OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum

Le Deal du moment : -20%
(Adhérents Fnac) Enceinte Bluetooth Marshall ...
Voir le deal
199.99 €

Vous n'êtes pas connecté. Connectez-vous ou enregistrez-vous

Diglossia

2 participants

Aller en bas  Message [Page 1 sur 1]

1Diglossia Empty Diglossia Ven 13 Juil 2007 - 2:00

Trauca-Cap


Pinta-Beroi
Pinta-Beroi

Coma digoi dens un aute subjècte, que participi au Wikipedià occitan. Ara, qu'avem ua discussion sus lo hèit de revirar en occitan los noms francés de personas nascudas en Occitània. Aquò m'a menar entà ua reflexion sus la diglossia. Coma n'avetz benlèu pas lo temps o l'envetja d'anar soscar sus Wikipedià, deishi aquèra reflexion aquí tanben, pr'amor que pensi que pòt dubrir un desbat que parla entà l'Occitània sancèra. Coma non soi pas un filosòf, i a de granas chanças que mon idea sia stupida.


Diglossia : nostra escadença.

Pensi qu'en revirant tots los noms de gens que son nascuts en Occitania, qu'hasem un chic l'impassa sus la diglossia. Que vau ensatjar de m'explicar ... Vau partir d'ua imatge anecdotica. Un amic, qu'a uèi 20 ans, qu'es nascut dens un mitan occitanista. Lo pair parla, la mair parla, la sòr parla. En mei d'aquò que son gens que's bolegan per la lenga e la cultura. Los amics deus parens que son tanben occitanistas. Lo ninòt es anat en Calandreta. Lo petit créishó dens la lenga, dens la cultura, shens se pausar de questions. Per eth, l'occitan qu'èra quauqu'arren de normau, qu'èra la vita vitanta, coma la França e lo francés per un parisenc. Quan es arrivat a l'escòla primari e au collègi, l'occitan qu'es vadut quauqu'arren de falcutatiu. Coma a casa e en çò deus amics la lenga èran presentas, lo gojat n'avèva pas consciença que tot aquò èra manaçat, n'avèva pas l'esperit "militant". Urosament, l'istòria s'acaba en "Happy End", pr'amor lo gojat qu'a trobat aqueth esperit quan, au licèu, a vist que l'educacion nacionau volèva estancar los cors d'occitan.

Adara, m'en torni a la diglossia. Que voletz revirar automaticament los noms de personas en occitan, pr'amor se son francisats, qu'es pr'amor de la diglossia. Disi de òc ! Qu'es vertat, la diglossia qu'a botat los nostres Guilhem, Alienor, Andriu, Pèir, ... dens la casa deus prenoms tradicionaus, o exotics, o vielhs. Mes los risques son gran en apèrant Jacques Chirac Jaumes o sabi pas, Sophie Davant Sofia (qu'es nascuda en Gironda). Imaginatz, las nostas accions foncionan, e, dens 50, 100 ans, la lenga occitana es emplegada dens la vita vitanta de tot lo monde. Los gojats, e las gojatas, que seràn en cors d'Istòria, quan vederen qu'es escrit que Jaume Chirac estó Capdau de la Republica francese, o qu'ua animatriça de television, l'aperavan Sofia, aqueths ninòts n'auràn pas consciença de çò qu'èra vertaderament la diglossia, seràn coma lo mon amic, que pensava que l'occitan èra quauqu'arren de normau, quauqu'arren qu'estó tostemps aici. Que n'auràn pas aquèra consciença que hèit que uèi nos bolegan. N'auràn pas l'escadença benlèu, d'aver, coma lo mon amic, ua "Hapy End", e alavetz, la lenga, vertaderament aqueth còp, caderà.

La diglossia estó quauqu'arren de tarrible entà nosautres, mes que'n cau pas desbrembar que shens aquèra umiliacion, shens aquèra alienacion, shens aquèra negacion de la nostra identitat, serem pas aici de pè, lo punt lhevat, soscant enqüèra e enqüèra sus çò qu'es ua lenga, sus çò qu'es ua cultura.

Trauca-Cap 13 de julh de 2007 a 01:18 (UTC)



Se n'i a que saben pas çò qu'es la diglossia :
diglossia, s. f.
Relacion ierarquizada entre duas varietas, hauta e baisha, prestigiosa o oficiau e populara o locau, d'ua medisha lenga o entre duas lengas diferentas.

BIANCHI André, VIAUT Alain, Fiches de grammaire d'occitan gascon normé, volume 1, Presses Universitaires de Bordeaux, 1995.

2Diglossia Empty Re: Diglossia Ven 13 Juil 2007 - 9:12

Danís

Danís
Adjudant

Òsca 10 sus 10 !
Veiqui una ideia originala...

Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum