Soi pas briga especialista deu Tarn, i èi pas jamei botat un pè. Totun, petit comentari subjectiu : ma gran i es nascuda en 1924, e a après la lenga d'un biais quasiment passiu. Èra certes una lenga de comunicacion, mes dejà ad aquesta epòca, la soa mair a pas près lo partit de li apréner. Precisi qu'èra un mitan paisan e paure, dens un quartièr non urbanizat de La Vaur e que son partit víver a Tolosa a la debuta de las annadas 30. Sa lenga mairau es donc lo francés (quan la deus sons hrair e sòr ainats es l'occitan), e a après l'occitan "sur le tas", pr'amor èra totun parlat per la societat.
Donc per resumir, pró de preséncia de la lenga en las annadas 20-30 per un aprentissatge imersiu, mes dejà los purmèirs signes deu cambiament.
Èra subjectiu, mes seré interessant de saber se d'autes parcors en d'autes parçans son similars.