OCCITANIA !! Forum


Vous n'êtes pas connecté. Connectez-vous ou enregistrez-vous

Jornadas 100% occitan

Voir le sujet précédent Voir le sujet suivant Aller en bas  Message [Page 1 sur 1]

1 Jornadas 100% occitan le Ven 8 Jan - 10:14

Gavach


Occitan Warrior
Occitan Warrior
Una bona iniciativa que fau virar, s'agís d'un estagi de lenga, en imersion dins de familhas occitanofònes. Deuriá fa part de la formacion de basa universitària... (Malurosament, pensi pas i poder èsser).

Aquí

http://conselhamistos.blogspot.com/

2 Re: Jornadas 100% occitan le Ven 8 Jan - 21:40

jfrieux


Occitan Warrior
Occitan Warrior
i a de s'inscriure sus google? m'agrada pas tròp...

3 Re: Jornadas 100% occitan le Ven 8 Jan - 23:23

Mertyl


Occitan Warrior
Occitan Warrior
Sembla que cal un compte Gmail, ai assajat amb un compte google sens Gmail e fonciona pas.

http://www.occitanews.com

4 Re: Jornadas 100% occitan le Ven 8 Jan - 23:31

Gavach


Occitan Warrior
Occitan Warrior
Zut alara

I faguèri pas mèfi qu'ai un compte gmail. Fai passar lo messatge a la persona que m'a mandat lo mèl.

http://conselhamistos.blogspot.com/

5 Re: Jornadas 100% occitan le Sam 9 Jan - 12:13

zo


Occitan Warrior
Occitan Warrior
Ai aquò:
http://cerclelamorera.bloc.cat/post/18056/269526

6 Re: Jornadas 100% occitan le Lun 11 Jan - 18:28

Cerièra de Mai


Trobador !!
Trobador !!
Gavach a écrit:I faguèri pas mèfi qu'ai un compte gmail. Fai passar lo messatge a la persona que m'a mandat lo mèl.
Se nos as ligat lo mail dins ton compte, nosaus quitament amb lo nòstre compte segur qu'o podèm pas legir !! Avèm pas ton password !

7 Re: Jornadas 100% occitan le Lun 11 Jan - 19:49

Cerièra de Mai


Trobador !!
Trobador !!
“tenir la lenga de l’ostal”
Le rendètz-vos per se perfeccionar en immersion

Jornadas 100% Occitan
immersion | corses | exposicions | conferéncias | activitats

les 9-10-11 d’abrièl de 2010
al Fossat (Valèa de la Lesa – Arièja)

100% occitan? Qué vòl dire?
Enfin un endreit e un moment per viure integralament en occitan, dins un quadre ont la lenga se parla naturalament: un estagi d’occitan 100% en occitan.
Aquestas jornadas s’adreçan als professionals o futurs professionals, als estudiants o professors, als militants occitanistas o simples amoroses de la lenga: a totis les que parlan dejà occitan e que se vòlen perfeccionar. Les debutants o les que se pòden pas passar de comunicar dins una autra lenga (francés, catalan...) trobaràn autris estagis que les i convengueràn mès plan per fèr les prumèris passes abans de s’inscriure a las Jornadas 100% OCCITAN. Les que vengueràn a las Jornadas 100% OCCITAN vòlen parlar
100% en occitan e pagan per aquò. Se venètz, cal jogar le jòc.

Tenir la lenga de l’ostal
Quin milhon endreit que l’ostal per aprénguer una lenga coma cal? Es per aquò que l’albèrgament dels estagiaris se farà en çò de familhas de la valèa de la Lesa que parlan un occitan de transmission familiala, “popat al brèç”.

Quant còsta?
120 € per persona, tot comprés: participacion a las activitats,
manjar e dromir.

Cossint se marcar?
Tornatz vòstre bulletin d’inscripcion* signat e vòstre chèc, abans le 1èr
de març, a:
UDAC; “Versailles”; 09130 Le Fossat.
Per tota infomacion, escrivètz o telefonatz a:
OMF0561089733(arobase)gmail.com.
NB: Las 12 prumièras inscripcions seràn asseguradas. Las autras figuraràn sus una lista d’atenta.

Ont se passa?

Le Fossat es una vilòta de la valèa de la Lesa entre Tolosa e Foish. I podètz venir en automobila o en autocar. De Tolosa, prénguer la direccion “Foish, per la valèa de la Lesa”. Passar la Barta, Bèthmont, Sent Somplesi, Lesat e arribaretz al Fossat.
En vos marcant, pensatz a dire se volètz partejar l’autmobila ambe qualqu’un mès.
Informacions: Gara rotièra de Tolosa: 33-(0)5 61 61 67 67 (Se tròba just a costat de la gara SNCF). SALT Toulouse: 33-(0)5 61 48 61 51.


* >> bulletin d'inscripcion e programa de demandar per mail a OMF0561089733(arobase)gmail.com.

8 Re: Jornadas 100% occitan Aujourd'hui à 20:14

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum