèu qu'ec sui acostumat. S'entendetz un de Peiriguers, e encara mei un de Confolens, sona chic atau. L'accent dau Confonlentés es vertadèirament originau, eth.

avatar

Message le Ven 23 Juil - 8:24 par maime

Boei... qu'es lo parlar en "è" de l'oest lemosin (mai dau Peirigòrd). Fau nonmas saubre que los "a" longs se disen /è/ e los "er" se disen /ar/ : las vachas /lè vatchè/, verd /var/, saber /sabar/.

Per contra, vese pas çò que quauqu'un de Perigüers a d'originau... Pas mai que quauqu'un de Limòtges, que.

avatar

Message le Ven 23 Juil - 10:57 par Lo Clapadèir

Es una tendénça que's retròba en Benauja (Entre-duas-Mars), damb vocalisacions o cadudas daus "s" finaus : las vacas > /lei baqué/. Es atestat dau costat de Blasimon, Targon, La Sauva... Per contre, briga de resolucion dau é en /a/.
N'èi pas dit qu'un de Perigüers avè un parlar originau, èi dit un de Confolens. Ec disi perqué n'en èi un de mos amics, e que son parlar presenta particularismes fonetic - a l'ausir - que'u hèn reconéisher sau pic. Es un parlar hòrt agradiu ad ausir.

avatar

Message le Ven 23 Juil - 11:45 par admin

Planvengut Clapadèir ! Bona passejada dens lo forum !

avatar

Message le Ven 23 Juil - 11:57 par Lo Clapadèir

Mercés dehet ! La passejada a jà començat, e s'anonça interessanta.

avatar

Message le Ven 23 Juil - 17:22 par clafotis

De'n prumier bonser lu noveu, ‘chaba d'intrar

maime a écrit:
Ten, me rapele de çò qu'avia dich lo Tiston en auvir los enregistraments de marraire.com : "Setz segurs qu'es pas daus vielhs corresians que parlen ???"

Ma mair maitot los prenguet per de la gent dau tuquet d'a costat.

avatar

Message le Ven 23 Juil - 18:42 par joan_cavalier

@ maime l'idea me tenta, aprep vo teni la costuma del Lemosin de l'einucent bandat..... lol

avatar

Message le Sam 24 Juil - 1:28 par Sokolovic

Siatz completaments calucs !

Message le Mar 27 Juil - 16:25 par Cerièra de Mai

Planvengut, es totjorn un plaser d'acuelhir un novèl !! Clucant

avatar

Message le Mer 28 Juil - 13:45 par Tiston

maime a écrit:

Ten, me rapele de çò qu'avia dich lo Tiston en auvir los enregistraments de marraire.com : "Setz segurs qu'es pas daus vielhs corresians que parlen ???"

qu'es vrai, vese pas gaire de diferencia (d'accent nimai de lexic) entre los enregistrament vivares de maraire.com e daus vielhs Corresians de Chamboliva o de Sent Sauvador... qu'es surprenant!
Tant coma fuguei estonat de la ressemblançia entre lu parlar lemosin de Gironda que Danis avia mes en linha e la linga qu'auve devers Benavent en Creusa...

La bevenguda Jo, e s'aimas l'accent dau Confolentes, podes ne'n auvir aqui :
http://www.chanson-limousine.net/confolensfm.html

avatar

Message le Ven 30 Juil - 12:56 par maime

Tiston a écrit:qu'es vrai, vese pas gaire de diferencia (d'accent nimai de lexic) entre los enregistrament vivares de maraire.com e daus vielhs Corresians de Chamboliva o de Sent Sauvador... qu'es surprenant!
Tant coma fuguei estonat de la ressemblançia entre lu parlar lemosin de Gironda que Danis avia mes en linha e la linga qu'auve devers Benavent en Creusa...
A creire que parlen un dialecte dau mesme grope (nòrd-occitan) de la mesma lenga... çò qu'es vertadierament surprenant qu'es que siam enquera surpres de pas veire de differéncia entre dos dialectes nòrd-occitan

avatar

Message le Ven 30 Juil - 15:36 par Tiston

maime a écrit:A creire que parlen un dialecte dau mesme grope (nòrd-occitan) de la mesma lenga... çò qu'es vertadierament surprenant qu'es que siam enquera surpres de pas veire de differéncia entre dos dialectes nòrd-occitan

mas non, ço que m'a suspres, qu'es de coneisser mens de diferencia d'accent entre los parlars de Benavent e Pueg Normand (240 qm) qu'entre los parlars de Benavent e d'Usercha (80qm)... Pertant qu'es tot dau lemosin...
Idem, aqui fuguei suspres de trobar mai re ressemblançia entre los parlar de Pompadour e de Sinjau (Yssingeaux) (300qm) qu'entre los de Pompadour e Limòtges (40qm)...
Son daus misteris que los linguistes sols poden comprener...

Message  par Contenu sponsorisé

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum