OCCITANIA !! Forum


Vous n'êtes pas connecté. Connectez-vous ou enregistrez-vous

Critica-Chin Na na Poun

Voir le sujet précédent Voir le sujet suivant Aller en bas  Message [Page 1 sur 1]

1 Critica-Chin Na na Poun le Jeu 5 Juil - 12:11

Danís

avatar
Adjudant
L'ai trobat per ensard a la FNAC. Fasiá un an que l'esperava, e ai quitament pas estat tengut au courrent de la surtida de queu album !

Pensava pas esser deçaugut, après aver estat totalament convinçut a L'Estivada 2006, ente lo Chin-Na-Na-Poun siguet una de las melhoras suspresas (avant, i aviá que lo public provençau que coneissiá).

E l'ai pas estat, e mai qu'aquò !

La formacion Patrick Vaillant (mandolina) / Manu Théron (chant, tamborin) / Daniel Malvergne (tubá) foncciona perfectament, e balha una autra charra a la musica occitana. I a un pauc de fanfara, un pauc de jazz, un pauc de Brassens, un pauc dau Còr de la Plana, e subretot, fòrça de Gélu.
En efièch, los textes son los dau chansonier provençau, e per los que n'en dobtavan enquera, son d'una actualitat "bruslanta".

Lo Chin-Na-Na-Poun nos balha la melhora representacion daus textes de Gélu, benleu dempuei la mòrt de l'autor, e enquera !

A chasque mòt, sentem la presencia de l'autor, son umor corrosiu, son engatjament, son espiat critic sus lo monde, sas esperanças per lo pòple marselhes...

Bolegantas, tristas, risolieras, las chançons surten "frotjadas" quand son chantadas per Manu Théron (lo Còr de la Plana), botadas en musica per Vaillant e Malvergne.

Un daus melhors CD dau moment, pas mai !

Mon opinion : Crotz Occitana Crotz Occitana Crotz Occitana Crotz Occitana e un Reverar !

Nòta : saurai pas pro conselhar de lo chaptar, alara veiqui las referencias = Chin na na poun, Vaillant, Malavergne, Théron au Label Daquí (label des nuits atypiques), distribuit per Harmonia Mundi.

2 Re: Critica-Chin Na na Poun le Jeu 12 Juil - 7:24

Tiston

avatar
Occitan Warrior
Occitan Warrior
avia auvit sabe pus ente un titre daus Chin na na poun...avia adorat...'qu'era 'na poesia de Gelu qu'aime beucop sus los aubres dau cors...geniau!
'Laidonc quand as dich que i'avia un disc, sei de segua 'nat chas Harmonia Mundi a Limotges e l'ai chaptat: geniau!
una pita decepcion totparier:
daus cops la votz de Theron part un pauc en "colha" coma se ditz, remarca 'quo deu pas estre aisat de chantar sens se plantar un texte de Gelu pendant 10 minutas...
L'instrumentacion es mai qu'interessanta...
e quand ai dubert lu disc me sei pensat "merda i'a nonmas qu'un poema notat dins lu libret!", tant pieg 'quo sera pas aisat de tot segre mas 'quo me fara trabalhar mon provençau...e en fach ai descrubert que tots los textes eran en version .pdf sus lu disc...geniau!
merces d'engueras per l'informacion, bon disc! Òsca

3 Re: Critica-Chin Na na Poun le Jeu 12 Juil - 8:19

Danís

avatar
Adjudant
Si que non, tots los textes son disponibles sus lo libreton jaune sus Gélu, paregut chas l'ostau Dau Pais Marselhès, i aviá un CD qu'era sortit emb, qu'es benleu aqui qu'avias auvit lo Chin-Na-Na-Poun... i avia versions de Massilia tanben, dau Còr, de Carlotti...

Queu libre completa plan lo disc dau Chin-Na-Na-Poun.

(Veire sus los autres sujiechs, me sembla que n'avem desjá parlat...)

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum