E la primaria alavetz ?

Primàrias del PS : de que vòlon los candidats per las lengas ?

Levat Manuel Valls, totes los candidats an balhat lor vejaire sus las lengas regionalas e çò que cal far per las salvagardar. La Setmana a recampat aquí lors idèas sus la question.

Martine Aubry : Una competéncia regionala
Coma o avèm escrit dins nòstre numèro 836, Martine Aubry s'es posicionada en favor de las lengas regionalas en preconisar l'ofèrta obligatòria a l'escòla e l'ensenhament a totes levat refús dels parents. Per ela, la solucion es de far de las lengas una competéncia de las regions. Per ela, la diversitat culturala pòt pas qu'ajudar al sentiment d'unitat nacionala.

Jean-Michel Baylet : Un engatjament clar
Dins sa responsa a La Setmana, Jean-Michel Baylet a primièr rapelat qu'es engatjat desempuèi d'annadas dins la defensa de l'occitan. Per el, « la salvagarda de las lengas regionalas passa pel desvolopament de las classas bilingüas ». Pensa que las collectivitats localas an un ròtle estrategic de jogar per lor desvolopament, e que l'estat deu sostenir e facilitar lors iniciativas (mai que mai per la formacion e lo recrutament de professors, e pel sosten d'eveniments cultural). Al nivèl legislatiu, pensa que cal anar mai luènh e far una lei-quadre per la reconeissença de las culturas regionalas.

François Hollande : Un estatut mas pas de co-oficialitat
Dins una entrevista acordada a Corse Matin, François Hollande afirma qu'es « per que las lengas regionalas sián reconegudas e parladas ». Ditz que s'es President de la republica, li calrà considerar una modificacion de la constitucion per poder ratificar la carta europèa de las lengas regionalas, mas en rapelar que la sola lenga oficiala es lo francés.

Arnaud Montebourg : L'Estat ne fa ja pro
Segon son estacat de premsa, Arnaud Montebourg signarà pas la carta europèa de las lengas minorizadas. A « un grand respècte per la causida privada de cadun d'aprene una lenga regionala », mas en resumit, anarà pas mai luènh que çò que se fa ja.

Ségolène Royal : Un ròtle economic de jogar
Quand es venguda a l'Estivada de Rodés, Ségolène Royal a dit que cal una lei per securizar l'existéncia de las lengas regionalas. Es per la ratificacion de la carta europèa de las lengas regionalas e lor ensenhament generalizat. Pensa qu'an tanben un ròtle economic important de jogar, que pòdon servir a la creacion de PME.

I. Mahmut a écrit: Mes bon, com serà pas presidenta, se'n fotem

I. Mahmut a écrit:Òc, un bon sobiranista a la Mélenchon.
Aunestament, soi estat un pauc susprès de l'anoncia d'Aubry de sistematizar l'ensenhament bilingüe. Mes bon, com serà pas presidenta, se'n fotem

Lafontan a écrit:
Serà benlèu 1èra ministra e per la lenga pòt èsser la fonccion màger per cambiar las causas....mas segur que res se farà sens rappòrt de fòrça politic, çò que mena a portar l'Eva lo plus naut possible. Cal saupre reconeisser sos amics vertadiers e Eva es convençuda de l'importancia de descentralizar per de bon e de las lengas e culturas de l'estat françés e enfin e sustot es la votz de l'onestetat politica.