OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum

-15%
Le deal à ne pas rater :
(Adhérents Fnac) LEGO® Star Wars™ 75367 Le croiseur d’assaut de ...
552.49 € 649.99 €
Voir le deal

Vous n'êtes pas connecté. Connectez-vous ou enregistrez-vous

Belfast

Aller en bas  Message [Page 1 sur 1]

1Belfast Empty Belfast Ven 13 Juil 2007 - 3:41

Trauca-Cap


Pinta-Beroi
Pinta-Beroi

Qu'hasèva ua annada qu'èra partida, per Erasmus, lonh d'aquí, en Irlanda. Totara, un messatjòt : "Jausèp (qu'es mon petit nom), qu'es a casa ? E podi viener tà bever lo café ?" Segur !
Que'm soi anat lavar, pueish qu'es arrivada. Qu'èra enqüèra mei polida. Qu'ei gahat dus mazagrans e tanben la cafetièra. Qu'a començat per me demandar quauquas novèlas suu mon "activisme occitan". Alavetz, l'i ei parlat deus gens, de las mias ideas de projècte (jà qu'un projècte n'es pas tròp precís, alavetz ua idea de projècte ...) que l'i ei parlat deu Còr de la Plana, de Rodès, deu regionalisme parisenc, deu CAN, deu Parti Socialiste de Dordonha que vàda occitan, de'us que parlan tròp, de'us que parlan pas pro, e.c.a ,.. Qu'ei parlat, ua bona òra pensi, pueish, que'm soi brombat qu'èra era que devèva aver de causas tà diser ...

"Quin es l'Irlanda ? Quin es Belfast ?"

En purmèr, coma s'avèva un compte tà reglar, m'a parlat deus francés qu'èra coma era en Erasmus. M'a parlat d'aquèths estudiants, que, lonh de França, contunhavan d'estar cons, d'anar en discotècas "In", de'n se parlar qu'en francés, e sonque entà'u francés, de parlar englés coma un personatge de Panhòl, de se creder rei deu monde, e subertot, d'estar ipocritas e pesucs ("J't'aime trop toi l'allemande ! T'es ma p'tite choucroute !").

Pueish, pauc a pauc, m'a parlat de la beutat de Giant's Causeway, pueish de la trista vila de Belfast. Pueish deus lòcs, qu'es passada aus gens. "Acerà, non cau pas demandar aus gens se son irlandés o englés, o se son de Belfast, o d'alhors, acerà, cau diser Where are you come from ?. Atau, pòdes saber se parla a un catolic o un protestan, shens lo picar." M'a parlat de Derry/Londonderry, la vila termièra entre Sud e Nòrd, deu paret. (Ua mena de Baiona, mes version Berlin Guèrra hreda...). M'a parlat de la passejada muda entà'us 35 ans deu Bloody Sunday, deus petits protestants que getan calhaus sus los petits catòlics, e vice-versà. M'a parlat deus pubs, ont los irlandés s'en van bever tà desbrombar un chic que son devath l'occupacion englèsa, tà desbrombar las veituras de poliças que son blindadas e los policiers que'n cau pas espiar dens los uelhs. Que beven tà desbrombar tanben lo cieu e la pluja. M'a parlat d'queth pub ont, avant, los de l'IRA s'amassavan, e ont lo "videur", avant de't har dintrar, te ditz Are you american ? Are you english ? No ? So you can go in ! M'a parlat tanben d'aqueth pub ont se parlas englés, te responen en gaelic...

Ua gojata tà maridar que'm soi dit ... Mes que's prepara un mestièr que's hèit sonque sus Paris. N'en es par tròp fièra, que l'i agradaré mei de demorar dens lo Sud-Oest, mes bon ... Jo, que devi demorar aici, pr'amor qu'ei causit ua lenga e ua cultura... Qu'es la vita, qu'es atau...

Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum