Comunicat de Gardarem la Tèrra en País Lemosin sus la LGV Limòtges - Peitieus
Site web :
http://limogespoitiers.com/
http://gardaremlaterra.free.fr
Los membres de Gardarem la Tèrra en País Lemosin decideren de jùnher
lo collectiu ciutadan opausat a la LGV Limòtges - Peitieus. 'Queu
collectiu reünís de las associacions ciutadanas, ecologistas,
altermondialistas, daus partits de mança, ecologistas e occitanista
mai daus sindicats. S'opausan au doblament de la linha Limòtges -
Peitieus actuala per 'na linha granda velocitat.
Nòstre movement altermondialista occitan nascut sus lo Larzac en 2003
defend un amainatjament democratic daus territòris emb daus objectius
sociaus e ecologics : proteccion daus mitans naturaus, desvelopament
daus transpòrts collectius mai dau charreg ferroviari, … Lo project de
LGV directa entre Limòtges e Peitieus correspond pas a 'quilhs
objectius :
- la creacion d'una linha novela aurà un impacte important sus lo mitan naturau
- la degradacion de la linha actuala oblijarà los lemosins e los
peitavins de prener lors veituras par 'nar trabalhar
- la linha novela permetrà pas lo desvelopament dau charreg ferroviari
- la Creusa mai l'Indra seràn mai isoladas daus mejans de transpòrts ferroviaris
- las populacions lemosina, peitavina mai berrigauda ne'n vòlen pas e
s'opausan a 'na granda partida de lors elegits locaus.
'Laidonc, Gardarem la Tèrra en País Lemosin defend lo project
alternatiu dau collectiu :
- optimizacion de la linha POLT ( París – Orleans – Limòtges – Tolosa)
- renovacion de las linhas actualas coma Limòtges – Peitieus e Bordeu – Lion.
Devem construir ensems, a partir de chas n'autres, un monde mai
juste, mai solidari e vertadierament democratic.
Site web :
http://limogespoitiers.com/
http://gardaremlaterra.free.fr