ALERTA !

Prepausi una rubrica novèla per far de "lobing" quora n' i a mestier !

Per aqueste còp gaitatz lo jornal de France 3 Toulouse (France 3 Régions 0) , me sembla que merita una brava critica per son anti occitanisme, totas las reaccions son mai o mens negativas e s'acaba per un "Terminus Occitanie" es clar , non ? es a la minuta: 3'09""
http://jt.france3.fr/regions/popup.php?id=l31b_locale&video_number=1
Per reagir alprèp de la redaccion locala:
redaction.toulouse@france3.fr
e alprep de la mediacion nacionala:
http://relations.france3.fr/contact/form1_medinfo.php?chaine=france3

Lafontan a écrit:Prepausi una rubrica novèla per far de "lobing" quora n' i a mestier !

L'ideia seriá bona, mas lo forum es pas fach exactament per 'quò. Podem pas tròp au niveu actuau far veire una rubrica mai que las autras, donc n'en crear una especialament "Alertas" serviriá de ren. Per contra, quand i a quauquarren d'urgent, d'important, podes totjorn botar lo titre de ton subject en rotge e li balhar quela icòna : (N'as la possibilitat en naut, a costat dau nom que balhas a ton subject)
Senhale tanben que vau melhor botar quela anoncia au QUIÒSC, per la bona rason que lo module "News" present sus lo portalh (io m'en serve pas, mas los visitaires òc) tòrna prener los darriers topics de quela rubrica.

Francament comprèni pas ta malícia. Vèdi pas en qué ei escandalós, aqueth reportatge de France 3. Hè pas qu'amuishar la manca de cultura deus poblants d'Occitania per rappòrt a lor cultura, aquò ei pas la fauta deus jornalistas.

Matieu a écrit:Francament comprèni pas ta malícia. Vèdi pas en qué ei escandalós, aqueth reportatge de France 3. Hè pas qu'amuishar la manca de cultura deus poblants d'Occitania per rappòrt a lor cultura, aquò ei pas la fauta deus jornalistas.

Lo jornalista fa aquí una causida redaccionala perqué es vertat que i a reaccions d'aquela mena mas n'i a tanben de positivas e ieu n'ei ausit de pertot amai dins un estanquet amb de monde qu'èron pas occitanistas! Donc cal arrestar de se fa manipular per una tele afrancimandida e lo cal condemnar ! Se que non la reaccion del President de TISSEO es clara, veiran cossi se passa aquela mesa en plaça e encara un còp serà pas la realitat de las reaccions que va comptar, mas lo resson mediatic positiu o negatiu que li serà fait !

ai pas trobat la bona video...
lafontan, podes nos balhar la date, l'ora e l'edicion precisa dau jornau en question?

n'arribi pas a veder quan es...de tot biais que pareish, que la hèmna que parla dab l'accent espanhòu...

ok ai trobat me-mesme (merces, me sei minjat tres cops la publicitat per la feira au zenith!)
qu'es l'edicion tolosana dau diluns 21.
bon, e ben trobe que qu'es un reportatge de merda, segur que los jornalistas an un partit pres! aurian tanben pogut seleccionar (au montatge) lo monde qu'an degut dire: "c'est la langue du pays c'est bien qu'on l'entende!" o "ça me permettra d'apprendre quelques mots d'occitan, je prends le métro tous les matins!", segur que n'en an gut de reaccions talas, mas las an pas montadas... sens comptar que dau biais que qu'es montat, lo joune negre que itz "ça doit être une langue asiatique" e que ritz quante um li respond "c'est de l'occitan", prumier quo s'interpreta (son rire) coma un rire mocandier (mas benleu qu'eu ritz mas de la conaria qu'eu ven de dire)...
la chausida de l'anecdota dau prof sus los "tres cocuts" (alors que sei segur qu'eu parlet au jornaliste pendant 5 minutas e que diguet chausas mai instructivas...), bon ben qu'era pas necessari...
e efectivament, la conclusion "Occitan terminus", alora que l'autra dinda ven de dire que quo serv de ren, qu'aurian degut chausir l'ingles o l'espanhou, ben queu "Occitan terminus" es pas botat aqui per ren...

Donc efectivament un reportatge de merda!
Mas bon, sai pas s'aurai la força de lor escriure, perque de tot biais france3 regions es 'na chadena parisiana, ambe los 3/4 de jornalistas parisians o tot dau mens completament parisianisats... 'na brava merda!!! Qu'anessen se far fotre! (bon sai que qu'es pas ben constructiu, mas ne'n ai mon fais de passar ma vita a escriure a France 3, a França Blu, a França Inter eca...)

Oc-es la conclusion es merdosa... Enfin, la dròlla a rason, fau 'restar de parlar francés, qu'es l'angles la lenga imperialista aura !

Cresi, ieu, que lo garçon sembla mai estonat que ironic. Pensi que
n'avia pas imaginat que l'occitan pudie eisistir. Ambe sas origines, benleu, n'a pas entendut parlar l'occitan quant era pitchot.

..... Mas aquela femna e son inglès!!!

Amai! Aquo's aquo que m'a gonflat, ieu!
Que crese, aquela?
Que los pitchots seran mai integrats dins la societat ara que parlaran inglès o espanhol?
Lo dise de bon, aqueste molon de bestiassadas?
Crese, aquesta becassina, que los pitchos n'an pas pron de cervèl per aprene una lengua de mai? Benleu aquesta femna pensa que l'argènt es mai important que la cultura?
Cal pas desborona, non?

Enfin! N'avem pas acabat la luta per un monde mai apèrt a la famosa "diversitat"!

Lafontan a écrit:
Lo jornalista fa aquí una causida redaccionala [....]

Francament Lafontan, sias de faire una "redondance" vo lo jornaliste fa una causida redaccionala....ben escota es aquo l'objectivitat jornalistica, tu seras mai d'acordi amb una nova de la Setmana qu'amb certas de Charlie Hebdo, per tant la Setmana es tant subjectiva que Charlie hebdo (es pas una critica, fau lo jornaliste tanben es un dels dacos del mestier l'objectivitat eisista pas sem d'essers umans escriguem segon lo sentit nostre)...

Aprep es a l'occitanISME de balhar los miegjans als seus jornalistes de poder prener lo "poder de balhar la vertat qu'agrada al poble" tanben

Cedric

joan_cavalier a écrit:Aprep es a l'occitanISME de balhar los miegjans als seus jornalistes de poder prener lo "poder de balhar la vertat qu'agrada al poble" tanben

Sei de consent emb la resta de ton messatge mas 'qui, comprene pas. Vese pas coma l'occitanisme pot balhar quauqua-ren a un jornalista (mai de quilhs mejans parlas-tu ?). Es aus jornalistas occitanoparlants de balhar lor vertat, lor lectura dau monde, que serà plan differenta d'un jornalista a l'autre, aus occitanoparlants, non ?

Escotatz plan çò que ditz lo president de TISSEO: "....au travers de cette période nous verrons comment pérenniser cette action" trapi aquela declaracion plan mens encorajanta que çò que disiá debuta de setembre ont las anoncias oralas en occitan debian demorar aprèp lo festenal "Occitània" es donc de mai en mai important de reagir sul sit de TISSEO:
www.tisseo-connex.com/services/contact/
Recòrdi que lo reportage France 3 es lo 21 de setembre mas que va pas demorar longtemps en linha (2/3 jorns?) Es que qualqu'un me pòt ensenhar cossi l'enregistrar ? Sembla que i aje un logicial per aquò...

Pòs ensajar aquò:
http://www.clubic.com/telecharger-fiche11133-net-transport.html

maime a écrit:
Sei de consent emb la resta de ton messatge mas 'qui, comprene pas. Vese pas coma l'occitanisme pot balhar quauqua-ren a un jornalista (mai de quilhs mejans parlas-tu ?). Es aus jornalistas occitanoparlants de balhar lor vertat, lor lectura dau monde, que serà plan differenta d'un jornalista a l'autre, aus occitanoparlants, non ?

Ben escota (preni lo risc de me faire tustar dessus per Danis un cop mai per de que parli en plaça de monde pas presents mas pensi que d'unes coma Matieu o Yellow lo te podran confermar, de cops dins los medias occitanoparlants, passem mai de temps de dever nos tustar amb monde que serian sensat esser del nostre costat que nos escupisson dessus (sem duberts a la critica en tenem compte, çaquela de cops que i'a es de marrida fe)
Per te balhar un eisemple, me brembi d'un acampada far 2 ans a Rodes onte avem passat lo nostre temps amb una responsable de Radio Pais (Domenja ta la nomar pas lol) de nos pelejar amb lo monde que nos acusavian de la mena "las radios occitanoparlantas fan de merda, tenon una lenga pietadosa" e que quora lor esplicavian qu'erem una palanca un rampel pel monde per parlar la lenga e se melhorar (quant de monde an gausat tornar parlar la lenga e se melhorar mercés a Radio Lenga d'Oc, Radio Pais o Radio Occitania ?) o que lor parlavia de las condicions (las despachas que trapem venon d'agencias de premsa françimandas (quitament se ensajam de cambiar aquo amb la FIMOC) que son dreissadas als oraris francimants de TV (valent a diser la "messe du 13 heures) doncas las novas començan d'esser "frescas" del cant de 10o30 o 10o45, ço que nos daissa 1 ora un quart o 1 ora trenta, ta revirar nos fotre lo teste en boca e lo legir a l'antena) e que disi al monde "ben escotats diguetz que fasem de merda, vo es vertat de cops, ta entendre vos convidi de venir faire un jornal un jorn a la radio per coneisser plan la situacion" e que lo monde te respondon "ah ben non, i coneissem pas res, es pas lo trabalh nostre" as enveja de lor diser merda (me coneissetz plan per saber que ieu lo fau) se confessas que coneissetz pas lo meu trabalh, d'onte te permetessas de lo jutjar ?

Esperi que t'ai balhat lo sus ço que t'escapavia dins lo meu discors

Amistats

Cedric

D'accòrd. 'Na partida daus occitanistas s'ocupan mai de vòstre niveu de lenga que non pas de jostener l'utilitat sociala de vòstre trabalh. Mas, as-tu un retorn de tos auditors occitanoparlants, non militants ? Qu'es quò lo mai important per me. Peque, de tot biais, sabem plan que los jornalistas que siajan occitans o francés, saben pas parlar lor lenga e fan de las dechas tot lo temps

Lo noste tribalh, o ròtle de sensibilizacion e socializacion de la lenga qu'ei de mau negar, en efèit. Shens exagerar, ua ràdio qui parla occitan qu'ei un bon mejan tà d'aquò (sei pas se soi dens lo subjècte aquí) ..

Un novèl reportage sus TLT (tele de Tolosa)

https://www.youtube.com/watch?v=EWITOQBB-IY

Cal contunhar d'intervenir positivament sus lo siti de TISSEO, es important qu'es pas ganhat coma o pensavian la setmana passada
http://www.tisseo-urbain.fr/services/contact/

Messatge de felicitacion mandat !

siquenon, se parla deu festival OccitaniA d'en pertot, mes es lo son nom, o es tau coma l'EstivadA de Rodès ?

Òmi a écrit:Messatge de felicitacion mandat !

siquenon, se parla deu festival OccitaniA d'en pertot, mes es lo son nom, o es tau coma l'EstivadA de Rodès ?

Òsca per ton intervencion alprèp de TISSEO, per lo festenal que dison "OccitaniA" es efectivament coma per "l'EstivadA" i a encara de trabalh !

E mèrda, cresiái qu'era bon, ieu !!

Se pensatz que n'i aurà pas de reconeissença vertadièra de la nòstra lenga es a dire un estatut de lenga oficiala sens l'autonomía pels paises occitans, juntatz lo cortègi del Partit Occitan pel passa carrièra de Carcassona. L'autonomía es lo prumièr pas, indispensable e realisable dins l'Euròpa de deman. "Euròpa Ecología" que li sèm ligats nos a mostrat lo camin, deman sembla que dintrarèm dins los Conselhs regionals (los prumièrs sondatges balhan 17 % coma per las eleccions europencas, sembla mesme possible de passar davant lo PS dins d'unas regions coma Miègjorn Pirenèus !) E la question d'una politica linguistica es una question politica ! Alavètz ajudatz nos a botar en plaça un rapòrt de fòrça amb aquel monde dels partits centralisats. Cal pas s'enganar lo combat cultural solet i sufirà pas, avèm besonh de la vòstra ajuda, l'ora es venguda per un cambiament politic prigond !

Non, non, l'autonomia en Comic Sans, pòdi vertadièrament pas !

Lafontan president !

Cerièra de Mai a écrit:Non, non, l'autonomia en Comic Sans, pòdi vertadièrament pas !

Siás nomenada tre la setmana que ven coma responsabla de la PAO del POC !

Fai-me excusa, Lafontan, mas seria dins un autre cortegi, lo de GLT
Occitan lenga co-oficiala !

Te vas mancar lo cortègi mei joen e mei dinamic de la manif !



Volem Viver e decidir au pais !!

Benleu... Mas serai benleu dins lo mai musicau... T'en dise pas mai, veràs dissabde
De tot biais, vos 'nirai veire los pitits !!

(ai trobat de trabalh !!)
(espèri que pagan plan, lo Pòc !)

Cerièra de Mai a écrit:(ai trobat de trabalh !!)
(espèri que pagan plan, lo Pòc !)

3,4 som som veni veni veni...........lol

Cerièra de Mai a écrit:(ai trobat de trabalh !!)
(espèri que pagan plan, lo Pòc !)

Io me contentaria de dire :

"Espèri que pagan..."