OCCITANIA !! Forum


Vous n'êtes pas connecté. Connectez-vous ou enregistrez-vous

Apelada de la GAEL

Voir le sujet précédent Voir le sujet suivant Aller en bas  Message [Page 1 sur 1]

1 Apelada de la GAEL le Jeu 14 Jan - 10:43

maime


Lemosin de prumiera !
Apelada de la Gaucha alternativa e ecologista lemosina

http://ecologauche87.canalblog.com/


Apelada per un rassemblament large de las fòrças de transformacion sociala e ecologista

L'Ecologia es de pertot dins los discors e aüei 'la deu mai que mai èsser dins las politicas publicas. Pas jamai nòstra planeta n'a 'gut de relevar un tau desfís, pas jamai nòstre continent n'a sufrit en temps de patz d'una tala crisi sociala e economica, pas jamai nòstra region n'a tant 'gut de promòure son identitat, sa qualitat de vita, son environament !

Perque pensem que la Region es l'espaci pertinent per respondre a tot plen d'enjuecs, perque lo Lemosin es 'na terra de Resisténcia e de cultura, 'laidonc nòstras perpausicions son volontaristas.

Quauques punts essenciaus son incontornables per las eleccions regionalas venentas :

  • l'economia e l'emplec (relocalizacion, conversion ecologica, economia sociala e
    solidària...)

  • la decreissença de la piada ecologica coma linha fòrta de nòstra politica
  • la cultura e la lenga occitana e la dubertura a las autras culturas
  • l'agricultura païsana e biologica
  • los servicis publics
  • la solidaritat internacionala
  • un autre aisinament dau territòri (refús de la LGV emai de las auto-rotas e aeropòrts, aumentacion daus TER)
  • la participacion daus lemosins a las presas de decision per de las conferéncias de ciutadans
Prenem acte de la decision positiva dau Front de Gaucha de se presentar d'un biais independent. Per n'autres, fau persegre la discussion dins un encastre unitari large amassant las fòrças que son dins las luchas au quotidian per defendre nòstres conciutadans los mai atenguts per la crisi e la repression (chaumaires, personas dependentas, imigrats, sens-papiers...) emai
sus lo terrenh associatiu e culturau. Qu'es emb satisfacion qu'aprenguerem lo soat dau NPA en Lemosin de 'vançar dins 'quela
construccion.

Partegem clarament los tres objectius mes en davant : « chamnhar los rapòrts de fòrça a gaucha en favor de la linha de transformacion sociala, batre la drecha e rassemblar una majoritat a l'entorn d'un project alternatiu a la logica dau sistema qu'es en crisi aüei ».

Coma d'autres, insistem sus la mesa en òbra daus punts essenciaus de nòstre programa, un rapòrt de fòrça que permetrà de l'applicar e un refús de tota participacion dau Modem.

Defendeires d'una ecologia populara e sociala, per n'autres l'orientacion sociala liberala dau PS, emai d'Euròpa Ecologia, pòt mas accentuar nòstra volontat de veire una Gaucha alternativa e ecologista 'ribar en testa e pesar lo mai possible sus de las politicas publicas de rompedura emb lo liberalisme e lo productivisme dins totas las regions.

Qu'es per 'quò que n'autres, militants, elegits e electors ecologistas, altermondialistas e regionalistas en Lemosin, apelem a un rassemblament large de las fòrças de transformacion sociala e ecologista.

http://ieumaitot.nireblog.com/

2 Re: Apelada de la GAEL le Jeu 14 Jan - 17:32

Lafontan


Occitan Warrior
Occitan Warrior
maime a écrit:Apelada de la Gaucha alternativa e ecologista lemosina


  • l'economia e l'emplec (relocalizacion, conversion ecologica, economia sociala e
    solidària...)

  • la decreissença de la piada ecologica coma linha fòrta de nòstra politica
  • la cultura e la lenga occitana e la dubertura a las autras culturas
  • l'agricultura païsana e biologica
  • los servicis publics
  • la solidaritat internacionala
  • un autre aisinament dau territòri (refús de la LGV emai de las auto-rotas e aeropòrts, aumentacion daus TER)
  • la participacion daus lemosins a las presas de decision per de las conferéncias de ciutadans
Es lo programe d'Europa Ecologia aquò !
Son pas lo "Parti de la gôche" e autres aligats comunistas PC(F) e troskistes de la NPA que van aplicar aquò, se seriá ja vist dempuèi longtemps. Me sembla ben que son, amai s'o dison pas trop, per lo nuclear, lo productivisme, la produccion d'armas, la centralisacion republicana etc....
La pintrura verda al darrèr moment aquò me fa plan rire

3 Re: Apelada de la GAEL le Jeu 14 Jan - 18:09

clafotis


Occitan Warrior
Occitan Warrior
Lafontan a écrit:
maime a écrit:Apelada de la Gaucha alternativa e ecologista lemosina


  • l'economia e l'emplec (relocalizacion, conversion ecologica, economia sociala e
    solidària...)

  • la decreissença de la piada ecologica coma linha fòrta de nòstra politica
  • la cultura e la lenga occitana e la dubertura a las autras culturas
Es lo programe d'Europa Ecologia aquò !
Son pas lo "Parti de la gôche" e autres aligats comunistas PC(F) e troskistes de la NPA que van aplicar aquò, se seriá ja vist dempuèi longtemps. Me sembla ben que son, amai s'o dison pas trop, per lo nuclear, lo productivisme, la produccion d'armas, la centralisacion republicana etc....
La pintrura verda al darrèr moment aquò me fa plan rire

'Quò es pas los verds que van iò far nimai... Emai lu Onesta tenguesse lu bon fiau dins lu desbat sus París-inter
http://sites.radiofrance.fr/franceinter/em/letelephonesonne/index.php?id=86851

http://rapieta.wordpress.com/

4 Re: Apelada de la GAEL le Jeu 14 Jan - 20:14

joan_cavalier


Trobador !!
Trobador !!
Ahhhhhhhhhhh la campnha commença lol

http://www.myspace.com/joan_cavalier

5 Re: Apelada de la GAEL le Jeu 14 Jan - 23:38

maime


Lemosin de prumiera !
Qu'es normau que sembla a çò que ditz Euròpa Ecologia, qu'es un elegit verd qu'a ecrich lo texte. Per info : lo NPA fai partida dau malhum "Sortir du nucléaire" emb lo POC ; Martine Billard (anciana verda) es au PG ; Dartignolles (ancian pòrta-paraula dau PCF) es a Euròpa Ecologia...

La diferéncia entre los ecologistas que van emb lo FdG e los que van emb EE es subretot una diferéncia estrategica. Los prumiers an chausits la gaucha, emai la gaucha de gaucha, los autres lo centre. Sufis de comparar lo texte d'EE e queu-qui. Lo texte d'EE en Lemosin fai pas referéncia a la gaucha (perque n'i a pas d'aliança a priòri de far) e 'pela los entrepeneires a junher EE. Quò me plai de veire sindicalista e entrepreneire dins la mesma frasa.

Dins lo mitan ecologista e altermondialista, la derive liberala d'EE era pus suportable. Queu texte es maitot escrich per dire que non, l'ecologia es pas oblijada de ne'n passar per lo liberalisme e l'aliança emb lo centre per existir.
Que n'i a tot plen d'ecolo que son pas de consents coma EE.

Apres qu'es pas un texte contra los militantsque sostenen EE. Sem dins las mesmas associacions, avem lo mesme objectiu (a pus pres...) mas avem pas la mesma estrategia politica, nimai la mesma soplessa dins nòstras conviccions.

http://ieumaitot.nireblog.com/

6 Re: Apelada de la GAEL le Jeu 18 Mar - 21:26

maime


Lemosin de prumiera !
Apelada de la GAEL per lo segond torn. Per signar, mandatz un corriel a : ecologauche87@gmail.com

L'Ecologia es de pertot dins los discors e aüei 'la deu mai que mai èsser dins las politicas publicas. Pas jamai nòstra planeta n'a 'gut de relevar un tau desfís, pas jamai nòstre continent n'a sufrit en temps de patz d'una tala crisi sociala e economica, pas jamai nòstra region n'a tant 'gut de promòure son identitat, sa qualitat de vita, son environament !

Prenem acte dau refús categoric dau Partit Socialista de negociar emb la lista Lemosin Tèrra de Gaucha e dau raliament sens condicion d'Eurèopa Ecologia. Alaidonc, Lemosin Tèrra de Gaucha es la sola de far perpausicions per lo desvelopament sostenable, la sobrietat energetica, la democracia participativa reala, la promocion
de la lenga occitana, un moratòri sus la LGV.

Qu'es per quò que n'autres, militants, elegits e electors ecologistas, 'pelem a votar massivament dau segond torn de las eleccions regionalas per la lista Lemosin Tèrra de Gaucha.

http://ieumaitot.nireblog.com/

7 Re: Apelada de la GAEL le Ven 26 Mar - 10:46

maime


Lemosin de prumiera !
La Gaucha Alternativa Ecologista Lemosina GAEL qu'amassa daus militants daus Alternatius, de l'Associacion daus Objectors de Creissença e de la FASE se feliciten de la resulta de la Lista LEMOSIN TERRA DE GAUCHA, mai de 19%, conducha per Christian Audouin.

GAEL a plenament participat a la campanha, se coneis plenament dins los 6 elegit(da)s d'ier e remercia totas las electritz mai tots los electors qu'an fach la chausida de l'onor e de la leiautat politica en votar per 'quela lista sociala, ecologista e solidària.

La compausanta ecologista, altermondialista e regionalista desira contunhar emb sos partenaris (PCF, PG, NPA) de trabalhar aicí dins lo sens dau rassemblament de las fòrças de transformacion sociala e ecologica e 'pela las e los que se coneissen dins los combats menats e las valors d'un Ecologia clarament a man gaucha, de la júnher.

Per lo collectiu
Cyril Cognéras

http://ieumaitot.nireblog.com/

8 Re: Apelada de la GAEL Aujourd'hui à 23:57

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum