OCCITANIA !! Forum


Vous n'êtes pas connecté. Connectez-vous ou enregistrez-vous

Un dròlle, quina lenga per el?

Voir le sujet précédent Voir le sujet suivant Aller en bas  Message [Page 1 sur 1]

1Question Un dròlle, quina lenga per el? le Lun 5 Avr - 14:18

Mertyl


Occitan Warrior
Occitan Warrior
Adieu, dempuèi qualques meses pensi a quicòm, a mon avenidor. Coma un fum de dròlles, soi estat elevat en partida per d'autras personas que ma familha prèpa e non pas solament lo paire e la maire. Mas aquò's pas lo problèma. S'avètz un dròlle, i a de mond sus aquel forum que n'an ja, se n'avètz cossí parlar als dròlles?

Parli tres lengas, e mas femnas parlarà benlèu d'autras lengas, alara a l'ora de parlar al dròlle cossí far? Parlar la lenga de comunicacion entre lo paire e la maire,
parlar la lenga del país ont es nascut e creis lo dròlle, parlar la lenga de mon país, del país de la maire. Avètz ja soscat a aquel problèma que me sembla important perque i a un fum de possibilitats sul nombre de lengas. Tot aquò càmbia, mas pensi que fin finala, los parents an pas la causida perque los grands trabalhan pas mai e los parents trabalhan alara aprenon la lenga dels grands o de la dòna qu'es pagada per far aquò. De que pensatz de tot aquò, i avètz ja soscatz, avètz causit una/de lenga(s)?

http://www.occitanews.com

joan_cavalier

avatar
Trobador !!
Trobador !!
Euh al vist de l'actualitat conselhi lo latin, i permetra d'entendre quora lo riton parlara d'abusar d'el lol

Aprep òm pòt alternar mentre los parents, me brembi quora la pichona d'Eric (Fraj) era minauda (far 9 o 10 ans d'aquo) lo seu paire i parlavia òc e la seuna maire frances.

Ta ieu dempuei tot pichon entendi lo paire parla oc amb los vielhs del vilatge, frances amb ieu e la maire parlar catala amb la granda (bon sabi i'aura lengas de pelha ta te botar en garda a la vista de la resulta lol)

Amistats

Cedric

http://www.myspace.com/joan_cavalier

Cerièra de Mai


Trobador !!
Trobador !!
Mertyl a écrit:los parents an pas la causida perque los grands trabalhan pas mai e los parents trabalhan alara aprenon la lenga dels grands o de la dòna qu'es pagada per far aquò
Ja, sabes pas la vida qu'auràs, benlèu trabalharetz pas totis los dus, de ta femna e tu, senon, de tot biais, veiràs ton enfant lo ser, la dimenjada, las vacanças, e se li parlas pas qu'en òc, aurà ben la possibilitat de l'aprener !
Oblides pas lo ròtle de l'escòla, pòt tanben anar en Calandreta, o dins una seccion bilinga.
E mai ausiguèsse de francés la màger part del temps, serà acostumat a las sonoritats de la lenga.

Semblariá que calguèsse causir una lenga per parent (que cada parent parlèsse una sola lenga al mainatge, per li daissar destriar plan las lengas, per exemple, tu en òc, ta femna en francés)

Una amiga catalana a dus filhs, lor parla pas que catalan. Empacha pas qu'a Catalunya nòrd, tot lor environament es francés. Jògan en catalan, sabon parlar plan francés tanben, e olandés pr'amor que lor paire es olandés, e quand n'a la garda, or parla olandés ! Tant pichons, e ja tres lengas !

bork-oc

avatar
Tusta-Fusta !
Tusta-Fusta !
En occitan sinon la lenga qu'ei mòrta.logica, non? sinon que tornem hèr las conerias deus ochitanists...creder dens lo PSF e ne pas parlar la lenga nosta. Dus causas que tuan lo pais.

http://www.libertat.org

zo

avatar
Occitan Warrior
Occitan Warrior
N'as una de femna a l'ora d'ara? Ne caldriá benlèu parlar amb ela non?
Si que non i a pas de règla, mas çò mai important es la lenga que parlarètz entre vosautres, la que lo dròlle ausirà lo mai.

maime

avatar
Lemosin de prumiera !
De legir a perpaus d'aquò : http://ieo06.free.fr/spip.php?article1840

http://ieumaitot.nireblog.com/

Alh Òli

avatar
Occitan Warrior
Occitan Warrior
Dèvi avoar m'estre jamai pausada la questien, pasmens mon amiga mi ditz que quora n'aurèm, vòu que parle patois ai pichòts. Pasmens sarà pas aisit, l'aurà forçadament una diferencia de nivèu entre chasca lenga; au moment de l'engrunar pensi pas que li parlarai en òc. Mi ramenti que mon paire ensajèt emé nautrei, l'avia un moment que lo francé revenia. E puèi, a l'adolescencia plus d'òc, lo francés sonque. Coma si la lenga tenia a l'enfancia sonque... Time will tell...

maime

avatar
Lemosin de prumiera !
çò que dises, Yellow, pausa doas questions fòrça importanta : la plaça de l'occitan dins la societat e mai dins nòstras vitas. E avem 'na responsabilitat fòrça importanta coma militant per l'occitan.

Parlar occitan deuria èsser quauquren de normau, de quotidian per los militants que mestrejen la lenga. La question deuria pas se pausar d'utilizar la lenga o pas, que sia coma los amics, los enfants, ... Comprene plan los problemas psicologics que podem aver per parlar en occitan (vergonha e tot quò...). Mas los militants deurian aver depassats quilhs problemas. De mon costat, quand ma mia e me auram un nenet, li parlarai en occitan. Ma mia non perque parla pas la lenga. Li parlarà en frances. Dins son environament sociau, mon nenet aurà d'autras personas que parlaràn en occitan, l'auvirà a la radio, aurà daus libres e disques en occitan. Qu'es desja 'na lenga correnta chas n'autres perque n'i a dau monde coma losquaus parle quasiment pus en frances. De segur, impausarà pas 'na lenga a mon mainatge. Me parlarà dins la lenga que voldrà mas li respondrai en occitan.

Balhar 'na plaça a l'occitan dins la societat es tanben de la responsabilitat daus militants. Qu'es finalament mens aisat perque podem pas totjorn far çò que volem. Mas de queu costat maitot, fau pas tot esperar daus poders publics e s'organizar se-mesme.

Pe rme n'i a tres niveus d'accion :
1) l'accion individuala : parlar occitan
2) l'accion collectiva : s'organizar per far viure la lenga, per l'utilizar publicament
3) l'accion politica : préner los luecs de poder per far chamnhar las reglas de la societat (eleccions, lobbying)

Per me los tres son necessàrias. De legir a perpaus d'aquò (en botar occitanisme a la plaça d'ecologia ) : http://ecorev.org/spip.php?article41

Per respondre a la question de Mertyl : lo nenet pòt parlar la lenga de la noiriça, la lenga dau pair, la lenga de la mair e la lenga dau pais ente serà. Aprep quò depend de l'educacion que vòles balhar a ton mainatge. Fau subretot pas obludar que parlar mai d'una lenga es la nòrma dins la majoritat de las societats umanas. Lo monolinguisme es una malàudia de pais imperialista.

http://ieumaitot.nireblog.com/

9Question ime le Jeu 8 Avr - 17:45

gat-esquiro@orange.fr


Pintaire
Pintaire
adiu,

Maime qu'a plan hé veger eth problema.
Qu'ei 3 mainats. Jo qu'ei asajat d'us parlar en gascon (pr'amor que demoram en Bigorra) dens eths moments on eri sol dab eths. Era mia hemna non parla pas brica occitan. Donc quan em amassa que mescli occitan e francès.
Eth resultat : eths mainaits que comprenen pas trop mau era nosta lenga, mes non la parlan pas trop. Que l'aprenen tanben a l'escola (1 h/s)e ath collegi (2 h/s). Puish era mia hemna, shens ac voler que la compren un drinot tanben.
Que son abonats a ua revista occitana (quan ei possible dab eth mié budget...), qu'an libes, CD en OC...

Qu'ei mes parlar occitan dab eth petito pr'amor que l'ei gardat quauques temps en congé parentau. Donc aqueth, que pensi, qu'a mes era musica naturau dera lenga.

A seguir...

http://gat-esquiro.blogspot.com

10Question Re: Un dròlle, quina lenga per el? le Jeu 8 Avr - 20:46

Emili Dieu

avatar
Casahèita
Casahèita
Adieu Mertyl,

Ai tres dròlles, amb la femna lor parlèm lo mai possible dins la lenga del país, amb lo nòstre nivèl. Abans d'anar a la Calandreta foguèron jà iniciats al bilinguisme.
De còps i a d'amics francofònas que son un pauc suspréses pel vocabulari del mainatges quora debutan de parlar dins una mescladís occitanò-francés. Mai aprèp los mainatges fan plan la diferéncia entre las lengas.
Als autres dròlles, los amics del meus dròlles, parli tanben en occitan. Es normal i a fòrça que son a la meteissa escòla.

Donc : parla occitan als teus dròlles !
E coma dis Borc-oc, sinon la lenga qu'ei mòrta.

Alh Òli

avatar
Occitan Warrior
Occitan Warrior
Li parlar òc a l'ostau per lei mandar en Calandreta. Toei leis esfòrç qu'as fa au tieu redusit a res... Plan Urós

admin

avatar
Trobador !!
Trobador !!
Ma mair es assistanta familiau (educa de mainatges que los parents an pas pro de moneda o son pas aptes per ec har), e ara n'en avem una que son pair es un marroquin que viscó 10 ans tanben en Italia e sa mair es portuguesa. La dròlla, nascuda a Bordèu, parla... sonque francés. Mei d'un còp, la pitchona (qu'a 10 ans) e'ns hè ressentir sa "manca de lenga".
Es pas flagrant per un pitchon francés nascut en França quan los pairs parlan sonque francés, mes quan i a d'originas pròchas.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

joan_cavalier

avatar
Trobador !!
Trobador !!
Benleu lo mai simple es d'i daissar la causida : i cal pas parlar fins a 18 ans atal podra causir tot sol.....

bon d'acòrdi.......

http://www.myspace.com/joan_cavalier

14Question Re: Un dròlle, quina lenga per el? le Mer 21 Juil - 10:01

AlexderFrannke


Manja-Patanas
Manja-Patanas
Per ieu, se foguèssi un Occitan, seriá esclar que parlariái en Occitan ambé lo dròlle. Depend sus la femna se l´Occitan seriá la lenga exclusiva o qu´ela parlariá en francés ambé lo dròlle. Mas soi esclarament còntra l´usatge d´una lenga estrangèra. Quand lo dròlle aurià mai d´ans, se devriá l´aprene tambèn lo francés sensa l´utilitzar coma lenga cotidiana pèr que tu siga pas accusat que lo dròlle sabe pas lo francés.

Alex

15Question Re: Un dròlle, quina lenga per el? le Dim 7 Nov - 22:46

ocsigen6424

avatar
Gacha Empega !
Gacha Empega !
Me fau pas d'illusions, mos dròlles comprenen plan, e parlan pas çai que de lai.
E mai se parle en lemosin, en gascon (aqui a Pau) en lengadocian e que te sabe mai, la television a ganhat la batalha, l'Internet impausa lo frances e l'angles.Mas chau pas se descoratjar: en esperar que la Val d'Aran e vengues qu zo sap? un jorn una Andorra bis emb lo gascon coma lenga oficiala.

E totun qu'ei avut un drin de dificultat a ensenhar la lenga , quina lenga , la qu'aprenguei en Peirigòrd (de Lemosin) o la qu'aprenguei après en Bearn (de Gascon)?

http://ungolhatdativier.blogspot.com

maime

avatar
Lemosin de prumiera !
Cò qu'e important qu'es que tos dròlles comprenen. Ne'n faren çò que voldran de quò, mas son desjà daus locutors passius. Benleu, un jorn, auran enveja de 'nar mai luenh.

A perpaus d'Internet, tròbe qu'es un endrech ente la lenga se pòt utilizar d'un biais liure e que t'impausa pas mai l'anglés que lo francés. Enfin, quò siria mai que mai l'anglés qu'es lo mai present.

Quau parlar lor apréner ? Si tu parlas gascon e lemosin mas que tos dròlles viven en Bearn, me sembla mai logic de lor parlar en bearnes. Perque quò siria lo parlar que podran auvir a la ràdio, dins de las festas, ...

Bon.. Vau me far de pub un còp de mai... Per parlar de tot quò podtez tanben 'nar sus lo forum Familha :

http://familha.forumsfamille.com/

Lo forum de las familhas qui viven en òc ! 10 sus 10 !

http://ieumaitot.nireblog.com/

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum