L'occitan al salon de l'agricultura

Sabi pas s'avem ja parlat de Viure al Pais (l'emission) aici. Se pòt plan faire lo morre, d'efièch los reportatges son pro sovent un chic bufècs, ça que la demòra quitament lo sol biais d'ausir d'occitan a la telé (sens jos-titols !), e en mai d'aquò la lenga dels jornalistas es fòrça agradiva...

Çò desesperant es de veire coma mancan de monde per parlar occitan davant la camerà, que son sovent forçats de copar amb d'entrevistas en francés. Se sentis plan que la lenga se degalha de pertot.

Pasmens, de còps que i a, se pòt veire de tipes que parlan una lenga de biais, apresa a l'ostal, e aquò te fa un gaug... Era lo cas amb aquel reportatge al salon de l'agricultura ("la boriassa") : http://jt.france3.fr/regions/popup.php?id=m31a_vap (es lo tresen, a la fin de l'emission)

Gasconha e Roergue !

Voé, ei lo sol dequerò en òc de tota la setmana televisada, aquò empacha pas que l'espii pas mei, n'èi hartèra de cader sus reportages patrimoniaus qui m'interessan pas jamei.
Espèri pas cada setmana un jornau nacionalista occitan, mes shens voler balhar leiçons (pensi pas estar plan plaça per aquò), pensi que's poderé trobat subjèctes mei passionants.
Aquò's parièr per lo "Punt de Vista" ..

(Lo reportage deu Salon de l'Agricultura ma pas passionat tanpòc)

Mateu,

Saps tu (tant coma ieu) coma es malaist de tombar reportatges radios cada dia dins d'estructuras "favorablas a l'occitan", alavetz tombar subjectes cada setmana a la TV pensi que bota encara mai pression.....

Pensi que VAP es coma Radio Occitania, Radio Pais, o Radio Lenga d'Oc Montpelhier, se podria faire mielh, los jornalistes voldrian faire mielh, mas fan coma podon amb los miegjans que tenon......

aviài vist lo reportatge sul salon de l'agricultura quora foguèt pel primièr còp. foguèt plan interessant amb de personas que parlan naturalament occitan. Es vertat qu'es pas totjorn aisit de tot comprendre.

per ço que pertoca las radios, i a tanben Radio Lengadoc Narbona, amb de "jornalets" a miègjorn e 6 uras de l'aprèp dinada, e benleu 1 ura e 7 uras:

95,5 mhz e lengadoc.eu

Vo ten rason ai desbrembat RLO Narbona, Albiges e pensi/esperi d'autres

As rason Cedric, lo cau préner per ua critic "constructiva". Ei enveja de véder progressar aqueras emissions òc televisadas, sabi plan qu'e pas aisit, e sabi plan que los jornalistas responsables d'aquò an pas tròp mejan de har çò que vòlen ..

Parlèri de RLO Narbona perque lo vejaire de los jornalets es original, es pas un "copiat-pegat" de l'actualitat francesa.
Bona escota! coma dison..

Ben escota coneissi pas plan lo trabalh de RLO Narbona (an tendencia de pas aver trop l'enveja de se mesclar amb lo de mai de las radios occitanas (soi plan plaçat per t'en parlar, soi ieu lo president de la Federacion dels Medias Occitans aprep aquò es de "cosina a l'endadins" ) aprep per aver discutit amb lo Ricard Cathala, i'a d'unas pausicions que partatgi pas amb el (lo costat "sem medias "underground" (coma se dit en frances) el far ço que vol de la seuna radio, sabi que nosautres a Radio Occitania (e pensi qu'es parier per las autras) volem pas faire radio "underground" fasem un media "normau" coma se faria dins la lenga que vos (ingles, castelhan, italian, russe o patagones) lo fasem en occitan es tot).

I'a tanben lo costat (mas que se trapa dins d'autres medias associatius) "Ieu sabi ço que volon los meus ausitors" (te confessarai que sabi pas brica ço que volon los 16000 ausitors/setmana de Radio Occitania, e cresi que totun ven querer en ço nòstre quicòm de different)

Aprep i'a mantunes biais de veire lo fach de faire de radio en occitan, cadun ten la seuna filosofia e lo seu biais de faire (çaquela te podi diser que quora mesclam tot aquò (far d'unas annadas que lo fasem a l'estivada, ieu m'en vau lo tornar faire amb RLO Mtpl la setmana que ven per la Feria de Besiers e lo deuriam faire per d'autres manifestacions leu (podi res diser pel moment, en sem encara a las tractacions) es un plazer de trilha (pensi pas que Matieu nos dira l'encontrari) )

Soi un petiton escotaire, senhèr president :-), soi pas en capacitat de parlar sus lo Païsatage Radiofonica Occitan. Simplament, es la meuna radio "locala"; de mai, amb la meuna connexion MTC (malhum telefonic comutat), podi pas escotir la teuna radio, cal 48 kbit/s, ara teni a pauc prèp 44, es la festa! RLO Narbona difusa en 24k, ara l'escoti faguent aquest messatge, e va plan.
Quora soi a Tlsa, m'agrada plan t'escotir, sus las ondas..

voli pas faire lo balhaire de leissons, te balhi lo meu avejaire, apondrarai pas qu'una causa : osca pel josten que menas a la tua "radio locala" francament quora vesem coma nos fasem escupir dessus pel mitan (e totas RLO Narbona e Montpelhier, Radio Pais, Radio Occitania, quitament VAP) far plazer de veser que i'a monde ta nos jostener

ausiguèri personalament de mesprès per VAP, "aquò es de francès mau revirat, es pas d'occitan vertadièr, eca.." mas èra qualqu'un que pensa pas brica a la transmission de la lenga..

Contesta interessanta mas qu'es plan luenh del subjecte primier, alavetz e que pensatz qu'ameritaria la dubertura d'un autre topic ?

es vertat qu'avèm fait de camin, mas ai pas grand causa d'autra de dire....

Ai quitat de legir La setmana un pauc per la meteissa rason qu'agachi plan rarament viure al païs: de subjèctes tròp militants d'un costat, tròp passadistas- tradicionalistas de l'autre... En brèu, tròp occitanistas e donc incapables d'interessar lo monde.
çò que me tua es que me soveni d'una entrevista dins la setmana d'un tipe (gallés cresi) que disiá que per qu'un mèdia dins una lenga minorizada marchèsse, lo caliá far tot simplament dins la lenga sus de subjèctes divèrses e variables e non pas sus la lenga (o sonque sus la cultura locala) si que non lo public i èra pas jamai e los projèctes fracassavan. Exactament lo contrari de çò fan los occitans...
Bon aprèp compreni que las constrenchas orarias e budgetarias de viure al país sián pas una ajuda per bastir una programacion interessanta.

trobi que tant dins la setmana que dins VAP, i a quicòm qu'es pas dins los autras medias, aquò me va plan.

zo a écrit:Ai quitat de legir La setmana un pauc per la meteissa rason qu'agachi plan rarament viure al païs: de subjèctes tròp militants d'un costat, tròp passadistas- tradicionalistas de l'autre... En brèu, tròp occitanistas e donc incapables d'interessar lo monde.

Aprep cal faire la diferencia mentre medias de volontat occitanISTE , medias que fan coma podon (valent a diser pagat pel servici public (cf una de las revendicacions d'Anem Oc) que fan dins l"occitan "thentique qu'agrada al monde" e medias associatius normaus que gauson parlar pates..... mas bon aquo es una autra contesta....