OCCITANIA !! Forum


Vous n'êtes pas connecté. Connectez-vous ou enregistrez-vous

Ensenhament de l´Occitan/parcenejar a la vida occitana

Voir le sujet précédent Voir le sujet suivant Aller en bas  Message [Page 1 sur 1]

AlexderFrannke


Manja-Patanas
Manja-Patanas
Adieu totei,

ara ai editat mon messatge après qu´aviái vist que leis accents èran pas cartelats correctament.

un pauc de jorns fa, ai legit de diferentas novetats sus l´ensenhament de lengas regionalas, entre eleis lo còd de l´educacion coma la mai importanta. Per ieu coma estrangièr, es malaisit de veire dins leis tèxtes oficiaus leis diferéncias comparat amb lo reglament ancian. Poiriatz me dire en brèu leis diferéncias?

De mai, ai agachat lo siti de l´acadèmia de Montpelhièr e ailá que dison sus l´ensenhament de l´Occitan. O explican lo melhor sus lor siti entre leis acadèmias occitanas.

Sus un autre siti dison que 30% deis collègis e 60% deis licèus òfran l´Occitan coma opcion vist pèr tota l´Occitània. Son verais aquestei nombres? Segon cò qu'ai trobat sus l'internèt, n'i a una granda diferéncia entre lo Nòrd e lo Sud d' Occitània. Dins lo Nòrd, es lo desèrt d'ensenhament de l'Occitan. Mas dedins l'acadèmia de Montpelhièr, ai l'impression que i a un licèu o collègi pas tròp luènh de l'ostau ambé l'opcion de l'Occitan pèr cada escolan qui o desira. Es aquò que compreni pas que i a plan mens d'escolans qui seguisson de corses d'Occitan en realitat. Es que la majoritat d'escolans ajan pas lo desiri? O es que i a de parents interdison aquesta causida? Car, se leis parents o vòlon, i a pas cap de dreches pèr leis joves pèr dessús de 18 ans. De mon vejaire, parents com' aquò agisson aissosament que non sabi. Es aus parents de s'empenhar pèr que la filha o lo filh aurà l'Occitan a l'escòla se él o ela o desira tanplan se leis parents elei-meteisses son pas juntes a l'Occitan.

De mai, ai legit qu'accepten dedins de l'acadèmia de Montpelhièr la causida de l'Occitan coma premièra lenga vivanta au collègi.

Mas saber la lenga e l'aprofeichar son de diferentas causas. Au Sud d'Occitània, d'escasencas de l'aprofeichar, n'i a pron dedins de
l'I.E.O. Segurament, se pòt s'i empenhar volontàriament. Leis seccions localas devrián conobrar ambé leis escòlas qui òfran l´opcion de l´Occitan pèr convidar leis escolans de parcenejar a la vida occitana. Espèri que leis joves son benvenguts per eissemple dins leis cercles occitans.

Pèr lo Nòrd, crenhi que l'Occitan s'i atude gaireben complètament. Pèr lo Sud, i soi pas si segur perqué i tròbi mai d'esforces pèr lo far viure que dins lo Nòrd. O soi fals? Mas cò que referís l´ensenhament, leis faches son evidents. Me sembla que cau aus Occitans dau Nòrd de viatjar cap au Sud pèr practicar la lenga aus estagis e fèstas occitanas.

Alex



Dernière édition par AlexderFrannke le Dim 21 Fév - 12:36, édité 4 fois (Raison : Leis accents èran pas cartelats correctament e ai melhorat un pauc de frasas.)

maime


Lemosin de prumiera !
Te pòde pas dire quaus son lo chamnhament dins la reglementacion per l'ensenhament de l'occitan. Mas crese qu'aura tu pòdes far 'na convencion entre la region e l'academia.

Ta chifra de 60% de liceus es fau. Perque, t'as rason, dins lo Nòrd d'Occitània qu'es lo desert per lors cors a l'escòla. Per contra, l'occitan l'i es totjorn viu e pòdes trobar dau monde per parlar coma te. Ai apres l'occitan a Limòtges n'i a 4 ans e lo parle regulierament. De segur dins lo mitan occitanista. Mas tanben dins lo mitan de la musica tradicionala. E tanben dins lo mitan ecologista. Ma mia a daus colegas de trabalh que parlen occitan.

http://ieumaitot.nireblog.com/

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum