Jamad'Òc

Divendres passat quo era la prumiera de Jamad'Òc a Besièrs. Per los qu'an pas seguit, Jamad'Òc quo es un plateu qu'amassa L'Art à Tatouille e Mauresca Fracas Dub (e tanben començan coma Castanha e Vinovel, mas vist que quo es los musicians de Tatouille, sabe pas se 'quò compta...). Lo liam entre un grop de trad-cançon-balèti e un de ragga era pas forçadament evident a veire, mas lo "Trans-Balèti" promes es bien 'quí. 'Quò comença trad-trad (mas plan energic tot parier), e, per tochas, 'quò fai reggae, dancehall, hip-hop, fanfara, enfin 'quò fai bolegar, qué !
Lo contrat de far un balèti trans-generacionau es remplit e, ma fe, 'quò fai dau ben a la musica occitana.

Per lo moment, juguen pas tròp-tròp amassa, e i a daus còps daus blancs entre doas chançons o dos gropes ('quò deuria evoluir dins lo bon sens d'aquí l'Estivada e far mai "plateu comun" que "succession de gropes") mas quand son amassa, pitit, 'quò desmenatja ! Beneset de MFD que chanta "A l'Ombra dau Boscatge", lo "flow" dancehall de Drac sus lo tubà de Tatouille, las melodias de Castanha e Vinovel sus daus samples electrò-ragga e per dessus la votz raucha de Roland Ramades (que prenem, de temps en temps, a recuperar daus "tubes" de son ancian grop Regg'Lyss) e tot quò-qui sus 3 a 4 oras de concèrt, n'en fau pas tant per se tuar las chambas a sautar pertot !

Puei, per los fans, veire sus l'empont Cambusa de MFD, emb Ramade e los musicians de Tatouille, quo a pas de pres !

Lo "Tube" Jamad'Òc escotable en exclu sus lo MySpace de l'Estivada :

http://www.myspace.com/estivadarodez

Ben me... l'Art a Tatouille... euh... oc-es... dau punt de vuda musicau, qu'es bon... mas bon... fau pas escotar las paraulas que... son colhas de las colhas...
Ten, sabia pas que lo tipe dau Reglyss era dedins.

Mas finalament, qu'es bon queu grope Jamad'Oc, de çò qu'es auvit sus lo MySpace de l'Estivada. Lo votz dau Ramade, los riffs ska fachs emb los instruments trad (On my radio, tota mon enfància), la ritmica au tuba dins l'esperit fanfara, la chacha dau MFD...

Lo solo de tuba a la debuta es pas reconegut çò qu'era... Quauqu'un coneis ?

Ten, tot parier, pòde pas m'empachar : https://www.youtube.com/watch?v=VKeseKn260o

La musica coma las paraulas dau singla Jamad'Òc son de Regg'Lyss, una chançon que s'apelava desjà Jamadoc (coma que, lo Ramade es pas qu'a mitat dins l'aventura) e qu'era sus lur prumier disc, en 1993, se me trompe pas.

https://www.youtube.com/watch?v=-Lf2d7uo1P0

Mas quò me fai pensar a On My Radio dau Selecter tot parier (mens la version originala finalament...).