Ofèrta d'emplec per lo labèl occitan

Descripcion del pòste: Aquela persona aurà en carga de desvolopar lo labèl occitan sus la region Miègjorn Pirenèus en prioritat e de respondre a las demandas de tot lo territòri occitan. Es un pòste polivalent centrat mai que mai sus l’activitat comerciala de venda del labèl a las entrepresas, sindicats, associacions...qu’utilisan la lenga occitana, amb un seguit de sa gestion e tanben de la comunicacion en relacion amb l’Institut d’Estudis Occitans «nacional».
Competéncias requesidas :
- estar ben dins las relacions comercialas e umanas amb qualitats d’analisi e d’escota.
- capacitat a trabalhar en autonomia.
- coneissença de l’occitan (oral, escrit) e de la cultura occitana.
- coneissença de l’informatica/burotica.
- gestion e administracion del labèl. (secretariat, seguit dels comptes...)
- mobilitat e disponibilitat (desplaçaments, amassadas)
- nivèl d’estudis minimum: bac
- permès de menar
- viure dins la region Miègjorn Pirenèus.
Tipe de contrat : CDD d’1 an.
- Durada setmanèra del trabalh : 17°30
- Salari : SMIC amb fraisses pagats per començar. Evolucion possibla...
- Debuta del contracte de trabalh : tre lo 1er de genier de 2010

Letra de motivacion e CV de mandar abans lo 15 de novembre 2009 a :
OFICI per l’occitan
42, carrièra dels blanquiers / rue des blanchers 31000 TOLOSA

Los trabalhs propausats pels occitans m'espantan totjorn: flexibilitat, precaritat, mal pagat.

Vertat es que l'occitan es una ventaja per trabalhar!

De que vos lo capitalisme es l'espletation de l'ome per l'ome, l'occitanISME es l'encontrari lol

Aprep de vertat que podriam charrar d'aquo, te podi diser per avec lo cuol mentre doas cadieras (soi un drin "patron" tanben) la situacion es de veser del dos cants del miralh mentre miegjan vertadier e volontada vertadiera de perenisar lo monde (e de cops mentre voler e poder i'a un monde) e lo costat "usatge d'emplecs kleenex"

Amistats

Cedric