OCCITANIA !! Forum


Vous n'êtes pas connecté. Connectez-vous ou enregistrez-vous

Demission de David Grosclaude

Voir le sujet précédent Voir le sujet suivant Aller en bas  Message [Page 1 sur 1]

1Important Demission de David Grosclaude le Mer 13 Jan - 19:36

Danís


Adjudant
'Quò era previst, quo es aura oficiau, e mai signat :

Caras amigas e cars amics de l'IEO

Prumèr de tot que'vs desiri a totas e a tots ua bona annada 2010. Que soi
segur que portarà causas navèras entà la lenga nosta e la soa
reconeishença.

Que hè adara quasi 9 ans que soi president de l'IEO. Que m'avetz hèit
l'aunor de'm balhar aquera responsabilitat e que podetz créder qu'èi
essajat de la portar au miélher de çò que podèvi har . Qu'espèri que
soi estat a la hautor de l'engatjament de vosauts tots qui sabetz que
las òbras deven tostemps acompanhar la fe e qui coneishetz la valor de
çò que defendem.
L'òbra non manca pas. Camin que n'i a enqüèra.
Qu'èi causit d'estar candidat a las eleccions regionaus deu mes de març qui
arriba entà poder defénder e promòver los projèctes qui pertòcan la
lenga nosta. Qu'espèri, se soi elegit, de poder, a aquera plaça, estar
utile en aquera òbra.
Que considèri que l'engatjament en ua eleccion n'ei pas compatible dab la
carga de representar l'Institut d'Estudis Occitans. Qu'èi donc informat
lo Conselh d'Administracion de l'IEO de la situacion e qu'èi demandat
d'estar descargat de tota representacion publica de la nosta
federacion.
Qu'èi tostemps estacat hòrt de prètz a l'independéncia de l'IEO e que soi
segur que la pluralitat de las opinions deus sons sòcis que'n hè la
fòrça. A tot moment qu'èi considerat que l'IEO e devèva conservar la
soa neutralitat per mei d'eficacitat.
Qu'ei sus aquera basa qu'avem podut bastir la capacitat de l'IEO a amassar a l'entorn de las reinvindicacions qui an permetut las extraordinàrias
mobilizacions de 2005, 2007 e 2009. Qu'ei donc un principi qui s'aplica
tanben a jo ; que preni la decision qui s'impausa.
L'IEO que fonciona. Que i a un CA e que i a un director e ua equipa de
salariats. Tots qu'an amuishat la lor capacitat de tribalh e que son au
servici deu desvolopament de la lenga.
Qu'èi demandat au secretari generau e a la vice-presidenta d'assegurar dinc a l'amassada generala qui vien la representacion publica de l'IEO.
Un còp las eleccions passadas que deisharèi la presidéncia definitivament.
Aquesta decision n'estó pas de bon préner, qu'ac podetz imaginar. Que demori sòci de l'IEO e tanben pregondament occitanista.
Que soi solide que l'IEO compta personalitats capablas de seguir lo tribalh començat que hè adara mei de 60ans.

Mercés a tots e a totas.

David Grosclaude

2Important Re: Demission de David Grosclaude le Mer 13 Jan - 20:37

Alh Òli


Occitan Warrior
Occitan Warrior
Vaqui una nòva logica.

3Important Re: Demission de David Grosclaude le Mer 13 Jan - 21:43

admin


Trobador !!
Trobador !!
Èra previst. E pensi que's logic tanben. Los pronostics ? qui serà lo naveth president ?


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

4Important Re: Demission de David Grosclaude le Jeu 14 Jan - 5:54

joan_cavalier


Trobador !!
Trobador !!
@ Alh Oli : Vo es logic (mas te va desagradar, te va faire una entrevista de faire) e (e francament es pas una ataca contra David) esperi de veser ço que va faire al nivel jornalistic.

@ l'Omi : Vesi plan dos o tres noms possibles (que me fan paur) aprep benleu lo David nos prepara una suspresa (coma foguet lo cas per la nominacion del JAn Moreu coma director) aprep se es lo cas planhi la "suspresa" qu'i caldra faire amb la gelosia de los que se somian dempuei d'annadas "Calife en plaça del calife"

http://www.myspace.com/joan_cavalier

5Important Re: Demission de David Grosclaude le Jeu 14 Jan - 9:12

admin


Trobador !!
Trobador !!
Mon preciós ! Me l'a raubat ! Meishant Hobbit !


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

6Important Re: Demission de David Grosclaude le Ven 15 Jan - 7:07

Marxelin


Occitan Warrior
Occitan Warrior
Ieu vesi pas qu'un nom per la presidéncia : Danís ! A l'unanimitat es adoptat.

http://www.anaram.org

7Important Re: Demission de David Grosclaude le Ven 15 Jan - 7:48

Gavach


Occitan Warrior
Occitan Warrior
Vesi plan dos o tres noms possibles (que me fan paur)

Balha-los! Fai-nos tastar als secrets dels dieus!

http://conselhamistos.blogspot.com/

8Important Re: Demission de David Grosclaude Aujourd'hui à 23:58

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum