OCCITANIA !! Forum


Vous n'êtes pas connecté. Connectez-vous ou enregistrez-vous

Çò qu'es la cultura occitana ?

Aller à la page : 1, 2, 3  Suivant

Voir le sujet précédent Voir le sujet suivant Aller en bas  Message [Page 1 sur 3]

1Question Çò qu'es la cultura occitana ? le Mar 3 Nov - 21:08

Danís

avatar
Adjudant
Anem, vau drubir un desbat, quo es pas sovent que zo fasem entau...

Ai desjà 'gut, mai sei benleu pas lo sol, a explicar çò que quo era per io, la cultura occitana. La lenga, 'quò vai, un vei a pauc pres, quitament s'un n'apela 'quò patois. Mas la cultura ? E se tròba quitament daus occitans/occitanistas/occitanofònes que disen pas que son de cultura occitana, reconeissen pas quela ideia.

Ara, la definicion de cultura qu'es gardada per los antropològues es la seguenta :

"La cultura es un ensemble de representacions e de praticas colectivas dins una societat donada".

La societat francesa exista. Per consequent, un pòt parlar de cultura francesa, quitament sens se reconeisser aqui dedins, çò qu'es mon cas.
Mas es que la societat occitana exista ? A existat, segur, a una espòca, avant l'arribada daus barons dau Nòrd...mas coneissetz l'istòria...

Alara ? Es que i a una cultura occitana ? Una societat occitana ? Es que los antropològues se trompen ? Es que sem de lenga occitana e de cultura francesa ? Lo contrari ? Es que quauqu'un a una aspirina ?

Anem, vos laisse pensar 'quí-dessus...

fredoc

avatar
Occitan Warrior
Occitan Warrior
Ehhh... ben en fèit... e tanben..... Mes .... e sustot......

Non en fèit qu'ei hèra complicat. Cadun que va aver ua definicion de societat, cultura, nacion, identitat.

tot aquò que muda dab l'istòria. Jo per exemple, que soi de segur de cultura bearnesa/occitana. Totun, qu'ei dificile d'ac definir. Que pensi que m'es mei aisit de diser de cultura latina, per jo qu'a un sens vertadèr. Enquèra que ...

Bon que m'arrèsti aci, ne sèi pas mei qué diser. E aquò qu'ei la pròva que la question ei mei que complicada.

Bon coratge tà trobar la responsa.


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

joan_cavalier

avatar
Trobador !!
Trobador !!
Es aisit la cultura occitana es la meteissa causa que l'identité nationale francesa, quicòm qu'eisista pas mas que permet al monde de s'amagar darrier per faire avançar las loras ideas (es coma la musica occitana, digatz me lo punt comun mentre Remenilhe, Mauresca, Lou Dalfin, G'K, Lou Seriol e les Bombes a 2 Balles).

Cresi a mai de mai en mai (e tant la debuta del messatge era de provocacion, tant aici soi serios) que amb totas aquelas istorias de "cultura occitana", budgectes especifics culturas occitanas, nos fotem tots sols dins una endrona e una trapela, al luoc de passar sus un nivel "general" dirai (d'eisemple ço qu'es educacion dins las linhas budgetaris educacion, la cultura dins la cultura, los medias dins lo budgecte audiovisual) nos fotem dins una situacion onte nos trapem amb una coca (podria quitament diser una coquineta tant es pichota) de nos partetjar e doncas de nos minjar lo nas.

Francament, quita de pastichar Alpha Blondy, me demandi se los mai grands enemics d'Occitania, son pas los occitans.

http://www.myspace.com/joan_cavalier

Alh Òli

avatar
Occitan Warrior
Occitan Warrior
Bòna questien que mi siau pausada mantei còps.

aici notadament

Danís

avatar
Adjudant
Era en partida a tu Yellow que pensava en pausar ma question. Alara me permete de copiar aquí ton article, per lo monde que lo vodrian citar.


Alh Òli a écrit: Dédicacé à Marge, à l'oncle, à Balelo, à Jeff et à ceux qui savent...

Otages de France et de Navarre, veaux et génisses bonsoir!

M'èri promès de ne plus parlar a l'antèna, m'èri mesme dich que ne parlariau jamai plus, mai que volètz, l'adage a rason, il ne faut jamais dire jamais. Joine, bèu, , grand, fort, intelligent que siau, travalhi chasco jorn per una radio qu' aper but de far la promocien de la lenga occitana. Locutor que siau, siau doncas per la força dei cavas, un attivista de la cava occitanista. Ce que vou pas dire que siau militant. Non pas. Laissi leis occitanistas dins sa merda e fau meis afars de mon costat. E laissi lo temps manjar lei cadavres de Mistra, Roqueta e Castan.

Au titre d'attivista, m'arriba de reçaupre de messagis d'estudiants, que voudrian aguer mon avejaire sus tala vo tala cava a rapport de l'occitan. Soventei fes, son de gents charmants, va precisi. En generau, son questionari ne revèn totjorn ai mesmes questiens, notadament una: « de que fa que vos siatz interessat a la cultura occitana? ». A n'esta questien respondi en generau per una questien: de qu'es la cultura occitana? Es que quauqu'un mi l'i poiria respondre?

Cultura vo cultura? La literatura, la pintrura, la creacien, vo lo folklore, l' occitan way of life? S'es la premièra, la literatura occitana, lei trobadors, Gelu e lo resta, vo, m'interessa. S'es la segonda, cultura, la borrèia, lo Se Canta etc... M'en brandi completament! L'occitan way of life? Eisista pas. Es un fantasma. Si viu pas de la mesma maniera de Tolosa a Marsilha, de Limoges a Barcilona, fau arrestar em' aquo. Es un fantasme, una utopia, e, va fau dire, revèrta un nacionalisme certe. Per ieu l'occitan, es una lenga, un mejan de communicacien, pas mai. Lo folklore mieu si situa entre New-York e Kingston, Marsilha, Paris etc... M'interessa pas lo trip revival, lo trip folklorista que d'unei majoritaris nos vendan. Lo terrador es la vila, l'a pas de camps de blat sota ma fenèstra, l'a una barra HLM.

Segonda questien: « es qu'escotatz de musica occitana? ». De que volètz dire per musica occitana? Es-ti geografic? Alors, voei, n'escoti. Escoti IAM, la Fonky Family... Ah, es pas aquo? Mai de qu'es? Escoti de musica en occitan, de reggae en occitan, Massilia, Mauresca, escoti lo Cor de la Plana, que cantan de polifonias en occitan, lei cançons de Joanda, que fa de pop. Mai la musica occitana de qu'es? Volètz dire ce que vira sus Lenga d'Oc en jornada? Leis istorias de campestre pausadas sus de musica elettronica? Lei cavas que s'auvan dins lei balètis?

Non, escoti pas. Aimi pas. M'interessa pas. Mi parla pas. En facia de l'ostau l'a una barra HLM, l'i a pas de boiers que venan de laurar.

E ce que li respondi sistematicament. E elei, mi respondon pas a mei questiens. Es que degun mi l'i poiria respondre si vos plai?

En esperent una responsa que mi vendra pas de tot biais, la prima avança, leis alergias contunhan, e vos torni avertir: leis anessètz pas confondre emé la grippa A.

maime

avatar
Lemosin de prumiera !
Ben... Crese que lo Yellow a tot dich dins son texte. I a una cultura sabenta, literària daus trobardors a Roqueta en passar per Godolin e Mistral. I a la cultura populara, paisana, dont fasem viure d'enguera un pauc la musica, mas qu'es mòrta o quasi coma iò dich lo Jan dau Melhau.

La civilizacion occitana es pas qu'una civilizacion occidentala, europea e latina. Avem una cultura sabenta eiretiera de la cultura greco-latina, qu'a seguit lo movement occidentau dempuei sa situacion particulara, de cultura dominanta a l'Atge-Mejan e avalida, asservida apres. Avem una cultura populara, paisana, qu'es pas tant diferenta de la cultura dau demai d'Euròpa (aime plan la discussion sus las especificitats paisanas lemosinas que ma mia 'chaba per : Mas qu'es pas lemosin, qu'es la mesma chausa en Torena !!!).

Aura, lo monde vai vers 'na cultura unica, tornada vers lo consomar. Las resisténcias paisanas coma la de la vila emai dau ghetto qu'es daus contra-fuecs a la cultura dominanta. Mas podem pas eschapar a la cultura occidentala. Fuguerem, sem e serem dedins.

http://ieumaitot.nireblog.com/

Tiston

avatar
Occitan Warrior
Occitan Warrior
maime a écrit:Avem una cultura populara, paisana, qu'es pas tant diferenta de la cultura dau demai d'Euròpa (aime plan la discussion sus las especificitats paisanas lemosinas que ma mia 'chaba per : Mas qu'es pas lemosin, qu'es la mesma chausa en Torena !!!).


qu'es vrai, en Lemosin nos es sovent esplicat (per de grands coneissors de nostra cultura que dirai pas lor nom mas que tot lo monde coneis) que tala o tala chausa es 'na specificitat lemosina, e que quante ne'n parle non solament coma d'Occitans de Bordeu, Clarmont eca, mas tanben coma de Bretons, de Champenois, de Savoiards e quitament de Moselans, tot fier tot uflat de presentar 'na festa, o un aplech, o un proverbi en disant "quo-qui qu'es tipicament lemosin!", ai pas l'aer fin qu'om me responde "mas non, qu'es precisament parier chas me!"... e quo me ribet quauques cops quel'afar!

Alh Òli

avatar
Occitan Warrior
Occitan Warrior
maime a écrit:Ben... Crese que lo Yellow a tot dich dins son texte. I a una cultura sabenta, literària daus trobardors a Roqueta en passar per Godolin e Mistral. I a la cultura populara, paisana, dont fasem viure d'enguera un pauc la musica, mas qu'es mòrta o quasi coma iò dich lo Jan dau Melhau.

La civilizacion occitana es pas qu'una civilizacion occidentala, europea e latina. Avem una cultura sabenta eiretiera de la cultura greco-latina, qu'a seguit lo movement occidentau dempuei sa situacion particulara, de cultura dominanta a l'Atge-Mejan e avalida, asservida apres. Avem una cultura populara, paisana, qu'es pas tant diferenta de la cultura dau demai d'Euròpa (aime plan la discussion sus las especificitats paisanas lemosinas que ma mia 'chaba per : Mas qu'es pas lemosin, qu'es la mesma chausa en Torena !!!).


Voei, mai lei salauds de citadins coma ieu qu'an degun liame a n'esta cultura paisana, vò alòrs un liame que remonta a la generacien dau reire-grand, que fèm? Cultura popularia, certas, mai non pas paisana. Urbana pluslèu. Es un prejujat que vira sovent, bòrd qu'aparentament lo patois si conservèt en campanha, mai fau pas oblidar que lei vilas tanben va parlavan...

Tiston

avatar
Occitan Warrior
Occitan Warrior
Danís a écrit: E se tròba quitament daus occitans/occitanistas/occitanofònes que disen pas que son de cultura occitana, reconeissen pas quela ideia.

Me, efectivament, ai dau mau a reconeisser 'na "cultura occitana" globalisanta... pertant, me dise "Occitan", qui dessus, pas de problema... Donc liat aus provençaus, gascons etc per 'na lenga comuna, dins sa diversitat de parlars, mas per exemple me sente pas dau tot "chas me" en Provença o en Arieja... quante li vau (e io fau emb grand plaser!), sei en terra estranha... 'nar en bearn, per me, qu'es tant depaisant que de 'nar en Bretanha... segur, mon occitanitat me possa a me dire que sei "en Occitania, donc qu'es un pauc chas me", mas queu concepte es pas ressentit dau tot per los Occitans "lambda", vole dire non-occitanistes...
Per contra, i'a tot parier de "grandas regions"... beucop de Limotjauds se senten "dau Sud-oest", son tornat vers quela familha... Las vacanças, los estudis, qu'es sovent en Aquitania e en Miegjorn-Pireneus, donc se senten part de quela granda comunautat dau sud oest... e puei un Lemosin de la Montanha (dau replanat de Miuvachas) o de las Monedieras vai se dire apartener a la granda familha dau Massiu Centrau, e se sentira mai propche d'un Cantalou que d'un Peiregordin...
Personalament, me sente daus dos, dau "grand sud oest" quante sei a Limotges, ente demore, mas pusleu dau Massiu quante sei dins mas montanhas en Creusa, ent'ai las raiç... pertant, i'a mas 50 qm entre los dos... Per contra ieu torne dire que me sente pas mai propche d'un Marselhes que d'un Peitavin o que d'un Berichon, au contrari...
Per alhors, per tornar a ço qu'es de la cultura, e ben reconeisse 'na cultura paisana occitana, mas parier, a diferents niveus: avant tot un biais d'esser paisan dau Massiu (Auvernha-Lemosin), puei un biais d'esser paisan dau sud de França, mas d'engueras un cop, vese pas ben lo liam (a part la lenga) entr'un paisan lemosin qu'a 80 vachas e 50 ectaris de blat, que trabalha dins-t-un paisatge tot modelonat de valons, e un paisan dau nord de Tolosa que cultiva 300 ectaris de plana, o un vinhairon de Bordeu...

Bon, sei pas ben clar, (sei oblijat de 'nar redde, sei au trabalh! ) mas tot quo per dire que vese pas 'na vertadiera unitat culturala occitana, e que me li reconeisse pas... sei un pauc fora-sujet, mas vole dire en faite que la lenga n'es pas tota la cultura, ne fai pas tota 'na cultura, quo ne'n es 'na part importanta mas qu'es pas tot, e qu'ambe de biais de viure (a la vila com'a la campanha) tant diferents entre per exemple la Provença maritima e la Montanha lemosina, entre la val d'Ossau e lo Bordales eca, pense pas que puesche i'aver de cultura tradicionala tipicament occitana...
un darnier exemple, sovent nos es dich que tala o tala chançon es tipicament occitana, perque 'la se chanta en provença coma en bearn coma en lemosin... mas sovent ai trobat de chançons ditas "occitanas tradicionalas" que se chantavan tanben en Berry, en Peitavin, en Torena eca...

10Question Re: Çò qu'es la cultura occitana ? le Jeu 5 Nov - 10:29

Alh Òli

avatar
Occitan Warrior
Occitan Warrior
A l'opausat, mi diéu mesme pas occitan (par ailleurs ni occitanista, justa occitanofòne), qu' es tròp vague en fach, es plus adequat a mon sens de mi revendicar montpelhierenc, perqué pas provençau (que l'identitat es una cava que si construis au fiau de ta vida), per ieu si revendicar d'identitat occitana es tant limitat que si reclamar de la francésa, es siagu un signe de nacionalisme ninòi (diriau Calandreta per mi rire), siague una pròva que la reflexien sus la questien es pas estada possada au maximum. "Occitania" es tròp grand, tròp contrastat per que recampèsse lei mesmes gents. Effet miroir bensai, mai es un pauc la mesma problematica qu'emé lei grandas questiens dau moment que si pausan eilamont quant a l'identité nationale.

Pichòt fòra sujet mai es ce que m'inspirèt ta reflexien Tiston. Un pauc forra borra a mon torn, mai son cavas que siau de soscar despiei la debuta dei debats cap a l'identitat nacionala francésa, n'auriau de tonas de dire... Coma totjorn

11Question Re: Çò qu'es la cultura occitana ? le Jeu 5 Nov - 10:34

Alh Òli

avatar
Occitan Warrior
Occitan Warrior
Danís a écrit:Era en partida a tu Yellow que pensava en pausar ma question. Alara me permete de copiar aquí ton article, per lo monde que lo vodrian citar.


Alh Òli a écrit: Dédicacé à Marge, à l'oncle, à Balelo, à Jeff et à ceux qui savent...

Otages de France et de Navarre, veaux et génisses bonsoir!

M'èri promès de ne plus parlar a l'antèna, m'èri mesme dich que ne parlariau jamai plus, mai que volètz, l'adage a rason, il ne faut jamais dire jamais. Joine, bèu, , grand, fort, intelligent que siau, travalhi chasco jorn per una radio qu' aper but de far la promocien de la lenga occitana. Locutor que siau, siau doncas per la força dei cavas, un attivista de la cava occitanista. Ce que vou pas dire que siau militant. Non pas. Laissi leis occitanistas dins sa merda e fau meis afars de mon costat. E laissi lo temps manjar lei cadavres de Mistra, Roqueta e Castan.

Au titre d'attivista, m'arriba de reçaupre de messagis d'estudiants, que voudrian aguer mon avejaire sus tala vo tala cava a rapport de l'occitan. Soventei fes, son de gents charmants, va precisi. En generau, son questionari ne revèn totjorn ai mesmes questiens, notadament una: « de que fa que vos siatz interessat a la cultura occitana? ». A n'esta questien respondi en generau per una questien: de qu'es la cultura occitana? Es que quauqu'un mi l'i poiria respondre?

Cultura vo cultura? La literatura, la pintrura, la creacien, vo lo folklore, l' occitan way of life? S'es la premièra, la literatura occitana, lei trobadors, Gelu e lo resta, vo, m'interessa. S'es la segonda, cultura, la borrèia, lo Se Canta etc... M'en brandi completament! L'occitan way of life? Eisista pas. Es un fantasma. Si viu pas de la mesma maniera de Tolosa a Marsilha, de Limoges a Barcilona, fau arrestar em' aquo. Es un fantasme, una utopia, e, va fau dire, revèrta un nacionalisme certe. Per ieu l'occitan, es una lenga, un mejan de communicacien, pas mai. Lo folklore mieu si situa entre New-York e Kingston, Marsilha, Paris etc... M'interessa pas lo trip revival, lo trip folklorista que d'unei majoritaris nos vendan. Lo terrador es la vila, l'a pas de camps de blat sota ma fenèstra, l'a una barra HLM.

Segonda questien: « es qu'escotatz de musica occitana? ». De que volètz dire per musica occitana? Es-ti geografic? Alors, voei, n'escoti. Escoti IAM, la Fonky Family... Ah, es pas aquo? Mai de qu'es? Escoti de musica en occitan, de reggae en occitan, Massilia, Mauresca, escoti lo Cor de la Plana, que cantan de polifonias en occitan, lei cançons de Joanda, que fa de pop. Mai la musica occitana de qu'es? Volètz dire ce que vira sus Lenga d'Oc en jornada? Leis istorias de campestre pausadas sus de musica elettronica? Lei cavas que s'auvan dins lei balètis?

Non, escoti pas. Aimi pas. M'interessa pas. Mi parla pas. En facia de l'ostau l'a una barra HLM, l'i a pas de boiers que venan de laurar.

E ce que li respondi sistematicament. E elei, mi respondon pas a mei questiens. Es que degun mi l'i poiria respondre si vos plai?

En esperent una responsa que mi vendra pas de tot biais, la prima avança, leis alergias contunhan, e vos torni avertir: leis anessètz pas confondre emé la grippa A.


Ouhou! Ai au mens un lector sus mon blòg! Champagne!

12Question Re: Çò qu'es la cultura occitana ? le Jeu 5 Nov - 10:50

fredoc

avatar
Occitan Warrior
Occitan Warrior
Que pensi que n'avem pas nada idèa clara de çò qu'es la cultura occitana per'mor ne l'ensenhan pas enlòc. Que i a totun, que'n soi segur, causas dens l'istòria qui ac pròvan : costumas de víver, de tribalhar, d'organizar la societat qui son diferentas de las francesas. Ne parli pas de cantas, danças o cosina.
Qu'èm d'acòrd entà díser que n'èm pas parièrs deu Lemosin au Bearn a la Provença...E ni tanpòc de la Provença montanhòla a la Provença maritima. ni tanpòc de Tolon a Marselha. Ni tanpòc de la Canabièra au Mistral (on an un accent estranh )
Dificile qu'es de parlar de cultura globau. Dens lo men vilatge qu'avem l'abituda d'opausar los deu borg dab los deu Quartier Lespiau qui son sovent de navèths arribats.

Mes totun, los francés qu'ac hèn, los espanhòus qu'ac hèn, los italians qu'ac hèn. Per eths, ua cultura que comença e que s'arrèsta a las frontèras administrativas.

Per jo, que podem parlar de cultura occitana, òc. Cò qui compta fin finala, qu'ei la volontat deu monde d'apartiéner a aquera cultura.
Si parlam de cultura occitana, que disi "òc, que hèi partida de la cultura occitana". Mes tanben gascona, opausada a lemosina, e bearnesa opausada a armanhaquesa, de la campanha opausada a la de Pau...

Tot que depend d'un contracte sociau qui lo monde vòlen seguir o pas.
A nosauts de'u crear, difusir, har conéisher e víver purmèr.

Jo quan encontri un provençau, que l'arreconeishi com un deus mens, mei qu'un breton, un ch'ti, un lionés...
Aquò que pòt estar la cultura comuna : reconéisher lo monde com nostes.


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

13Question Re: Çò qu'es la cultura occitana ? le Jeu 5 Nov - 10:53

Tiston

avatar
Occitan Warrior
Occitan Warrior
oc-es, am 'na lenga comuna, io sabem, pas coma nostre grands,
mas som pas oblijats coma la generacion de nostres parents (los seissanta-ueitards) de viure dins lo fantasme d'una cultura occitana unica...
quante auve las chançons en oc de l'annadas 1970, que parlen mas de la grand'Occitania, dau pople occitan (coma si, justament, un avia la mesma cultura e lo meme biais de viure a Niça e a Limotges) etc...
Nostra generacion, pense, a compres que lo combat prumier qu'es la subre vivançia de la LENGA, e aqui dessur podem nos unir! Mas nos fau laissar (e io fasem naturalament crese, nosautres jounes occitanistes) l'artificis, los fantasmes culturaus, perque son pas vertat e serven en ren a la causa de la lenga. Pense que som 'na comunautat linguistica, qui-dessus pas de dobta, e quel'edeia passa bien aupres de la jounessa, mas dire ad'un joune Marselhes "tu ses Occitan, tu ses lo mesme, t'as la mesma cultura, la mesm'istoria, lo mesme biais de viure qu'un Bordales!", quo marcha pus...

14Question Re: Çò qu'es la cultura occitana ? le Jeu 5 Nov - 11:03

Alh Òli

avatar
Occitan Warrior
Occitan Warrior
fredoc a écrit:Que pensi que n'avem pas nada idèa clara de çò qu'es la cultura occitana per'mor ne l'ensenhan pas enlòc. Que i a totun, que'n soi segur, causas dens l'istòria qui ac pròvan : costumas de víver, de tribalhar, d'organizar la societat qui son diferentas de las francesas. Ne parli pas de cantas, danças o cosina.
Qu'èm d'acòrd entà díser que n'èm pas parièrs deu Lemosin au Bearn a la Provença...E ni tanpòc de la Provença montanhòla a la Provença maritima. ni tanpòc de Tolon a Marselha. Ni tanpòc de la Canabièra au Mistral (on an un accent estranh )

Es verai tanben que si reclamar provençau sonque es limitat, mai per ieu Provènça es un endrech un sol: Bordèu en Droma Plan Urós


@Tiston: Ben l'a pas granda diferencia vuèi dins ce que s'auve emé ce que disian de la granda occitania e lo resta a l'epòca. Regacha ai CFPO e autrei Calandreta lei discors que tènan.



Dernière édition par Alh Òli le Jeu 5 Nov - 11:05, édité 1 fois

15Question Re: Çò qu'es la cultura occitana ? le Jeu 5 Nov - 11:04

Tiston

avatar
Occitan Warrior
Occitan Warrior
fredoc a écrit:Que pensi que n'avem pas nada idèa clara de çò qu'es la cultura occitana per'mor ne l'ensenhan pas enlòc. Que i a totun, que'n soi segur, causas dens l'istòria qui ac pròvan : costumas de víver, de tribalhar, d'organizar la societat qui son diferentas de las francesas. Ne parli pas de cantas, danças o cosina.

oc-es, mas si levas musica e cosina, levas una granda part de ço que fai la cultura... per los biais de trabalhar la terra e d'organisar la societat, pense justament que i'a de talas diferncias entre pais occitans que vese pas coma parlar de "cultura occitana" dins queu cas... e de mai, coma ieu disia, i'a de biais de far, d'esser, de trabalhar eca que son mai comuns entre Bretanha e Lemosin, o entre Nauta-Provença e Arpitania, qu'entre los pais occitans... [/quote]



Per jo, que podem parlar de cultura occitana, òc. Cò qui compta fin finala, qu'ei la volontat deu monde d'apartiéner a aquera cultura.
Si parlam de cultura occitana, que disi "òc, que hèi partida de la cultura occitana". Mes tanben gascona, opausada a lemosina, e bearnesa opausada a armanhaquesa, de la campanha opausada a la de Pau...
Tot que depend d'un contracte sociau qui lo monde vòlen seguir o pas.
A nosauts de'u crear, difusir, har conéisher e víver purmèr.

sei d'accord coma tu, mas justament, lo locau marchara totjorn mielhs que lo globau... qu'es afectiu! donc som d'accord, ribaras jamai a far dire aus Lemosins que son Occitans avant tot, avant d'esser Lemosin... me diras que pertant, la França io faguet, beucop de monde se disen Frances avant de se dire Liones o Bordales, mas quau mestier avem de far passar l'edeia d'apartenança a 'na "patria occitana"? D'abord crese pas que quo puesche marchar, e puei pense que l'edeia de "comunautat linguistica occitana" marchara mielhs aupres dau grand public...

16Question Re: Çò qu'es la cultura occitana ? le Jeu 5 Nov - 11:08

admin

avatar
Trobador !!
Trobador !!
Se parla de cultura paisana, mes sèi pas se un Gelu o un Meste Verdier aurén podut existir shens las vilas.

Aute punt : sus lo hèit que l'Occitània sia un país de dubertura.
Mon pair es de la campanha (pr'amor a l'epòca, St Miquèu de Riufred èra enqüèra la campanha) e ma mair es de la vila (Bordèu, e sas banlègas sud, Bèglas e Vilanava d'Ornon). Ben quan la familha de la mair es arribada dens lo vilatge en 75, i avè sonque 20 km de distancia, e totun, la cultura n'èra pas la medisha. E i avè la paur de l'aute. Sustot per los de la campanha. Lo dia deu maridatge, lo conse mager parlè d'una acceptacion, d'entrisme dens la mei vielha familha deu vilatge, qu'èra plan per una estrangèra... Per vint km ! Gausi quitament pas imaginar l'arcuelh qu'a avut mon gran quan es aribat de Cantabria...
Ara que lo vilatge es un dromitòri, la situacion non a pas cambiat. Tot lo monde, e jo lo purmèir, an un chic d'aprehension davant los navèths. Que's çò que'ns vam aportar aqueth còp ? (Cau díser, qu'enter lo que voló har canalizar lo riu, l'aute que li agrada pas quan los hasans cantan, lo que hè l'escandau a l'escòla pr'amor lo regent balha punicions... qu'em estat servits). Qu'em haut o baish xenofòbes, qu'ec accepten o pas.
Donc, la cultura occitana, emplida de valors a la Claudí Sicre, bof bof ...
Après, soi lo purmèir de m'interessar a la cultura deu parçan, la vinha, lo pins, la lana, soi lo purmèir d'ensajar de parlar lo gascon deu parçan (lo vasadés benlèu mesclat au bordalés) e non pas lo biarnés qu'aprenem a l'escòla. Denegui pas briga lo locau.

Dens lo libe d'Eric Astié Diari d'un mes de març, i a una formula que m'agrada, ad un moment, ende introdusir un passatge sus un topos occitan (benlèu los Catars, m'en brembi pas) l'autor parla de "mitologia occitana"... Benlèu que la cultura occitana, es aquèra mitologia. Una admiracion (un amor ?) per los Trobadors, Mistral, los Catars, Claudí Marti, Robert Lafont o Joan Bodon, la decentralizacion, (coneishi pas tròp d'occitanistas que van (gausar) díser qu'aiman pas aqueths. Jo, personaument, Bodon o Mistral me hèn cagar... ). Benlèu que la cultura occitana existís pas, benlèu que cau parlar de cultura occitanista.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

17Question Re: Çò qu'es la cultura occitana ? le Jeu 5 Nov - 11:10

Tiston

avatar
Occitan Warrior
Occitan Warrior
fredoc a écrit: Que i a totun, que'n soi segur, causas dens l'istòria qui ac pròvan : costumas de víver, de tribalhar, d'organizar la societat qui son diferentas de las francesas.

mas que 'pelas-tu la frança exactament? perque levat Occitania, pais basque, catalonha, corsega, arpitania, alsacia-mosela, bretanha, "pais ch'timi" (picardia-nordpasdecalais), toranjès, berry, peitavin-sentongès, vendeia, champanha-ardena, borgonha eca... enfin tots los pais qu'an (o qu'aviam) 'na lenga e 'na cultura propa, demora mas que Paris (e benleu l'orleanes) non?

18Question Re: Çò qu'es la cultura occitana ? le Jeu 5 Nov - 11:16

Tiston

avatar
Occitan Warrior
Occitan Warrior
Òmi a écrit: Benlèu que la cultura occitana existís pas, benlèu que cau parlar de cultura occitanista.

ben me sei sovent pausat la question, e ne'n si quitament 'ribat a io pensar... perque quante per exemple i'aguet totas quelas comemoracions subre 1907, los vinhairons e tot quo, ben deve avoar que me sentia pas dau tot concernat... parier per Montsegur (lo grand simbou de l'occitanisme despuei de dietzenats d'ans), li sei 'nat, sei tochat per ço que li se passet, mas pas mai que quante vau a Orador de Glana...
me suvene que lo Maime avia pas estat d'accord come me quant'avia dich que m'en fotia de 1907... Maime, benleu podes balhar ton vejaire aqui? Vole pas parlar a ta plaça...

19Question Re: Çò qu'es la cultura occitana ? le Jeu 5 Nov - 11:34

clafotis

avatar
Occitan Warrior
Occitan Warrior
Tiston a écrit:
Me, efectivament, ai dau mau a reconeisser 'na "cultura occitana" globalisanta... pertant, me dise "Occitan", qui dessus, pas de problema... Donc liat aus provençaus, gascons etc per 'na lenga comuna, dins sa diversitat de parlars, mas per exemple me sente pas dau tot "chas me" en Provença o en Arieja... quante li vau (e io fau emb grand plaser!), sei en terra estranha... 'nar en bearn, per me, qu'es tant depaisant que de 'nar en Bretanha... segur, mon occitanitat me possa a me dire que sei "en Occitania, donc qu'es un pauc chas me", mas queu concepte es pas ressentit dau tot per los Occitans "lambda", vole dire non-occitanistes...

Parrier fòra la Bretanha ente, benleu lo granit (sens obludar que los drapeus son parrier ), me sente fòrça benaise, emai parlessa pas la linga.

Tiston a écrit:Per contra, i'a tot parier de "grandas regions"... beucop de Limotjauds se senten "dau Sud-oest", son tornat vers quela familha... Las vacanças, los estudis, qu'es sovent en Aquitania e en Miegjorn-Pireneus, donc se senten part de quela granda comunautat dau sud oest... e puei un Lemosin de la Montanha (dau replanat de Miuvachas) o de las Monedieras vai se dire apartener a la granda familha dau Massiu Centrau, e se sentira mai propche d'un Cantalou que d'un Peiregordin...

parrier, se deviá botar 'na frontièra, 'la passeriá au mitan de Lemòtges, la partida EST liada a l'Auvernha, la partida OEST, a las charentas jusca la mar. O ben, ieu realise l'aneccion de la Charentas jusca la mar a una granda region margranda-lemosin-auvernha, mas sens la gent « del sud ».
Perdequé far 'nar jusca la granda mar ? 'laidonc, per pas 'nar se bronsar lu cuòu a Marselha. Cool


Tiston a écrit:Personalament, me sente daus dos, dau "grand sud oest"

'quí quo es lo mai sutven çò que la gent me dison : « tu parle comme dans le sud-ouest » e còp-sec de damandar de las trufas e dau canard martirisat sos fòrma de colesterol per lo Nadau (sabe coma escrir "fetg-gras").

Tiston a écrit: sei un pauc fora-sujet, mas vole dire en faite que la lenga n'es pas tota la cultura, ne fai pas tota 'na cultura, quo ne'n es 'na part importanta mas qu'es pas tot, e qu'ambe de biais de viure (a la vila com'a la campanha) tant diferents entre per exemple la Provença maritima e la Montanha lemosina, entre la val d'Ossau e lo Bordales eca, pense pas que puesche i'aver de cultura tradicionala tipicament occitana...

vau maitot far dins lo fòra-sujet, mas çò que tu dises es valable per « la cultura gaia ». Ai dau mau a esplicar que « une somme de cliché ne font pas une culture » e mai d'una vetz, prene l'eisemple de l'obertura dau raijon « gai » d'un supermerchat parisien. Dins las prumièras pervesions de la gent : Sheila, ABBA, Village pipòl... Pas un libre o un disc d'Horowitz (granda fòla mas subretot un grand pianist), 'na cultura de consomacion, pas une cultura d'eidèias.

Tiston a écrit: un darnier exemple, sovent nos es dich que tala o tala chançon es tipicament occitana, perque 'la se chanta en provença coma en bearn coma en lemosin... mas sovent ai trobat de chançons ditas "occitanas tradicionalas" que se chantavan tanben en Berry, en Peitavin, en Torena eca...



Dernière édition par clafotis le Jeu 5 Nov - 12:47, édité 5 fois

http://rapieta.wordpress.com/

20Question Re: Çò qu'es la cultura occitana ? le Jeu 5 Nov - 12:03

admin

avatar
Trobador !!
Trobador !!
E tanben, istoricament : Personaument, soi mei près per Pey Berland e Alienor d'Aquitània e Peitius que de Ramon VI-VII e Montsegur. Cau pas tombar dens lo "nos ancêtres les Gaulois", qu'ensenhava la França dens las quitas colonias africanas. M'es aribat de tombar sus Lengadocians occitanistas que se trufavan de l'istòria d'Aquitània mes que non comprenevan pas que jo gausavi me trufar de l'istòria deu Lengadòc...


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

21Question Re: Çò qu'es la cultura occitana ? le Jeu 5 Nov - 12:09

maime

avatar
Lemosin de prumiera !
Tiston a écrit: me suvene que lo Maime avia pas estat d'accord come me quant'avia dich que m'en fotia de 1907... Maime, benleu podes balhar ton vejaire aqui? Vole pas parlar a ta plaça...
Euh... benleu... me suvene pus... Per me qu'es mai 'na question de liam entre lucha de classa e lucha occitana, quela question daus vinhairons. Emb l'equacion :
occitan = lenga dau pòple = lenga de classa = lenga de lucha => lucha per la lenga occitana = lucha de classa.
Quò ven segurament de ma cultura comunista (oc-es sei segur que n'i a una cultura populara comunista).
'Na remarca generala sus vòstres messatges : fau pas boirar identitat e cultura. La cultura latina (anciana vòle dire) exista mai n'i a degun que se ditz roman/latin.

http://ieumaitot.nireblog.com/

22Question Re: Çò qu'es la cultura occitana ? le Jeu 5 Nov - 13:27

clafotis

avatar
Occitan Warrior
Occitan Warrior
maime a écrit:
Quò ven segurament de ma cultura comunista (oc-es sei segur que n'i a una cultura populara comunista).

benleu mai 'na tradicion culturala, mas emai los militants comunistes an daus escrichs « comunistes» , de la musica « comunista », de la pintura « comunista », tot aquò es pas pro per far 'na cultura autonoma. Mesma chausa per los anars. Aprep son de las topinas bonas per boirar las eidèias.

La sola comunautat en França a poder revendicar una cultura autonoma, quo es la comunautat jusieva.


maime a écrit:'Na remarca generala sus vòstres messatges : fau pas boirar identitat e cultura. La cultura latina (anciana vòle dire) exista mai n'i a degun que se ditz roman/latin.

Segur, me sei jamai sentit tant « latin » que i a 10 ans en Alemanha.

http://rapieta.wordpress.com/

23Question Re: Çò qu'es la cultura occitana ? le Jeu 5 Nov - 13:29

Tiston

avatar
Occitan Warrior
Occitan Warrior
clafotis a écrit:
Segur, me sei jamai sentit tant « latin » que i a 10 ans en Alemanha.

e ieu, me sei jamai sentit tant Occidentau que i'a doas setmanas quant'era a Dakar...

24Question Re: Çò qu'es la cultura occitana ? le Jeu 5 Nov - 13:32

clafotis

avatar
Occitan Warrior
Occitan Warrior
Tiston a écrit:
clafotis a écrit:
Segur, me sei jamai sentit tant « latin » que i a 10 ans en Alemanha.

e ieu, me sei jamai sentit tant Occidentau que i'a doas setmanas quant'era a Dakar...

Eisatament ton eidèia de las pitas boitias identitaris e chamjantas. Sem tots la soma de mai d'unas influenças.

http://rapieta.wordpress.com/

25Question Re: Çò qu'es la cultura occitana ? le Jeu 5 Nov - 13:36

Tiston

avatar
Occitan Warrior
Occitan Warrior
maime a écrit: Emb l'equacion :
occitan = lenga dau pòple = lenga de classa = lenga de lucha => lucha per la lenga occitana = lucha de classa.

oc-es, enfin foldria que lo pople occitanofone sia majoritarament de gaucha, e qu'es pas lo cas...
d'alhors, nostra societat rurala tradicionala (europeana vole dire, perque quo vau tant en Lemosin qu'en Alsacia qu'en Sicilia eca) es pas dau tot comunista, au contrari...
Per esser un pitit-filh de metadiers e empleiats de ferma qu'an jamai, de generacion en generacion, possedat lo mendre metre carrat de terra mas qu'an totjorn laborat la terra daus autres, pode te dire que l'espleitacion de l'ome per l'ome eisistava bien totjorn dins nostre Lemosin tradicionau i'a 50 ans... pas la pena de tornar a l'Atge Mejan... Dins ma familha faguerem totjorn bien la distinccion entre proprietaris e metadiers, entre espleitors e espleitats, mas malurosament avem totjorn estat dau mauvas costat... quo empaischa pas que los paisans proprietaris, los qu'avian la mai granda proprietat dau vilatge mai daus ranvers, parlavan pas mai frances que mos grands...
E quante quilhs proprietaris se fasian la guerra per una pieça de 2 ectaris, e que 150 ans apres las familhas se fan totjorn la gula... la PROPRIETAT, veiqui lo mestre mot de nostra cultura rurala tradicionala!



Dernière édition par Tiston le Jeu 5 Nov - 13:41, édité 1 fois

26Question Re: Çò qu'es la cultura occitana ? le Jeu 5 Nov - 13:37

Tiston

avatar
Occitan Warrior
Occitan Warrior
clafotis a écrit:

Eisatament ton eidèia de las pitas boitias identitaris e chamjantas. Sem tots la soma de mai d'unas influenças.

27Question Re: Çò qu'es la cultura occitana ? le Jeu 5 Nov - 13:40

joan_cavalier

avatar
Trobador !!
Trobador !!
Òmi a écrit:E tanben, istoricament : Personaument, soi mei près per Pey Berland e Alienor d'Aquitània e Peitius que de Ramon VI-VII e Montsegur. Cau pas tombar dens lo "nos ancêtres les Gaulois", qu'ensenhava la França dens las quitas colonias africanas. M'es aribat de tombar sus Lengadocians occitanistas que se trufavan de l'istòria d'Aquitània mes que non comprenevan pas que jo gausavi me trufar de l'istòria deu Lengadòc...

Lo pren atau, torni còp sec en Arieja monti una armada e prenem Bordèu (reglarem aquo a las especialitats, tu mena lo vin, ieu meni lo barbecue (cf Montsegur lol)

http://www.myspace.com/joan_cavalier

28Question Re: Çò qu'es la cultura occitana ? le Jeu 5 Nov - 14:12

fredoc

avatar
Occitan Warrior
Occitan Warrior
clafotis a écrit:
maime a écrit:'Na remarca generala sus vòstres messatges : fau pas boirar identitat e cultura. La cultura latina (anciana vòle dire) exista mai n'i a degun que se ditz roman/latin.

Segur, me sei jamai sentit tant « latin » que i a 10 ans en Alemanha.

Tiston a écrit:
clafotis a écrit:
Segur, me sei jamai sentit tant « latin » que i a 10 ans en Alemanha.

e ieu, me sei jamai sentit tant Occidentau que i'a doas setmanas quant'era a Dakar...



Hèra bons testimoniatges qui son la pròva e qui illustran un drin çò qui èi dit mei haut : que definim la nosta cultura en oposicion dab la de l'aute.

A vòste que cosinatz au burre ? A noste a l'òli d'oliva.
Eths que minjan pòrc, nosauts non.
Tu qu'aplicas lo dret orau, ací qu'èm ua societat de dret escrivut.

Etc, etc.........

Notem que tot aquò muda, se mescla, avança e arrecula (Birguita Lasèga o Cedric ne's poderàn pas estar de díser "comment veux-tu ...?" Qui serà lo purmèr ?)

Jo que soi jo, comparat a tu. Nosautes qu'èm nosautes, comparats a eths. E que volem bastir ua Occitania en responsa a çò qui nos an prepausat los autes.

Jo que voi autonomia per Occitania. Per'mor qu'existeish la nosta cultura, e que voi víver e decidir dab.


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

29Question Re: Çò qu'es la cultura occitana ? le Jeu 5 Nov - 14:15

joan_cavalier

avatar
Trobador !!
Trobador !!
@ Alh-òli :
Alh Òli a écrit:
Escoti [...] lei cançons de Joanda, que fa de pop.

Santa puta, fas lo teu "coming out" en confessant escotar Joanda (te coma sabi que legis lo forum en aprofiechi per i passar un brave adieu, quora legira aquelas linhas veira que los desbrebam pas


@ Fredòc : Nos dit (es pas una critica es una question)
fredoc a écrit:Que pensi que n'avem pas nada idèa clara de çò qu'es la
cultura occitana per'mor ne l'ensenhan pas enlòc.

Sia t'ai encara mau compres, sia nos parla d'esenhar ço qu'es la cultura occitana vol diser faire un "pichon breviari ta esser occitan" ?

@ L'Omi
Òmi a écrit:
Aute punt : sus lo hèit que l'Occitània sia un país de dubertura.

Vo Occitania es una mescla mentre lo pais dels potonorses, lo vilatge dels schtroumfphs (santa puta sabi pas jamai coma s'escrich) e l'Ort d'Eden es pas coma se monde coma Rivarol, Poujade (Pierre pas Patriçi) o Hortefeux eran nascut en çò nòstre, per desnigar aquo meritarias d'esser menat dins un "camp de ré-éducacion" pecaire, pagan vai

@ Totes los autres : Far d'unes anadas, partatjeri un troç de la meuna vida amb una gojata mitat Cevenola, mitat Alemanda que me diguet "me sentissi d'enluòc, e francament trapi causas comunas dins lo biais de faire de mas doas rasigas, e ai viatjat dins mantunes paises qu'ai visitat", doncas avem la possibilitat de lançar una estudi que va durar decenias e decenias per definir çò qu'es "tipica e unicament " occitan, personaument, vesi pas l'interest, m'interessa mai de veser consi nos podem mesclar (mèfi ai pas dit uniformisar) ta tirar lo mielh de tot e aver un monde mielh

Pichona reflecion que fagueri sus una tiera de difusion occitana : los frances parlon de "l'identité nationale" e los occitan parlon de definir la lora identitat........... interessant isn'it ?

Amistats

Cedric

http://www.myspace.com/joan_cavalier

30Question Re: Çò qu'es la cultura occitana ? le Jeu 5 Nov - 14:32

maime

avatar
Lemosin de prumiera !
Tiston a écrit:oc-es, enfin foldria que lo pople occitanofone sia majoritarament de gaucha, e qu'es pas lo cas...
non, non , qu'es pas quò... qu'es per explicar que defendre la lenga occitana es pas quauqua-ren de reaccionari, qu'es tot. Qu'a sa plaça dins la lucha de classa.

De tot biais, ai l'impression que n'i a un boiradis entre identitat e cultura dins los messatges. Vos setz a definir la cultura occitana a partir de vòstre sentit : que qu'es çò que fai que sei occitan, me. Essaiatz d'aver un punt de vusda exterior. L'istòria d'Aquitània, coma la de Lengadòc, fan partida de la cultura occitana. Benleu dins son opausicion au poder frances. 'N' òbra es benleu occitana quand pren vita dins l'opausicion au poder centrau en utilizar la lenga occitana. De Pèir de Garròs a Massilia Sound System.

http://ieumaitot.nireblog.com/

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 3]

Aller à la page : 1, 2, 3  Suivant

Permission de ce forum:
Vous ne pouvez pas répondre aux sujets dans ce forum