OCCITANIA !! Forum


Vous n'êtes pas connecté. Connectez-vous ou enregistrez-vous

Manifestacion deus vinhairons a Montpelhièr 25/11/09

Voir le sujet précédent Voir le sujet suivant Aller en bas  Message [Page 1 sur 1]

Zengi


Trobador !!
Trobador !!
Video: http://www.youtube.com/watch?v=dDpcV3g2vkA&feature=player_embedded

PERQUÉ LIBERTAT SOSTEN LA LUCHA VINHAIRONA ?

La vinha va mal perqué es victima de la mondializacion dels escambis que jol pretèxt de desliurar lo mercat crèa de monopòlis de poderoses e tua a pichon fuòc la paisanariá. Dins aquel contèxt, los vinhals occitans pòdon pas èsser mai competitius, fàcia a la man d’òbra bon mercat esplechada dins fòrça países. La monocultura del nòstre territòri facilita pas tanpauc las causas, e uèi deu èsser remesa en causa.

D’autre biais, sèm de longa victimas de çò que d’unes apèlan lo progrès, valent a dire lo betonatge massiu de la còsta, l’immigracion borgesa, l’espandiment de la malha LGV qu’acabarà de desertificar Lengadòc de sa substància umana, o encara la descomposicion de la lenga occitana e de la cultura nòstra. En un mot un circuit tampat serà acomplit, la joventut de Lengadòc s’amolonarà dins las tentacularas metropòlis pendent que les campanhas moriràn e que la còsta servirà pas mai que de rendètz-vos toristic.


La question de la vinha, una question globala

La question viticòla, e mai generalament l’agricultura en Lengadòc, es pas una question isolada. S’inscriu dins un problèma global que se nomena capitalisme, un sistèma basat sus l’explotacion sens cap de limits dels òmes e de las ressorças, sus l’argent rei e la despossession totala.

Dempuèi 60 ans la paisanariá dins son ensemble es lo piòt de la farsa, traïda per totes los partits e sindicats tenguts coma la representar. Los partits franceses an pas qu’una tòca : amolonar lo mai de voses possiblas per ocupar un sèti a París o a Brussèlas. Fòrts dins les efièches d’anóncias e gastats fins a la mesolha, an pas que per tòca lo poder e l’enriquiment sus l’esquina dels trabalhadors. Avèm drech, pòble d’Occitània, a la dignitat, drech de gerir los nòstres afars. Avèm pas mai de besonh de la paternalista tutèla d’une màfia parisenca que lo darrièr avatar es Nicolau Sarkòzi. Ne deuriam acabar amb aquel sistèma politicò-mafiós que fa la part bèla als negociants fraudaires e als especulators.


Defendre la tèrre uèi per preparar l’avenidor

Lo pòble trabalhador de Lengadòc e d’Occitània en general se pòt pas defendre perqué uèi possedís pas cap de pes politic. Manobrant pas brica las ficèlas del poder, nos podèm pas desvelopar armoniosament. Lo mai grand perdent d’aquela tragica situacion es la joventut. Quin avenidor per la joventut païsana ? Quin futur per la nòstra tèrra ?

Nòstra sola solucion es la resisténcia, uèi es lo sol camin qu’assegurarà l’avenidor e la dignitat. Volèm totes que la vinha visca en Lengadòc, que la joventut pòsca viure al païs e donc pòsca decidir. Per aquò devèm metre en plaça las nòtras aisinas pròprias de lucha. Aquela tèrra es particulara coneguèt subre-sauts nombroses qu’anèron totjorn dins lo sens de l’autogestion e de la libertat. La joventut uèi se deu reapropriar lo territòri e la lucha politica. Devèm bastir la nòstra autonomia politica, basada sul poder del pòble e pas mai somés a qualques caps locals o parisencs.

Aquela tèrra occitana es estada totjorn e deu demorar una tèrra d’acuèlh per totes los que desiravan tre ara concretar lo « viure e decidir al païs », la sola alternativa possibla an aquel sistèma centralista depassat.

LIBERTAT PER LA TÈRRA, PEL PAIS !

LIBERTAT, l’esquèrra revolucionària d’Occitània, fa lo ligam entre la defensa de la tèrra e la lucha contra lo capitalisme. En aquò sèm lo sol movement politic obrant vertadièrament a la jonccion entre aquelas doas fondamentalas compausantas del projècte «viure e decidir al païs». LIBERTAT a coma sol intérés l’emergéncia d’una resisténcia enrasigada, locala e populara. Crear une alternativa vertadièra per cambiar aquel mond que nos destrusí

[url]libertat.org[/url]

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum