OCCITANIA !! Forum


Vous n'êtes pas connecté. Connectez-vous ou enregistrez-vous

Per una fèsta nacionala d'Occitània!

Aller à la page : 1, 2  Suivant

Voir le sujet précédent Voir le sujet suivant Aller en bas  Message [Page 1 sur 2]

Lafontan


Occitan Warrior
Occitan Warrior
Un grop s'es constituit per aquò sus Facebook que regropa ja quasi un centenat de personas e amai i a sul forom dels pòbles en luta una rubrica per l'organizar; Perqué pas començar per de bon ?
http://fpl.forumactif.com/forum-occitan-f11/per-una-festa-nacionala-occitana-t5927.htm

zo


Occitan Warrior
Occitan Warrior
Soi fòrt e mòrt contra la causida d'aquesta data passadista e sanguinària... E puèi, soi un pauc contra lo quite concèpte de fèsta nacionala, o cal ben dire.

Lafontan


Occitan Warrior
Occitan Warrior
zo a écrit:Soi fòrt e mòrt contra la causida d'aquesta data passadista e sanguinària... E puèi, soi un pauc contra lo quite concèpte de fèsta nacionala, o cal ben dire.
Lo que massacra lo monde pren lo risque de se far tuar, non ? Es un pauc normal, ieu apèli aquò de la legitima defensa, los paures occitans an fait çò qu'an pogut e aquí per un còp an arrestat per un moment la maquina infernala de l'inquisicion, se remembrar las luchas d'un còp èra fa pas de mal e pòt balhar de coratge per las luchas a venir. Una fèsta nacionala es una fèsta de la collectivitat d'òmes e de femnas que partejan quicòm, un biais de dire que sèm solidaris....

joan_cavalier


Trobador !!
Trobador !!
Ahhh Lafontan, te torni pausar la question que te pausi cada an dempuei 10 ans sus aquela problematica: per aver una festa NACIONala, trapas pas que manca quicòm de festejar???????


Cedric

http://www.myspace.com/joan_cavalier

Cerièra de Mai


Trobador !!
Trobador !!
Una data d'independéncia per exemple ?

Mertyl


Occitan Warrior
Occitan Warrior
Edit : I a de causas que podem pensar, mes que podem pas díser aquí. Quitament se parlam pas en francés o en inglés, qui que sia pòt compréner çò qu'avèvas escrivut, e har barrar lo forum per non respect de la carta de forumactif e de la lei.

L'Òmi.



Lo refús al nivèl local de personas que son pas del país fonciona, per exemple a las darrièra eleccion una dòna "Béatrice Marre" del partit socialista es venguda per venir cònsol de Milhau, aviá tota las qualitats, anciana deputat, anciana cònsol.. mas es pas roergata, a acabada tresena de lista per far plaser a París, puèi es venguda conselhièra municipala e non pas adjoncha, es a dire qu'a pas cap de poder e qu'es pas pagada.

Podètz contunhar de demandar als colons de causas de segur, se cresètz que pòt foncionar, perqué pas, mas es pas mon vejaire.

http://www.occitanews.com

maime


Lemosin de prumiera !
Personalament, aimaria mai una data vertadierament panoccitana emb un eveniment que podria èsser festejat tanben per dau monde que son pas nacionalistas. Per exemple, l'oficialitat de l'occitan en Catalonha. Podem prener lo 18 de junh, data dau referendum que balha l'oficialitat de l'occitan a Catalonha. Qu'era lo prumier còp que l'occitan era lenga oficiala, emb queu nom. Vos mete lo texte : "Era lengua occitana, denominada aranés en Aran, ei era lengua pròpria d’aguest territòri e ei oficiau en Catalonha, cossent damb çò qu’establissen aguest Estatut e es leis de normalizacion lingüistica."

http://ieumaitot.nireblog.com/

Zengi


Trobador !!
Trobador !!
Cò qu'ei nacionalista per tu ?
Per'mor jo lo soi pas, per contra me considèri patriòta, e pensi que coma cada nacion qui's basteish, nos cau ua data SIMBèU vertadèra.
Francament l'oficialitat de l'occitan en Catalonha me parla pas. Purmèr que serém lo purmer pais a hestejar un eveniment nacionau qui pertòca un aute pais. E puish que seré enqüèra un còp concentrar las reivendicacions nostas sus l'unica question linguistica.
S'ei de criticar, la data de la mort de Montfort qu'ei clara: que bremba la colonizacion e los massacres que pateishon los occitans de la part deus francés.

maime


Lemosin de prumiera !
Un nacionalista per me es quauqu'un que plaça dins son project politic sa nacion d'en prumier.

http://ieumaitot.nireblog.com/

Alh Òli


Occitan Warrior
Occitan Warrior
Siatz fòles, francament

admin


Trobador !!
Trobador !!
+1 (pr'amor lo subject merita pas mei d'implicacion).


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Lafontan


Occitan Warrior
Occitan Warrior
Aquela rubrica es pas feita per discutir de l'oportunitat o pas d'una fèsta nacionala o de la data del 24/25 de junh. Los que prepausan quicòm mai pòdon dobrir una autra rubrica per ne parlar encara e encara, tant que vòlon. Aici s'agis d'obrar per recampar e organizar concretament los que vòlon avançar sus aquel projècte, anam pas esperar l'independéncia nacionala coma ditz la "Cerièra de Mai" per causir una data. Donc pel moment lo punt de recampament se trapa sul forum des Peuples en lutte:
http://fpl.forumactif.com/forum-occitan-f11/per-una-festa-nacionala-occitana-t5927.htm
amb en mai un grop Facebook que recampa ja 129 membres:
http://www.facebook.com/?ref=home#/group.php?gid=52988150846
ENDAVANT !

admin


Trobador !!
Trobador !!
Ben podetz ec organizar sus lo FLP se voletz, mes podem en parlar aquí, vesi pas lo chepic.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

capbreton


Occitan Warrior
Occitan Warrior
adiu

lo chepic dab la data deu 25 de junh de 1218 es que n'es pas vertadierament
pan occitan per estar considerada com la hesta nacionau d'Occitania.
Tot aquo que pausa la question de l'aprentissatge de la nosta istoria. Que merita a eth tot solet un topic.
Que vau prener l'exemple de la Gasconha on soi a viver. quan parli dab
mond interessat per l'Occitania qu'ei podut sovent entener l'idea que
gonfla de arrestar tota l'isoria de l'Occitania sonque a la luta deus
catares. Totjorn en Gasconha, lo mond que s'interessa mei que a la batalha
de Castilhon com a la luta deus catares.
Oc pensi qu'es important de parlar de la data d'aquesta hesta
nacionau. que sere ua peguessa de las bonas de prener lo 25 de junh.
Que sere sonque la hesta deu Lengadoc a la limita. Mes si hasem de aquesta data la hesta nacionau que poderem pensar a centralisme lengadocian, non?

zo


Occitan Warrior
Occitan Warrior
capbreton a écrit:adiu

lo chepic dab la data deu 25 de junh de 1218 es que n'es pas vertadierament
pan occitan per estar considerada com la hesta nacionau d'Occitania.
Tot aquo que pausa la question de l'aprentissatge de la nosta istoria. Que merita a eth tot solet un topic.
Que vau prener l'exemple de la Gasconha on soi a viver. quan parli dab
mond interessat per l'Occitania qu'ei podut sovent entener l'idea que
gonfla de arrestar tota l'isoria de l'Occitania sonque a la luta deus
catares. Totjorn en Gasconha, lo mond que s'interessa mei que a la batalha
de Castilhon com a la luta deus catares.
Oc pensi qu'es important de parlar de la data d'aquesta hesta
nacionau. que sere ua peguessa de las bonas de prener lo 25 de junh.
Que sere sonque la hesta deu Lengadoc a la limita. Mes si hasem de aquesta data la hesta nacionau que poderem pensar a centralisme lengadocian, non?
+1

Zengi


Trobador !!
Trobador !!
Se me trobatz ua sola data istorica qui pertòca tots los parçans d'Occitania, soi prenaire !

maime


Lemosin de prumiera !
Matieu a écrit:Se me trobatz ua sola data istorica qui pertòca tots los parçans d'Occitania, soi prenaire !
Sufis de far lo contrari : una data que toca p'un canton d'Occitània.
"Perque avetz chausir quela data ?"
"Perque falia una data que correspond a tot lo monde."
"A... E correspond a que, quela data ?"
"Boei... a ren ! Entau degun fai lo morre..."

http://ieumaitot.nireblog.com/

Cerièra de Mai


Trobador !!
Trobador !!
maime a écrit:Per exemple, l'oficialitat de l'occitan en Catalonha
« La lenga oficiala » es aquò una fèsta nacionala per tu ? Seriosament, creses qu'aquò parla pron a un pòble per se festejar ? Quand acabarèm de nos comprene occitan d'en primièr per la lenga ? Matieu a rason de preferir una data de victòria quitament s'es pas panoccitana e s'es pas una victòria vertadièra (perque fin finala sèm encara colonisats sempuèi 8 sègles, e tot lo monde s'en fot, manca qualques fòls sus un forum…) Lo problèma es qu'avèm pas de victòria…

Lafontan a écrit:Aici s'agis d'obrar per recampar e organizar concretament los que vòlon avançar sus aquel projècte
Aquel projècte de qué ? Un grop Fbk es con… coma un grop Fbk… I a pas de projècte. De grops Fbk coma « pour que l'âne de Shrek aie pus de fan que Sarkozy », sonas aquò un « projècte » tu ? Lo quite grop dels « 10000 per far calar l'occitana del metrò » es pas un projècte.
Un còp qu'auràs recampadas tas personas, de qué lor diràs ? « Bon ben, nosaus, pichon grop, decidèm qu'ara, la fèsta nacionala es lo 24/25 de junh ». E puèi ? Encara una colhonada de mai…

anam pas esperar l'independéncia nacionala coma ditz la "Cerièra de Mai" per causir una data.
Çaquelà seriá la sola qu'auriá una valor, e un sens…
Fòra d'aquel encastra es una fèsta nacionala de carton… francament, serà una escasença de nos bandar lo morre 2 jorns, e après ? L'endoman, mal de cap, e Respublica Francesa…

Gavach


Occitan Warrior
Occitan Warrior
Que sere sonque la hesta deu Lengadoc a la limita. Mes si hasem de
aquesta data la hesta nacionau que poderem pensar a centralisme
lengadocian, non?

Sens discutir la pertinéncia de causir una data o mai d'una fèsta nacionala, cal plan dire qu'una data ligada a la crosada seriá benlèu çò mai pan-occitan ( ).
Tot simplament perqué vesi pas tròp quin autre eveniment istoric tocariá:
Lengadòc
Roergue
Provença
Biarn
Bigòrra
Agenés
Cominges
Coseran
Fois...
De segur Gasconha, Lemosin e Auvèrnha son fòra-bandits...

http://conselhamistos.blogspot.com/

admin


Trobador !!
Trobador !!
Gavach a écrit:
Que sere sonque la hesta deu Lengadoc a la limita. Mes si hasem de
aquesta data la hesta nacionau que poderem pensar a centralisme
lengadocian, non?

Sens discutir la pertinéncia de causir una data o mai d'una fèsta nacionala, cal plan dire qu'una data ligada a la crosada seriá benlèu çò mai pan-occitan ( ).
Tot simplament perqué vesi pas tròp quin autre eveniment istoric tocariá:
Lengadòc
Roergue
Provença
Biarn
Bigòrra
Agenés
Cominges
Coseran
Fois...
De segur Gasconha, Lemosin e Auvèrnha son fòra-bandits...

Èi una idèia : los concernits per la Crotzada poden prener la mòrt de SDM, e nosauts, Gascons, Lemosins e Auvernhats, lo "divorce" d'Alienor e de Loís VII :

http://upload.wikimedia.org/wikipedia/commons/c/c9/France_1154-fr.png


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

Danís


Adjudant
Cerièra de Mai a écrit: L'endoman, mal de cap, e Respublica Francesa…

Se bandar lo morre per lo mau de testa,e la Respublica Francesa per lo mau de...qué ?

bork-oc


Tusta-Fusta !
Tusta-Fusta !
En gasconha que m'agraderei "la batalha de castilhon" e en biarn la batalha contra los armanhaquès pramor qu'ei la debuta de l'indepandencia deu Biarn o l'acta d'independancia deu Biarn.
Que devem har un acte politica hòrt a cada còp un dequerrò a socializar donc dab ua conotacion politica.
Si que prenem la data de la sant joan que podem dessus pegar la nosta vision, l'unitat d'occitania per exxemple.

http://www.libertat.org

zo


Occitan Warrior
Occitan Warrior
La creacion de panoccitan.org?

admin


Trobador !!
Trobador !!
bork-oc a écrit:En gasconha que m'agraderei "la batalha de castilhon" e en biarn la batalha contra los armanhaquès pramor qu'ei la debuta de l'indepandencia deu Biarn o l'acta d'independancia deu Biarn.
Que devem har un acte politica hòrt a cada còp un dequerrò a socializar donc dab ua conotacion politica.
Si que prenem la data de la sant joan que podem dessus pegar la nosta vision, l'unitat d'occitania per exxemple.

Euh... La batesta de Castilhon, te brembi qu'es una des·hèita...


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

bork-oc


Tusta-Fusta !
Tusta-Fusta !
e òc e alavetz?

http://www.libertat.org

Lafontan


Occitan Warrior
Occitan Warrior
capbreton a écrit:lo chepic dab la data deu 25 de junh de 1218 es que n'es pas vertadierament pan occitan per estar considerada com la hesta nacionau d'Occitania.
Que vau prener l'exemple de la Gasconha on soi a viver. quan parli dab
mond interessat per l'Occitania qu'ei podut sovent entener l'idea que
gonfla de arrestar tota l'isoria de l'Occitania sonque a la luta deus
catares. Totjorn en Gasconha, lo mond que s'interessa mei que a la batalha
de Castilhon com a la luta deus catares.
Que sere sonque la hesta deu Lengadoc a la limita. Mes si hasem de aquesta data la hesta nacionau que poderem pensar a centralisme lengadocian, non?
Bon vau argumentar pel darrièr còp sus aquela data, coma o diguèri s'agis d'ensajar quicòm. Quora i a pas d'estat, qu'es lo sol d'aver una legitimitat par pausar oficialament una data, òm sap pas jamai a l'avança se o serà o pas. En esperar una liberacion nacionala sol lo pòble pòt començar d'endralhar quicòm.
Alavètz per la data del 25 i a mai d'un avantatge d'en primièr es ligada al 24 jorn de la sant Joan que se pòt festejar pertot puèi es una victòria occitana sus çò que poderèm pas arrestar plus tard es a dire l'invasion francesa, concernis directament totes los paises occitans manca Gasconha e Lemosin-Auvernha e encara aquí me sembla pas completament vertat per çò que, sens aquela invasion de la crotzada de que auriá estat l'evolucion dels nòstres paises ? Degun o pòt dire e en tot cas podèm pensar que lo restacament de Gasconha e tanben del Lemosin e de l'Auvèrnha se seriá saique pas feit, al mens, al segur podèm dire qu'aquela crotzada a marcat sul long terme totes los paises occitans. Seriá pas seriós de negar tota influencia d'aquel episòdi sus una part del territori occitan.

Enfin per respondre a Cerièra sus la colhonada de Facebook, benlèu, mas vesi que i ajèt de causas pron seriosas que passèron per aquel canal, en tot cas soi d'acòrdi qu'es pas lo luòc per l'organizar es par aquò qu'aquel projècte comença de progressar sus lo Forum FPL:
http://fpl.forumactif.com/forum-occitan-f11/per-una-festa-nacionala-occitana-t5927.htm
Plan segur se lo projècte avança necessitarà de rescontres per validar las causas.

Cerièra de Mai


Trobador !!
Trobador !!
Soi cona o qué ? Mas vesi pas perque la Sant Joan seriá una fèsta panoccitana.

Alh Òli


Occitan Warrior
Occitan Warrior
Matieu a écrit:Se me trobatz ua sola data istorica qui pertòca tots los parçans d'Occitania, soi prenaire !


14/07/1789

Cerièra de Mai


Trobador !!
Trobador !!
[toll inside](pas Niça !) Clucant

(ni la val d'Aran, las valadas…)[/troll]

fredoc


Occitan Warrior
Occitan Warrior
Alh Òli a écrit:
Matieu a écrit:Se me trobatz ua sola data istorica qui pertòca tots los parçans d'Occitania, soi prenaire !


14/07/1789

Òsca Escacalassant Escacalassant Escacalassant Escacalassant
Per l'umor sonque, pas per'mor d'estar d'acòrd.

Que pensi que deverem, abans d'imaginar ua data, esperar qu'un eveniment se passèsse e qui meritèsse de hestejar nacionaument lo dia D.

Non ?

Jo que me'n sègui de la mort de Simon de Monhòrt !
E de las batalhas tanben.


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 2]

Aller à la page : 1, 2  Suivant

Permission de ce forum:
Vous ne pouvez pas répondre aux sujets dans ce forum