OCCITANIA !! Forum


Vous n'êtes pas connecté. Connectez-vous ou enregistrez-vous

De que faire lo còp que ven ?...

Aller à la page : Précédent  1, 2, 3, 4  Suivant

Voir le sujet précédent Voir le sujet suivant Aller en bas  Message [Page 2 sur 4]

1 De que faire lo còp que ven ?... le Mer 28 Oct - 21:43

LaurençD


Occitan Warrior
Occitan Warrior
Rappel du premier message :

Avem plan comprés que se pòt pas contunhar de faire parrièr, plan planet, cada dos ans.
Alara, e lo còp que ven ?
Anar a Paris amb tots los autres ? : bascos, breton, corses, catalans, kabyles...
O faire d'operacions que tustan un pauc d'en pertot ? Escampar de comportas de merda al rectorat... O de pintura roja per las veirinas de França blava...
Que de mai ?


_________________
http://lacabraelolop.canalblog.com/

31 Re: De que faire lo còp que ven ?... le Ven 30 Oct - 17:09

Danís


Adjudant
Lo mai complicat de far a l'encòp a París e dins d'autras vilas, quo es que coma fau a chasque còp una esquipa organisatritz, 'quò fai tant de monde que seràn pas a la capitala.
Per contra, autra chausa : se la fasem a París, io l'i vese pas la tradicionala banda pifre-tamborns un pauc folclò, que pòt m'agradar a Besièrs o Carcassonna, mas vertadierament una manif de reivendicacions. Sem pas contents, merda ! L'objectiu, quo es pas de mix entre la felibrejada e lo carnaval de Rio sus los Champs-Elysées !

32 Re: De que faire lo còp que ven ?... le Ven 30 Oct - 17:11

admin


Trobador !!
Trobador !!
Ah segur ! I pas melhor biais de passar per de gloglos !


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

33 Re: De que faire lo còp que ven ?... le Ven 30 Oct - 17:23

Lafontan


Occitan Warrior
Occitan Warrior
Òmi a écrit:
Per çò qu'es dels paises occitans disi pas que cal 50 protèstas,mas 3 o
4 coma Marselha, Tolosa, Baiona e Bordèu que podrian de part lor
reparticion geografica recampar localament un maximum.

Quina bona idèia !! Dejà qu'avem pas podut emplir dus bus en Gironda, vesi plan la mitat a Paris, e l'aute mitat a Bordèu ! Waouh ! 32 manifestants dens la rua Sta Catarina ! la Folia !!!!!! (vite, envoyez nous 4 compagnies de CRS ! On est débordé !!!)
Comprenes pas o fas la colha ! Bordèu seriá pas una protèsta bordalesa mas recampariá la gent d'Aquitània de Peirigòrd e de Lemosin e benlèu mesme al delà, donc de millièrs de personas, n'i agèt ja un millierat sonque per la manif paulina organisada a la lèsta. Amai localament, segur que lo fait que la protèsta se passa sus plaça mobilisariá plan mai de girondins. (ex 1000 bearneses a Pau e sonque la mitat a Carcassona)

34 Re: De que faire lo còp que ven ?... le Ven 30 Oct - 18:00

Zengi


Trobador !!
Trobador !!
Coneishes pas los biarnés tu, se pensan que van pujar au nòrd tà manifestar a Bordèu .. Content

35 Re: De que faire lo còp que ven ?... le Ven 30 Oct - 18:30

admin


Trobador !!
Trobador !!
Non mes dejà, la protesta de Pau, i avè tots los Bordalés ... Donc 1000 - 100, 200 ?
Après sèi pas mes dens los arquius deu Med'Oc, èi un article de jornau per una maniif a Bordèu per lo CAPES ... 200 personas ( e en fotò, la familha Chapduelh, donc devè i aver tot lo Perigòrd ...)
Pensi qu'es embarrat dens ton mitan tolosan, ont tot sembla miraudiós per la lenga. A Bordèu, es pas la Potonorsaria. Bordèu s'acampa pas a l'entorn deus Catars, Bordèu s'acampa pas a l'entorn de Raimon VI-VII. Per los Bordalés e los Girondins, l'Aquitània es estada desliurada per los Francés en 1453 ! Quan an celebrat la mòrt de Ricard Còr de Leon, i a avut hèsta en Lemosin, en Miegjorn Pireneus, País de Leger, en Englaterra, a Paris tanben, mes en Aquitània, arren. Alienor, que regnava sus l'Europa a benlèu un licèu e dus collegis.
Donc bon, mobilizar los Aquitans ...A despart deus Bascs, e sèi pas perque anarén se pèrder a Bordèu quan i aurè una grossa manif a Paris, vesi pas tròp.


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

36 Re: De que faire lo còp que ven ?... le Ven 30 Oct - 18:57

zo


Occitan Warrior
Occitan Warrior
Matieu C. a écrit:
Lafontan a écrit:S'anam a Paris cal pas s'empachar de preveire de protèstas dins los países (amb las autras nacionalitats) lo meteis jorn per los que podran pas o voldran pas pujar a Paris serà en mai e balharà un imatge de vertadièra jornada "nacionala" e veirem aital quina es la melhora estrategía podèm ben ensajar al mens un còp "la totala"
Per çò qu'es dels paises occitans disi pas que cal 50 protèstas,mas 3 o 4 coma Marselha, Tolosa, Baiona e Bordèu que podrian de part lor reparticion geografica recampar localament un maximum. Donc per resumir los mai motivats, los militants...pujan a Paris per se junher amb los de las diasporas e dins los países recampam los simpatisants que son nombroses (es la rason del succès de Carcassona amb los amics, las familhas...)e los militants que pujaran pas. La question del nombre es de veire d'un autre biais o torni dire, lo nombre serà lo nombre total, l'addicion de totes que comptarà, l'imatge d'un movement "nacional" cap a l'estat.
Al final 50 a 70 000 personas me sembla una chifra credibla (10.000 bretons, 30.000 occitans perqué i aurà una progression amb la decentralisacion de las protèstas l'ei ja provat (cf manif bearnesa) + los de Paris, 10 000 bascas (es un minimum rapèli que son 70 000 cada an per Herri Hurratz es aqui una question de coordinacion e de far correspondre d'unas revindicacions (pels basques de despassar lo sosten a Ikastola per la revindicacion mai larga de las co-oficialitats de las lengas, pòdon pas èsser contre!) + 5000 catalans amb l'ajuda del sud (es tanben un minimum!) + 5000 còrses (s'es ja fait) + d'alsacians 1000 ?(benlèu pas nombroses mas important simbolicament + de savoiards (Arpitanía)1000? (qu'i pòdon veire l'escasença de trapar una visibilitat + qualques milliers sus Paris de las diaspòras amb "la pujada" dels combatents de las lengas TOTAL ~ 70 000 personas !

Se la fem a Paris ambé totei lei minoritats, sieu segur que l'aurà un fumàs de monde.

Après organizar de ponch locau mi sembla complicat, que menaria de confusion e, eventualament, portaria de tòrt a la mobilizacion (que faudrà aguer una còla organizatritz dins cada ciutat gròssa)

De veire, mai sarem aqui per aquela que ven, en cas que si debane fòra de LR.
+1

37 Re: De que faire lo còp que ven ?... le Ven 30 Oct - 19:36

Cerièra de Mai


Trobador !!
Trobador !!
Lafontan cresi que sòmias amb tas 70 000 personas a Paris.
Los que ja an pas enveja d'anar en çò del opressor, coma J-Caval, n'i a. Ne fau part. Ieu tanben me vesi pas anar demandar a la « capitala » perque es pas la miu capitala. Bruxelles es mai dins mon vejaire d'Occitània nacion d'Euròpa. Après lo Yellow a pas tòrt, es la França que reconseis pas las lengas.

Mas mobilisar de monde per anar dins aquela vilassa (perrque i a fòrça monda qu'ai vist a la manif, que en signant la peticion me disián qu'anan pas jamai a Tolsa perque es tròp granda, alavetz imagina un pauc Paris) per ieu serèm mens, benlèu mai visibles, mas mens.

38 Re: De que faire lo còp que ven ?... le Ven 30 Oct - 19:58

Zengi


Trobador !!
Trobador !!
afontan cresi que sòmias amb tas 70 000 personas a Paris.
10.000 m'estonaré hèra ! (positivament). O lavetz cau convéncer 100% deus bascos d'Iparralde.

Lafontan


Occitan Warrior
Occitan Warrior
Mas sabètz pas legir o que ! Parli pas de 70 000 a Paris mas de 70 000 en tot, a Paris E dins cadun de nòstres paises, 10.000 bretons + 30.000 occitans perqué i aurà una progression amb la decentralisacion de las protèstas l'ei ja provat (cf manif bearnesa), 10 000 bascas (es un minimum son 70 000 cada an per Herri Hurratz es aqui una question pels basques de despassar lo sosten a Ikastola per la revindicacion mai larga de las co-oficialitats de las lengas, pòdon pas èsser contre!) + 5000 catalans amb l'ajuda del sud (es tanben un minimum!) + 5000 còrses (s'es ja fait) + d'alsacians 1000 ?(benlèu pas nombroses mas important simbolicament + de savoiards (Arpitanía)1000? (qu'i pòdon veire l'escasença de trapar una visibilitat + qualques milliers sus Paris de las diaspòras amb "la pujada" dels combatents de las lengas TOTAL ~ 70 000 personas !
Enfin se Bordèu pòt pas acuelhir una protèsta es pas grèu se pòt far endacòm mai, i aurà al mens Tolosa e Marselha ! Enfin compreni totjorn pas perqué los bearneses van a Carcassona e anirian pas a Bordèu, i a una guèrra entre gascons ?

maime


Lemosin de prumiera !
Lafontan, tu penses mas aus poples de l'exagone. Si tu vo'es mai de monde, fau mobilizar los antilhes, los reuniones, los cabiles que son força nombros dins la banlega parisenca.

A RPS i a ben un partit cabile en observador, non ? Region Savoie sostenava plan 'na cabila (daus verds) a l'eleccion europea ? Dins la coalicion cuturala d'Anem Oc i a maitot daus reuniones. Lo LKP a daus liams emb los moviments autonomistas.

'Laidonc fau los mobilizar maitot. E parlar de diversitat culturala en França sens mobilizar las minoritats visiblas es 'na conaria dobla : d'un prumier politica perque son pas mens 'na minoritat que los occitans e las revendicacions poden esser prochas, en segond estrategica perque auriam mai de monde e que los medias seran mai prudents per dire qu'es 'na manifestacion identitaria perque i aurà de las minoritats visiblas.

http://ieumaitot.nireblog.com/

joan_cavalier


Trobador !!
Trobador !!
Esperatz avem leser d'adobar Besiers 2011 lol

http://www.myspace.com/joan_cavalier

42 Re: De que faire lo còp que ven ?... le Sam 31 Oct - 11:01

Zengi


Trobador !!
Trobador !!
30.000 occitans
A Paris ? Que saunejas ..

Enfin compreni totjorn pas perqué los bearneses van a Carcassona e anirian pas a Bordèu, i a una guèrra entre gascons ?
Non, mes se los gascons s'amassan numeros quan i a 1 manifestacion nacionau occitana, pensi que seràn hèra mensh a pujar a Bordèu per ua manif regionau. Tant qu'a har, manifestar sus plaça, en Biarn .. E puish l'imatge de Bordèu en Gasconha .. ei pas forçadament bona de mei.

43 Re: De que faire lo còp que ven ?... le Sam 31 Oct - 15:18

Lafontan


Occitan Warrior
Occitan Warrior
Matieu a écrit:
30.000 occitans
A Paris ? Que saunejas...
Encara un còp cal legir, parli de 30.000 per Occitània tota amb 3 o 4 protèstas DECENTRALIZADAS + los basques, bretons, còrses...+ Paris, fa de segur entre 50 e 70.000 personas, es lo total que compta !

44 Re: De que faire lo còp que ven ?... le Sam 31 Oct - 19:54

LaurençD


Occitan Warrior
Occitan Warrior
maime a écrit:Lafontan, tu penses mas aus poples de l'exagone. Si tu vo'es mai de monde, fau mobilizar los antilhes, los reuniones, los cabiles que son força nombros dins la banlega parisenca.

A RPS i a ben un partit cabile en observador, non ? Region Savoie sostenava plan 'na cabila (daus verds) a l'eleccion europea ? Dins la coalicion cuturala d'Anem Oc i a maitot daus reuniones. Lo LKP a daus liams emb los moviments autonomistas.

'Laidonc fau los mobilizar maitot. E parlar de diversitat culturala en França sens mobilizar las minoritats visiblas es 'na conaria dobla : d'un prumier politica perque son pas mens 'na minoritat que los occitans e las revendicacions poden esser prochas, en segond estrategica perque auriam mai de monde e que los medias seran mai prudents per dire qu'es 'na manifestacion identitaria perque i aurà de las minoritats visiblas.
Aqui dessus, siai plan d'acòrdi, lo melhor biais de donar pas als fascistas l'envejar de se venir mesclar amb nosautres, es de faire la manif amb tots los colonizats.

Crèsi pas que calga èstre 100 000 pelus. S'es per se passejar de Republica a Nacion coma los autres colhons o fan cada primier de mai, aquò servis pas de ren. Cal faire quicòm que tuste, emai a 10 000.


_________________
http://lacabraelolop.canalblog.com/

45 Re: De que faire lo còp que ven ?... le Sam 31 Oct - 20:16

zo


Occitan Warrior
Occitan Warrior
Sus la diversitat, pensi que sèm tots d'acòrd.
Lo problèma aqui es mai de saber s'aquò se deu far a París sonque o a París E dins d'autras vilas representativas de las minoritats culturalas en França.

Lo Cedric el, manifestarà solet (enfin amb son pack de bièra) a Besièrs en 2011.

46 Re: De que faire lo còp que ven ?... le Sam 31 Oct - 23:24

Cerièra de Mai


Trobador !!
Trobador !!
zo a écrit:Sus la diversitat, pensi que sèm tots d'acòrd.
Lo problèma aqui es mai de saber s'aquò se deu far a París sonque o a París E dins d'autras vilas representativas de las minoritats culturalas en França.
O (tresena opcion) se cal manifestar sonque dins las autras vilas, e pas a Paris…

joan_cavalier


Trobador !!
Trobador !!
zo a écrit:Sus la diversitat, pensi que sèm tots d'acòrd.
Lo problèma aqui es mai de saber s'aquò se deu far a París sonque o a París E dins d'autras vilas representativas de las minoritats culturalas en França.

Lo Cedric el, manifestarà solet (enfin amb son pack de bièra) a Besièrs en 2011.

Rooh me butas pas de diser encara lo meu vejaire sus la manca de professionalisme de Montfort vau encara aver probleme lol

Mai seriosament es interessant lo teu argumentari, te sentissetz "minorisat de France" tu, per de que, France autorisa los franceses de parlar la lora lenga: lo frances

http://www.myspace.com/joan_cavalier

joan_cavalier


Trobador !!
Trobador !!
Lafontan a écrit:
Matieu a écrit:
30.000 occitans
A Paris ? Que saunejas...
Encara un còp cal legir, parli de 30.000 per Occitània tota amb 3 o 4 protèstas DECENTRALIZADAS + los basques, bretons, còrses...+ Paris, fa de segur entre 50 e 70.000 personas, es lo total que compta !

Sonatz lo SAMU, l'ome que faguet lo maridatge consanguin mentre Lafont e Fontan (cal negar lo nenet lol) se pren a d'ara per Castan......vas venir Lafontanstan l'ome ? lol

http://www.myspace.com/joan_cavalier

maime


Lemosin de prumiera !
joan_cavalier a écrit:Mai seriosament es interessant lo teu argumentari, te sentissetz "minorisat de France" tu, per de que, France autorisa los franceses de parlar la lora lenga: lo frances
Ben quò depend de ta vesença. Si tu penses que los occitans son pas una minoritat dins l'estat ente viven (Espanha, França, Itàlia), qu'es mas 'na nacion occupada, i a pas mestier de demandar l'applicacion daus drechs sus las minoritats (coma la famosa Charta europea) nonmas de demandar l'independencia, enfin, l'autodeterminacion, per aver son estat ente los occitans auran lo drech de parlar lor lenga (e que lor lenga ? i aura pas de minoritats en Occitània independenta ?).

http://ieumaitot.nireblog.com/

LaurençD


Occitan Warrior
Occitan Warrior
joan_cavalier a écrit:Mai seriosament es interessant lo teu argumentari, te sentissetz "minorisat de France" tu, per de que, France autorisa los franceses de parlar la lora lenga: lo frances
Ren comprés.


_________________
http://lacabraelolop.canalblog.com/

fredoc


Occitan Warrior
Occitan Warrior
LaurençD a écrit:
joan_cavalier a écrit:Mai seriosament es interessant lo teu argumentari, te sentissetz "minorisat de France" tu, per de que, France autorisa los franceses de parlar la lora lenga: lo frances
Ren comprés.

Jo tanpòc !


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

maime


Lemosin de prumiera !
Ben, me, ai compres que Cedric se considera pas coma minorizat de França perque Occitània es pas la França... Los occitans son pas la minoritat de França mas la majoritat d'Occitània. Conclusion : n'i a ren a demandar a França, qu'es quò Cedric ? Ai plan compres ?

http://ieumaitot.nireblog.com/

joan_cavalier


Trobador !!
Trobador !!
Vo dins un certs sens, ma coma soi pas utopISTE (lol) tanpauc, diriai mai que la meuna sang moldu (mitat ariejes, mitat aranes) e las meunas amistats frairalas (Sergio, Steo, Dado....) que se trapan del caire de l'estat italian, fan que me sentissi Occitan, Poble d'Europa mas pas dins "las minoritats francesas" (per esser clar, desnegui pas que la part d'Occitania dins la qual vivi es en France, ço que disi es qu'Occitania se limita pas a la termiera de l'Exagone (tatatan (aquela es de Yellow confessi) e que la limitar a d'aquo me balha l'impression d'escupir sus lo meu gran aranes e sus mos fraires de las valadas (e es tanben afortir coma lo digueri ja abanç la pausicion de "province" cap a Paris)

Aprep, respecti la pausicion de Zo, a cadun lo seu avejaire, ensaji pas de lo convincer tant coma pensi que lo paire de lo que me va convincer que soi un minoritat de france a pas encara plantat lo pipou dins la seuna maire

Amistats

Cedric

http://www.myspace.com/joan_cavalier

maime


Lemosin de prumiera !
De tot biais, crese que lo problema de compreesion ven de la question que nos pausem : la question es pas "de que far lo còp que ven" mas "que volem-nos ?". Finalament, sei segur que sem pas de consent sus quela question. Podem pas esser de consent sus lo "de que far ?".

http://ieumaitot.nireblog.com/

zo


Occitan Warrior
Occitan Warrior
maime a écrit:De tot biais, crese que lo problema de compreesion ven de la question que nos pausem : la question es pas "de que far lo còp que ven" mas "que volem-nos ?". Finalament, sei segur que sem pas de consent sus quela question. Podem pas esser de consent sus lo "de que far ?".

Pensi qu'as rason. Podriam pausar las nòstras idèias forra-borra ja, per veire sus que sèm d'accòrdi.
Comenci:

Vòli:
- Una plaça normala per l'occitan dins la vida publica, es a díser de mediás en occitan accessibles per totes e pertot. Dins un segond temps la presencia escricha de la lenga dins los comercis e escricha e orala dins las institucions publicas.
-L'ensenhament esistematic (e obligatòri) de l'occitan a l'escòla sus una basa de 3 oras per setmana tre la mairala e duscas a la terminala. A partir del segond grase aquò se podriá far tras una materia que demòra a determinar.
-La sensibilizacion del personal espitalièr (levandièras, infirmièras) e de las ajudas mairalas (dins las grépias tanben) a las ventajas de parlar una lenga regionala amai de la lenga nacionala.L'encorajament e la formacion de las familhas a la transmission de las lengas regionalas.
-Una ajuda a las entrepresas que meton en valor l'occitan (mas aquò s'adreçariá mai a de collectivitats localas que non pas a l'Estat, se pòt pas enclaure dins de reivindicacions generalas per las lengas regionalas).

Tot aquò sosentend plan segur un biais diferent d'abordar lo trabalh: formacion lingüistica dels foncionaris ( e donc accès facilitat als "locals" per aquestes pòstes ; pus besonh de montar a París),
creacion de pòstes de jornalistas , de tecnicians dins l'audio visual e l'informatica amb de basas d'occitan, de traductors, d'interprètas etc...


Se podrián dire mantunas causas sus la decentralizacion, mas sabi pas s'aurián lor plaça aqui e ara, que pensi que l'opinion publica es pas prèsta.

LaurençD


Occitan Warrior
Occitan Warrior
maime a écrit:Ben, me, ai compres que Cedric se considera pas coma minorizat de França perque Occitània es pas la França... Los occitans son pas la minoritat de França mas la majoritat d'Occitània. Conclusion : n'i a ren a demandar a França, qu'es quò Cedric ? Ai plan compres ?
Òsca Maime !


_________________
http://lacabraelolop.canalblog.com/

Alh Òli


Occitan Warrior
Occitan Warrior
Premier esplicar ai gents ce que son e significan lei lengas de França. Aquò es la debuta. Ensuita vendran lei questiens mai precisas. Premier educar la gent

zo


Occitan Warrior
Occitan Warrior
Òc-ben Alh òli as rason. Aquò es ja la primèra causa a far e es pas ganhat.
Far ja comprene qu'es pas perque avèm lo drech de parlar en lenga regionala qu'aquò sufirà per que las lengas regionalas se parlen.

Cò qu'ai dich mai naut passa aprèp solide.

Alh Òli


Occitan Warrior
Occitan Warrior
zo a écrit:Òc-ben Alh òli as rason.

Ai totjorn rason

joan_cavalier


Trobador !!
Trobador !!
Personaument sabi pas, parli pas ni una lenga de frança ni una lenga regionala tanpauc

http://www.myspace.com/joan_cavalier

Contenu sponsorisé


Voir le sujet précédent Voir le sujet suivant Revenir en haut  Message [Page 2 sur 4]

Aller à la page : Précédent  1, 2, 3, 4  Suivant

Permission de ce forum:
Vous ne pouvez pas répondre aux sujets dans ce forum