LaurençD a écrit:Héhé… Contunhi sus la mema dralha : Dins Leire, las doas comuna ont l’abstencionisme es estat lo mai fòrt son tamben las comunas ont lo FN es arribat primer : Unieux e Le Chambon-Feugerolles. Son doas comunas de la Val d’Ondaine que comolan caumatge, usinas barradas eca. Demest las gens que vòtan FN, la majoritat son de monde que votèron comunista o PS o RPR un còp èra, mas que iara se pensan que lo sisteme es fotut, que lo cal faire petar e que lo mejan mai segur per o capitar es de votar per un capbord. E se troba qu’an Gollnish a posita. Aquò’s de nihilisme politic (s’èri provocator –çò que soi pas- diriai qu’es un vòte revolucionari).
Cresi que dins la teuna analisi desbremba de prener en compte 2 factors :
-L'abstencionisme afortis pas la votacion pel FN, la differencia es que los partits qu'an pas "l'assegurança de ganhar" los militants van votar (es valable per lo FN, pel NPA, pel Front d'Esquera...), aprep al luòc de diser "bouh los que van pas votar son marrits", cal ensajar de comprener per de que van pas votar (disi pas que totes te podran balhar un argumentari bastit coma lo que te balham amb Matieu, mas te pausi una question : nosautres amb Matieu votam pas, mas sabem per de que votam pas, es que sias segur que totes los que van votar sabon
vertadierament per de que van votar (e parli vertadierament, es qu'an legit lo programme de lo lor candidat o es que an votat "per de que i'a l'occitan, per de que l'ome o la fremna a pegat dessus una etiqueta (PS, EE, UMP....la que vos), per de que "es risolier als guignols, o (ma preferida) per de que "I'a monde que son morts per qu'aguessem lo dreit de vote") ieu n'en soi pas segur).
- Segon punt (es pas se es lo cas dins lo teu canton, me basi aici sus 2 endreits que coneissi plan, Arieja e Aude) l'essencial de l'electorat FN son pas totes monde racistes o xenofobs, i'a un fum d'ancian communistes que son estats deçaubuts al moment de l'esquera plurala e que se dison que se Le Pen passa, lo poble prendra las armas e sera la revolucion (teoria que se pòt discutir, es ja malaisit de faire la revolucion amb CRS de l'autre camp, soi pas segur que sera mai aist amb l'armada) la lora tòca es pas un estat fasciste mas una beluga ta faire tot petar e obtener un cambiament radical)
Darrier punt, quitament se vos va pas pareisser politicament correct : e se lo probleme era que fòra del FN e del NPA que tenon una linha politica clara (qu'òm siaguesse d'acòrdi o non ambe òm pòt pas diser l'encontrari) e un programme sus los qual demoran dempuei d'annadas, lo de mai de la "classe politique" far lo seu programme en dubrissant la premsa lo matin (una mameta se faguet agressar, cal una lei contra l'agression de las mametas, una escola dola de constipacion, cal una lei ta butar los drotles de cagar......)
Seria benleu temps que lo sisteme cambiesse, que las linhas politica siaguesson clarament tornada definida (te dirai que per ieu Borloo es mai a esquera que DSK).... mas per aquò caldria benleu que lo monde aguesson una consciencia politica e una enveja de cambiar.... e aquò es una autra istòria