OCCITANIA !! Forum


Vous n'êtes pas connecté. Connectez-vous ou enregistrez-vous

Comunicat de premsa Libertat

Aller à la page : 1, 2  Suivant

Voir le sujet précédent Voir le sujet suivant Aller en bas  Message [Page 1 sur 2]

1 Comunicat de premsa Libertat le Ven 2 Oct - 12:07

capbreton


Occitan Warrior
Occitan Warrior
Motivat entà passar ua etapa navèra, hòrt de 15 ans d'experiéncia, s'es tengut lo 19 de seteme 2009 lo Congrès de refondacion deu moviment de l'esquerra revolucionària occitana. Lo respècte
deu dret a l'autodeterminacion, un monde shens classa e la solidaritat internacionau son las basas deu naveth moviment panoccitan LIBERTAT.

Deus debats deu congrès de formacion n'es sortida la volontat de tribalhar dens los mes que vienen las arrevendicacions de l'autonomia per l'Occitània sancèra, de miar ua arreflexion sus
l'amenatjament deu territòri, de lutar per la justicia sociau e d'aprestar candidaturas entà las eleccions a viéner.


A l'encòp d'aquestas arrevendicacions, LIBERTAT que va lançar discutidas per un projecte de basas politicas que deurà respóner a totas las problematicas actuaus.

Après la Gasconha, lo congrès a viéner se debanarà en Lengadòc lo 12 de deceme dab l'objectiu d'afinar lo foncionament de l'organizacion. Qu'aperam las gents interessadas a participar a la construccion deu naveth moviment de liberacion d'Occitània.


Totun, en esperar
deceme, qu'aperam a la manifestacion de Carcassona, a maugrat qu'estossi
organizat en Lengadòc peu tresau cop consecutiu aqueth rendetz-vos vitau per l'occitan. La revendicacion que portaram a Carcassona es simpla, shens esperar mei, que volem l'Occitan Lenga Oficiau !



Volem viver e decidir au pais!

Libertat, esquèrra revolucionària d'Occitània

2 Re: Comunicat de premsa Libertat le Ven 2 Oct - 13:40

Tavaneta


Leberonet
Leberonet
De qu'es aquò "esquèrra revolucionària d'Occitània"?
N'avem d'aquò, dins l'Erau?
Aquò's per faire petar lo Frêche? Aquò, òc, lo vòle ben, ieu! Amai! m'en aniriai quère lo fusil de mon pépé, per ajudar!

Seriosament, Aquò's per faire una revolution? Anem faire tot petar? Ambe las armas e tot aquò? N'avem una armada occitana?
Compreni pas, ieu.

Se qualqu'un me pòt esclarcir las causas?

EDIT : Aquò va plan, ai entendut. Ai trapat vòstre site.
Se n'i a d'autres coma ieu, aquì lo traparatz :

http://pagesperso-orange.fr/anaram/

Adieu

3 Re: Comunicat de premsa Libertat le Ven 2 Oct - 14:02

maime


Lemosin de prumiera !
Non, i a pas de volontat de prener las armas, mas de se presentar a de las eleccions !!! Benleu per las regionalas, t'auras la possibilitat de far petar lo Frêche en votar per ilhs !

Crese qu'aqui tot lo monde coneis Libertat perque n'i a pas mau de militants de queu movement sus lo forum. Mas, de tot biais, fau esperar un pauc, que lo projetc politic sia mai definit.

http://ieumaitot.nireblog.com/

4 Re: Comunicat de premsa Libertat le Ven 2 Oct - 14:21

Danís


Adjudant
En tot cas, la reaccion espontaneia de Tavaneta montra que i a benleu un problema dins lo messatge passat dins lo comunicat, s'es estada oblijada d'anar veire sus lo blog per esclarcir las chausas... enfin, io dise 'quò, dise ren...

5 Re: Comunicat de premsa Libertat le Ven 2 Oct - 15:21

Tavaneta


Leberonet
Leberonet
Aquel va èsser mon messatge "numéro 3", que Firefox escampa tot aquò qu'escrive, ara! Sem propres!

Bon.
Escriviai ieu que n'avia pas plan entendut la palabra "revolutionarià", qu'avia cregut que ara, n'aviem una ETA occitana! Aquesta palabra m'a plan fat paur. Quant l'ai vista, me soi dit :"De qu'es aquel travalh? N'avem de bombas, ara? N'avem de kalachnikovs?"

Mas ara, ai plan comprit.
Aquò's que soi naguda dins la bauca, ieu, compreni plan, mas cal expliquar longtemps!

Anem, espere qu'aqueste còp, Firefox envejerà mon messatge!

A leu!

6 Re: Comunicat de premsa Libertat le Ven 2 Oct - 22:40

maime


Lemosin de prumiera !
Danís a écrit:En tot cas, la reaccion espontaneia de Tavaneta montra que i a benleu un problema dins lo messatge passat dins lo comunicat

Qu'es un texte politic. Qu'es pas totjorn aisat de comprener... Emai qu'es sovent cagant un texte politic !!!

Tavaneta a écrit:Escriviai ieu que n'avia pas plan entendut la palabra "revolutionarià", (...) Aquesta palabra m'a plan fat paur.

Ne'n fau pas aver paur dau mot "revolucion". Quo vou pas dire "lucha armada" mas "chamnhament dau monde". E lo mot Libertat es un pauc revolucionari, finalament !

Libertat de viure dins nostra lenga.

Libertat de viure e trabalhar au pais sens qu'un tipe, un riche, te disa "I make more money selling the factory than paying the workers". Bon, lo tipe es pas forçadament american, es parisian, tolosan, marsilhes, mas plan riche e quo fai mielh de parlar ingles que non pas frances e occitan encara mens !

Libertat de minjar los produchs dau pais, sens esser oblijat de far venir la noiridura de China o dau Pero perque es mens char que de 'chaptar ço que fai lo paisan d'a costat.

Libertat de viure sens qu'un tipe te disa "Sois réaliste petit". Ne'n vole pas d'un realisme que fai crebar de fam los drolles.

Per me, qu'es quo, que volia dire lo mot "revolucionaria". Dire aus riches, aus poderos : "Aura, om va 'restar las conarias !" E construir quauqua-ren de mai brave, mai juste. Quauqua-ren que podriam 'pelar... sab' pas... Occitània ?

http://ieumaitot.nireblog.com/

7 Re: Comunicat de premsa Libertat le Sam 3 Oct - 0:23

Zengi


Trobador !!
Trobador !!
Maime a tot dit Clucant

Per jo estar revolucionari ei fin finala qqren de pro banau.

Aqueth imatge deus revolucionaris, lo coteth en las dents, ei mantienguda de faiçon volontària per los qui vòlen pas cambiar las causas.

E aus qui pensan qu'èm utopistas, disi qu'ei mensh utopic de voler cambiar de societat que de créder en la refòrma deu capitalisme.

Lo temps n'ei pas au reformisme moligàs Clucant

8 Re: Comunicat de premsa Libertat le Sam 3 Oct - 16:15

admin


Trobador !!
Trobador !!
Se vòs n'en saber mei sus Libertat, pòs anar suu blòg de la seccion Gasconha-Nòrd per exemple http://ahuec.wordpress.com/


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

9 Re: Comunicat de premsa Libertat le Sam 3 Oct - 22:53

Cerièra de Mai


Trobador !!
Trobador !!
O la del lengadòc >> http://libertatlengadoc.wordpress.com/

10 Re: Comunicat de premsa Libertat le Dim 4 Oct - 9:39

Tavaneta


Leberonet
Leberonet
E perque d'esquerra? Perque pas de tots los occitans ensem?

11 Re: Comunicat de premsa Libertat le Dim 4 Oct - 10:43

fredoc


Occitan Warrior
Occitan Warrior
Tavaneta a écrit:E perque d'esquerra? Perque pas de tots los occitans ensem?

Dilhèu per'mor son d'esquèrra. Me sembla ua bona rason, non ?


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

12 Re: Comunicat de premsa Libertat le Dim 4 Oct - 10:56

Tavaneta


Leberonet
Leberonet
benlèu que òc

13 Re: Comunicat de premsa Libertat le Dim 4 Oct - 11:30

ceba e roi


Guelha de bonda
Guelha de bonda
Tavaneta a écrit:E perque d'esquerra? Perque pas de tots los occitans ensem?

òc-es, enfin una bona question...

e puish, tant qu'i èm, perqué occitana ? perqué pas de tota l'euròpa ? viva l'amistat entre los umans, fotrediu ! perqué se limitar aus occitans : per cambiar lo monde, que'ns cau amassar tots : lo monde de dreta, lo monde d'esquèrra, los occitans, los parisencs, los islandes ?

mei seriosament, tavaneta, anores demandar au moment de la formacion deu NPA perqué i avè "anticapitalista" dens l'intitulat ? e perqué èran d'esquèrra ? e perqué s'amassèvan pas dab tots los francés, d'esquèrra com de dreta ? e çò que volèn : winchesters o kalashnikovs ?

tavaneta, sabi pas l'amira de las toas questions, mès enfin !


_________________
La ceba fai bèure e manten la sed

14 Re: Comunicat de premsa Libertat le Dim 4 Oct - 12:55

Zengi


Trobador !!
Trobador !!
E perque d'esquerra? Perque pas de tots los occitans ensem?
Per'mor personaument, n'èi pas arren a foter dab un occitan de dreta qui pensa que lo sistèma en lo quau vivem ei lo bon.
Tot com n'ei pas arren a foter dab un tipe qui vòu cambiar lo monde shens préner en compte las identitats de cada país Risolet

15 Re: Comunicat de premsa Libertat le Dim 4 Oct - 15:30

Tavaneta


Leberonet
Leberonet
Ai balajat mon messatge.

Ne vòli pas emmerdar lo monde amb mas questions atal bestiassas.
M'en vau.
A leu!

16 Re: Comunicat de premsa Libertat le Dim 4 Oct - 17:57

fredoc


Occitan Warrior
Occitan Warrior

Òsca Matieu !! Ès content ?!

Aquiu ua persona qui s'interessava au movement occitan(ista) e qui se'n va per'mor de tu !


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

17 Re: Comunicat de premsa Libertat le Dim 4 Oct - 18:43

Zengi


Trobador !!
Trobador !!
B'ès con o qué ? Se'n va pas pr'amor de mon messatge hé !

18 Re: Comunicat de premsa Libertat le Dim 4 Oct - 20:20

ceba e roi


Guelha de bonda
Guelha de bonda
Fredòc, credi pas qu'avossi dit se n'anèva...O parèir n'èi pas compres ?

Après, si se'n va pr'amor deu mon messatge, lavetz... es atau, atau es !

Desolat sui, si Tavaneta s'es vexada pr'amor de jo, mès totun... Demandar perqué un moviment d'esquèrra es d'esquèrra, a un moment cau aver limites dens la pedagogia ! Vam pas demandar aus d'Emgann perqué son d'esquèrra, e perqué vòlen pas bastir un front nacionau breton !!!

Susquetot las responsas a las soas questions se trobèvan dens lo comunicat ("anem faire tot petar ? ambe las armas e tot ? " >> responsa "volem aprestar las eleccions a viéner" ; perqué d'esquèrra ? >> responsa "un monde shens classa e la solidaritat internacionau son las basas deu naveth moviment panoccitan") ! Lo problèma de comunicacion mencionat per Danís, pensi pas qu'existissi. Tot èra explicat dens lo comunicat, e clarament ce'm sembla.

Mei d'aquò, si la gojata hugís tantlèu quauquarres la chaca un chicòi, n'i podem pas arren...


_________________
La ceba fai bèure e manten la sed

19 Re: Comunicat de premsa Libertat le Dim 4 Oct - 21:08

Danís


Adjudant
ceba e roi a écrit:Lo problèma de comunicacion mencionat per Danís, pensi pas qu'existissi. Tot èra explicat dens lo comunicat, e clarament ce'm sembla.

Lo probleme es pas dins las ideias, que efectivament son pausadas planher, ams au niveu dau vocabulari. Tavaneta s'es 'restada sus daus mots que son aps forçadament emplejats dins un sens "normau" (vòle dire abituau) per ela, e me sembla qu'es pas la sola dins queu cas...

20 Re: Comunicat de premsa Libertat le Lun 5 Oct - 7:52

capbreton


Occitan Warrior
Occitan Warrior
hehe ier Danis qu'avem avut aquesta discutida. Ceba e Roi que vien de har ua bona responsa.

Si Libertat s'era sonque aperat lo moviment d'esquerra occitana, coneishi plan de mond que ns auré demandat perque em sociau democrat com lo PS.

Ne podem pas tostemps responer har mond com Tvaaneta.
Que devem tribalhar. Que 's lo triblah locau, nacionau e internacionau de LIbertat que va muishar si em de esquerra, revolcionari e occitans

21 Re: Comunicat de premsa Libertat le Lun 5 Oct - 8:59

Tavaneta


Leberonet
Leberonet
Aquò's ieu qu'ai pas compres e mai, qu'ai mal explicat, encara.

Aquò's aquò :
Per ieu "esquèrra" e "dreita", aquò's tot aquò de causas francèsas, pas occitanas. Aquò's de trobadas francèses que volan pas tròp dire grand causa per ièu. Perque n'avem tan votat a l'esquèrra dins ma familha (dempuèi au mens de tres generacions) que me mande, ara, perque sem totjorn dins la meteissa merda.
Ara qu'avem agut lo villatge d'esquèrra, lo canton e tanben la region d'esquèrra, ai plan vist que n'an pas mai fat per nosautres. (mas aquò's pas aquò que me faria votar a dreita, de segur).
Soi solament descoratgada amb tot aquò.

Quant ai escrivit, un pauc tròp legièrament ma question (qu'auriai fat melhor d'expliquar un pauc) "e perque d'esquèrra? perque pas de tots los occitans?" Ne vòlia pas dire que d'èsser d'esquèrra, aquò's pas plan ben!
Volià dire ieu que se vòlem d'èsser tots ensem per quicòm - e sai plan que serem tots "d'esquèrra" coma disen los francès, que pudiem pas d'èsser d'autre costat perque fan encara mens ben! - aquò me semblarià plan d'èsser solament tots ensem sens "étiquette" (qu'aquò lo sai pas dire en occitan ièu ).

A tanben, lo sai plan que la dreita n'a pas jamais fat pas ren de ren per nos! Aquò's pas ara que l'ai trobat, ièu! mas sai tanben que l'esquèrra nos a plan colhonats, nosautres.

Las ideas pudian pas èsser de dreita, aquò va plan, lo sai plan e soi d'accordi. Mas aquò nos força pas de prendr'una "étiquette" française, que sem libres d'inventar autra causa, benlèu.

E se tot aquò sembla pas plan intelligent, lo pòd' entendre, aquò, soi pas una granda politiciana et sembla tanben que soi pas una bona "théoricienne" tan pauc.

Mas era pas per tavanejar qu'aviai mandat mas questions, era per comprenner melhor.

Esperi qu'ara, aurai mièlh explicat et que veiretz que soi pas marrida e que soi pas per un còp un 'enemiga de vòstre partit.

Me cal mandar mas questions antès d'anar votar, qu'aprèp es pas pus leu lo moment.
Soi coma aquò e ne me pudiriai pas jamai cambiar.

E se mas questions an emmerdat, n'en soi pas fièra tanben.

22 Re: Comunicat de premsa Libertat le Lun 5 Oct - 10:06

fredoc


Occitan Warrior
Occitan Warrior
Tavaneta a écrit:
A tanben, lo sai plan que la dreita n'a pas jamais fat pas ren de ren per nos! Aquò's pas ara que l'ai trobat, ièu! mas sai tanben que l'esquèrra nos a plan colhonats, nosautres.

Ben n'ei pas vertat ! La dreta qu'a hèit au mensh autant tà la lenga com la gaucha. Los qui an hèit avançar l'encausa de las lengas regionaus en Hrança que son sovent de dreta, mentre que los movements militants e son màjament de gaucha.
Aquiu l'alh !

E sàpias que los autes país parlan tanben de dreta/esquèrra, shens que en França.


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

23 Re: Comunicat de premsa Libertat le Lun 5 Oct - 10:10

admin


Trobador !!
Trobador !!
Vertat, la drèita e l'esquerra francesas de uèi non volen pas díser gran causa, faussadas per un PS capitalista, un Front de Gauche Melanchoniste , ... . Totun, Libertat se plaça dens l'encastre de l'Estat francés, pr'amor uèi-lo-dia, la mager part d'Occitània es dens l'Estat francés. En mei d'aquò, un partit que parla sonque d'una partida de l'Estat francés, per politic francés, es un partit "regionalista/tradicionalista/folclorista". Libertat ensaja de's demarcar d'aqueth estat de hèit en aficant lo son ancratge a l'esquerra.
çaquelà, non cau pas desbrembat que Libertat es un partit panoccitan, que non se limita pas a las termièras de l'Estat francés.



Dernière édition par Òmi le Lun 5 Oct - 10:28, édité 1 fois


_________________
Tant d'annadas aviái somiat
Al mòble en kit crompat a But !
Mas en lo montant l'ai petat !
Ai, Cocut !

Pau DELERMÀS-FIGORNIÈR
http://omidelafotografia.wordpress.com/

24 Re: Comunicat de premsa Libertat le Lun 5 Oct - 10:11

occitaneta


Occitan Warrior
Occitan Warrior
La question dreta/equerra n'es pas qu'un hèit frances. Après de segur, los de Libertat ne s'arretroban pas dens çò que perpausa la dreta francesa, ni mei espanhòu o italiana.
Totun, si lo monde de Libertat causeish de's definir d'esquerra, es pr'amor que'us son. E si n'es pas un moviment "shens etiquetas" es que Libertat es tanben un pròjecte de societat, que s'interessa donc a l'Occitania e l'occitanisme, mes tanben au sociau. Es mei que mei sus aquesta question qu'es important d'estar d'esquerra, pr'amor es autant important de víver dens ua societat ont'ns podem espandir dens la justicia sociau (es a díser shens capitalisme, shens fascisme... etc etc), e tot aquò los moviments e/o partits de dreta que son luenha d'ac garantir !

25 Re: Comunicat de premsa Libertat le Lun 5 Oct - 10:43

Tavaneta


Leberonet
Leberonet
De segur, aquò's un pauc mai complicat qu'aviai imaginat. Ne conneissi pas pro las causas politicas, auriai mièlh fat de legir mai de "posts" e de "blog" davans de pausar mas questions.

Aquò's aquò que vau faire quand parlarem de politica, mas ai enveja de legir tot aquò que disetz aicì, vosautres, qu'aquò me fa plan calcular e comprener mai de causas.

Vau me taiser un pauc e legir un pauc mai.
E benlèu traparai una bona rason d'anar votar lo còp venen, qu'ai pas pus votat dempuèi d'un pauc de temps, ièu.

26 Re: Comunicat de premsa Libertat le Lun 5 Oct - 10:53

Zengi


Trobador !!
Trobador !!
Lo mei important ei pas de votar mes de s'engatjar ! Clucant
Com "estar d'esquèrra", se declara pas, se prova Risolet

27 Re: Comunicat de premsa Libertat le Lun 5 Oct - 11:05

Tavaneta


Leberonet
Leberonet
Matieu a écrit:Lo mei important ei pas de votar mes de s'engatjar !
Com "estar d'esquèrra", se declara pas, se prova

Aquò m'agrada!
Votarai per tù!

28 Re: Comunicat de premsa Libertat le Lun 5 Oct - 11:14

Alh Òli


Occitan Warrior
Occitan Warrior
Dèvi deduire de ce qu liègi que segon vos: occitan= de gôche?

vò es-ti la grippa que mi fa delirar?

29 Re: Comunicat de premsa Libertat le Lun 5 Oct - 11:18

maime


Lemosin de prumiera !
Mas non... I a daus occitans de drecha, emai daus jòunes occitans animators de radio que minjen dau MacDo !!!!

http://ieumaitot.nireblog.com/

30 Re: Comunicat de premsa Libertat le Lun 5 Oct - 11:25

Zengi


Trobador !!
Trobador !!
Content
Alhòli as pas comprés pensi .. Occitania ei com tots los pais deu monde: i a de soc dem, de conservators, de revolucionaris e de fascistas ..

31 Re: Comunicat de premsa Libertat Aujourd'hui à 12:40

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 2]

Aller à la page : 1, 2  Suivant

Permission de ce forum:
Vous ne pouvez pas répondre aux sujets dans ce forum