OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum

Le Deal du moment : -50%
-50% Baskets Nike Dunk Low
Voir le deal
64.99 €

Vous n'êtes pas connecté. Connectez-vous ou enregistrez-vous

anniversari

+15
Arf
Alh Òli
Barbet
Einucent
Sokolovic
maime
Zengi
Cerièra de Mai
Qualqu'un mai
Tiston
Lo ton vesin
admin
clafotis
Mertyl
Marxelin
19 participants

Aller à la page : 1, 2, 3, 4  Suivant

Aller en bas  Message [Page 1 sur 4]

1anniversari Empty anniversari Sam 20 Juin 2009 - 19:15

Marxelin

Marxelin
Occitan Warrior
Occitan Warrior

Sèm en 2009 e aquest an farà 30 ans al mes de decembre (lo 19) que Francés Fontan moriguèt. Soi pas del P.N.O e combati la pensada liberala e estreita d'aquel partit mas aimi plan aquel personatge que revelhèt l'occitanism dins las annadas 50-60 qu'èra endormit dins sos planhs rossaistas (de J-J Rousseau). Soi pas d'acòrdi amb sa doctrina tota que trapi embarrada e racista mas, Fontan diguèt primièr qu'Occitània es una Nacion e tirat de la pensada de Reich èra lo defenseire dels dreits dels omosexuals (l'èra). Pensi que en mai dins l'ultrà esquèrra a aquesta epòca i aviá pas mal de sexistas, Gaston Basalgas, ancian menaire de Luta Occitana (movement marxista leninista occitan) daissèt lo P.N.O quand aprenguèt l'omosexualitat de Fontan. Merita una plaça granda dins l'occitanism modèrne, influencièt pas mal de mond coma Gilabèrt Suberròcas que foguèt un modèl per pas mal de poètas de las annadas 70 amb sas "Cançons mauvolentas" e que conselhi de legir a totes los joves.
El fins a sa mòrt reneguèt jamai son combat fins l'Occitània liura, pas coma d'unes. Es pas lo cas d'unes coma lo Pèire Maclof (ancian responsable dins l'Estat francés del P.N.O, Fontan s'èra refugiat dins la Valadas) ara es professor de sociologia a l'universitat Paris-Dauphine e participèt a una enquista del govèrn Villepin (òsca).
Vos daissi amb una citacion de Francés "Maò" Fontan : « à la jeunesse d'Occitanie, pour qu’elle ose être elle-même, pour la première fois depuis 700 ans, à la jeunesse du monde ».

Precision : Fontan parlava pas occitan.

http://www.anaram.org

2anniversari Empty Re: anniversari Dim 21 Juin 2009 - 11:09

Mertyl


Occitan Warrior
Occitan Warrior

Un tipe que parla pas occitan e que crei en un estat occitan basat sus una lenga comuna tròbi aquò estranh.

http://www.occitanews.com

3anniversari Empty Re: anniversari Dim 21 Juin 2009 - 12:58

clafotis

clafotis
Occitan Warrior
Occitan Warrior

Mertyl a écrit:Un tipe que parla pas occitan e que crei en un estat occitan basat sus una lenga comuna tròbi aquò estranh.

E perqué pas ?
I a ben daus blancs que sostengueren los negres dins lurs combats ?

W.Reich es ben eterò e pertant (aprep esser virat de l'entournatge de Freud per çò que per se la causa dau problemes espicologics de la gent venan de la reprecion sexuala *) a qua'iment totjors defendut los gais contra lo normalisme de la societat, auèi lo mot seriá : ortònormalitat.

Bon, un pitit fòra subjet de mai, ieu feriá mielh de legir lo Fontan benleu Dobtós , un libre de referença Interrogacion .

* W.Reich veguet sa mair coma 'n'autre tipe que son pair quante era goiat. Anguet iò dire a son pair, 'queu-quí se balha la mòrt pauc de temps aprep. Lo Reich fuguet traumatisat. D'aqueu temps ven son combat contra la monògamia, la reprecion sexuala.

'Tencion, fuguet jamai lo defensor daus pedofils coma ai pogut lo legir per alhors.



Dernière édition par clafotis le Mar 23 Juin 2009 - 8:02, édité 2 fois

http://rapieta.wordpress.com/

4anniversari Empty Re: anniversari Dim 21 Juin 2009 - 15:38

Mertyl


Occitan Warrior
Occitan Warrior

Es polit, mas èsser blanc o negre o omosexual es quicòm que se causís pas, alara que se pòt aprene l'occitan, vaquí la pichona diferéncia que fa tot.

http://www.occitanews.com

5anniversari Empty Re: anniversari Dim 21 Juin 2009 - 17:15

clafotis

clafotis
Occitan Warrior
Occitan Warrior

+1 per los dires

Daus mesma biais, se de la gent balhan daus utilhs per aidar dins l'entendament dau monde, sei prenor. Bourdieu a gaire aimat los occitans-catalans, mas sos utilhs son daus bons, adonc, los garde.

http://rapieta.wordpress.com/

6anniversari Empty Re: anniversari Dim 21 Juin 2009 - 17:37

admin

admin
Trobador !!
Trobador !!

Mertyl a écrit:Es polit, mas èsser blanc o negre o omosexual es quicòm que se causís pas, alara que se pòt aprene l'occitan, vaquí la pichona diferéncia que fa tot.

Òc-es ... N'i a de ricas que volen ajudar los paures, deishan pas la lor riquessa ... (si si, un o dus)

http://omidelafotografia.wordpress.com/

7anniversari Empty Re: anniversari Lun 22 Juin 2009 - 9:22

Lo ton vesin


Guelha de bonda
Guelha de bonda

Marxelin a écrit:Sèm en 2009 e aquest an farà 30 ans al mes de decembre (lo 19) que Francés Fontan moriguèt. Soi pas del P.N.O e combati la pensada liberala e estreita d'aquel partit mas aimi plan aquel personatge que revelhèt l'occitanism

?
Gilabèrt Suberròcas que foguèt un modèl per pas mal de poètas de las annadas 70 amb sas "Cançons mauvolentas" e que conselhi de legir a totes los joves.

E on se pòt trobar aqueth libe au dia de uei?

8anniversari Empty Re: anniversari Lun 22 Juin 2009 - 21:33

Tiston

Tiston
Occitan Warrior
Occitan Warrior

clafotis a écrit:
Mertyl a écrit:Un tipe que parla pas occitan e que crei en un estat occitan basat sus una lenga comuna tròbi aquò estranh.
Bon, un pitit fòra subjet de mai, ieu feriá mielh de legir lo Fontan benleu Dobtós , un libre de referença Interrogacion .

parlas de Reich perque Fonta l'aimava pas o per asard?
per coneisser un pauc Fontan, podes veire lo film documentari "E i a lo solelh"...
lo coneisse pas ben, sai mas qu'eu fuguet "forabandit" dau mitan occitanista per Lafont e compania, e qu'eu portet sa votz dissidenta en Italia per quela rason (se ditz qu'eu era un pauc paranoiac tanben)... sai tanben qu'eu es força conegut e aimat daus Occitans de la Valadas...

per respondre a sai pus qui, i'a tot plen de chantadors occitans que poden pas tener 'na conversacion dins la lenga (dirai pas nom, mas quasi la majoritat daus gropes occitans actuaus...). Coneisse tanben daus jornalistas occitans que comprenen quitament pas los vielhs de chas ilhs... enfin, tot quo-qui per dire que mau mestrejar la lenga empaischa pas de la voler sostener e defendre! Marx, Lenine e guevara eran daus borges, an balhat lor vita per los paisans e los obriers... e d'engueras d'auei, pas beucop d'obriers nimai de paisans au NPA...

9anniversari Empty Re: anniversari Mar 23 Juin 2009 - 7:37

clafotis

clafotis
Occitan Warrior
Occitan Warrior

Tiston a écrit:
parlas de Reich perque Fonta l'aimava pas o per asard?

Parlava dau Fontan, ai ren legit fòra quauques dires sus la tiala, pas pro per me far un avís.
Dau W. Reich, ai legit "la révolution sexuelle" (veire sus la oui·ouisquipedià), 'n'analisa de l'Alemanha de las annadas 30 dins l'aquala eu perviguet la dictatura d'un sol òme ; eu analiset l'URSS maitot e "la reprecion sexuala" dins las comunautats, previguet la dictarura d'una organisacion d'estat.
Mas lo seu libre qu'estime lo mai es "Ecoute petit homme" ("Escota, l'omenet" per la revirada occitana de far), un libre fondamentau.

Vau me procurar o taschar de veire lo film.

http://rapieta.wordpress.com/

10anniversari Empty Re: anniversari Mar 23 Juin 2009 - 13:17

Qualqu'un mai


Guelha de bonda
Guelha de bonda

Per "E i a o solelh" (es un film documentari dels bons!) e per legir d'unas causas qu'escriguèt lo Francés Fontan, aquí lo ligam:

http://www.p-n-o.org/edicions.htm

Anguèri pas qu'un còp dins las valadas mas vertat es que lo Fontan es pro respectat e pro conegut amont (sos libres son presents dins qualques librariás de las Valadas).

11anniversari Empty Re: anniversari Mar 23 Juin 2009 - 19:44

Cerièra de Mai


Trobador !!
Trobador !!

Mertyl a écrit:Un tipe que parla pas occitan e que crei en un estat occitan basat sus una lenga comuna tròbi aquò estranh.
Preferi aquò a un tipe qu'apren l'occitan « per la cultura » e que se sentis pas mai occitan !

12anniversari Empty Re: anniversari Mar 23 Juin 2009 - 21:16

Zengi

Zengi
Trobador !!
Trobador !!

+1

13anniversari Empty Re: anniversari Lun 29 Juin 2009 - 14:08

maime

maime
Lemosin de prumiera !

Cerièra de Mai a écrit:Preferi aquò a un tipe qu'apren l'occitan « per la cultura » e que se sentis pas mai occitan !
Euh... tu pensas a quauqu'un en particular ???? Content

http://ieumaitot.nireblog.com/

14anniversari Empty Re: anniversari Lun 29 Juin 2009 - 17:00

Sokolovic

Sokolovic
Trobador !!
Trobador !!

maime a écrit:
Cerièra de Mai a écrit:Preferi aquò a un tipe qu'apren l'occitan « per la cultura » e que se sentis pas mai occitan !
Euh... tu pensas a quauqu'un en particular ???? Content

Mi fa pensar a ieu en tot lo cas.

15anniversari Empty Re: anniversari Lun 29 Juin 2009 - 17:07

Einucent

Einucent
Occitan Warrior
Occitan Warrior

Matieu C. a écrit:Mi fa pensar a ieu en tot lo cas.
Interrogacion Dobtós Me manca daus elements per entendre

http://einucent.wordpress.com

16anniversari Empty Re: anniversari Lun 29 Juin 2009 - 17:12

Cerièra de Mai


Trobador !!
Trobador !!

Heu… ieu tanben… Interrogacion

17anniversari Empty Re: anniversari Lun 29 Juin 2009 - 17:50

maime

maime
Lemosin de prumiera !

Per Matieu, sabe pas mas, ieu, ai desja dich mai d'un còp que me sente pas occitan... Mas aprenguei la lenga... Content

http://ieumaitot.nireblog.com/

18anniversari Empty Re: anniversari Lun 29 Juin 2009 - 17:59

Sokolovic

Sokolovic
Trobador !!
Trobador !!

De tot biais, l'a ben pus piétger :

Lei gents qu'aprenon pas l'occitan, que se chautan completament, mai que venon rasclar de sòu en totei lei festenaus per jugar sempre lei memei cançons, causidas dins un corpús d'un detzenau de tèxtes.

La mòrt d'una lenga, d'una cultura es aquò, quora degun es pus capable d'escriure, de far de creacion ORIGINALA, dins una lenga.

Vaquí, aurai totjorn mai de simpatia per quaucun qu'apren la lenga, perqué es un trabalh lòng e pas forçadament "bankable" qu'en de personas que fan pas manco aquesto esfòrç mai que retenon de l'occitan que lo necitge deis associacion que ti sòrtan de sòus tre que fas dos ò tres nòtas d'una cançon subre entenduda (e que son pas manco capable de comprendre, mai qu'enchau, estent que parlam d'una lenga mòrta ?)

Sensa parlar dei gents que meton en plaça de festenaus occitan qu'an pus ges de sens critic ("es en occitan, es bòn !").

19anniversari Empty Re: anniversari Lun 29 Juin 2009 - 18:05

Einucent

Einucent
Occitan Warrior
Occitan Warrior

Interessent totparrièr queu topic. Auriá pas cregut que Fontan nos l'i portaria.

Entende mielh quora parlas de
Matieu C. a écrit:Lei gents qu'aprenon pas l'occitan, que se chautan completament, mai que venon rasclar de sòu en totei lei festenaus per jugar sempre lei memei cançons, causidas dins un corpús d'un detzenau de tèxtes.
Ne'n vese quauques uns solide, an besunh de
lei gents que meton en plaça de festenaus occitan qu'an pus ges de sens critic ("es en occitan, es bòn !").
Qu'es un sisteme-tot e me fai sogalar ieu tamben. Dempuèi las annadas 30, sèm pas surtits dau « Es Occitan, es plan »… e sèm prejats de nos espantar davant tota merda que surtís en se mostrar labelisada occitana. Que siá lo disc de JoanDa ò los chamisons de Macarel. Entende ta geina e me sembla aver d'autres biais de presentar MXL87 que ne'n dire « visatz qu'es en Occitan » (per parlar de quò que mestreje).


aurai totjorn mai de simpatia per quaucun qu'apren la lenga, perqué es un trabalh lòng e pas forçadament "bankable"
En evocar quauqu'un que se dís de queu país sens fòrça forçada ne'n parlar la lenga pensave a tot un fum de vinhairons, rugbymen e taulièrs de bar, que son luènh de la secta daus vailets de subvencions. Pense que fau pas visar queu monde d'un marrit uèlh.

M'agrada quora se disen Occitans en passar tras lo besunh de se mostrar membre dau club, que siá en parlar la lenga ò en far valer daus estats de servicie dins un organisme. Crese que Lutz e Matieu (64) eran de consent coma me.
Sens quelas gents, inversarèm pas la tendença. Ai enveja d'una Occitània viscuda tots los jorns per 13 000 000 personas, pas de 'na elita intellectualò-notaminable confidenciala. (ente se trapan lo quilhs que te balhan lo raca-còar)

Maime, siès sol de chausir coma te revendicar, per me a comptar dau moment que te fas ta vita 'quí, vese pas deguna rason de te coneissèr pas coma Lemosin/Occitan coma me.

http://einucent.wordpress.com

20anniversari Empty Re: anniversari Lun 29 Juin 2009 - 21:23

Barbet

Barbet
Occitan Warrior
Occitan Warrior

Einucent a écrit:sèm prejats de nos espantar davant tota merda que surtís en se mostrar labelisada occitana. Que siá lo disc de JoanDa ò los chamisons de Macarel.

Siáu un pauc espantat de veire coma la gent escupètz aisat sus Macarel, en faguent de comparasons onte deu ges n'i aver.
Macarel es una entrepresa que vende de simbòls e aquò pas car, la mager part de la produccion vira sus de declinasons a l'entorn de la crotz occitana, li a pas especialament de volontat artistica darnier, es un tipe de mercats (cu dau monde qu'assajan de far de camisòts "occitans" si paga de desenaus de mercats per mes per tocar la populacion per carriera?)
Lo nombre de drapèus que vende deu tanben far chifrar, fa un trabalh de terren qu'encuei DEGUN dins lo vestit e leis accessòris occitans fa pas. L'occitan lambda anarà vers Macarel e si compren.

Einucent a écrit:En evocar quauqu'un que se dís de queu país sens fòrça forçada ne'n parlar la lenga pensave a tot un fum de vinhairons, rugbymen e taulièrs de bar, que son luènh de la secta daus vailets de subvencions. Pense que fau pas visar queu monde d'un marrit uèlh.
[...]Sens quelas gents, inversarèm pas la tendença. Ai enveja d'una Occitània viscuda tots los jorns per 13 000 000 personas, pas de 'na elita intellectualò-notaminable confidenciala. (ente se trapan lo quilhs que te balhan lo raca-còar)

Es justament la gent que tòca Macarel qu'emb aquò s'en chautan de la dimension artistica. Son cauva es lo monde simple, normau dau país que vòu sa frasòta colhuda ò risoliera sus sa camisa, ò son pichin drapèu. Leis occitans existan e l'occitanisme cerca de lònga de leis inventar.
Aquelei vinhairons que dises, gents de cafè ò que ti sabi crompan de Macarel per aquela simplicitat que lei tòca, luenh de l'eleita occitanista qu'a bèla s'o far creire...sòrte pas de son carcan.

21anniversari Empty Re: anniversari Lun 29 Juin 2009 - 22:09

Zengi

Zengi
Trobador !!
Trobador !!

li a pas especialament de volontat artistica darnier, es un tipe de mercats
Sus aquò, qu'em d'acòrd, Lo dia quan serà de mòda la svastika dab la crotz occitana, podem comptar sus eth per en estampar sus camiseta.
Aqueth tipe pòt véner n'impòrta qué, tant que se ven. Qu'a un discors afrós e racista, e m'estanqui aquí per'mor n'ei pas lo subjècte !

22anniversari Empty Re: anniversari Mar 30 Juin 2009 - 18:11

Einucent

Einucent
Occitan Warrior
Occitan Warrior

M'ere dich en m'inscriure sus queu forum que 'nave eschivar escupir sus los autres que son directament comparbles amb MXL87. Me suèi mancat e qu'es surtit.
OK me sembla pas pro inventiu quò que surtís lo Danís Cantornet, e trape que manca de gost daus uns còps. Mas vòle bien coneissèr que òu manha mai de gents que pas me, e de las gents venguts dau mitan popular coma l'i fau referença, 1 punt per tu Beu-jarron.

Totun mantene qu'òu juga sus lo « chaptatz-lo, qu'es occitan » eme sembla un pauc aisat. Viguèi recentament l'imatge d'un vielh model ente i a via las paraulas dau « Se canta » estampada, e ente s'a pas tornat legir, i a 'na rima foirosa. Pense a son model ente que s'i veu las vilas, ente son de mens bon legir que sus lo meu (surtiguèren tots dos a la davalada 2007).
Pense a sa mapa dins lo jornalèt « Occitània qu'es aquò ? » qu'es facha a la lesta.

Luènh de me l'eideia d'entretenèr un esnobisme que vòudria que tot qu'es Occitan deu èsser « pas parièr » tot lo temps, mas l'estrema inversa que vaudria a se contentar dau beaufesque m'agrada pas.

http://einucent.wordpress.com

23anniversari Empty Re: anniversari Mar 30 Juin 2009 - 18:27

Barbet

Barbet
Occitan Warrior
Occitan Warrior

Matieu a écrit:Lo dia quan serà de mòda la svastika dab la crotz occitana, podem comptar sus eth per en estampar sus camiseta.

Si far pegar una etiqueta ansin sus l'esquina es pesotge, seriá ben d'èstre un pauc mesurat bessai dins l'extrapolacion... es un dau POC, ren dau fn, èstre au POC encuei li adutz pas ren franc qu'es sa chausida.
Remembra ti qu'èra soncament li a gaire una asso e que vende de produchs ligats a l'identitat occitana, es pas sa marca que vende. Se vòs ganhar moneda encuei es pas dins la crotz occitana que faràs fortuna. Pagar un camisòt 45€ que li es soncament marcat "ADZ" aquò si qu'es de business clar.

Aqueu que ponde una colleccion de camisòts es per lei vendre, ren aurre, e serà malonèst ò maubiaissut aqueu que dirà lo contrari.
Lo condemnar bòrd qu'es lo solet que vende larg e d'un biais popular mi sembla pecat. Après que sei merças ò l'òme agradan ò pas... es una autra istòria.

24anniversari Empty Re: anniversari Mar 30 Juin 2009 - 19:25

Zengi

Zengi
Trobador !!
Trobador !!

Segur que lo qui hè quessèots, qu'ei per los véner, mes que i a faiçons de har. Pensi pas que s'ei comportat com cau dab l'AOF, en presentar la camiseta "oficiau" d'Occitania au monde (que m'a avut, que l'èi crompada ..).
E quan sorteish camiseta "Pòble armat, pòble respectat", qu'èi enveja d'arríder ..

Per çò qui ei de l'òmi, l'èi entenut mantuns còps aver perpaus clarament sexistas, omofòbes (trobava per exemple un pegassolèt d'AAP "degueulasse" per'mor sabevam pas s'èra dus òmis o un òmi e ua hemna qui's potonejavan.

Remarcas racistas tanben, notadament sus l imigracion en Occitania.

Voi pas har lo son procés, mes tròbi aqueth tipe cascant.

25anniversari Empty Re: anniversari Mar 30 Juin 2009 - 19:56

Cerièra de Mai


Trobador !!
Trobador !!

(desolada, respondi lèu a Maime...)

maime a écrit:Per Matieu, sabe pas mas, ieu, ai desja dich mai d'un còp que me sente pas occitan... Mas aprenguei la lenga... Content
E t'ai ja dit endacòm mai que se tot lo monde que "se sentís pas occitan" podrián se sentir pas occitan coma tu...

(vaquí, ai acabat, podètz contunahr...) Ironic

26anniversari Empty Re: anniversari Mar 30 Juin 2009 - 21:04

Einucent

Einucent
Occitan Warrior
Occitan Warrior

Pertissiam dau fach de se coneissèr pas occitan mas de parlar. Crese que fau pas tot boirar dins las gents que se disen occitans sens parlar. I a quilhs que son en defòra de to circuit associatiu e quilhs que son en plen dediens.

Per quilhs que son en defòra, mas que fan labelisar loc comerci, trape qu'es 'na fòrça bona chausa d'espandir la conscientisacion en delà daus sol miitants.
Per quilhs qu'entrenen lor dotacion annadiera de subvencion, suèi de consent coma MatieuC, qu'es 'na pantalonada.
D'autres son a comptar pietadosament sus lo « es occitan, es plan ». Ieu tamben me sembla que i a un climat d'interdiccion morala de dire dau mau de quauquar que seria en Òc. Faguèrem jà pro lo proçès de Macarel, vòle pas contunhar. Me contentarai de dire que fai dau bien de trapar quauqua-ren mai…
Consente tamben quora t'evocas las gents qu'estiman qu'an pus ren de probar aprèp d'aver permes daus progrès : auviguèi pas jamai lo Claude Sicre s'exprimir en occitan, nonmas teorisar dessur. Lo quite Daniel Loddo es borderline en mena de practicar, tòrna mai suvent au francès que beucòp de nuveu-parlaires.

Per contre ai mai de mau de conçebre de parlar sens se sentir part de quò que se dís Occitània.

Avèm dau chamin davant d'èsser un pòple normau.

http://einucent.wordpress.com

27anniversari Empty Re: anniversari Mar 30 Juin 2009 - 23:30

maime

maime
Lemosin de prumiera !

Einucent a écrit:Per contre ai mai de mau de conçebre de parlar sens se sentir part de quò que se dís Occitània.
Te pòde explicar mon cas ! Sei occitan, perque parle la lenga, visquei 4 ans en Occitània emai me manca... Bon, mas sei pas occitan per mas originas, me sente totjorn estrangier en terra occitana, ai tot de descubrir : lenga, biais de viure, etc. Mas raiç son alhors. Au Pais basc e a Murcia.
De segur, en Espanha coma au Pais basc, sei estrangier maitot, nasquei mai grandiguei en banlega parisenca. Mas qu'es pas parier : ai la cultura familhala coma me.

'Laidonc, sei occitan e pas occitan. Veiqui. Coma ma granda qu'a los papiers frances e que te ditz : jamai serai francesa. De tot biais, lo pòple occitan viura mai dins nòstras accions que dins nòstras revendicacions identitarias.

http://ieumaitot.nireblog.com/

28anniversari Empty Re: anniversari Mar 30 Juin 2009 - 23:35

maime

maime
Lemosin de prumiera !

Matieu a écrit:trobava per exemple un pegassolèt d'AAP "degueulasse" per'mor sabevam pas s'èra dus òmis o un òmi e ua hemna qui's potonejavan.
Queu jaspisson es geniau !!! Perque coma es plan ambigu, quò monstra finalament tots los biais d'aimar (e d'empleiar la lenga) : dos òmes, doas femnas o un òme e 'na femna.

http://ieumaitot.nireblog.com/

29anniversari Empty Re: anniversari Mer 1 Juil 2009 - 0:41

Einucent

Einucent
Occitan Warrior
Occitan Warrior

maime a écrit:Queu jaspisson es geniau !!! Perque coma es plan ambigu, quò monstra finalament tots los biais d'aimar (e d'empleiar la lenga) : dos òmes, doas femnas o un òme e 'na femna.
+1 l'ambigüitat es super-plan calculada, un sol visual per convenir a totas las situacions. Amai afortís l'antisexisme dins un eslogan sus la lenga.

http://einucent.wordpress.com

30anniversari Empty Re: anniversari Mer 1 Juil 2009 - 8:17

Tiston

Tiston
Occitan Warrior
Occitan Warrior

de tot biais, Macarel coma MXL87, qu'es mort...
Ara lo CRIL ten la plaça... Escacalassant Escacalassant
Venden daus chamisons e d'autr'articles despuei quauques mes dins lo Lemosin, e ne'n vese de mai en mai per charieras a Limotges...
Bentost un site web vertadier que presentara lor coleccion...
anniversari 2487977473_1anniversari 2439914397_2anniversari 2517965873_1anniversari 610726635_1anniversari 610733770_1anniversari 2259093145_1

Contenu sponsorisé



Revenir en haut  Message [Page 1 sur 4]

Aller à la page : 1, 2, 3, 4  Suivant

Permission de ce forum:
Vous ne pouvez pas répondre aux sujets dans ce forum