OCCITANIA !! Forum


Vous n'êtes pas connecté. Connectez-vous ou enregistrez-vous

Comunicat L!GN First

Voir le sujet précédent Voir le sujet suivant Aller en bas  Message [Page 1 sur 1]

1 Comunicat L!GN First le Sam 17 Avr - 7:01

capbreton


Occitan Warrior
Occitan Warrior
Libertat, movement de l'esquèrra revolucionaria d’Occitània, se tesica tostemps de la situacion deu site industriau de Blancafòrt e tanben de la responsabilitat de nombrós “decididors” politics e économics.

A la prima de 2009, nos chepicavam de l’optimisme generau davant la manca de visibilitat deu projècte de represa deu site industriau per HZ e deu son compair màger lo grop industriau Johann Hay. La division deus crompadors dens aquesta sòrta d'ahar n’es pas jamei encoratjanta. A l’epoca, l'escanacòth a l'emplec e a l'estatut precaire eran dejà aviats.

Çò de mei escandalós per nosautes èra de véder que los politics tau com Alain Rousset, president de la region Aquitània, s'engloriavan deu « ròtle capitau deus elegits politics e sindicaus que dens una union sacrada an sabut botar la pression entà que's bastisse una solucion ». La vertat èra mei que detestabla. La societat HZ Holding devèva arrecrompar lo site per une soma simbolica. E una prima de 12 milions d’euros èra auhèrta per l'Estat francés dab, en demei l’implicacion financèra de la region e de la CUB.

Uèi aprenem oficiaument çò que sabèvam despuish nombrós més, las bancas son pas tròp motivadas entà finançar lo projècte de transformacion deu site per la fabricacion de granas coronas eolianas.

Despuish l'agòr pas cap d'acòrd estó trobat e lo mantenimen de mei de 1500 emplecs per 2011 sembla compromés.

Es de crànher que dens 10 ans, degun non se bremberà deu sòrt que serà reservat aus 1600 emplegats-adas. Que mei de 12 milions d’euros de moneda publica seran estats balhats a grops especializats entà liquidar una de la enterpresas màger de Gironda.

Acò es tant mei irritant que son d'esquèmas que's tornan har. Pensam aquí particularament a Sony dens la region Aquitània.

Uèi, s'escotam los politics francés que s'en saben grat de dilapidar la moneda publica au profèit deus mei poderós, doman l’Occitània e precisament la Gasconha seran dedicats unicament au torisme de massa dab granas zònas de construccion suu litorau, e una agricultura productivista ligada a la « maïscultura ».

Aqueth fenomèn data pas de uèi. Tota una industria permetant a milions d’Occitans de tribalhar au país es estada destrusida chic a chic per lo capitalisme e l’ajuda plan adobaira deu poder jacobin. Despuish quauquas decennias, Occitània se desindustrializa balhant atau una man d'òbra de corvada au capitalisme. S'ageish d’un sistèma de colonisacion interiora que non dit pas lo son nom.

Mei que jamei, am de'ns opausar a las causidas politicas e economicas actuaus.

L’actitud deu Conselh regionau es interessanta a mei d'un títol. D'ageish aquí de la colectivitat territoriau la mei poderosa au niveu financèr, a la quau agrada mei de colaborar e cogerir la barrada d'enterpresas que de menar una refleccion economica coratjosa.

A l'òra on se parla deu projècte de restructuracion de las colectivitats, am de soscar a la creacion d'una colectivitat territoriau occitana unica capabla de defener lo pòple occitan e de perpausar investiments economics solides.

Seram çò que bastiram !

________________

Libertat, mouvement de la gauche révolutionnaire d'Occitanie
http://ahuec.wordpress.com/

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum