OCCITANIA !! Forum


Vous n'êtes pas connecté. Connectez-vous ou enregistrez-vous

Debat sus l'identitat nacionala :vergonha !

Voir le sujet précédent Voir le sujet suivant Aller en bas  Message [Page 1 sur 1]

Zengi


Trobador !!
Trobador !!
[quote]Comunicat de premsa (version en français ci-dessous)
9 de noveme de 2009
Debat sus l'identitat nacionau : la vergonha !

Lo 2 de noveme passat, lo ministre UMP Eric Besson qu'aviè un gran debat sus l'identitat nacionau, en desirar valorizar la Republica e la fiertat d'estar francés. Aqueth subjècte ne pòt pas deishar los militants de LIBERTAT insensibles ni muts.

Que volem tornar díser a la velha de las eleccions regionaus, qu'en anonciar aquera iniciativa, M. Besson, que hica en plaça ua estrategia de las vergonhosas entà asegurà's deu sostien de l'electorat de l'extrèma dreta. Qu'insistim suu hèit qu'aquera mena de debat n'a pas qu'ua mira simplament racista.

De quina identitat nacionau e vòu parlar M. Besson ? L'Estat francés qu'ei ua de las mei vielhas tèrras d'arcuélh d'Euròpa. Los grans principis de la Revolucion francesa qu'ahorteishen l'imatge aquera d'ua tèrra d'arcuélh entaus estremats tots. Totun, tot au long de la soa istòria, l'Estat francés n'a pas jamei aplicat aqueths principis. N'a pas jamei deishat d'uniformizar, de contrarotlar, de colonizar los esperits e los òmis. Nosautes occitans, dab tots los pòbles en luta en l'Exagòne e d'Otra-mar, e tanben dab tots los hilhs e las hilhas d'imigrats, que volem reivindicar la nosta diferéncia. Que portam tots identitats divèrsas e qu'ac desiram cridar a votz hauta. L'identitat nacionau francesa n'ei pas qu'ua quimèra que denegam.

M. Besson e dab eth lo govern actuau que desiran impausar un espiar unilaterau e egemonic de la ciutadanitat. Que cau tornar díser qu'ua identitat n'ei pas ua causa materiau, ne la podem pas mestrejar e enqüèra mensh denegar la. De la diversitat que vad lo riquèr, e arrefusar aquera diversitat qu'ei arrefusar la diferéncia de l'aute, horabandir-la.

França ne hè pas que seguir la soa politica colonialista suu son territòri. Qu'espèra enqüèra e tostemps contrarolar los esperits, desarigar las identitats particularas e forçar a assimilar ua identitat francesa faussa. Atau qu'ei ua vergonha d'impausar en las escòlas programas d'Istòria formatats e mitificats, entà crear un espiar nacionalista de França.

Com movement internacionalista, LIBERTAT ne s'arretròba pas en l'union sacrada de la nacion tant proclamada peus partits politics actuaus, de dreta com d'esquèrra. Occitans, bretons, còrses, mainatges d'imigrats,que cau afirmir haut e clar lo vòste dret a la diferéncia !

Entà totas aqueras rasons, LIBERTAT qu'apita ua crida : investim lo debat. Qu'ei a nosautes de bastir espacis publics d'escambis, de convidar tots los qui vòlen debàter entà exprimí's librament ! Cap a la censura, gausam gahar responsabilitats e ne demoram pas muts !

LIBERTAT BEARN

Contact : bearn@libertat.org
libertatbearn.wordpress.com

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum